ਚਾਰ ਸਾਲਾ ਬੱਚੇ ਨੂੰ ਕੋਬਰਾ ਨੇ ਡੰਗਿਆ, ਸੱਪ ਦੀ ਮੌਤ ਪਰ ਬੱਚਾ ਪੂਰੀ ਤਰ੍ਹਾਂ ਤੰਦਰੁਸਤ

ਬਿਹਾਰ ਦੇ ਗੋਪਾਲਗੰਜ ਤੋਂ ਇੱਕ ਹੈਰਾਨ ਕਰਨ ਵਾਲੀ ਖਬਰ ਸਾਹਮਣੇ ਆਈ ਹੈ। ਇੱਥੇ ਚਾਰ ਸਾਲ ਦੇ ਬੱਚੇ ਨੂੰ ਜ਼ਹਿਰੀਲੇ ਸੱਪ ਨੇ ਕੱਟ ਲਿਆ ਪਰ ਬੱਚੇ ਨੂੰ ਕੁਝ ਨਹੀਂ ਹੋਇਆ। ਸੱਪ ਉਥੇ ਹੀ ਤੜਫ ਕੇ ਮਰ ਗਿਆ। ਇਹ ਸਾਰੀ ਘਟਨਾ ਸਿਰਫ਼ 30 ਸਕਿੰਟਾਂ ਦੇ ਅੰਦਰ ਵਾਪਰੀ। ਸੱਪ ਦੇ ਡੱਸਣ ਤੋਂ ਬਾਅਦ ਵੀ ਬੱਚੇ ਦੇ ਜ਼ਿੰਦਾ ਹੋਣ ਦੀ ਖਬਰ ਪੂਰੇ ਇਲਾਕੇ 'ਚ ਫੈਲ ਗਈ, ਜਿਸ ਤੋਂ ਬਾਅਦ ਬੱਚੇ ਨੂੰ ਦੇਖਣ ਲਈ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ।

ਸੰਕੇਤਿਕ ਫੋਟੋ

Four-year-old child was bitten by a cobra: ਬਿਹਾਰ ਦੇ ਗੋਪਾਲਗੰਜ ਤੋਂ ਇੱਕ ਹੈਰਾਨ ਕਰਨ ਵਾਲੀ ਖਬਰ ਸਾਹਮਣੇ ਆਈ ਹੈ। ਇੱਥੇ ਚਾਰ ਸਾਲ ਦੇ ਬੱਚੇ ਨੂੰ ਜ਼ਹਿਰੀਲੇ ਸੱਪ ਨੇ ਕੱਟ ਲਿਆ ਪਰ ਬੱਚੇ ਨੂੰ ਕੁਝ ਨਹੀਂ ਹੋਇਆ। ਸੱਪ ਉਥੇ ਹੀ ਤੜਫ ਕੇ ਮਰ ਗਿਆ। ਇਹ ਸਾਰੀ ਘਟਨਾ ਸਿਰਫ਼ 30 ਸਕਿੰਟਾਂ ਦੇ ਅੰਦਰ ਵਾਪਰੀ। ਸੱਪ ਦੇ ਡੱਸਣ ਤੋਂ ਬਾਅਦ ਵੀ ਬੱਚੇ ਦੇ ਜ਼ਿੰਦਾ ਹੋਣ ਦੀ ਖਬਰ ਪੂਰੇ ਇਲਾਕੇ 'ਚ ਫੈਲ ਗਈ, ਜਿਸ ਤੋਂ ਬਾਅਦ ਬੱਚੇ ਨੂੰ ਦੇਖਣ ਲਈ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ।

ਪ੍ਰਾਪਤ ਜਾਣਕਾਰੀ ਅਨੁਸਾਰ ਬਰੌਲੀ ਥਾਣਾ ਖੇਤਰ ਦੇ ਪਿੰਡ ਮਾਧੋਪੁਰ ਵਾਸੀ ਰੋਹਿਤ ਕੁਮਾਰ ਦਾ ਚਾਰ ਸਾਲਾ ਪੁੱਤਰ ਅਨੁਜ ਆਪਣੇ ਮਾਮੇ ਦੇ ਘਰ ਗਿਆ ਹੋਇਆ ਸੀ। ਜਿੱਥੇ ਬੁੱਧਵਾਰ ਸ਼ਾਮ ਅਨੁਜ ਬੱਚਿਆਂ ਨਾਲ ਖੇਡ ਰਿਹਾ ਸੀ। ਉਸੇ ਸਮੇਂ ਖੇਤ ਦੇ ਪਾਸਿਓਂ ਇੱਕ ਕੋਬਰਾ ਸੱਪ ਤੇਜ਼ੀ ਨਾਲ ਆਇਆ ਅਤੇ ਅਨੁਜ ਦੇ ਪੈਰਾਂ ਉਤੇ ਕੱਟ ਲਿਆ।    

ਸੱਪ ਦੀ ਮੌਤ

ਅਨੁਜ ਦੀ ਲੱਤ 'ਤੇ ਸੱਪ ਦੇ ਕੱਟਣ ਤੋਂ ਬਾਅਦ ਉਥੇ ਮੌਜੂਦ ਬੱਚੇ ਭੱਜ ਗਏ। ਪਰ ਜਦੋਂ ਮੌਕੇ ਉਤੇ ਮੌਜੂਦ ਲੋਕਾਂ ਨੇ ਸੱਪ ਨੂੰ ਦੇਖਿਆ ਤਾਂ ਸਾਰੇ ਡੰਡੇ ਸੱਪ ਨੂੰ ਮਾਰਨ ਅਤੇ ਬੱਚੇ ਨੂੰ ਬਚਾਉਣ ਲਈ ਸੱਪ ਵੱਲ ਭੱਜੇ। ਪਰ ਜਦੋਂ ਤੱਕ ਸਾਰੇ ਸੱਪ ਕੋਲ ਪਹੁੰਚੇ, ਉਦੋਂ ਤੱਕ ਸੱਪ ਮਰ ਚੁੱਕਾ ਸੀ ਅਤੇ ਬੱਚਾ ਫਿਰ ਨੇੜੇ ਹੀ ਖੇਡਣ ਲੱਗਾ।

ਇਸ ਘਟਨਾ ਤੋਂ ਬਾਅਦ ਪਰਿਵਾਰਕ ਮੈਂਬਰ ਬੱਚੇ ਨੂੰ ਤੁਰੰਤ ਸਦਰ ਹਸਪਤਾਲ ਲੈ ਗਏ, ਜਿੱਥੇ ਡਾਕਟਰਾਂ ਨੇ ਬੱਚੇ ਦਾ ਇਲਾਜ ਕੀਤਾ। ਜਿੱਥੇ ਡਾਕਟਰ ਨੇ ਜਾਂਚ ਕਰਨ ਤੋਂ ਬਾਅਦ ਬੱਚੇ ਨੂੰ ਪੂਰੀ ਤਰ੍ਹਾਂ ਤੰਦਰੁਸਤ ਦੱਸਿਆ। ਰਿਸ਼ਤੇਦਾਰ ਮਰੇ ਹੋਏ ਸੱਪ ਨੂੰ ਵੀ ਆਪਣੇ ਨਾਲ ਲੈ ਕੇ ਆਏ ਸਨ ਤਾਂ ਜੋ ਡਾਕਟਰ ਸੱਪ ਦੀ ਸਹੀ ਪਛਾਣ ਕਰਕੇ ਬੱਚੇ ਦਾ ਇਲਾਜ ਕਰ ਸਕਣ। ਹਸਪਤਾਲ 'ਚ ਇਸ ਘਟਨਾ ਬਾਰੇ ਜਾਣ ਕੇ ਹਰ ਕੋਈ ਹੈਰਾਨ ਰਹਿ ਗਿਆ ਕਿ ਕਿਵੇਂ ਸੱਪ ਬੱਚੇ ਨੂੰ ਡੱਸਣ ਤੋਂ ਖੁਦ ਕਿਵੇਂ ਮਰ ਗਿਆ।