Traffic Rules- ਨਾ ਕਰੋ ਲਾਪਰਵਾਹੀ, ਸੜਕ ਵਿਚਾਲੇ ਦਿੱਸੇ 'ਪੀਲੀ ਲਾਈਨ' ਤਾਂ ਹੋ ਜਾਓ ਸਾਵਧਾਨ!
ਤੁਸੀਂ ਅਕਸਰ ਹੀ ਸੜਕ ਦੇ ਵਿਚਕਾਰ ਪੀਲੀ ਲਾਇਨ ਬਣੀ ਦੇਖੀ ਹੋਵੇਗੀ। ਇਹ ਲਾਇਨ ਸੜਕ ਦਾ ਇਕ ਮਹੱਤਵਪੂਰਨ ਸੁਰੱਖਿਆ ਨਿਯਮ ਹੈ। ਪੀਲੀ ਲਾਈਨ ਦਾ ਮਕਸਦ ਵਾਹਨਾਂ ਨੂੰ ਸਹੀ ਰਸਤੇ ਉਤੇ ਰੱਖਣਾ ਅਤੇ ਹਾਦਸਿਆਂ ਤੋਂ ਬਚਾਉਣਾ ਹੈ।
Traffic Rules- ਤੁਸੀਂ ਅਕਸਰ ਹੀ ਸੜਕ ਦੇ ਵਿਚਕਾਰ ਪੀਲੀ ਲਾਇਨ ਬਣੀ ਦੇਖੀ ਹੋਵੇਗੀ। ਇਹ ਲਾਇਨ ਸੜਕ ਦਾ ਇਕ ਮਹੱਤਵਪੂਰਨ ਸੁਰੱਖਿਆ ਨਿਯਮ ਹੈ। ਪੀਲੀ ਲਾਈਨ ਦਾ ਮਕਸਦ ਵਾਹਨਾਂ ਨੂੰ ਸਹੀ ਰਸਤੇ ਉਤੇ ਰੱਖਣਾ ਅਤੇ ਹਾਦਸਿਆਂ ਤੋਂ ਬਚਾਉਣਾ ਹੈ। ਲੋਕ ਅਕਸਰ ਇਸ ਨੂੰ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ। ਪਰ ਤੁਹਾਨੂੰ ਸੜਕ ਉੱਤੇ ਡਰਾਇਵ ਕਰਦੇ ਸਮੇਂ ਇਸ ਲਾਇਨ ਦਾ ਬਹੁਤ ਧਿਆਨ ਰੱਖਣਾ ਚਾਹੀਦਾ ਹੈ। ਟਰਾਂਸਪੋਰਟ ਕਾਨੂੰਨ ਅਨੁਸਾਰ ਸੜਕ ਦੇ ਵਿਚਕਾਰ ਇੱਕ ਜਾਂ ਦੋ ਪੀਲੀਆਂ ਲਾਈਨਾਂ ਬਣਾਈਆਂ ਜਾਂਦੀਆਂ ਹਨ।
ਜੇਕਰ ਤੁਸੀਂ ਗੱਡੀ ਚਲਾਉਂਦੇ ਸਮੇਂ ਸੜਕ ਦੇ ਵਿਚਕਾਰ ਪੀਲੀ ਲਾਈਨ ਖਿੱਚੀ ਹੋਈ ਦੇਖਦੇ ਹੋ, ਤਾਂ ਸਾਵਧਾਨ ਹੋ ਜਾਓ। ਇਹ ਲਾਈਨ ਆਮ ਤੌਰ 'ਤੇ ਉਨ੍ਹਾਂ ਸੜਕਾਂ 'ਤੇ ਪਾਈ ਜਾਂਦੀ ਹੈ ਜਿੱਥੇ ਆਵਾਜਾਈ ਉਲਟ ਦਿਸ਼ਾ ਤੋਂ ਆਉਂਦੀ ਹੈ। ਇਸ ਦਾ ਮਕਸਦ ਦੋਵਾਂ ਦਿਸ਼ਾਵਾਂ ਦੀ ਆਵਾਜਾਈ ਨੂੰ ਇਕ ਦੂਜੇ ਤੋਂ ਵੱਖ ਰੱਖਣਾ ਹੈ।
ਪੀਲੀ ਲਾਇਨ ਦਾ ਚਿੰਨ੍ਹ
ਜੇਕਰ ਸੜਕ 'ਤੇ ਸਿਰਫ਼ ਇੱਕ ਹੀ ਪੀਲੀ ਲਾਈਨ ਦਿਖਾਈ ਦਿੰਦੀ ਹੈ, ਤਾਂ ਇਸਦਾ ਮਤਲਬ ਹੈ ਕਿ ਤੁਸੀਂ ਆਪਣੀ ਲੇਨ ਵਿੱਚ ਰਹਿੰਦੇ ਹੋਏ ਸਾਹਮਣੇ ਵਾਲੇ ਵਾਹਨ ਨੂੰ ਓਵਰਟੇਕ ਕਰ ਸਕਦੇ ਹੋ। ਯਾਦ ਰੱਖੋ ਕਿ ਤੁਸੀਂ ਪੀਲੀ ਲਾਈਨ ਦੇ ਦੂਜੇ ਪਾਸੇ ਜਾ ਕੇ ਓਵਰਟੇਕ ਨਹੀਂ ਕਰ ਸਕਦੇ। ਇਹ ਲਾਈਨ ਆਮ ਤੌਰ 'ਤੇ ਇਹ ਵੀ ਦਰਸਾਉਂਦੀ ਹੈ ਕਿ ਇੱਥੇ ਓਵਰਟੇਕਿੰਗ ਦੀ ਇਜਾਜ਼ਤ ਹੈ, ਪਰ ਸਾਵਧਾਨੀ ਨਾਲ। ਤੁਹਾਨੂੰ ਉਦੋਂ ਹੀ ਓਵਰਟੇਕ ਕਰਨਾ ਚਾਹੀਦਾ ਹੈ ਜਦੋਂ ਅੱਗੇ ਦੀ ਸੜਕ ਸਾਫ਼ ਅਤੇ ਸੁਰੱਖਿਅਤ ਹੋਵੇ।
ਦੋ ਪੀਲੀਆਂ ਲਾਇਨਾਂ ਦਾ ਚਿੰਨ੍ਹ
ਜਦੋਂ ਸੜਕ ਉੱਤੇ ਦੋ ਪੀਲੀਆਂ ਲਾਇਨਾਂ ਬਣੀਆਂ ਹੋਣ ਤਾਂ ਉਥੇ ਦੋਵੇਂ ਦਿਸ਼ਾਵਾਂ ਵਿਚ ਆਵਾਜਾਈ ਚੱਲਦੀ ਹੈ। ਦੋ ਪੀਲੀਆ ਲਾਇਨਾਂ ਦੀ ਸਥਿਤੀ ਵਿਚ ਓਵਰਟੇਕਿੰਗ ਦੀ ਇਜਾਜ਼ਤ ਨਹੀਂ ਹੁੰਦੀ। ਸੜਕ ਉੱਤੇ ਬਣੀ ਦੂਹਰੀ ਪੀਲੀ ਲਾਇਨ ਇਕ ਗੰਭੀਰ ਸੁਰੱਖਿਆ ਚੇਤਾਵਨੀ ਹੈ ਕਿਉਂਕਿ ਇਸਨੂੰ ਸੜਕ ਦੀ ਸਥਿਤੀ, ਦਿੱਖ ਜਾਂ ਆਵਾਜਾਈ ਦੇ ਕਾਰਨ ਖਤਰਨਾਕ ਮੰਨਿਆ ਜਾਂਦਾ ਹੈ। ਇੱਥੇ ਓਵਰਟੇਕ ਕਰਨਾ ਗੈਰ-ਕਾਨੂੰਨੀ ਹੈ ਅਤੇ ਅਜਿਹਾ ਕਰਨ ਨਾਲ ਜੁਰਮਾਨਾ ਜਾਂ ਦੁਰਘਟਨਾ ਦਾ ਖਤਰਾ ਹੋ ਸਕਦਾ ਹੈ।
ਨਿਯਮ ਦੀ ਉਲੰਘਣਾ ਕਰਨ ਦਾ ਨੁਕਸਾਨ
ਪੀਲੀ ਲਾਈਨ ਨੂੰ ਪਾਰ ਕਰਨ ਵਿੱਚ ਲਾਪਰਵਾਹੀ ਨਾਲ ਭਾਰੀ ਨੁਕਸਾਨ ਹੋ ਸਕਦਾ ਹੈ। ਜੇਕਰ ਤੁਸੀਂ ਬਿਨਾਂ ਧਿਆਨ ਦਿੱਤੇ ਇਸ ਲਾਈਨ ਨੂੰ ਪਾਰ ਕਰਦੇ ਹੋ, ਤਾਂ ਤੁਹਾਡੀ ਗੱਡੀ ਸਾਹਮਣੇ ਤੋਂ ਆ ਰਹੇ ਵਾਹਨਾਂ ਨਾਲ ਸਿੱਧੀ ਟੱਕਰ ਹੋ ਸਕਦੀ ਹੈ। ਖਾਸ ਕਰਕੇ ਰਾਤ ਨੂੰ ਇਸ ਲਾਈਨ ਦੀ ਪਾਲਣਾ ਕਰਨਾ ਹੋਰ ਵੀ ਮਹੱਤਵਪੂਰਨ ਹੋ ਜਾਂਦਾ ਹੈ।
ਜ਼ਿਕਰਯੋਗ ਹੈ ਕਿ ਪੀਲੀ ਲਾਈਨ ਮੁੱਖ ਤੌਰ 'ਤੇ ਹਾਈਵੇਅ ਅਤੇ ਮੁੱਖ ਸੜਕਾਂ 'ਤੇ ਬਣਾਈ ਜਾਂਦੀ ਹੈ। ਪੀਲੀ ਲਾਇਨ ਦਾ ਸਾਇਨ ਉੱਥੇ ਲਾਜ਼ਮੀ ਬਣਾਇਆ ਜਾਂਦਾ ਹੈ, ਜਿੱਥੇ ਉਲਟ ਦਿਸ਼ਾ ਵਿਚ ਤੇਜ਼ ਰਫਤਾਰ ਨਾਲ ਜਾਣ ਵਾਲੇ ਵਾਹਨਾਂ ਦੀ ਜ਼ਿਆਦਾ ਆਵਾਜਾਈ ਹੁੰਦੀ ਹੈ। ਸੜਕ ਦੇ ਬਣੇ ਪੀਲੀ ਲਾਇਨ ਦੇ ਚਿਨ੍ਹ ਦਾ ਧਿਆਨ ਰੱਖਣ ਦੇ ਨਾਲ ਸੜਕ ਹਾਦਸਿਆਂ ਦੀ ਸੰਭਵਾਨਾ ਘਟ ਜਾਂਦੀ ਹੈ।
ਜੇਕਰ ਤੁਸੀਂ ਇਸ ਲਾਇਨ ਦਾ ਧਿਆਨ ਰੱਖਦੇ ਹੋ, ਤਾਂ ਤੁਸੀਂ ਦੂਜੀ ਲਾਇਨ ਵਿਚ ਨਹੀਂ ਜਾਂਦੇ ਅਤੇ ਸਾਹਮਣੇ ਤੋਂ ਆ ਰਹੀ ਆਵਾਜਾਈ ਦੇ ਨਾਲ ਟਕਰਾਉਣ ਦਾ ਖਤਰਾ ਵੀ ਘੱਟ ਹੋ ਜਾਂਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
