ਕੋਰੋਨਾ ਵਾਇਰਸ ਨੇ ਸ਼ਰਾਬ ਦਾ ਨਸ਼ਾ ਘਟਾਇਆ, ਪਹਿਲਾਂ ਦੇ ਮੁਕਾਬਲੇ ਵਿਕਰੀ 'ਚ ਵੱਡੀ ਗਿਰਾਵਟ

ਅੰਕੜਿਆਂ ਦੇ ਮੁਤਾਬਕ ਸ਼ਰਾਬ ਠੇਕੇਦਾਰਾਂ ਨੇ ਮਈ 'ਚ ਬੀਅਰ ਦੇ 63,000 ਡੱਬੇ ਤੇ ਜੂਨ 'ਚ 6.57 ਲੱਖ ਡੱਬੇ ਚੁੱਕੇ। ਇਸ ਦੇ ਮੁਕਾਬਲੇ ਸਾਲ 2019 'ਚ ਮਈ 'ਚ 3.62 ਲੱਖ ਤੇ ਜੂਨ 'ਚ 5.35 ਲੱਖ ਡੱਬੇ ਚੁੱਕੇ ਸਨ। ਇਸ ਹਿਸਾਬ ਨਾਲ ਮਈ ਮਹੀਨੇ 'ਚ 82 ਫੀਸਦ ਗਿਰਾਵਟ ਦਰਜ ਕੀਤੀ ਗਈ ਤੇ ਜੂਨ ਮਹੀਨੇ 60 ਫੀਸਦ ਕਮੀ ਦਰਜ ਕੀਤੀ ਗਈ ਹੈ।

ਸੰਕੇਤਕ ਤਸਵੀਰ

ਚੰਡੀਗੜ੍ਹ: ਪੰਜਾਬ ਵਿੱਚ ਕੋਰੋਨਾ ਵਾਇਰਸ ਦਾ ਅਸਰ ਸ਼ਰਾਬ ਤੇ ਬੀਅਰ ਦੀ ਵਿਕਰੀ 'ਤੇ ਬਾਖੂਬੀ ਪਿਆ ਹੈ। ਸੂਬੇ 'ਚ ਗਰਮੀ ਦੌਰਾਨ ਬੀਅਰ ਦੀ ਵਿਕਰੀ ਮਹਾਮਾਰੀ ਕਾਰਨ ਕਾਫੀ ਘਟ ਗਈ ਹੈ।

ਸ਼ਰਾਬ ਠੇਕੇਦਾਰਾਂ ਨੇ ਪਿਛਲੇ ਸਾਲ ਨਾਲੋਂ ਮਈ ਤੇ ਜੂਨ ਦੌਰਾਨ ਆਪਣੇ ਕੋਟੇ 'ਚੋਂ 60 ਫੀਸਦ ਘੱਟ ਮਾਲ ਚੁੱਕਿਆ। ਜੂਨ 'ਚ ਵਿਕਰੀ 'ਚ ਤੇਜ਼ੀ ਦੇਖੀ ਗਈ ਪਰ ਮਈ 2020 ਦੇ ਅੰਕੜਿਆਂ ਦੇ ਨਾਲ ਦੋ ਮਹੀਨੇ ਦਾ ਸਮਾਂ ਬੀਅਰ ਦੀ ਵਿਕਰੀ ਲਈ ਖ਼ਰਾਬ ਰਿਹਾ ਹੈ।

ਇੰਡੀਅਨ ਮੇਡ ਫਾਰੇਨ ਲਿਕੁਇਰ ਦੀ ਵਿਕਰੀ ਵੀ ਮਹਾਮਾਰੀ ਕਾਰਨ ਪ੍ਰਭਾਵਿਤ ਹੋਈ ਹੈ। ਸ਼ਰਾਬ ਠੇਕੇਦਾਰਾਂ ਨੇ ਪਿਛਲੇ ਸਾਲ ਮਈ ਤੇ ਜੂਨ ਦੇ ਮੁਕਾਬਲੇ ਇਸ ਸਾਲ ਮਈ ਤੇ ਜੂਨ 'ਚ IMFL ਦਾ 31 ਫੀਸਦ ਘੱਟ ਕੋਟਾ ਚੁੱਕਿਆ ਹੈ। ਇਸ ਦੇ ਨਾਲ ਹੀ ਪੰਜਾਬ 'ਚ ਬਣੀ ਸ਼ਰਾਬ ਦੀ ਵਿਕਰੀ 'ਚ ਵੀ ਇਸ ਸਮੇਂ ਦੌਰਾਨ 20 ਫੀਸਦ ਵਾਧਾ ਦਰਜ ਕੀਤਾ ਗਿਆ।

ਇਕ ਸਰਕਾਰੀ ਅਧਿਕਾਰੀ ਮੁਤਾਬਕ IMFL ਦੀ ਵਿਕਰੀ 'ਚ ਗਿਰਾਵਟ ਦਾ ਵੱਡਾ ਕਾਰਨ ਕੋਰੋਨਾ ਵਾਇਰਸ ਕਾਰਨ ਵਿਆਹ ਕਾਰਜਾਂ 'ਚ ਭਾਰੀ ਗਿਰਾਵਟ ਆਉਣਾ ਵੀ ਹੈ। ਇਸ ਤੋਂ ਇਲਾਵਾ ਬੀਅਰ ਦੀ ਵਿਕਰੀ ਘੱਟ ਹੋਣ ਪਿੱਛੇ ਕਾਲਜ ਯੂਨੀਵਰਸਿਟੀਆਂ ਬੰਦ ਹੋਣਾ ਵੀ ਕਾਰਨ ਮੰਨਿਆ ਜਾ ਰਿਹਾ ਹੈ ਕਿਉਂਕਿ ਕਾਲਜ ਦੇ ਸਮੇਂ ਬੀਅਰ ਦੇ ਮੁੱਖ ਉਪਭੋਗਤਾ ਵਿਦਿਆਰਥੀ ਹੁੰਦੇ ਹਨ।

ਅਧਿਕਾਰਤ ਅੰਕੜਿਆਂ ਦੇ ਮੁਤਾਬਕ ਸ਼ਰਾਬ ਠੇਕੇਦਾਰਾਂ ਨੇ ਮਈ 'ਚ ਬੀਅਰ ਦੇ 63,000 ਡੱਬੇ ਤੇ ਜੂਨ 'ਚ 6.57 ਲੱਖ ਡੱਬੇ ਚੁੱਕੇ। ਇਸ ਦੇ ਮੁਕਾਬਲੇ ਸਾਲ 2019 'ਚ ਮਈ 'ਚ 3.62 ਲੱਖ ਤੇ ਜੂਨ 'ਚ 5.35 ਲੱਖ ਡੱਬੇ ਚੁੱਕੇ ਸਨ। ਇਸ ਹਿਸਾਬ ਨਾਲ ਮਈ ਮਹੀਨੇ 'ਚ 82 ਫੀਸਦ ਗਿਰਾਵਟ ਦਰਜ ਕੀਤੀ ਗਈ ਤੇ ਜੂਨ ਮਹੀਨੇ 60 ਫੀਸਦ ਕਮੀ ਦਰਜ ਕੀਤੀ ਗਈ ਹੈ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ