ਹੁਣ ਸ਼ਤਾਬਦੀ ਅਤੇ ਵੰਦੇ ਭਾਰਤ ਐਕਸਪ੍ਰੈਸ ਟਰੇਨਾਂ 'ਚ ਰੇਡੀਓ 'ਤੇ ਸੰਗੀਤ ਸੁਣਦੇ ਹੋਏ ਸਫਰ ਕਰਨਗੇ ਯਾਤਰੀ
Indian Railway radio service : ਦਿੱਲੀ ਤੋਂ ਵੱਖ-ਵੱਖ ਰਾਜਾਂ ਨੂੰ ਰੇਲ ਗੱਡੀਆਂ ਰਾਹੀਂ ਸਫ਼ਰ ਕਰਨ ਵਾਲੇ ਯਾਤਰੀਆਂ ਨੂੰ ਹੁਣ ਰੇਡੀਓ ਰਾਹੀਂ ਸੰਗੀਤ ਸੁਣਨ ਨੂੰ ਮਿਲੇਗਾ।
Indian Railway radio service : ਦਿੱਲੀ ਤੋਂ ਵੱਖ-ਵੱਖ ਰਾਜਾਂ ਨੂੰ ਰੇਲ ਗੱਡੀਆਂ ਰਾਹੀਂ ਸਫ਼ਰ ਕਰਨ ਵਾਲੇ ਯਾਤਰੀਆਂ ਨੂੰ ਹੁਣ ਰੇਡੀਓ ਰਾਹੀਂ ਸੰਗੀਤ ਸੁਣਨ ਨੂੰ ਮਿਲੇਗਾ। ਉੱਤਰੀ ਰੇਲਵੇ ਨੇ ਸ਼ਤਾਬਦੀ ਐਕਸਪ੍ਰੈਸ ਅਤੇ ਵੰਦੇ ਭਾਰਤ ਟਰੇਨਾਂ ਵਿੱਚ ਰੇਡੀਓ ਰਾਹੀਂ ਯਾਤਰੀਆਂ ਦੇ ਮਨੋਰੰਜਨ ਦਾ ਪ੍ਰਬੰਧ ਕੀਤਾ ਹੈ। ਹੁਣ ਜੇਕਰ ਤੁਸੀਂ ਦਿੱਲੀ ਤੋਂ ਇਨ੍ਹਾਂ ਟਰੇਨਾਂ 'ਚ ਸਫਰ ਕਰਦੇ ਹੋ ਤਾਂ ਤੁਹਾਨੂੰ ਰੇਡੀਓ ਰਾਹੀਂ ਸੰਗੀਤ ਸੁਣਨ ਨੂੰ ਮਿਲੇਗਾ। ਇਸ ਤੋਂ ਇਲਾਵਾ ਰੇਲਵੇ ਦੀ ਜਾਣਕਾਰੀ ਅਤੇ ਕਈ ਇਸ਼ਤਿਹਾਰ ਵੀ ਸੁਣਨ ਨੂੰ ਮਿਲਣਗੇ।
ਰੇਡੀਓ ਸੇਵਾਵਾਂ ਰਾਹੀਂ ਇਨ੍ਹਾਂ ਰੇਲਗੱਡੀਆਂ ਵਿੱਚ ਮਨੋਰੰਜਨ ਮੁਹੱਈਆ ਕਰਵਾਉਣ ਦੀ ਪਹਿਲ ਰੇਲਵੇ ਦੇ ਦਿੱਲੀ ਡਿਵੀਜ਼ਨ ਦੇ ਮੈਨੇਜਰ ਡਿੰਪੀ ਗਰਗ ਅਤੇ ਸੀਨੀਅਰ ਕਮਰਸ਼ੀਅਲ ਮੈਨੇਜਰ ਪ੍ਰਵੀਨ ਕੁਮਾਰ ਦੇ ਨਿਰਦੇਸ਼ਾਂ ਹੇਠ ਕੀਤੀ ਗਈ ਹੈ, ਜਿਸ ਬਾਰੇ ਉੱਤਰੀ ਰੇਲਵੇ ਵੱਲੋਂ ਜਾਣਕਾਰੀ ਦਿੰਦਿਆਂ ਦੱਸਿਆ ਗਿਆ ਹੈ ਕਿ ਸ਼ਤਾਬਦੀ ਅਤੇ ਵੰਦੇ ਭਾਰਤ ਐਕਸਪ੍ਰੈੱਸ ਰੇਲਗੱਡੀ 'ਚ ਰੇਡੀਓ ਦੇ ਇਸ਼ਤਿਹਾਰ ਵੀ ਸੁਣੇ ਜਾਣਗੇ। ਇਸ ਤੋਂ ਇਲਾਵਾ ਯਾਤਰੀਆਂ ਨੂੰ ਰੇਲਵੇ ਦੀ ਜਾਣਕਾਰੀ ਅਤੇ ਸੰਗੀਤ ਸੁਣਾਇਆ ਜਾਵੇਗਾ। ਇਸ ਨਾਲ ਰੇਲਵੇ ਦੇ ਮਾਲੀਏ ਵਿੱਚ ਵੀ ਵਾਧਾ ਹੋਣ ਦੀ ਉਮੀਦ ਹੈ। ਰੇਲਵੇ ਮੁਤਾਬਕ ਇਸ ਤੋਂ ਸਾਲਾਨਾ 42.20 ਲੱਖ ਰੁਪਏ ਦੀ ਆਮਦਨ ਹੋਵੇਗੀ।
ਇੱਥੇ ਆਉਣ ਵਾਲੇ ਯਾਤਰੀ ਸੁਣਨਗੇ ਸੰਗੀਤ
ਉੱਤਰੀ ਰੇਲਵੇ ਨੇ ਕਿਹਾ ਕਿ ਦਿੱਲੀ ਤੋਂ ਲਖਨਊ, ਭੋਪਾਲ, ਚੰਡੀਗੜ੍ਹ, ਅੰਮ੍ਰਿਤਸਰ, ਅਜਮੇਰ, ਦੇਹਰਾਦੂਨ, ਕਾਨਪੁਰ, ਵਾਰਾਣਸੀ, ਕਟੜਾ ਅਤੇ ਕਾਠਗੋਦਾਮ ਜਾਣ ਵਾਲੇ ਯਾਤਰੀਆਂ ਦਾ ਹੁਣ ਸ਼ਤਾਬਦੀ ਅਤੇ ਵੰਦੇ ਭਾਰਤ ਐਕਸਪ੍ਰੈਸ ਟਰੇਨਾਂ ਵਿੱਚ ਰੇਡੀਓ ਸੰਗੀਤ ਨਾਲ ਸੁਆਗਤ ਕੀਤਾ ਜਾਵੇਗਾ। ਇਸ ਦੌਰਾਨ ਯਾਤਰੀਆਂ ਦਾ ਸਫ਼ਰ ਸਿਰਫ਼ ਸੰਗੀਤ ਸੁਣ ਕੇ ਹੀ ਨਹੀਂ ਹੋਵੇਗਾ, ਸਗੋਂ ਉਹ ਸੰਗੀਤ ਰਾਹੀਂ ਜਿਨ੍ਹਾਂ ਸ਼ਹਿਰਾਂ ਅਤੇ ਸੂਬਿਆਂ ਦੀ ਯਾਤਰਾ ਕਰਨਗੇ, ਉਨ੍ਹਾਂ ਦਾ ਅਨੁਭਵ ਵੀ ਹਾਸਲ ਕਰਨਗੇ।
ਸੁਖਦ ਯਾਤਰਾ ਦਾ ਅਨੁਭਵ ਕਰਾਉਣ ਲਈ ਲਿਆ ਗਿਆ ਫੈਸਲਾ
ਰੇਲਵੇ ਵੱਲੋਂ ਕਿਹਾ ਗਿਆ ਹੈ ਕਿ ਇਸ ਪਹਿਲਕਦਮੀ ਦਾ ਉਦੇਸ਼ ਸ਼ਤਾਬਦੀ ਅਤੇ ਵੰਦੇ ਭਾਰਤ ਐਕਸਪ੍ਰੈਸ ਟਰੇਨਾਂ ਵਿੱਚ ਹਰ ਇੱਕ ਯਾਤਰੀ ਨੂੰ ਇੱਕ ਸੁਹਾਵਣਾ ਯਾਤਰਾ ਅਨੁਭਵ ਪ੍ਰਦਾਨ ਕਰਨਾ ਹੈ, ਕਿਉਂਕਿ ਸਫ਼ਰ ਦੌਰਾਨ ਸੰਗੀਤ ਨਾਲ ਯਾਤਰੀਆਂ ਦਾ ਮੂਡ ਚੰਗਾ ਹੋ ਜਾਂਦਾ ਹੈ। ਉਹ ਆਪਣੀ ਯਾਤਰਾ ਦਾ ਆਨੰਦ ਲੈਂਦਾ ਹੈ। ਅਜਿਹੇ 'ਚ ਯਾਤਰੀ ਰੇਲਵੇ ਦੀ ਇਸ ਪਹਿਲ ਨੂੰ ਕਾਫੀ ਪਸੰਦ ਕਰਨਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
