Delhi Airport : ਜ਼ਰੂਰੀ ਸੂਚਨਾ! ਦਿੱਲੀ ਹਵਾਈ ਅੱਡੇ 'ਤੇ ਇੰਨੇ ਸਮੇਂ ਤੱਕ ਨਹੀਂ ਉਡੇਗਾ ਕੋਈ ਵੀ ਜਹਾਜ਼, 26 ਜਨਵਰੀ ਤੱਕ ਲਾਗੂ ਹੋਏ ਨਵੇਂ ਨਿਯਮ
Delhi Airport News: ਗਣਰਾਜ ਦਿਹਾੜੇ ਦੌਰਾਨ ਕਿਸੇ ਵੀ ਅਣਸੁਖਾਵੀਂ ਘਟਨਾ ਤੋਂ ਬਚਣ ਲਈ ਅਤੇ ਸੁਰੱਖਿਆ ਦੇ ਮੱਦੇਨਜ਼ਰ ਦਿੱਲੀ ਹਵਾਈ ਅੱਡੇ 'ਤੇ ਸਵੇਰੇ 10:20 ਤੋਂ ਦੁਪਹਿਰ 12:45 ਤੱਕ ਕਿਸੇ ਵੀ ਉਡਾਣ ਦੀ ਰਵਾਨਗੀ 'ਤੇ ਪਾਬੰਦੀ ਰਹੇਗੀ।
Delhi Airport Latest News: ਗਣਰਾਜ ਦਿਹਾੜੇ ਦੀਆਂ ਤਿਆਰੀਆਂ ਕਰਕੇ 19 ਤੋਂ 26 ਜਨਵਰੀ ਤੱਕ ਦਿੱਲੀ ਹਵਾਈ ਅੱਡੇ 'ਤੇ ਸਵੇਰੇ 10:20 ਤੋਂ ਦੁਪਹਿਰ 12:45 ਤੱਕ ਕੋਈ ਵੀ ਉਡਾਣ ਨਹੀਂ ਉੱਡੇਗੀ। ਮਤਲਬ ਕਿ ਇਸ ਦੌਰਾਨ ਕੋਈ ਵੀ ਫਲਾਈਟ ਇੱਥੋਂ ਟੇਕ ਆਫ ਨਹੀਂ ਕਰੇਗੀ।
ਦਿੱਲੀ ਏਅਰਪੋਰਟ ਨੇ ਮਾਈਕ੍ਰੋ ਬਲੌਗਿੰਗ ਸਾਈਟ ਐਕਸ (ਪਹਿਲਾਂ ਟਵਿੱਟਰ) 'ਤੇ ਇਕ ਪੋਸਟ ਕੀਤੀ ਸੀ। ਲਿਖਿਆ ਗਿਆ ਹੈ ਕਿ ਨੋਟਮ (ਨੋਟਿਸ ਟੂ ਏਅਰਮੈਨ) ਦੇ ਨੋਟਿਸ ਦੇ ਅਨੁਸਾਰ, 19 ਤੋਂ 26 ਜਨਵਰੀ ਤੱਕ ਦਿੱਲੀ ਏਅਰਪੋਰਟ ਤੋਂ 2 ਘੰਟੇ 15 ਮਿੰਟ ਤੱਕ ਨਾ ਤਾਂ ਕੋਈ ਫਲਾਈਟ ਟੇਕ ਆਫ ਹੋਵੇਗੀ ਅਤੇ ਨਾ ਹੀ ਇੱਥੇ ਲੈਂਡ ਕਰੇਗੀ।
ਇਨ੍ਹਾਂ ‘ਤੇ ਲਾਗੂ ਨਹੀਂ ਹੋਵੇਗਾ ਇਹ ਨਿਯਮ
ਨਿਊਜ਼ ਏਜੰਸੀ ਏਐਨਆਈ ਨੇ ਮੰਗਲਵਾਰ (16 ਜਨਵਰੀ) ਨੂੰ ਰਿਪੋਰਟ ਦਿੱਤੀ ਸੀ ਕਿ ਦਿੱਲੀ ਹਵਾਈ ਅੱਡੇ 'ਤੇ 19 ਤੋਂ 25 ਜਨਵਰੀ ਅਤੇ 26 ਤੋਂ 29 ਜਨਵਰੀ ਦਰਮਿਆਨ ਹਵਾਈ ਖੇਤਰ ਪਾਬੰਦੀਆਂ ਲਗਾਈਆਂ ਜਾ ਸਕਦੀਆਂ ਹਨ।
Kind attention to all flyers ! pic.twitter.com/K9RN3n5vHX
— Delhi Airport (@DelhiAirport) January 18, 2024
ਏਐਨਆਈ ਨੇ ਆਪਣੀ ਰਿਪੋਰਟ ਵਿੱਚ ਅਧਿਕਾਰੀਆਂ ਦੇ ਹਵਾਲੇ ਨਾਲ ਕਿਹਾ ਕਿ ਭਾਰਤੀ ਹਵਾਈ ਸੈਨਾ (ਆਈਏਐਫ), ਸੀਮਾ ਸੁਰੱਖਿਆ ਬਲ (ਬੀਐਸਐਫ), ਅਤੇ ਭਾਰਤੀ ਸੈਨਾ ਦੇ ਹੈਲੀਕਾਪਟਰ ਸੰਚਾਲਨ ਦੇ ਨਾਲ-ਨਾਲ ਸਰਕਾਰੀ ਮਾਲਕੀ ਵਾਲੇ ਹਵਾਈ ਜਹਾਜ਼/ਹੈਲੀਕਾਪਟਰ ਜਿਨ੍ਹਾਂ ਨੂੰ ਰਾਜਪਾਲ ਜਾਂ ਮੁੱਖ ਮੰਤਰੀਆਂ ਲਈ ਉਡਾਇਆ ਜਾਂਦਾ ਹੈ। ਏਅਰਲਾਈਨਾਂ ਨਾਲ ਉਡਾਣ ਭਰਨ ਵਾਲਿਆਂ ਨੂੰ ਇਸ ਹੁਕਮ ਤੋਂ ਬਾਹਰ ਰੱਖਿਆ ਗਿਆ ਹੈ ਅਤੇ ਉਨ੍ਹਾਂ ਦੇ ਸੰਚਾਲਨ 'ਤੇ ਕੋਈ ਪਾਬੰਦੀ ਨਹੀਂ ਹੋਵੇਗੀ।
ਇਹ ਵੀ ਪੜ੍ਹੋ: Ramlala Idol: ਰਾਮ ਮੰਦਰ ਵਿੱਚੋਂ ਰਾਮਲੱਲਾ ਦੀ ਪਹਿਲੀ ਤਸਵੀਰ ਆਈ ਸਾਹਮਣੇ, ਜਾਣੋ ਮੂਰਤੀ ਬਾਰੇ ਹਰ ਜਾਣਕਾਰੀ
ਦਿੱਲੀ ਵਿੱਚ ਮੈਟਰੋ ਸਟੇਸ਼ਨਾਂ ਅਤੇ ਬਾਜ਼ਾਰਾਂ ਵਿੱਚ ਵਧਾਈ ਸੁਰੱਖਿਆ
ਗਣਰਾਜ ਦਿਹਾੜੇ ਦੇ ਮੱਦੇਨਜ਼ਰ ਦਿੱਲੀ ਵਿੱਚ ਸੁਰੱਖਿਆ ਵਧਾ ਦਿੱਤੀ ਗਈ ਹੈ। ਇਸ ਸਮਾਗਮ ਵਿੱਚ ਦੇਸ਼-ਵਿਦੇਸ਼ ਦੀਆਂ ਕਈ ਪ੍ਰਸਿੱਧ ਹਸਤੀਆਂ ਸ਼ਿਰਕਤ ਕਰਨਗੀਆਂ। ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਵੀ ਇਸ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣਗੇ, ਜੋ ਇਸ ਸਾਲ ਗਣਰਾਜ ਦਿਹਾੜੇ ਦੇ ਮੁੱਖ ਮਹਿਮਾਨ ਹਨ। ਇਸ ਤੋਂ ਇਲਾਵਾ ਗਣਰਾਜ ਦਿਹਾੜੇ ਦੇ ਮੱਦੇਨਜ਼ਰ ਦਿੱਲੀ ਮੈਟਰੋ ਦੇ ਸਾਰੇ ਸਟੇਸ਼ਨਾਂ, ਪ੍ਰਮੁੱਖ ਬਾਜ਼ਾਰਾਂ ਅਤੇ ਹੋਰ ਸਰਕਾਰੀ ਦਫਤਰਾਂ ਦੇ ਬਾਹਰ ਸੁਰੱਖਿਆ ਵਧਾ ਦਿੱਤੀ ਗਈ ਹੈ।
ਦੂਜੇ ਸ਼ਹਿਰਾਂ 'ਚ ਵੀ ਪੁਲਿਸ ਅਲਰਟ ਮੋਡ 'ਤੇ
ਦਿੱਲੀ ਤੋਂ ਇਲਾਵਾ ਗਣਰਾਜ ਦਿਹਾੜੇ ਦੇ ਮੱਦੇਨਜ਼ਰ ਐਨਸੀਆਰ ਦੇ ਹੋਰ ਸ਼ਹਿਰਾਂ, ਯੂਪੀ ਦੀ ਰਾਜਧਾਨੀ ਲਖਨਊ, ਮੁੰਬਈ, ਕੋਲਕਾਤਾ ਅਤੇ ਹੋਰ ਵੱਡੇ ਮਹਾਨਗਰਾਂ ਵਿੱਚ ਸੁਰੱਖਿਆ ਵਧਾ ਦਿੱਤੀ ਗਈ ਹੈ। ਪੁਲਿਸ ਸੜਕ 'ਤੇ ਚੈਕਿੰਗ ਕਰਦੀ ਨਜ਼ਰ ਆ ਰਹੀ ਹੈ।
ਇਹ ਵੀ ਪੜ੍ਹੋ: Ram Mandir Inauguration: 22 ਜਨਵਰੀ ਨੂੰ ਕਈ ਦਫ਼ਤਰ ਅਤੇ ਸਕੂਲ ਰਹਿਣਗੇ ਬੰਦ, ਸੋਮਵਾਰ ਨੂੰ ਸਰਕਾਰੀ ਛੁੱਟੀ ਦਾ ਐਲਾਨ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
