IAS ਟਾਪਰ ਟੀਨਾ ਡਾਬੀ ਪਿੰਕ ਸਿਟੀ 'ਚ ਪ੍ਰਦੀਪ ਗਵਾਂਡੇ ਨਾਲ ਲਵੇਗੀ 7 ਫੇਰੇ, ਮਰਾਠੀ-ਰਾਜਸਥਾਨੀ ਰੀਤੀ-ਰਿਵਾਜਾਂ ਨਾਲ ਵਿਆਹ
IAS Tina Dabi Marriage Today: IAS ਟਾਪਰ ਟੀਨਾ ਡਾਬੀ (Tina Dabi) ਤੇ ਪ੍ਰਦੀਪ ਗਵਾਂਡੇ ਅੱਜ ਰਾਜਸਥਾਨ ਦੇ ਜੈਪੁਰ ਵਿੱਚ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੇ ਹਨ।
IAS Tina Dabi Marriage Today: IAS ਟਾਪਰ ਟੀਨਾ ਡਾਬੀ (Tina Dabi) ਤੇ ਪ੍ਰਦੀਪ ਗਵਾਂਡੇ ਅੱਜ ਰਾਜਸਥਾਨ ਦੇ ਜੈਪੁਰ ਵਿੱਚ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੇ ਹਨ। ਇਹ ਹਾਈ ਪ੍ਰੋਫਾਈਲ ਜੋੜਾ ਪਿੰਕ ਸਿਟੀ ਦੇ ਨਾਂ ਨਾਲ ਮਸ਼ਹੂਰ ਜੈਪੁਰ ਦੇ ਬਾਇਸ ਗੋਡਾਉਨ ਸਥਿਤ ਮਸ਼ਹੂਰ ਹੋਟਲ ਵਿੱਚ ਸਾਰੀਆਂ ਰਸਮਾਂ ਨਿਭਾਉਂਦੇ ਹੋਏ ਸੱਤ ਫੇਰੇ ਲਵੇਗਾ। ਇਸ ਜੋੜੇ ਦੇ ਵਿਆਹ ਵਿੱਚ ਪਰਿਵਾਰ ਦੇ ਮੈਂਬਰਾਂ ਸਮੇਤ ਚੁਣੇ ਹੋਏ ਮਹਿਮਾਨ ਹੀ ਮੌਜੂਦ ਹੋਣਗੇ। ਧਿਆਨਯੋਗ ਹੈ ਕਿ ਵਿਆਹ ਦੀਆਂ ਰਸਮਾਂ ਤੋਂ ਬਾਅਦ ਟੀਨਾ ਡਾਬੀ ਤੇ ਪ੍ਰਦੀਪ ਗਵਾਂਡੇ ਨੇ 22 ਅਪ੍ਰੈਲ ਨੂੰ ਇਸੇ ਹੋਟਲ 'ਚ ਰਿਸੈਪਸ਼ਨ ਪਾਰਟੀ ਵੀ ਰੱਖੀ ਹੈ।
ਮਰਾਠੀ-ਰਾਜਸਥਾਨੀ ਰੀਤੀ-ਰਿਵਾਜਾਂ ਨਾਲ ਹੋਵੇਗਾ ਵਿਆਹ
ਟੀਨਾ ਡਾਬੀ ਅਤੇ ਪ੍ਰਦੀਪਮਰਾਠੀ ਰਾਜਸਥਾਨੀ ਰੀਤੀ-ਰਿਵਾਜਾਂ ਅਨੁਸਾਰ ਵਿਆਹ ਕਰਵਾਉਣਗੇ। ਦਰਅਸਲ ਪ੍ਰਦੀਪ ਗਵਾੜੇ ਦਾ ਪਰਿਵਾਰ ਮਰਾਠੀ ਹੈ ਜਦਕਿ ਟੀਨਾ ਡਾਬੀ ਦੀ ਮਾਂ ਮਰਾਠੀ ਤੇ ਪਿਤਾ ਰਾਜਸਥਾਨੀ ਹਨ। ਇਸ ਹਾਈ ਪ੍ਰੋਫਾਈਲ ਜੋੜੇ ਦੇ ਵਿਆਹ 'ਚ ਮਰਾਠੀ ਤੇ ਰਾਜਸਥਾਨੀ ਪਰੰਪਰਾਵਾਂ ਦਾ ਖਾਸ ਸੁਮੇਲ ਦੇਖਣ ਨੂੰ ਮਿਲੇਗਾ। ਇਸ ਲਈ ਇਸ ਹੋਟਲ ਵਿੱਚ ਵਿਸ਼ੇਸ਼ ਤਿਆਰੀਆਂ ਕੀਤੀਆਂ ਗਈਆਂ ਹਨ। ਦੱਸ ਦੇਈਏ ਕਿ ਟੀਨਾ ਤੇ ਪ੍ਰਦੀਪ ਦੇ ਪਰਿਵਾਰਕ ਮੈਂਬਰ ਵਿਆਹ ਵਿੱਚ ਸ਼ਾਮਲ ਹੋਣ ਲਈ ਜੈਪੁਰ ਪਹੁੰਚ ਚੁੱਕੇ ਹਨ। ਹੋਟਲ ਵਿੱਚ ਮਹਿਮਾਨਾਂ ਲਈ 50 ਤੋਂ ਵੱਧ ਕਮਰੇ ਬੁੱਕ ਕੀਤੇ ਗਏ ਹਨ।
ਟੀਨਾ ਡਾਬੀ ਇਸ ਸਮੇਂ ਵਿੱਤ ਵਿਭਾਗ ਵਿੱਚ ਸੰਯੁਕਤ ਸਕੱਤਰ
ਗੌਰਤਲਬ ਹੈ ਕਿ ਆਈਏਐਸ ਟੀਨਾ ਡਾਬੀ ਇਸ ਸਮੇਂ ਵਿੱਤ ਵਿਭਾਗ ਵਿੱਚ ਸੰਯੁਕਤ ਸਕੱਤਰ ਤੇ ਉਨ੍ਹਾਂ ਦੀ ਮੰਗੇਤਰ ਪ੍ਰਦੀਪ ਗਵਾੜੇ ਉੱਚ ਸਿੱਖਿਆ ਵਿਭਾਗ ਵਿੱਚ ਸੰਯੁਕਤ ਸਕੱਤਰ ਹਨ। ਦੋਵਾਂ ਨੇ ਹਾਲ ਹੀ 'ਚ ਸੋਸ਼ਲ ਮੀਡੀਆ 'ਤੇ ਆਪਣੇ ਰਿਸ਼ਤੇ ਦਾ ਖੁਲਾਸਾ ਕੀਤਾ ਹੈ। ਇਸ ਤੋਂ ਬਾਅਦ ਉਨ੍ਹਾਂ ਦੇ ਰਿਸ਼ਤੇ ਦੀ ਸੋਸ਼ਲ ਮੀਡੀਆ 'ਤੇ ਲਗਾਤਾਰ ਚਰਚਾ ਹੋਣ ਲੱਗੀ।
ਇਸ ਹਾਈ ਪ੍ਰੋਫਾਈਲ ਜੋੜੇ ਦੇ ਵਿਆਹ ਤੋਂ ਪਹਿਲਾਂ ਟੀਨਾ ਡਾਬੀ ਨੇ ਕਿਹਾ ਸੀ, "ਮੈਂ ਵੀ ਕਿਸੇ ਆਮ ਕੁੜੀ ਦੀ ਤਰ੍ਹਾਂ ਵਿਆਹ ਦੀਆਂ ਤਿਆਰੀਆਂ 'ਚ ਬਹੁਤ ਰੁੱਝੀ ਹੋਈ ਹਾਂ। ਮੈਂ ਲਹਿੰਗਾ, ਕੱਪੜੇ, ਸਜਾਵਟ ਆਦਿ ਦੀ ਚੋਣ ਕਰ ਰਹੀ ਹਾਂ। ਮੇਰੇ ਲਈ ਜ਼ਿੰਦਗੀ ਦਾ ਸਭ ਤੋਂ ਖੂਬਸੂਰਤ ਸਮਾਂ ਦਰਦ ਤੇ ਦੁੱਖ ਤੋਂ ਬਾਅਦ ਆਇਆ ਹੈ।"
ਟੀਨਾ ਡਾਬੀ ਦਾ ਜਨਮ ਭੋਪਾਲ ਵਿੱਚ ਹੋਇਆ
ਟੀਨਾ ਡਾਬੀ ਦਾ ਜਨਮ 9 ਨਵੰਬਰ 1993 ਨੂੰ ਭੋਪਾਲ, ਮੱਧ ਪ੍ਰਦੇਸ਼ ਵਿੱਚ ਹੋਇਆ ਸੀ। ਟੀਨਾ ਦੇ ਪਿਤਾ ਜਸਵੰਤ ਡਾਬੀ ਟੈਲੀਕਾਮ ਕਾਰਪੋਰੇਸ਼ਨ ਆਫ ਇੰਡੀਆ ਲਿਮਟਿਡ ਯਾਨੀ ਬੀਐਸਐਨਐਲ ਵਿੱਚ ਜਨਰਲ ਮੈਨੇਜਰ ਰਹਿ ਚੁੱਕੇ ਹਨ। ਜਦੋਂ ਕਿ ਉਸ ਦੀ ਮਾਂ ਹਿਮਾਨੀ ਡਾਬੀ ਵੀ ਭਾਰਤੀ ਇੰਜਨੀਅਰਿੰਗ ਸੇਵਾ ਦੀ ਅਧਿਕਾਰੀ ਰਹਿ ਚੁੱਕੀ ਹੈ। ਟੀਨਾ ਦੀ ਛੋਟੀ ਭੈਣ ਰੀਆ ਡਾਬੀ ਨੂੰ ਵੀ 2020-21 ਦੀ ਸਿਵਲ ਸਰਵਿਸਿਜ਼ ਪ੍ਰੀਖਿਆ ਦੇ ਟਾਪਰਾਂ ਵਿੱਚ ਸ਼ਾਮਲ ਕੀਤਾ ਗਿਆ ਹੈ।
ਟੀਨਾ ਡਾਬੀ ਦਾ ਦੂਜਾ ਵਿਆਹ
ਜ਼ਿਕਰਯੋਗ ਹੈ ਕਿ ਟੀਨਾ ਦਾਬੀ ਦਾ ਇਹ ਦੂਜਾ ਵਿਆਹ ਹੈ। ਆਪਣੇ ਪਹਿਲੇ ਵਿਆਹ ਤੋਂ ਤਲਾਕ ਲੈਣ ਤੋਂ ਬਾਅਦ, ਉਹ ਹੁਣ ਰਾਜਸਥਾਨ ਵਿੱਚ ਤਾਇਨਾਤ ਇੱਕ ਆਈਏਐਸ ਅਧਿਕਾਰੀ ਪ੍ਰਦੀਪ ਗਵਾਂਡੇ ਨਾਲ ਸੱਤ ਫੇਰੇ ਲੈ ਰਹੀ ਹੈ। ਪ੍ਰਦੀਪ ਗਵਾਂਡੇ ਰਾਜਸਥਾਨ ਦੇ ਪੁਰਾਤੱਤਵ ਤੇ ਅਜਾਇਬ ਘਰ ਵਿਭਾਗ ਵਿੱਚ ਡਾਇਰੈਕਟਰ ਹਨ। ਗਵਾਂਡੇ ਚੁਰੂ ਜ਼ਿਲ੍ਹੇ ਦੇ ਕੁਲੈਕਟਰ ਵੀ ਰਹਿ ਚੁੱਕੇ ਹਨ। ਇੰਨਾ ਹੀ ਨਹੀਂ ਪ੍ਰਦੀਪ ਆਈਏਐਸ ਬਣਨ ਤੋਂ ਪਹਿਲਾਂ ਡਾਕਟਰ ਵੀ ਰਹਿ ਚੁੱਕੇ ਹਨ। ਪ੍ਰਦੀਪ ਦਾ ਜਨਮ 9 ਦਸੰਬਰ 1980 ਨੂੰ ਮਹਾਰਾਸ਼ਟਰ ਵਿੱਚ ਹੋਇਆ ਸੀ।
ਟੀਨਾ ਡਾਬੀ ਤੇ ਕਸ਼ਮੀਰ ਦੇ UPSC ਸਿਵਲ ਸਰਵਿਸਿਜ਼ ਐਗਜ਼ਾਮੀਨੇਸ਼ਨ-2015 ਦੇ ਦੂਜੇ ਟਾਪਰ ਅਥਰ ਖਾਨ ਐਲਬੀਐਸ ਅਕੈਡਮੀ, ਦੇਹਰਾਦੂਨ ਵਿੱਚ ਆਪਣੀ ਸਿਖਲਾਈ ਦੌਰਾਨ ਇੱਕ ਦੂਜੇ ਦੇ ਨੇੜੇ ਆਏ। ਦੋਵਾਂ ਨੇ 2018 'ਚ ਲਵ ਮੈਰਿਜ ਕੀਤੀ ਸੀ। ਟੀਨਾ ਡਾਬੀ ਇਸ ਵਿਆਹ ਨੂੰ ਲੈ ਕੇ ਕਾਫੀ ਚਰਚਾ 'ਚ ਰਹੀ ਸੀ। ਹਾਲਾਂਕਿ, ਉਨ੍ਹਾਂ ਦਾ ਵਿਆਹ ਜ਼ਿਆਦਾ ਸਮਾਂ ਨਹੀਂ ਚੱਲ ਸਕਿਆ ਤੇ 20 ਨਵੰਬਰ, 2020 ਨੂੰ, ਆਈਏਐਸ ਜੋੜੇ ਨੇ ਜੈਪੁਰ ਦੀ ਇੱਕ ਪਰਿਵਾਰਕ ਅਦਾਲਤ ਵਿੱਚ ਆਪਸੀ ਸਹਿਮਤੀ ਨਾਲ ਤਲਾਕ ਲਈ ਦਾਇਰ ਕੀਤਾ। ਅਦਾਲਤ ਨੇ 10 ਅਗਸਤ 2021 ਨੂੰ ਉਨ੍ਹਾਂ ਦੇ ਤਲਾਕ ਨੂੰ ਮਨਜ਼ੂਰੀ ਦੇ ਦਿੱਤੀ ਸੀ। ਇਸ ਮਾਮਲੇ 'ਚ ਵੀ ਟੀਨਾ ਡਾਬੀ ਨੇ ਕਾਫੀ ਸੁਰਖੀਆਂ ਬਟੋਰੀਆਂ ਸਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
