ਸ਼ਿਮਲਾ ਜਾਣ ਵਾਲੇ ਸਾਵਧਾਨ! ਨੈਸ਼ਨਲ ਹਾਈਵੇ-5 ਪਿਛਲੇ 14 ਘੰਟੇ ਤੋਂ ਬੰਦ, ਮੱਚੀ ਹਫੜਾ-ਦਫੜੀ, ਹਾਈਵੇਅ ‘ਤੇ ਲੰਬੀਆਂ ਕਤਾਰਾਂ

ਲੈਂਡ ਸਲਾਈਡਿੰਗ ਤੋਂ ਬਾਅਦ ਸੋਲਨ ਦੇ ਕਿਆਰੀ ਮੋੜ ਹਾਈਵੇ ‘ਤੇ ਵੱਡੀਆਂ-ਵੱਡੀਆਂ ਦਰਾੜਾਂ ਪੈ ਗਈਆਂ ਹਨ। ਇਸ ਤੋਂ ਬਾਅਦ ਹਾਈਵੇ ਨੂੰ ਖੋਲ੍ਹਣ ‘ਚ ਕਈ ਜੇਸੀਬੀ ਤੇ ਪੋਕਲੇਨ ਮਸ਼ੀਨਾਂ ਲਾਈਆਂ ਗਈਆਂ ਹਨ। ਦੱਸ ਦਈਏ ਪ੍ਰਸ਼ਾਸਨ ਨੇ ਬੀਤੀ ਰਾਤ ਤੋਂ ਸਾਵਧਾਨੀ ਵਜੋਂ ਹਾਈਵੇ ਨੂੰ ਬੰਦ ਕਰ ਦਿੱਤਾ ਹੈ।

ਚੰਡੀਗੜ੍ਹ: ਕਾਲਕਾ-ਸ਼ਿਮਲਾ ਨੈਸ਼ਨਲ ਹਾਈਵੇਅ-5 ਪਿਛਲੇ 14 ਘੰਟਿਆਂ ਤੋਂ ਬੰਦ ਹੈ ਜਿਸ ਦੇ ਸਿੱਟੇ ਵਜੋਂ ਹਾਈਵੇ ‘ਤੇ ਵਾਹਨਾਂ ਦੀਆਂ ਲੰਬੀਆਂ ਕਤਾਰਾਂ ਲੱਗ ਗਈਆਂ ਹਨ ਤੇ ਲੋਕਾਂ ਨੂੰ ਕਾਫੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਦੱਸ ਦਈਏ ਕਿ ਸੋਲਨ ਦੇ ਨੇੜੇ ਕੰਡਾਘਾਟ ਦੇ ਕਿਆਰੀ ਮੋੜ ‘ਤੇ ਦੇਰ ਰਾਤ ਭਾਰੀ ਲੈਂਡ ਸਲਾਈਡਿੰਗ ਹੋਈ। ਇਸ ਤੋਂ ਬਾਅਦ ਹਾਈਵੇਅ ‘ਤੇ ਵੱਡੀਆਂ-ਵੱਡੀਆਂ ਤਰੇੜਾਂ ਪੈ ਗਈਆਂ। ਇਸ ਦੌਰਾਨ ਹਾਈਵੇ ‘ਤੇ ਅਚਾਨਕ ਜ਼ਮੀਨ ਖਿਸਕਣ ਤੇ ਤਰੇੜਾਂ ਪੈਣ ਕਾਰਨ ਆਵਾਜਾਈ ਪੂਰੀ ਤਰ੍ਹਾਂ ਠੱਪ ਹੋ ਗਈ। ਹਾਈਵੇਅ 'ਤੇ ਅਚਾਨਕ ਤਰੇੜਾਂ ਪੈਣ ਕਾਰਨ ਪ੍ਰਸ਼ਾਸਨ ਨੇ ਟ੍ਰੈਫਿਕ ਨੂੰ ਰੋਕ ਦਿੱਤਾ। ਸਥਿਤੀ ਨੂੰ ਵੇਖਦਿਆਂ ਪ੍ਰਸ਼ਾਸਨ ਨੇ ਫਿਲਹਾਲ ਟ੍ਰੈਫਿਕ ਨੂੰ ਰੋਕ ਦਿੱਤਾ ਤਾਂ ਲੋਕਾਂ ‘ਚ ਹੜਕੰਪ ਮੱਚ ਗਿਆ। ਸ਼ਿਮਲਾ ਤੋਂ ਚੰਡੀਗੜ੍ਹ ਜਾਣ ਵਾਲੀਆਂ ਗੱਡੀਆਂ ਨੂੰ ਵਕਨਾਘਾਟ ਰਾਹੀਂ ਕਾਵਾਂਗਰਾਟ ਤੇ ਸਾਧੂਪੁਲ ਰਾਹੀਂ ਕੰਡਾਘਾਟ ਤੇ ਚੰਡੀਗੜ੍ਹ ਵੱਲ ਭੇਜਣ ਦੇ ਹੁਕਮ ਜਾਰੀ ਕੀਤੇ ਗਏ। ਦਰਾੜਾਂ ਕਾਰਨ ਕਾਲਕਾ-ਸ਼ਿਮਲਾ ਨੈਸ਼ਨਲ ਹਾਈਵੇਅ-5 ਅਗਲੇ ਕਈ ਘੰਟਿਆਂ ਤਕ ਇਸੇ ਮਾਰਗ 'ਤੇ ਜਾਰੀ ਰਹਿਣ ਦੀ ਸੰਭਾਵਨਾ ਹੈ। ਇੱਥੇ ਦਿੱਕਤ ਇਹ ਹੈ ਕਿ ਆਵਾਜਾਈ ਠੀਕ ਨਹੀਂ ਹੋ ਪਾ ਰਹੀ ਹੈ। ਕਾਲਕਾ-ਸ਼ਿਮਲਾ ਰਾਸ਼ਟਰੀ ਰਾਜ ਮਾਰਗ-5 ‘ਤੇ ਜ਼ੋਰਾਂ ਨਾਲ ਚੌਰਾਹੇ ਬਣਾਉਣ ਦਾ ਕੰਮ ਚੱਲ ਰਿਹਾ ਹੈ। ਇਸ ਨਿਰਮਾਣ ਕਾਰਜ ਵਿੱਚ ਕੰਪਨੀ ਦੀਆਂ ਮਸ਼ੀਨਾਂ ਤੇ ਕਰਮਚਾਰੀ ਹਾਈਵੇ ਨੂੰ ਖੋਲ੍ਹਣ ਵਿੱਚ ਲੱਗੇ ਹੋਏ ਹਨ। ਪ੍ਰਸ਼ਾਸਨ ਟੀਮ ਫੋਰਸ ਨਾਲ ਮੌਕੇ ਨੂੰ ਸੰਭਾਲਣ ਵਿਚ ਲੱਗਿਆ ਹੋਇਆ ਹੈ।