ਯੂਕਰੇਨ 'ਚ ਫਸੇ ਹਰਜੋਤ ਸਿੰਘ ਨੇ ਜ਼ਾਹਿਰ ਕੀਤਾ ਦਰਦ, ਕਿਹਾ-ਸਰਕਾਰ ਮੌਤ ਤੋਂ ਬਾਅਦ ਜਹਾਜ਼ ਭੇਜੇ ਤਾਂ ਕੋਈ ਫਾਇਦਾ ਨਹੀਂ

Russia Ukraine War: ਪੰਜਾਬ ਦੇ ਹਰਜੋਤ ਸਿੰਘ ਨੂੰ ਕਈ ਗੋਲੀਆਂ ਲੱਗੀਆਂ ਹਨ। ਹਰਜੋਤ ਸਿੰਘ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਕੇਂਦਰ ਸਰਕਾਰ ਤੋਂ ਕੋਈ ਮਦਦ ਨਹੀਂ ਮਿਲ ਰਹੀ।

Harjot_Singh

Get to know Harjot Singh reaction, an Indian who sustained multiple bullet injuries in war-torn Ukraine

Punjab News: ਯੂਕਰੇਨ ਵਿੱਚ ਫਸੇ ਭਾਰਤੀ ਵਿਦਿਆਰਥੀਆਂ ਦੀ ਸੁਰੱਖਿਆ ਦਾ ਮੁੱਦਾ ਬਹੁਤ ਗੰਭੀਰ ਹੋ ਗਿਆ ਹੈ। ਪੰਜਾਬ ਦੇ ਹਰਜੋਤ ਸਿੰਘ ਨੂੰ ਗੋਲੀ ਲੱਗੀ ਹੈ ਅਤੇ ਉਹ ਹਸਪਤਾਲ ਵਿੱਚ ਦਾਖਲ ਹੈ। ਹਰਜੋਤ ਸਿੰਘ ਨੇ ਕੇਂਦਰ ਸਰਕਾਰ ਤੋਂ ਕੋਈ ਮਦਦ ਨਾ ਮਿਲਣ ਦਾ ਦੋਸ਼ ਲਾਇਆ ਹੈ। ਹਰਜੋਤ ਦਾ ਕਹਿਣਾ ਹੈ ਕਿ ਉਹ ਲਗਾਤਾਰ ਭਾਰਤੀ ਦੂਤਾਵਾਸ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।

ਹਰਜੋਤ ਸਿੰਘ ਨੇ ਕਿਹਾ, “ਸਾਨੂੰ ਭਾਰਤੀ ਦੂਤਾਵਾਸ ਤੋਂ ਕੋਈ ਮਦਦ ਨਹੀਂ ਮਿਲ ਰਹੀ ਹੈ। ਅਸੀਂ ਹਰ ਰੋਜ਼ ਸੰਪਰਕ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਹਰ ਰੋਜ਼ ਉਹ ਕਹਿੰਦੇ ਹਨ ਕਿ ਕੋਈ ਨਾ ਕੋਈ ਮਦਦ ਕਰੇਗਾ। ਪਰ ਕੁਝ ਨਹੀਂ ਹੋ ਰਿਹਾ। ਅਜੇ ਤੱਕ ਕੋਈ ਮਦਦ ਨਹੀਂ ਮਿਲ ਰਹੀ।"

ਹਰਜੋਤ ਸਿੰਘ ਕੀਵ ਦੇ ਇੱਕ ਹਸਪਤਾਲ ਵਿੱਚ ਜ਼ੇਰੇ ਇਲਾਜ ਹੈ। ਹਰਜੋਤ ਸਿੰਘ ਨੇ ਦੱਸਿਆ ਕਿ ਇਹ 27 ਫਰਵਰੀ ਦੀ ਘਟਨਾ ਹੈ। ਅਸੀਂ ਤਿੰਨ ਜਣੇ ਕੈਬ ਵਿੱਚ ਸੀ। ਤੀਜੀ ਚੌਕੀ 'ਤੇ ਸਾਨੂੰ ਸੁਰੱਖਿਆ ਕਾਰਨਾਂ ਕਰਕੇ ਵਾਪਸ ਜਾਣ ਲਈ ਕਿਹਾ ਗਿਆ। ਜਦੋਂ ਅਸੀਂ ਵਾਪਸ ਜਾ ਰਹੇ ਸੀ ਤਾਂ ਕਾਰ 'ਤੇ ਗੋਲੀਬਾਰੀ ਹੋਈ। ਮੈਨੂੰ ਕਈ ਗੋਲੀਆਂ ਲੱਗੀਆਂ ਹਨ।"

ਹਰਜੋਤ ਸਿੰਘ ਨੇ ਪ੍ਰਗਟਾਇਆ ਦੁੱਖ

ਹਰਜੋਤ ਸਿੰਘ ਨੇ ਅੱਗੇ ਕਿਹਾ, “ਜੇ ਉਹ ਮਰਨ ਤੋਂ ਬਾਅਦ ਜਹਾਜ਼ ਭੇਜਦੇ ਹਨ ਤਾਂ ਕੋਈ ਫਰਕ ਨਹੀਂ ਪੈਂਦਾ। ਮੈਨੂੰ ਇੱਕ ਹੋਰ ਜੀਵਨ ਮਿਲਿਆ ਹੈ ਅਤੇ ਮੈਂ ਇਸਨੂੰ ਜੀਣਾ ਚਾਹੁੰਦਾ ਹਾਂ। ਮੈਂ ਭਾਰਤੀ ਦੂਤਾਵਾਸ ਨੂੰ ਬਾਹਰ ਨਿਕਲਣ ਦੀ ਅਪੀਲ ਕਰਦਾ ਹਾਂ। ਕ੍ਰਿਪਾ ਮੇਰੀ ਮਦਦ ਕਰੋ।"

ਦੱਸ ਦੇਈਏ ਕਿ ਪੰਜਾਬ ਦੇ 990 ਬੱਚੇ ਯੂਕਰੇਨ ਵਿੱਚ ਫਸੇ ਹੋਏ ਹਨ। ਪੰਜਾਬ ਸਰਕਾਰ ਨੇ ਦੱਸਿਆ ਹੈ ਕਿ ਹੁਣ ਤੱਕ ਸੂਬੇ ਦੇ ਸਿਰਫ਼ 62 ਬੱਚੇ ਹੀ ਯੂਕਰੇਨ ਤੋਂ ਵਾਪਸ ਆ ਸਕੇ ਹਨ। ਪੰਜਾਬ ਸਰਕਾਰ ਸਾਰੇ ਬੱਚਿਆਂ ਨੂੰ ਸੁਰੱਖਿਅਤ ਵਾਪਸ ਲਿਆਉਣ ਲਈ ਕੇਂਦਰ ਸਰਕਾਰ ਨੂੰ ਲਗਾਤਾਰ ਅਪੀਲ ਕਰ ਰਹੀ ਹੈ।

ਇਹ ਵੀ ਪੜ੍ਹੋ: IND vs SL, 1st Innings Highlight: ਭਾਰਤ ਦੇ ਨਾਂਅ ਰਿਹਾ ਪਹਿਲਾ ਦਿਨ, ਰਿਸ਼ਭ ਪੰਤ ਸੈਂਕੜੇ ਤੋਂ ਖੁੰਝੇ; ਸਕੋਰ 357-6