GST ਕਟੌਤੀ ਨਾਲ ਸਸਤੀਆਂ ਹੋਈਆਂ ਕੈਂਸਰ ਸਮੇਤ 33 ਦਵਾਈਆਂ, ਜਾਣੋ ਮਹੀਨੇ ਦਾ ਖਰਚਾ ਕਿੰਨਾ ਘਟੇਗਾ?
GST ਕੌਂਸਲ ਨੇ 33 ਦਵਾਈਆਂ 'ਤੇ GST 12% ਤੋਂ ਘਟਾ ਕੇ ਜ਼ੀਰੋ ਕਰ ਦਿੱਤਾ ਹੈ। ਇਹ ਦਵਾਈਆਂ ਮੁੱਖ ਤੌਰ ‘ਤੇ ਕੈਂਸਰ, ਵਿਰਲੇ ਜੈਨੇਟਿਕ ਰੋਗ, ਆਟੋਇਮਿਊਨ ਬੀਮਾਰੀਆਂ ਅਤੇ ਹੋਰ ਗੰਭੀਰ ਬੀਮਾਰੀਆਂ ਦੇ ਇਲਾਜ ਵਿੱਚ ਵਰਤੀ ਜਾਂਦੀਆਂ ਹਨ।
GST ਕੌਂਸਲ ਦੀ 56ਵੀਂ ਮੀਟਿੰਗ ਤੋਂ ਬਾਅਦ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਨੇ ਬੁੱਧਵਾਰ ਯਾਨੀਕਿ 3 ਸਤੰਬਰ ਨੂੰ ਪ੍ਰੈਸ ਕਾਨਫਰੰਸ ਕੀਤੀ। ਇਸ ਵਿੱਚ ਉਨ੍ਹਾਂ ਨੇ ਮਰੀਜ਼ਾਂ ਨੂੰ ਵੱਡੀ ਰਾਹਤ ਦਿੰਦਿਆਂ 33 ਜੀਵਨਰੱਖਿਅਕ ਦਵਾਈਆਂ 'ਤੇ GST 12% ਤੋਂ ਘਟਾ ਕੇ ਜ਼ੀਰੋ ਕਰਨ ਦਾ ਐਲਾਨ ਕੀਤਾ। ਇਨ੍ਹਾਂ ਦਵਾਈਆਂ ਵਿੱਚ ਕੈਂਸਰ ਸਮੇਤ ਕਈ ਗੰਭੀਰ ਬਿਮਾਰੀਆਂ ਦੀਆਂ ਦਵਾਈਆਂ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਤਿੰਨ ਹੋਰ ਜੀਵਨਰੱਖਿਅਕ ਦਵਾਈਆਂ 'ਤੇ GST 5% ਤੋਂ ਘਟਾ ਕੇ ਜ਼ੀਰੋ ਕੀਤਾ ਗਿਆ ਹੈ। ਨਾਲ ਹੀ, ਹੋਰ ਦਵਾਈਆਂ 'ਤੇ GST 12% ਤੋਂ ਘਟਾ ਕੇ 5% ਕਰ ਦਿੱਤਾ ਗਿਆ ਹੈ। ਆਓ ਜਾਣਦੇ ਹਾਂ ਕਿ ਇਸ ਨਾਲ ਤੁਹਾਨੂੰ ਕਿੰਨੀ ਬਚਤ ਹੋਵੇਗੀ?
ਇਨ੍ਹਾਂ ਦਵਾਈਆਂ 'ਤੇ ਮਿਲੀ ਰਾਹਤ
GST ਕੌਂਸਲ ਨੇ 33 ਦਵਾਈਆਂ 'ਤੇ GST 12% ਤੋਂ ਘਟਾ ਕੇ ਜ਼ੀਰੋ ਕਰ ਦਿੱਤਾ ਹੈ। ਇਹ ਦਵਾਈਆਂ ਮੁੱਖ ਤੌਰ ‘ਤੇ ਕੈਂਸਰ, ਵਿਰਲੇ ਜੈਨੇਟਿਕ ਰੋਗ, ਆਟੋਇਮਿਊਨ ਬੀਮਾਰੀਆਂ ਅਤੇ ਹੋਰ ਗੰਭੀਰ ਬੀਮਾਰੀਆਂ ਦੇ ਇਲਾਜ ਵਿੱਚ ਵਰਤੀ ਜਾਂਦੀਆਂ ਹਨ। ਇਨ੍ਹਾਂ ਵਿੱਚ ਸ਼ਾਮਲ ਹਨ:
Agalsidase Beta, Imiglucerase, Eptacog alfa activated recombinant coagulation factor VIIa, Onasemnogene abeparvovec, Asciminib, Mepolizumab, Pegylated Liposomal Irinotecan, Daratumumab, Daratumumab subcutaneous, Teclistamab, Amivantamab, Alectinib, Risdiplam, Obinutuzumab, Polatuzumab vedotin, Entrectinib, Atezolizumab, Spesolimab, Velaglucerase Alpha, Agalsidase Alfa, Rurioctocog Alpha Pegol, Idursulphatase, Alglucosidase Alfa, Laronidase, Olipudase Alfa, Tepotinib, Avelumab, Emicizumab, Belumosudil, Miglustat, Velmanase Alfa, Alirocumab, Evolocumab, Cystamine Bitartrate, CI-Inhibitor injection ਅਤੇ Inclisiran ਆਦਿ ਦਵਾਈਆਂ।
ਕੈਂਸਰ ਦੀਆਂ ਇਹ ਦਵਾਈਆਂ ਹੋਈਆਂ ਸਸਤੀਆਂ
ਦੂਜੇ ਪਾਸੇ, Daratumumab (ਮਲਟੀਪਲ ਮਾਈਲੋਮਾ ਲਈ), Alectinib (ਫੇਫੜਿਆਂ ਦਾ ਕੈਂਸਰ), Obinutuzumab (ਖੂਨ ਦਾ ਕੈਂਸਰ), Polatuzumab vedotin (ਲਿੰਫੋਮਾ), Entrectinib (ਸੋਲਿਡ ਟਿਊਮਰ), Atezolizumab (ਫੇਫੜੇ ਅਤੇ ਬਲੈਡਰ ਕੈਂਸਰ), Tepotinib (ਫੇਫੜਿਆਂ ਦਾ ਕੈਂਸਰ) ਅਤੇ Avelumab (ਚਮੜੀ ਦਾ ਕੈਂਸਰ) 'ਤੇ ਵੀ GST ਘਟਾਇਆ ਗਿਆ ਹੈ।
ਇਸਦੇ ਨਾਲ ਹੀ ਵਿਰਲੇ ਰੋਗਾਂ ਦੀਆਂ ਦਵਾਈਆਂ ਜਿਵੇਂ Gaucher Disease ਲਈ (Velaglucerase Alpha), Pompe Disease ਲਈ (Alglucosidase Alfa) ਅਤੇ Hemophilia ਲਈ (Emicizumab) 'ਤੇ ਵੀ GST ਜ਼ੀਰੋ ਕਰ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਤਿੰਨ ਦਵਾਈਆਂ Agalsidase Beta, Imiglucerase ਅਤੇ Eptacog alfa 'ਤੇ GST 5% ਤੋਂ ਘਟਾ ਕੇ ਜ਼ੀਰੋ ਕੀਤਾ ਗਿਆ ਹੈ।
ਵਿੱਤ ਮੰਤਰੀ ਨੇ ਦੱਸਿਆ ਕਿ ਇਹ ਦਵਾਈਆਂ ਆਯਾਤ ਕੀਤੀਆਂ ਜਾਂਦੀਆਂ ਹਨ ਅਤੇ ਬਹੁਤ ਮਹਿੰਗੀਆਂ ਹਨ। GST ਘਟਣ ਨਾਲ ਇਹਨਾਂ ਤੱਕ ਮਰੀਜ਼ਾਂ ਦੀ ਪਹੁੰਚ ਆਸਾਨ ਹੋਵੇਗੀ। ਦੱਸਣਯੋਗ ਹੈ ਕਿ ਭਾਰਤ ਵਿੱਚ ਹਰ ਸਾਲ ਕਰੀਬ 14 ਲੱਖ ਨਵੇਂ ਕੈਂਸਰ ਕੇਸ ਆਉਂਦੇ ਹਨ। ਇਹ ਦਵਾਈਆਂ ਸਸਤੀਆਂ ਹੋਣ ਨਾਲ ਮਰੀਜ਼ਾਂ ਨੂੰ ਵੱਡੀ ਰਾਹਤ ਮਿਲੇਗੀ।
ਕਿਹੜੀ ਦਵਾਈ ਕਿੰਨੀ ਸਸਤੀਆਂ ਹੋਵੇਗੀ?
GST ਦੀ ਕਟੌਤੀ ਦਾ ਪ੍ਰਭਾਵ ਸਿੱਧਾ ਮਰੀਜ਼ਾਂ ਦੇ ਭਾਰੀ ਮੰਥਲੀ ਬਿੱਲ 'ਤੇ ਪਵੇਗਾ। ਅਸੀਂ ਕੁਝ ਮੁੱਖ ਕੈਂਸਰ ਦਵਾਈਆਂ ਦੇ ਬਾਜ਼ਾਰ ਮੁੱਲ (ਬਿਨਾਂ GST ਦੇ ਅਨੁਮਾਨਿਤ ਬੇਸ ਪ੍ਰਾਈਸ) ਦੇ ਆਧਾਰ 'ਤੇ ਗਣਨਾ ਕਰਕੇ ਦੱਸਦੇ ਹਾਂ ਕਿ ਹੁਣ ਤੁਹਾਨੂੰ ਕਿੰਨੀ ਬਚਤ ਹੋਵੇਗੀ।
Daratumumab (ਮਲਟੀਪਲ ਮਾਈਲੋਮਾ ਕੈਂਸਰ ਲਈ): ਇਹ ਦਵਾਈ ਇੰਜੈਕਸ਼ਨ ਦੇ ਰੂਪ ਵਿੱਚ ਮਿਲਦੀ ਹੈ। ਇਸ ਦੀ ਮਾਹਵਾਰੀ ਖੁਰਾਕ (ਲਗਭਗ 4 ਵਾਇਲ) ਦਾ ਬੇਸ ਪ੍ਰਾਈਸ 2 ਲੱਖ ਰੁਪਏ ਹੈ। ਪਹਿਲਾਂ 12% GST ਦੇ ਹਿਸਾਬ ਨਾਲ ਇਸ 'ਤੇ 24 ਹਜ਼ਾਰ ਦਾ ਟੈਕਸ ਲੱਗਦਾ ਸੀ, ਜਿਸ ਨਾਲ ਇਹ ਦਵਾਈ 2.24 ਲੱਖ ਰੁਪਏ ਦੀ ਹੋ ਜਾਂਦੀ ਸੀ।
Alectinib (ਫੇਫੜਿਆਂ ਦੇ ਕੈਂਸਰ ਲਈ): ਇਹ ਦਵਾਈ ਕੈਪਸੂਲ ਦੇ ਰੂਪ ਵਿੱਚ ਮਿਲਦੀ ਹੈ। ਇਸ ਦਾ ਮਾਹਵਾਰੀ ਪੈਕ 60 ਕੈਪਸੂਲ ਦਾ ਹੁੰਦਾ ਹੈ, ਜਿਸਦਾ ਬੇਸ ਪ੍ਰਾਈਸ 1.50 ਲੱਖ ਰੁਪਏ ਹੈ। 12% GST ਦੇ ਨਾਲ ਇਹ 1.68 ਲੱਖ ਰੁਪਏ ਦਾ ਹੋ ਜਾਂਦਾ ਸੀ। ਹੁਣ ਇਸ 'ਤੇ ਬਚਤ ਹੋਵੇਗੀ।
Osimertinib (ਫੇਫੜਿਆਂ ਦੇ ਕੈਂਸਰ ਲਈ): 80mg ਦੀ ਇਹ ਟੈਬਲੇਟ, ਮਾਹਵਾਰੀ ਪੈਕ (30 ਟੈਬਲੇਟ) ਲਈ ਪਹਿਲਾਂ 12% GST ਦੇ ਨਾਲ ਲਗਭਗ 1.51 ਲੱਖ ਰੁਪਏ ਖਰਚ ਹੁੰਦੇ ਸਨ। ਹੁਣ ਹਰ ਮਹੀਨੇ ਤੱਕਰੀਬਨ 16,200 ਰੁਪਏ ਦੀ ਬਚਤ ਹੋਵੇਗੀ। ਇਹ EGFR ਮਿਊਟੇਸ਼ਨ ਵਾਲੇ ਮਰੀਜ਼ਾਂ ਲਈ ਫਰਸਟ-ਲਾਈਨ ਟ੍ਰੀਟਮੈਂਟ ਹੈ।
ਕਿੰਨੀ ਹੋਵੇਗੀ ਬਚਤ?
ਜੇ ਕੋਈ ਕੈਂਸਰ ਮਰੀਜ਼ ਇਨ੍ਹਾਂ ਵਿੱਚੋਂ ਇੱਕ ਜਾਂ ਵਧ ਤੋਂ ਵਧ ਦਵਾਈਆਂ 'ਤੇ ਨਿਰਭਰ ਹੈ, ਤਾਂ ਉਨ੍ਹਾਂ ਦੇ ਮਾਹਵਾਰੀ ਬਿੱਲ ਵਿੱਚ 15 ਹਜ਼ਾਰ ਤੋਂ 50 ਹਜ਼ਾਰ ਰੁਪਏ ਤੱਕ ਦੀ ਬਚਤ ਹੋਣ ਦੀ ਉਮੀਦ ਹੈ। ਔਸਤ ਤੌਰ 'ਤੇ, ਇਹ 33 ਦਵਾਈਆਂ ਹਰ ਮਹੀਨੇ 10 ਤੋਂ 20% ਤੱਕ ਬਚਤ ਦੇਣ ਦੀ ਸੰਭਾਵਨਾ ਹੈ, ਕਿਉਂਕਿ ਕੁਝ ਦਵਾਈਆਂ ਪਹਿਲਾਂ ਹੀ ਸਬਸਿਡੀ ਵਾਲੀਆਂ ਹਨ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
