(Source: ECI/ABP News)
ਟੈਂਕ ਵਾਂਗ ਮਜਬੂਤ PM Modi ਦੀ ਨਵੀਂ ਕਾਰ, ਕੀਮਤ 12 ਕਰੋੜ ਰੁਪਏ, ਖ਼ਾਸੀਅਤਾਂ ਜਾਣ ਹੋ ਜਾਓਗੇ ਹੈਰਾਨ
ਇਹ ਕਾਰ 2 ਮੀਟਰ ਦੀ ਦੂਰੀ 'ਤੇ ਕੀਤੇ ਗਏ 15 ਕਿਲੋ ਦੇ ਟੀਐਨਟੀ ਧਮਾਕੇ ਨੂੰ ਵੀ ਸਹਿ ਸਕਦੀ ਹੈ। ਕਾਰ ਦੀਆਂ ਖਿੜਕੀਆਂ 'ਤੇ ਅੰਦਰੋਂ ਪੌਲੀਕਾਰਬੋਨੇਟ ਕੋਟਿੰਗ ਹੈ। ਇਸ ਦੇ ਨਾਲ ਹੀ ਅੰਡਰ-ਬਾਡੀ ਨੂੰ ਇਸ ਤਰ੍ਹਾਂ ਤਿਆਰ ਕੀਤਾ ਗਿਆ ਹੈ।
PM Modi New Car Mercedes Maybach S650 Price & Safety features: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਕਾਫ਼ਲੇ 'ਚ ਹੁਣ ਇੱਕ ਨਵੀਂ ਕਾਰ ਸ਼ਾਮਲ ਹੋ ਗਈ ਹੈ। ਇਹ ਕਾਰ Mercedes-Maybach S 650 Guard ਹੈ। ਇਹ ਬਹੁਤ ਸੁਰੱਖਿਅਤ ਕਾਰ ਹੈ। ਰਿਪੋਰਟਾਂ ਮੁਤਾਬਕ ਨਾ ਤਾਂ ਕਾਰ 'ਤੇ ਗੋਲੀ ਦਾ ਕੋਈ ਅਸਰ ਹੁੰਦਾ ਹੈ ਤੇ ਨਾ ਹੀ ਬੰਬ ਧਮਾਕੇ ਦਾ। ਇਸ ਨੂੰ ਪੀਐਮ ਮੋਦੀ ਦੇ ਦੌਰੇ ਦੌਰਾਨ ਸੁਰੱਖਿਆ ਨੂੰ ਹੋਰ ਵਧਾਉਣ ਲਈ ਲਿਆਂਦਾ ਗਿਆ ਹੈ।
ਪੀਐਮ ਮੋਦੀ ਨੂੰ ਹਾਲ ਹੀ 'ਚ ਦਿੱਲੀ ਦੇ ਹੈਦਰਾਬਾਦ ਹਾਊਸ ਵਿੱਚ ਨਵੀਂ ਮਰਸੀਡੀਜ਼ ਮੇਬੈਕ ਐਸ 650 'ਚ ਦੇਖਿਆ ਗਿਆ ਸੀ। ਇੱਥੇ ਉਹ ਭਾਰਤ ਦੌਰੇ ਦੌਰਾਨ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੂੰ ਮਿਲਣ ਆਏ ਸਨ। ਕਿਹਾ ਜਾਂਦਾ ਹੈ ਕਿ ਕਾਰ VR10-ਲੇਵਲ ਸੁਰੱਖਿਆ ਪ੍ਰਦਾਨ ਕਰਦੀ ਹੈ। ਇਹ ਸੁਰੱਖਿਆ ਦਾ ਸਭ ਤੋਂ ਉੱਚਾ ਪੱਧਰ ਹੈ ਜੋ ਕਿਸੇ ਵੀ ਪ੍ਰੋਡਕਸ਼ਨ ਕਾਰ 'ਚ ਪਾਈ ਜਾਂਦੀ ਹੈ। ਇਹ ਕਾਰ AK-47 ਰਾਈਫਲ ਨਾਲ ਕੀਤੇ ਗਏ ਹਮਲੇ ਨੂੰ ਵੀ ਨਾਕਾਮ ਕਰ ਦੇਵੇਗੀ।
15 ਕਿਲੋਗ੍ਰਾਮ ਟੀਐਨਟੀ ਬੰਬ ਧਮਾਕਾ ਝੱਲ ਸਕਦੀ ਕਾਰ
ਇਹ ਕਾਰ 2 ਮੀਟਰ ਦੀ ਦੂਰੀ 'ਤੇ ਕੀਤੇ ਗਏ 15 ਕਿਲੋ ਦੇ ਟੀਐਨਟੀ ਧਮਾਕੇ ਨੂੰ ਵੀ ਸਹਿ ਸਕਦੀ ਹੈ। ਕਾਰ ਦੀਆਂ ਖਿੜਕੀਆਂ 'ਤੇ ਅੰਦਰੋਂ ਪੌਲੀਕਾਰਬੋਨੇਟ ਕੋਟਿੰਗ ਹੈ। ਇਸ ਦੇ ਨਾਲ ਹੀ ਅੰਡਰ-ਬਾਡੀ ਨੂੰ ਇਸ ਤਰ੍ਹਾਂ ਤਿਆਰ ਕੀਤਾ ਗਿਆ ਹੈ ਕਿ ਧਮਾਕੇ ਦੌਰਾਨ ਵੀ ਇਸ ਦੇ ਅੰਦਰ ਬੈਠਾ ਵਿਅਕਤੀ ਸੁਰੱਖਿਅਤ ਰਹੇ। ਇੰਨਾ ਹੀ ਨਹੀਂ, ਹਮਲੇ ਜਾਂ ਐਮਰਜੈਂਸੀ ਦੀ ਸਥਿਤੀ 'ਚ ਕਾਰ ਦੇ ਕੈਬਿਨ 'ਚ ਇੱਕ ਵੱਖਰੀ ਏਅਰ ਸਪਲਾਈ ਵੀ ਦਿੱਤੀ ਜਾ ਸਕਦੀ ਹੈ।
ਰਿਪੋਰਟਾਂ ਦੇ ਅਨੁਸਾਰ ਕਾਰ 'ਚ 6.0-ਲੀਟਰ ਟਵਿਨ ਟਰਬੋ V12 ਇੰਜਨ ਹੈ, ਜੋ 516 bhp ਮੈਕਸਿਮਮ ਪਾਵਰ ਤੇ 900 Nm ਪਿਕਅਪ ਟਾਰਕ ਜਨਰੇਟ ਕਰਨ 'ਚ ਸਮਰੱਥ ਹੈ। ਕਾਰ ਦੀ ਟਾਪ ਸਪੀਡ 160 kmph ਦੱਸੀ ਜਾ ਰਹੀ ਹੈ। ਕਾਰ 'ਚ ਸਪੈਸ਼ਲ ਰਨ-ਫਲੈਟ ਟਾਇਰ ਹਨ ਤਾਂ ਜੋ ਨੁਕਸਾਨ ਜਾਂ ਪੰਕਚਰ ਹੋਣ ਦੀ ਸਥਿਤੀ 'ਚ ਵੀ ਨਹੀਂ ਰੁਕਣਗੇ ਅਤੇ ਕਾਰ ਚੱਲਦੀ ਰਹੇਗੀ।
ਦੱਸ ਦੇਈਏ ਕਿ ਪੀਐਮ ਮੋਦੀ ਦੇ ਕਾਫ਼ਲੇ 'ਚ BMW 7 Series High-Security Edition, Land Rover Range Rover Vogue ਅਤੇ Toyota Land Cruiser ਵਰਗੀਆਂ ਕਾਰਾਂ ਵੀ ਹਨ।
ਇਹ ਵੀ ਪੜ੍ਹੋ: ਨਾਸਾ ਕਿਉਂ ਕਰ ਰਿਹਾ ਪੁਜਾਰੀਆਂ ਦੀ ਭਰਤੀ? ਏਲੀਅਨਸ ਨਾਲ ਜੁੜਿਆ ਰਹੱਸ, ਜਾਣੋ ਪੂਰਾ ਮਾਮਲਾ?
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
