PM Modi Canada: PM ਮੋਦੀ ਨੇ ਕੀਤਾ ਕੈਨੇਡਾ ਦੇ ਪ੍ਰੋਗਰਾਮ ਨੂੰ ਸੰਬੋਧਿਤ, ਬੋਲੇ - ਰਾਸ਼ਟਰ ਦੇ ਨਾਲ ਇੱਕ ਵਿਚਾਰ ਅਤੇ ਸੰਸਕਾਰ ਵੀ ਹੈ ਭਾਰਤ 

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕੈਨੇਡਾ ਦੇ ਸ਼ਹਿਰ ਮਾਰਖਮ ਵਿੱਚ ਇੱਕ ਪ੍ਰੋਗਰਾਮ ਨੂੰ ਸੰਬੋਧਿਤ ਕੀਤਾ। ਜਿਸ ਵਿੱਚ ਉਨ੍ਹਾਂ ਨੇ ਸਨਾਤਨ ਮੰਦਰ ਕਲਚਰਲ ਸੈਂਟਰ ਵਿੱਚ ਸਰਦਾਰ ਪਟੇਲ ਦੀ ਮੂਰਤੀ ਦਾ ਉਦਘਾਟਨ ਕੀਤਾ।

PM Modi

PM Modi Canada : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕੈਨੇਡਾ ਦੇ ਸ਼ਹਿਰ ਮਾਰਖਮ ਵਿੱਚ ਇੱਕ ਪ੍ਰੋਗਰਾਮ ਨੂੰ ਸੰਬੋਧਿਤ ਕੀਤਾ। ਜਿਸ ਵਿੱਚ ਉਨ੍ਹਾਂ ਨੇ ਸਨਾਤਨ ਮੰਦਰ ਕਲਚਰਲ ਸੈਂਟਰ ਵਿੱਚ ਸਰਦਾਰ ਪਟੇਲ ਦੀ ਮੂਰਤੀ ਦਾ ਉਦਘਾਟਨ ਕੀਤਾ। ਇਸ ਮੌਕੇ ਪੀਐਮ ਮੋਦੀ ਨੇ ਕਿਹਾ ਕਿ ਕੈਨੇਡਾ ਵਿੱਚ ਭਾਰਤੀ ਸੰਸਕ੍ਰਿਤੀ ਅਤੇ ਕਦਰਾਂ-ਕੀਮਤਾਂ ਨੂੰ ਜਿਉਂਦਾ ਰੱਖਣ ਵਿੱਚ ਓਨਟਾਰੀਓ ਵਿੱਚ ਸਨਾਤਨ ਮੰਦਰ ਕਲਚਰਲ ਸੈਂਟਰ ਦੀ ਭੂਮਿਕਾ ਤੋਂ ਅਸੀਂ ਸਾਰੇ ਜਾਣੂ ਹਾਂ।

 

ਭਾਰਤ ਵੀ ਇੱਕ ਰਾਸ਼ਟਰ ਦੇ ਨਾਲ ਇੱਕ ਵਿਚਾਰ ਹੈ - ਪ੍ਰਧਾਨ ਮੰਤਰੀ

ਪੀਐਮ ਮੋਦੀ ਨੇ ਸੱਭਿਆਚਾਰਕ ਕੇਂਦਰ ਬਾਰੇ ਆਪਣੇ ਸੰਬੋਧਨ ਵਿੱਚ ਅੱਗੇ ਕਿਹਾ ਕਿ, ਤੁਸੀਂ ਇਨ੍ਹਾਂ ਯਤਨਾਂ ਵਿੱਚ ਕਿੰਨੇ ਸਫਲ ਰਹੇ ਹੋ, ਤੁਸੀਂ ਕਿਵੇਂ ਇੱਕ ਸਕਾਰਾਤਮਕ ਪ੍ਰਭਾਵ ਛੱਡਿਆ ਹੈ, ਮੈਂ ਆਪਣੇ ਕੈਨੇਡਾ ਦੇ ਦੌਰਿਆਂ ਵਿੱਚ ਅਨੁਭਵ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਜੋ ਲੋਕਤੰਤਰੀ ਕਦਰਾਂ-ਕੀਮਤਾਂ, ਜੋ ਫਰਜਾਂ ਦਾ ਅਹਿਸਾਸ ਉਨ੍ਹਾਂ ਦੇ ਪੁਰਖੇ ਭਾਰਤ ਤੋਂ ਲੈ ਗਏ ਹੁੰਦੇ ਹਨ, ਉਹ ਹਮੇਸ਼ਾ ਉਨ੍ਹਾਂ ਦੇ ਦਿਲ ਦੇ ਕੋਨੇ ਵਿੱਚ ਵਸਦੇ ਹਨ। ਅਜਿਹਾ ਇਸ ਲਈ ਕਿਉਂਕਿ ਭਾਰਤ ਇੱਕ ਰਾਸ਼ਟਰ ਹੋਣ ਦੇ ਨਾਲ-ਨਾਲ ਇੱਕ ਵਿਚਾਰ ਵੀ ਹੈ, ਇੱਕ ਸੱਭਿਆਚਾਰ ਵੀ ਹੈ।

 

ਦੂਜਿਆਂ ਦੇ ਨੁਕਸਾਨ 'ਤੇ ਆਪਣੀ ਉੱਨਤੀ ਨਹੀਂ ਕਰਦਾ ਭਾਰਤ 

ਪੀਐਮ ਮੋਦੀ ਨੇ ਕਿਹਾ ਕਿ ਦੁਨੀਆਂ ਵਿੱਚ ਜਿੱਥੇ ਵੀ ਕੋਈ ਭਾਰਤੀ ਰਹਿੰਦਾ ਹੈ, ਭਾਵੇਂ ਉਹ ਕਿੰਨੀਆਂ ਵੀ ਪੀੜ੍ਹੀਆਂ ਵਿੱਚ ਰਹਿੰਦਾ ਹੈ, ਉਸਦੀ ਭਾਰਤੀਤਾ, ਭਾਰਤ ਪ੍ਰਤੀ ਉਸਦੀ ਵਫ਼ਾਦਾਰੀ ਵਿੱਚ ਥੋੜੀ ਵੀ ਕਮੀ ਨਹੀਂ ਆਉਂਦੀ। ਜਿਸ ਦੇਸ਼ ਵਿੱਚ ਉਹ ਭਾਰਤੀ ਰਹਿੰਦਾ ਹੈ, ਉਸ ਦੇਸ਼ ਦੀ ਪੂਰੀ ਲਗਨ ਅਤੇ ਇਮਾਨਦਾਰੀ ਨਾਲ ਸੇਵਾ ਕਰਦਾ ਹੈ। ਭਾਰਤ ਸਿਖਰ ਦਾ ਵਿਚਾਰ ਹੈ - ਜੋ 'ਵਸੁਧੈਵ ਕੁਟੁੰਬਕਮ' ਦੀ ਗੱਲ ਕਰਦਾ ਹੈ। ਭਾਰਤ ਦੂਜਿਆਂ ਦੇ ਨੁਕਸਾਨ ਦੀ ਕੀਮਤ 'ਤੇ ਆਪਣੀ ਉੱਨਤੀ ਦਾ ਸੁਪਨਾ ਨਹੀਂ ਦੇਖਦਾ। ਭਾਰਤ ਸਮੁੱਚੀ ਮਨੁੱਖਤਾ ਦੇ ਨਾਲ-ਨਾਲ ਪੂਰੀ ਦੁਨੀਆ ਦੀ ਭਲਾਈ ਦੀ ਕਾਮਨਾ ਕਰਦਾ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ, ਅੱਜ ਜਦੋਂ ਅਸੀਂ 'ਆਤਮ-ਨਿਰਭਰ ਭਾਰਤ' ਮੁਹਿੰਮ ਨੂੰ ਅੱਗੇ ਵਧਾਉਂਦੇ ਹਾਂ, ਅਸੀਂ ਵਿਸ਼ਵ ਲਈ ਤਰੱਕੀ ਦੀਆਂ ਨਵੀਆਂ ਸੰਭਾਵਨਾਵਾਂ ਖੋਲ੍ਹਣ ਦੀ ਗੱਲ ਕਰਦੇ ਹਾਂ। ਅੱਜ ਜਦੋਂ ਅਸੀਂ ਯੋਗ ਦਾ ਪ੍ਰਸਾਰ ਕਰਨ ਦੀ ਕੋਸ਼ਿਸ਼ ਕਰਦੇ ਹਾਂ, ਅਸੀਂ ਦੁਨੀਆ ਦੇ ਹਰ ਵਿਅਕਤੀ ਨੂੰ 'ਸਰਵੇ ਸੰਤੁ ਨਿਰਾਮ' ਦੀ ਕਾਮਨਾ ਕਰਦੇ ਹਾਂ।