ਬਠਿੰਡਾ ਦਾ ਇਹ ਜੱਜ ਸਵਾਲਾਂ ਦੇ ਘੇਰੇ 'ਚ, ₹30 ਲੱਖ ਦੀ ਰਿਸ਼ਵਤ ਵਾਲੇ ਮਾਮਲੇ 'ਚ ਨਵਾਂ ਮੋੜ, ਜਾਣੋ ਪੂਰਾ ਮਾਮਲਾ
ਪੰਜਾਬ ਦਾ ਇੱਕ ਜੱਜ ਖੁਦ ਹੀ ਸਵਾਲਾਂ ਦੇ ਕਟਹਿਰਾ ਦੇ ਵਿੱਚ ਖੜ੍ਹਾ ਹੋਇਆ ਨਜ਼ਰ ਆ ਰਿਹਾ ਹੈ। ਜੀ ਹਾਂ ਤਲਾਕ ਮਾਮਲੇ 'ਚ ਕੁੜੀ ਪੱਖ ਦੇ ਹੱਕ ਵਿੱਚ ਫੈਸਲਾ ਕਰਵਾਉਣ ਲਈ 30 ਲੱਖ ਰੁਪਏ ਰਿਸ਼ਵਤ ਮੰਗਣ ਦਾ ਮਾਮਲਾ ਮੁੜ ਸੁਰਖੀਆਂ ਵਿੱਚ ਆ ਗਿਆ ਹੈ।
ਪੰਜਾਬ ਦਾ ਇੱਕ ਜੱਜ ਖੁਦ ਹੀ ਸਵਾਲਾਂ ਦੇ ਕਟਹਿਰਾ ਦੇ ਵਿੱਚ ਖੜ੍ਹਾ ਹੋਇਆ ਨਜ਼ਰ ਆ ਰਿਹਾ ਹੈ। ਜੀ ਹਾਂ ਤਲਾਕ ਮਾਮਲੇ 'ਚ ਕੁੜੀ ਪੱਖ ਦੇ ਹੱਕ ਵਿੱਚ ਫੈਸਲਾ ਕਰਵਾਉਣ ਲਈ 30 ਲੱਖ ਰੁਪਏ ਰਿਸ਼ਵਤ ਮੰਗਣ ਦਾ ਮਾਮਲਾ ਮੁੜ ਸੁਰਖੀਆਂ ਵਿੱਚ ਆ ਗਿਆ ਹੈ। ਇਸ ਮਾਮਲੇ ਵਿੱਚ ਚੰਡੀਗੜ੍ਹ CBI ਦੀ ਟੀਮ ਹੁਣ ਬਠਿੰਡਾ ਕੋਰਟ ਦੇ ਉਸ ਜੱਜ ਨੂੰ ਵੀ ਜਾਂਚ ਦੇ ਦਾਇਰੇ ਵਿੱਚ ਸ਼ਾਮਿਲ ਕਰ ਚੁੱਕੀ ਹੈ, ਜਿਸ ਦੇ ਨਾਮ 'ਤੇ ਵਕੀਲ ਜਤਿਨ ਸਾਲਵਾਨ ਅਤੇ ਦਲਾਲ ਨੇ ਸ਼ਿਕਾਇਤਕਾਰ ਪੱਖ ਤੋਂ 30 ਲੱਖ ਰੁਪਏ ਦੀ ਡੀਲ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ।
ਚੰਡੀਗੜ੍ਹ CBI ਟੀਮ ਬਠਿੰਡਾ ਗਈ ਅਤੇ ਜੱਜ ਤੋਂ ਬੰਦ ਕਮਰੇ ਵਿੱਚ ਕਈ ਘੰਟਿਆਂ ਤੱਕ ਪੁੱਛਗਿੱਛ ਕੀਤੀ। ਪੁੱਛਗਿੱਛ ਦੌਰਾਨ ਜੱਜ ਤੋਂ 20 ਤੋਂ ਵੱਧ ਸਵਾਲ ਪੁੱਛੇ ਗਏ। ਜੱਜ ਨੇ ਆਪਣੇ ਉੱਤੇ ਲੱਗੇ ਸਾਰੇ ਦੋਸ਼ਾਂ ਤੋਂ ਇਨਕਾਰ ਕੀਤਾ ਅਤੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਰਿਸ਼ਵਤ ਮਾਮਲੇ ਬਾਰੇ ਕੋਈ ਜਾਣਕਾਰੀ ਨਹੀਂ। CBI ਨੇ ਵਾਰ-ਵਾਰ ਰਿਕਾਰਡਿੰਗ ਦਾ ਹਵਾਲਾ ਦਿੱਤਾ ਜਿਸ ਵਿੱਚ ਸਿਰਫ਼ ਉਸੇ ਜੱਜ ਦਾ ਨਾਮ ਲਿਆ ਗਿਆ ਸੀ।
ਇਸ ਤਰ੍ਹਾਂ ਮੰਨਿਆ ਜਾ ਰਿਹਾ ਹੈ ਕਿ ਜੱਜ ਦੀ ਮੁਸ਼ਕਿਲਾਂ ਹੋਰ ਵਧ ਸਕਦੀਆਂ ਹਨ। ਜਾਂਚ ਏਜੰਸੀ ਹੁਣ ਪੁੱਛਗਿੱਛ ਦੇ ਆਧਾਰ 'ਤੇ ਚਾਰਜਸ਼ੀਟ ਵਿੱਚ ਜੱਜ ਦਾ ਨਾਮ ਵੀ ਸ਼ਾਮਿਲ ਕਰ ਸਕਦੀ ਹੈ।
ਹਾਈਕੋਰਟ ਵਿੱਚ ਵੀ ਉਠਿਆ ਸਵਾਲ
ਇਸ ਮਾਮਲੇ ਵਿੱਚ ਆਰੋਪੀ ਵਕੀਲ ਜਤਿਨ ਸਾਲਵਾਨ ਨੇ ਹਾਈਕੋਰਟ ਵਿੱਚ ਜਮਾਨਤ ਯਾਚਿਕਾ ਦਾਖਲ ਕੀਤੀ ਹੈ। ਮੰਗਲਵਾਰ, 30 ਸਤੰਬਰ ਨੂੰ ਹੋਈ ਸੁਣਵਾਈ ਵਿੱਚ ਕੋਰਟ ਨੇ CBI ਤੋਂ ਸਟੇਟਸ ਰਿਪੋਰਟ ਮੰਗੀ। ਕੋਰਟ ਨੇ ਪੁੱਛਿਆ ਕਿ ਕੀ ਬਠਿੰਡਾ ਕੋਰਟ ਦੇ ਜੂਡੀਸ਼ੀਅਲ ਅਧਿਕਾਰੀ ਤੋਂ ਪੁੱਛਗਿੱਛ ਹੋ ਚੁਕੀ ਹੈ, ਤਾਂ CBI ਨੇ ਜਵਾਬ ਦਿੱਤਾ ਕਿ ਹਾਂ, ਪੁੱਛਗਿੱਛ ਕਰ ਲਈ ਗਈ ਹੈ ਅਤੇ ਉਹਨਾਂ ਨੂੰ ਜਾਂਚ ਵਿੱਚ ਸ਼ਾਮਿਲ ਕਰ ਲਿਆ ਗਿਆ ਹੈ।
ਕੋਰਟ ਨੇ ਚਾਰਜਸ਼ੀਟ ਬਾਰੇ ਵੀ ਸਵਾਲ ਕੀਤਾ। CBI ਨੇ ਦੱਸਿਆ ਕਿ ਅਕਤੂਬਰ ਦੇ ਦੂਜੇ ਹਫ਼ਤੇ ਤੱਕ ਚਾਰਜਸ਼ੀਟ ਦਾਖਲ ਕਰ ਦਿੱਤੀ ਜਾਵੇਗੀ। ਕੋਰਟ ਨੇ ਹੁਕਮ ਦਿੱਤਾ ਕਿ ਚਾਰਜਸ਼ੀਟ 13 ਅਕਤੂਬਰ ਤੱਕ ਦਾਖਲ ਕੀਤੀ ਜਾਵੇ। ਜਮਾਨਤ ਯਾਚਿਕਾ 'ਤੇ ਫੈਸਲਾ ਵੀ ਚਾਰਜਸ਼ੀਟ ਦਾਖਲ ਹੋਣ ਤੋਂ ਬਾਅਦ ਹੀ ਸੁਣਾਇਆ ਜਾਵੇਗਾ।
ਜੱਜ ਦੇ ਨਾਮ 'ਤੇ ਮੰਗੀ ਗਈ 30 ਲੱਖ ਰੁਪਏ ਦੀ ਰਿਸ਼ਵਤ
ਗੌਰਤਲਬ ਹੈ ਕਿ 14 ਅਗਸਤ ਨੂੰ CBI ਦੀ ਜਾਂਚ ਟੀਮ ਨੇ ਚੰਡੀਗੜ੍ਹ ਸੈਕਟਰ-15 ਰਹਿਣ ਵਾਲੇ ਵਕੀਲ ਜਤਿਨ ਸਾਲਵਾਨ ਅਤੇ ਦਲਾਲ ਸਤਨਾਮ ਸਿੰਘ ਨੂੰ ਸ਼ਿਕਾਇਤਕਾਰ ਤੋਂ ਜੱਜ ਦੇ ਨਾਮ 'ਤੇ 4 ਲੱਖ ਰੁਪਏ ਰਿਸ਼ਵਤ ਮੰਗਣ ਦੇ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤਾ ਸੀ। ਹਾਲਾਂਕਿ, ਜੱਜ ਦੇ ਨਾਮ 'ਤੇ ਰਿਸ਼ਵਤ 30 ਲੱਖ ਰੁਪਏ ਮੰਗੀ ਗਈ ਸੀ।
ਇਸ ਮਾਮਲੇ ਵਿੱਚ ਜਾਂਚ ਟੀਮ ਨੇ ਬਠਿੰਡਾ ਕੋਰਟ ਵਿੱਚ ਤਾਇਨਾਤ ਉਸ ਜੱਜ ਤੋਂ ਪੁੱਛਗਿੱਛ ਕਰਨ ਲਈ ਹਾਈਕੋਰਟ ਤੋਂ ਪਰਮਿਸ਼ਨ ਮੰਗੀ ਸੀ, ਜੋ ਕੁਝ ਦਿਨ ਪਹਿਲਾਂ ਮਿਲ ਗਈ। ਹਾਲਾਂਕਿ ਸ਼ਰਤ ਇਹ ਸੀ ਕਿ CBI ਜੂਡੀਸ਼ੀਅਲ ਅਧਿਕਾਰੀ ਨੂੰ ਆਪਣੇ ਦਫ਼ਤਰ ਵਿੱਚ ਨਹੀਂ ਬੁਲੇਗੀ ਅਤੇ ਸਿਰਫ਼ ਬਠਿੰਡਾ ਜਾ ਕੇ ਪੁੱਛਗਿੱਛ ਕਰੇਗੀ। ਇਸ ਲਈ, ਜਾਂਚ ਟੀਮ ਬਠਿੰਡਾ ਗਈ ਅਤੇ ਜੱਜ ਤੋਂ ਬੰਦ ਕਮਰੇ ਵਿੱਚ ਕਈ ਘੰਟਿਆਂ ਤੱਕ ਪੁੱਛਗਿੱਛ ਕੀਤੀ।
ਮਾਮਲੇ ਨੂੰ ਜਾਣੋ 3 ਮੁੱਖ ਪੁਆਇੰਟ ਰਾਹੀਂ
ਬਠਿੰਡਾ ਕੋਰਟ ਵਿੱਚ ਤਲਾਕ ਮਾਮਲੇ ਤੋਂ ਸ਼ੁਰੂਆਤ: 13 ਅਗਸਤ 2025 ਨੂੰ ਫਿਰੋਜ਼ਪੁਰ ਦੀ ਬੇਦੀ ਕਾਲੋਨੀ ਰਹਿਣ ਵਾਲੇ ਹਰਸਿਮਰਨਜੀਤ ਸਿੰਘ ਨੇ CBI ਨੂੰ ਸ਼ਿਕਾਇਤ ਦਿੱਤੀ। ਉਹਨਾਂ ਦੱਸਿਆ ਕਿ ਉਹਨਾਂ ਦੀ ਕਜ਼ਿਨ ਸਿਸਟਰ ਸੰਦੀਪ ਕੌਰ ਦਾ ਤਲਾਕ ਮਾਮਲਾ ਬਠਿੰਡਾ ਕੋਰਟ ਵਿੱਚ ਚੱਲ ਰਿਹਾ ਹੈ।
ਜੱਜ ਦੇ ਨਾਮ 'ਤੇ ਵਕੀਲ ਵੱਲੋਂ ਪੈਸੇ ਮੰਗੇ: ਇਸ ਕੇਸ ਵਿੱਚ ਵਕੀਲ ਜਤਿਨ ਸਾਲਵਾਨ ਵਾਰ-ਵਾਰ ਦਬਾਅ ਪਾ ਰਿਹਾ ਸੀ ਕਿ ਜੇ ਮਾਮਲੇ ਦਾ ਫੈਸਲਾ ਆਪਣੇ ਪੱਖ ਵਿੱਚ ਚਾਹੀਦਾ ਹੈ ਤਾਂ 30 ਲੱਖ ਰੁਪਏ ਜੱਜ ਨੂੰ ਦੇਣੇ ਹੋਣਗੇ। ਸਾਲਵਾਨ ਨੇ ਇਹ ਵੀ ਕਿਹਾ ਕਿ ਜਿਵੇਂ ਹੀ ਪੈਸੇ ਦਿੱਤੇ ਜਾਣਗੇ, ਜੱਜ ਦਾ ਖਾਸ ਵਿਅਕਤੀ ਆ ਕੇ ਰਕਮ ਲੈ ਲਏਗਾ ਅਤੇ ਫੈਸਲਾ ਉਹਨਾਂ ਦੇ ਹੱਕ ਵਿੱਚ ਹੋ ਜਾਵੇਗਾ।
ਸ਼ਿਕਾਇਤਕਾਰ ਨੇ CBI ਨੂੰ ਸ਼ਿਕਾਇਤ ਦਿੱਤੀ: ਜਦੋਂ ਹਰਸਿਮਰਨਜੀਤ ਨੇ ਪੈਸੇ ਘਟਾਉਣ ਦੀ ਗੱਲ ਕੀਤੀ, ਤਾਂ ਸਾਲਵਾਨ ਨੇ ਸਪੱਸ਼ਟ ਕਿਹਾ ਕਿ "ਰਿਸ਼ਵਤ ਦੇ ਪੈਸੇ ਕਦੇ ਘਟਦੇ ਨਹੀਂ"। ਇਸ ਤੋਂ ਬਾਅਦ ਹਰਸਿਮਰਨਜੀਤ ਨੇ CBI ਨਾਲ ਸੰਪਰਕ ਕੀਤਾ। ਸ਼ਿਕਾਇਤ 'ਤੇ CBI ਨੇ ਜਾਲ ਬਿਛਾਇਆ ਅਤੇ 5 ਲੱਖ ਰੁਪਏ ਦੀ ਪਹਿਲੀ ਕਿਸ਼ਤ ਲਈ ਸਾਲਵਾਨ ਅਤੇ ਉਸਦੇ ਸਾਥੀ ਨੂੰ ਰੰਗੇ ਹੱਥਾਂ ਫੜਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
