ਪੜਚੋਲ ਕਰੋ
Advertisement
![ABP Premium](https://cdn.abplive.com/imagebank/Premium-ad-Icon.png)
ਬਿਹਾਰ ਚੋਣਾਂ 'ਤੇ ਵੱਡਾ ਸਵਾਲ, ਲੋਕ ਫ਼ਤਵਾ ਮਹਾਂਗੱਠਜੋੜ ਦੇ ਹੱਕ ’ਚ, ਚੋਣ ਕਮਿਸ਼ਨ ਨੇ ਨਤੀਜਾ NDA ਦੇ ਹੱਕ ’ਚ ਸੁਣਾਇਆ?
ਆਰਜੇਡੀ ਆਗੂ ਤੇਜੱਸਵੀ ਯਾਦਵ ਨੇ ਦੋਸ਼ ਲਾਇਆ ਸਾਨੂੰ ਲੋਕਾਂ ਦੀ ਪੂਰਨ ਹਮਾਇਤ ਮਿਲੀ ਪਰ ਐਨਡੀਏ ਨੇ ਧਨ, ਛਲ ਭਾਵ ਧੋਖਾਧੜੀ ਤੇ ਬਲ ਰਾਹੀਂ ਚੋਣ ਜਿੱਤ ਲਈ। ਉਨ੍ਹਾਂ ਕਿਹਾ ਕਿ ਨੀਤੀਸ਼ ਕੁਮਾਰ ਦਾ ਜਨਤਾ ਦਲ (ਯੂ) ਤੀਜੇ ਸਥਾਨ ’ਤੇ ਰਿਹਾ ਹੈ।
![ਬਿਹਾਰ ਚੋਣਾਂ 'ਤੇ ਵੱਡਾ ਸਵਾਲ, ਲੋਕ ਫ਼ਤਵਾ ਮਹਾਂਗੱਠਜੋੜ ਦੇ ਹੱਕ ’ਚ, ਚੋਣ ਕਮਿਸ਼ਨ ਨੇ ਨਤੀਜਾ NDA ਦੇ ਹੱਕ ’ਚ ਸੁਣਾਇਆ? RJD leader Tejashwi Yadav breaks silent on Bihar election results, NDA won due to money, muscle power ਬਿਹਾਰ ਚੋਣਾਂ 'ਤੇ ਵੱਡਾ ਸਵਾਲ, ਲੋਕ ਫ਼ਤਵਾ ਮਹਾਂਗੱਠਜੋੜ ਦੇ ਹੱਕ ’ਚ, ਚੋਣ ਕਮਿਸ਼ਨ ਨੇ ਨਤੀਜਾ NDA ਦੇ ਹੱਕ ’ਚ ਸੁਣਾਇਆ?](https://static.abplive.com/wp-content/uploads/sites/5/2020/11/12210459/tejashwi-yadav.jpg?impolicy=abp_cdn&imwidth=1200&height=675)
ਪਟਨਾ: ਬਿਹਾਰ ਚੋਣ ਨਤੀਜੇ (Bihar Election Result) ਆਉਣ ਦੇ ਬਾਅਦ ਤੋਂ ਹਾਲੇ ਤੱਕ ਚੁੱਪ ਰਹੇ ਰਾਸ਼ਟਰੀ ਜਨਤਾ ਦਲ ਦੇ ਨੇਤਾ ਤੇਜੱਸਵੀ ਯਾਦਵ (Tejashwi Yadav) ਨੇ ਹੁਣ ਪ੍ਰਤੀਕ੍ਰਿਆ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ ਉਹ ਬਿਹਾਰ ਦੇ ਲੋਕਾਂ ਦਾ ਧੰਨਵਾਦ ਕਰਦੇ ਹਨ। ਤੇਜੱਸਵੀ ਯਾਦਵ ਨੇ ਕਿਹਾ,‘ਲੋਕ ਫ਼ਤਵਾ ਤਾਂ ਮਹਾਂਗੱਠਜੋੜ ਦੇ ਹੱਕ ਵਿੱਚ ਸੀ ਪਰ ਚੋਣ ਕਮਿਸ਼ਨ ਦਾ ਨਤੀਜਾ ਐਨਡੀਏ ਦੇ ਹੱਕ ’ਚ ਆਇਆ। ਅਜਿਹਾ ਪਹਿਲੀ ਵਾਰ ਨਹੀਂ ਹੋਇਆ। ਸਾਲ 2015 ’ਚ ਜਦੋਂ ਮਹਾਂਗੱਠਜੋੜ ਬਣਿਆ ਸੀ, ਤਦ ਵੋਟਾਂ ਸਾਡੇ ਹੱਕ ਵਿੱਚ ਸਨ ਪਰ ਭਾਜਪਾ ਸੱਤਾ ਹਾਸਲ ਕਰਨ ਲਈ ਪਿਛਲੇ ਦਰਵਾਜ਼ੇ ’ਚੋਂ ਦਾਖ਼ਲ ਹੋ ਗਈ।’
ਆਰਜੇਡੀ ਆਗੂ ਤੇਜੱਸਵੀ ਯਾਦਵ ਨੇ ਦੋਸ਼ ਲਾਇਆ ਸਾਨੂੰ ਲੋਕਾਂ ਦੀ ਪੂਰਨ ਹਮਾਇਤ ਮਿਲੀ ਪਰ ਐਨਡੀਏ ਨੇ ਧਨ, ਛਲ ਭਾਵ ਧੋਖਾਧੜੀ ਤੇ ਬਲ ਰਾਹੀਂ ਚੋਣ ਜਿੱਤ ਲਈ। ਉਨ੍ਹਾਂ ਕਿਹਾ ਕਿ ਨੀਤੀਸ਼ ਕੁਮਾਰ ਦਾ ਜਨਤਾ ਦਲ (ਯੂ) ਤੀਜੇ ਸਥਾਨ ’ਤੇ ਰਿਹਾ ਹੈ। ਜੇ ਨੀਤੀਸ਼ ਹੁਰਾਂ ਦੀ ਨੈਤਿਕਤਾ ਬਚੀ ਹੈ, ਤਾਂ ਉਨ੍ਹਾਂ ਨੂੰ ਮੁੱਖ ਮੰਤਰੀ ਦੀ ਕੁਰਸੀ ਲਈ ਆਪਣਾ ਲਾਲਚ ਛੱਡ ਦੇਣਾ ਚਾਹੀਦਾ ਹੈ।
ਤੇਜੱਸਵੀ ਯਾਦਵ ਨੇ ਕਿਹਾ ਕਿ ਚੋਣ ਕਮਿਸ਼ਨ ਤੋਂ ਅਸੀਂ ਉਨ੍ਹਾਂ ਸਾਰੇ ਵਿਧਾਨ ਸਭਾ ਹਲਕਿਆਂ ਵਿੱਚ ਡਾਕ ਰਾਹੀਂ ਮਿਲੀਆਂ ਵੋਟਾਂ ਦੀ ਮੁੜ ਗਿਣਤੀ ਕੀਤੇ ਜਾਣ ਦੀ ਮੰਗ ਕਰਦੇ ਹਾਂ, ਜਿੱਥੇ ਉਨ੍ਹਾਂ ਦੀ ਗਿਣਤੀ ਸ਼ੁਰੂ ’ਚ ਨਹੀਂ, ਸਗੋਂ ਅੰਤ ’ਚ ਕੀਤੀ ਗਈ। ਬਿਹਾਰ ਵਿਧਾਨ ਸਭਾ ਚੋਣ ’ਚ ਬਹੁਤ ਹੀ ਰੋਮਾਂਚਕ ਮੁਕਾਬਲੇ ’ਚ ਨੀਤੀਸ਼ ਕੁਮਾਰ ਦੀ ਅਗਵਾਈ ਹੇਠਲੇ NDA ਨੇ ਕੁੱਲ 243 ਵਿੱਚੋਂ 125 ਸੀਟਾਂ ਉੱਤੇ ਜੇਤੂ ਝੰਡਾ ਲਹਿਰਾ ਕੇ ਬਹੁਮਤ ਦਾ ਜਾਦੂਮਈ ਅੰਕੜਾ ਹਾਸਲ ਕੀਤਾ ਹੈ। ਮਹਾਂਗੱਠਜੋੜ ਦੇ ਖਾਤੇ ਵਿੱਚ 110 ਸੀਟਾਂ ਆਈਆਂ ਹਨ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
Follow Breaking News on abp LIVE for more latest stories and trending topics. Watch breaking news and top headlines online on abp sanjha LIVE TV Khelo khul ke, sab bhool ke - only on Games Live
ਹੋਰ ਵੇਖੋ
Advertisement
Advertisement
Advertisement
ਟਾਪ ਹੈਡਲਾਈਨ
ਪੰਜਾਬ
ਜਲੰਧਰ
ਚੰਡੀਗੜ੍ਹ
ਟ੍ਰੈਂਡਿੰਗ
Advertisement
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)