Punjab News: ਡ੍ਰਾਈਵਿੰਗ ਲਾਈਸੈਂਸ ਘੋਟਾਲੇ 'ਚ ਸਸਪੈਂਡ ਹੋਏ ਦੋ ਅਫਸਰ ਬਹਾਲ; ਪੰਜਾਬ ਸਰਕਾਰ ਨੇ ਜਾਰੀ ਕੀਤੇ ਆਰਡਰ, ਮਜੀਠੀਆ ਤੇ ਬਾਜਵਾ ਨੇ ਘੇਰੀ ਸਰਕਾਰ
ਪੰਜਾਬ ਦੇ ਹਾਈ ਪ੍ਰੋਫਾਇਲ ਡ੍ਰਾਈਵਿੰਗ ਲਾਈਸੈਂਸ ਘੋਟਾਲੇ ਮਾਮਲੇ 'ਚ ਵੱਡਾ ਅਪਡੇਟ ਸਾਹਮਣੇ ਆਇਆ ਹੈ। ਜੀ ਹਾਂ ਸਸਪੈਂਡ ਕੀਤੇ ਵਿਜਿਲੈਂਸ ਬਿਊਰੋ ਦੇ ਦੋ ਅਫਸਰਾਂ ਨੂੰ ਬਹਾਲ ਕਰ ਦਿੱਤਾ ਹੈ। ਜਿਸ ਤੋਂ ਬਾਅਦ ਸਿਆਸੀ ਗਲਿਆਰਿਆਂ ਦੇ ਵਿੱਚ ਚਰਚਾ ਤੇਜ਼...
Punjab News: ਪੰਜਾਬ ਸਰਕਾਰ ਨੇ ਡ੍ਰਾਈਵਿੰਗ ਲਾਈਸੈਂਸ ਘੋਟਾਲੇ ਵਿੱਚ 23 ਦਿਨ ਪਹਿਲਾਂ, 25 ਅਪ੍ਰੈਲ ਨੂੰ ਸਸਪੈਂਡ ਕੀਤੇ ਵਿਜਿਲੈਂਸ ਬਿਊਰੋ ਦੇ ਦੋ ਅਫਸਰਾਂ ਨੂੰ ਬਹਾਲ ਕਰ ਦਿੱਤਾ ਹੈ। ਇਹਨਾਂ ਵਿੱਚ ਫਲਾਇੰਗ ਸਕੁਆਡ AIG ਸਵਰਨਦੀਪ ਸਿੰਘ ਅਤੇ ਜਲੰਧਰ ਵਿਜਿਲੈਂਸ ਬਿਊਰੋ SSP ਹਰਪ੍ਰੀਤ ਸਿੰਘ ਸ਼ਾਮਿਲ ਹਨ। ਦੋਹਾਂ ਅਧਿਕਾਰੀਆਂ ਨੂੰ ਉਹੀ ਪਦ ਦਿੱਤਾ ਗਿਆ ਹੈ ਜਿੱਥੋਂ ਉਨ੍ਹਾਂ ਨੂੰ ਸਸਪੈਂਡ ਕੀਤਾ ਗਿਆ ਸੀ।
ਜਦਕਿ ਸਰੋਤਾਂ ਤੋਂ ਪਤਾ ਲੱਗਿਆ ਹੈ ਕਿ ਵਿਜਿਲੈਂਸ ਚੀਫ਼ ਪਦ ਤੋਂ ਸਸਪੈਂਡ ਕੀਤੇ 1997 ਬੈਚ ਦੇ ਸੀਨੀਅਰ ਅਫਸਰ SPS ਪਰਮਾਰ ਦੇ ਸਸਪੈਂਸ਼ਨ ਨੂੰ ਕੇਂਦਰ ਸਰਕਾਰ ਦੇ ਗ੍ਰਹਿ ਮੰਤਰਾਲੇ ਨੇ ਮਨਜ਼ੂਰ ਕਰ ਲਿਆ ਹੈ। ਦੂਜੇ ਪਾਸੇ ਇਸ ਮਾਮਲੇ 'ਚ ਹੁਣ ਰਾਜਨੀਤੀ ਵੀ ਸ਼ੁਰੂ ਹੋ ਗਈ ਹੈ। ਸ਼੍ਰੀ ਸ਼੍ਰੋਮਣੀ ਅਕਾਲੀ ਦਲ ਅਤੇ ਕਾਂਗਰਸ ਨੇ ਇਸ 'ਤੇ ਸਵਾਲ ਚੁੱਕੇ ਹਨ।
ਫਿਰ ਪਰਮਾਰ ਨੂੰ ਵੀ ਬਹਾਲ ਕਰ ਦੇਣਾ ਚਾਹੀਦਾ ਹੈ: ਮਜੀਠੀਆ
ਸ਼੍ਰੋਮਣੀ ਅਕਾਲੀ ਦਲ ਦੇ ਨੇਤਾ ਬਿਕਰਮ ਸਿੰਘ ਮਜੀਠੀਆ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ 'ਤੇ ਪੋਸਟ ਕਰਕੇ ਲਿਖਿਆ ਹੈ ਕਿ ਬੇਸ਼ਰਮ AAP ਸਰਕਾਰ ਦਾ ਇੱਕ ਹੋਰ ਯੂ-ਟਰਨ ਅਤੇ ਇਕ ਵੱਡਾ ਝੂਠ ਸਾਹਮਣੇ ਆਇਆ ਹੈ। ਜਿਹੜੇ 24-25 ਦਿਨ ਪਹਿਲਾਂ ਕਰਪਟ ਸਨ, ਹੁਣ ਉਹ ਇਮਾਨਦਾਰ ਹੋ ਗਏ ਨੇ।
ਕੀ ਫਿਰ ਸਰਕਾਰ ਝੂਠ ਬੋਲਦੀ ਹੈ? ਅਸਲ ਕਹਾਣੀ ਇਹ ਹੈ ਕਿ ਉਹਨਾਂ ਦਾ ਇਸਤੇਮਾਲ ਕੁਝ ਰਾਜਨੀਤਿਕ ਆਗੂਆਂ ਖਿਲਾਫ਼ ਕੀਤਾ ਜਾਣਾ ਸੀ, ਪਰ ਉਹਨਾਂ ਨੇ ਉਨ੍ਹਾਂ ਨਾਲ ਸਹਿਮਤ ਨਹੀਂ ਹੋਇਆ। ਹੁਣ ਲੱਗਦਾ ਹੈ ਕਿ ਕੋਈ ਸਮਝੌਤਾ ਹੋ ਗਿਆ ਹੈ। ਇਸ ਲਈ ਜਿਹੜੇ ਉਨ੍ਹਾਂ ਨੂੰ ਬਹਾਲ ਕਰ ਰਹੇ ਹਨ, ਉਹਨਾਂ ਨੇ ਹੋਰਾਂ ਨਾਲ ਗੱਲ ਨਹੀਂ ਕੀਤੀ, ਸਿਰਫ਼ SPS ਪਰਮਾਰ ਨਾਲ ਗੱਲ ਕੀਤੀ। ਇਹ ਬਦਲਾਅ ਦਾ ਸਮਾਂ ਹੈ। ਸਰਕਾਰ ਨੂੰ ਮਾਫੀ ਮੰਗਣੀ ਚਾਹੀਦੀ ਹੈ ਅਤੇ SPS ਪਰਮਾਰ ਨੂੰ ਬਹਾਲ ਕਰਨਾ ਚਾਹੀਦਾ ਹੈ। ਕੇਸ ਤਾਂ ਇਕੋ ਸੀ।
👉ਬੇਸ਼ਰਮ @AAPPunjab ਸਰਕਾਰ ਤੇ ਬੇਸ਼ਰਮ ਮੁੱਖ ਮੰਤਰੀ @BhagwantMann ਦਾ
— Bikram Singh Majithia (@bsmajithia) May 18, 2025
ਇੱਕ ਹੋਰ U-TURN ❗️❗️
ਤੇ
ਹੋਰ ਵੱਡਾ ਝੂਠ ਸਾਹਮਣੇ ਆਇਆ ❗️❗️
👉ਜਿਹੜੇ 24 , 25 ਦਿਨ ਪਹਿਲਾਂ CORRUPT ਸੀ।
ਹੁਣ ਬਹਾਲ ਹੋ ਗਏ ❗️
ਇਸ ਦਾ ਮਤਲਬ ਉਹ ਇਮਾਨਦਾਰ ਨੇ ❓
👉 ਫਿਰ ਸਰਕਾਰ ਝੂਠ ਬੋਲਦੀ ਸੀ ❓
ਅਸਲੀ STORY ਇਹ ਹੈ ਕਿ ਇਹਨਾਂ ਨੂੰ ਕੁਝ… pic.twitter.com/GvRmCwVUaq
ਦੋਵੇਂ ਫੈਸਲੇ ਸਹੀ ਨਹੀਂ ਹੋ ਸਕਦੇ: ਬਾਜਵਾ
ਕਾਂਗਰਸ ਨੇਤਾ ਅਤੇ ਲੀਡਰ ਅਪੋਜ਼ੀਸ਼ਨ ਪ੍ਰਤਾਪ ਸਿੰਘ ਬਾਜਵਾ ਨੇ ਕਿਹਾ ਕਿ ਪੰਜਾਬ ਸਰਕਾਰ ਨੇ ਭ੍ਰਿਸ਼ਟਾਚਾਰ 'ਤੇ ਨਕੇਲ ਕੱਸਣ ਦਾ ਦਾਅਵਾ ਕਰਦੇ ਹੋਏ ਵਿਜਿਲੈਂਸ ਬਿਊਰੋ ਦੇ ਸੀਨੀਅਰ ਅਧਿਕਾਰੀਆਂ ਨੂੰ ਸਸਪੈਂਡ ਕੀਤਾ ਸੀ। ਹੁਣ ਉਹਨਾਂ ਨੂੰ ਮੁੜ ਬਹਾਲ ਕਰ ਦਿੱਤਾ ਗਿਆ ਹੈ ਅਤੇ ਉਹ ਆਪਣੇ ਹੀ ਪਦਾਂ 'ਤੇ ਹਨ। ਸਸਪੈਂਸ਼ਨ ਦੀ ਮਿਆਦ ਦੀ ਗਿਣਤੀ ਵੀ ਨਹੀਂ ਕੀਤੀ ਗਈ। ਦੋਵੇਂ ਫੈਸਲੇ ਸਹੀ ਨਹੀਂ ਹੋ ਸਕਦੇ। ਕੀ ਤੁਸੀਂ ਉਹਨਾਂ ਨੂੰ ਆਪਣੇ ਨਿਯਮਾਂ ਦੇ ਮੁਤਾਬਕ ਚਲਣ ਲਈ ਸਸਪੈਂਡ ਕੀਤਾ ਸੀ ਤੇ ਹੁਣ ਉਹਨਾਂ ਨੇ ਉਸ ਦੀ ਪਾਲਣਾ ਕੀਤੀ ਹੈ? ਇਹ ਸੱਤਾ ਨਹੀਂ, ਇਹ ਧਮਕੀ ਹੈ।
First, @AAPPunjab govt in Punjab suspended senior Vigilance Bureau officers claiming a crackdown on corruption.
— Partap Singh Bajwa (@Partap_Sbajwa) May 18, 2025
Now, they’re reinstated — same posts, suspension period not even counted.
Both decisions can’t be right.
Did AAP suspend them to make them fall in line, and now they’ve… pic.twitter.com/GZO16LUpLZ
ਸੀਐਮ ਹੈਲਪਲਾਈਨ 'ਤੇ ਆ ਰਹੀਆਂ ਸਨ ਸ਼ਿਕਾਇਤਾਂ
ਸੀਐਮ ਦੀ ਭ੍ਰਿਸ਼ਟਾਚਾਰ ਵਿਰੋਧੀ ਐਕਸ਼ਨ ਲਾਈਨ 'ਤੇ ਕਈ ਸ਼ਿਕਾਇਤਾਂ ਮਿਲਣ ਤੋਂ ਬਾਅਦ ਇਹ ਛਾਪੇਮਾਰੀ ਕੀਤੀ ਗਈ ਸੀ। ਇਹ ਕਾਰਵਾਈ ਫਲਾਇੰਗ ਸਕੁਆਡ, ਆਰਥਿਕ ਅਪਰਾਧ ਸ਼ਾਖਾ (EOW) ਸਮੇਤ ਵਿਜਿਲੈਂਸ ਬਿਊਰੋ ਦੀਆਂ ਵੱਖ-ਵੱਖ ਰੇਂਜਾਂ ਵੱਲੋਂ ਕੀਤੀ ਗਈ। ਜਿਨ੍ਹਾਂ RTA ਅਧਿਕਾਰੀਆਂ ਅਤੇ ਏਜੰਟਾਂ ਨੂੰ ਕਾਬੂ ਕੀਤਾ ਗਿਆ, ਉਹ ਡ੍ਰਾਈਵਿੰਗ ਲਾਈਸੈਂਸ ਦੀ ਪ੍ਰਕਿਰਿਆ ਵਿੱਚ ਤੇਜ਼ੀ ਲਿਆਉਣ ਜਾਂ ਟੈਸਟ ਦੇ ਨਤੀਜਿਆਂ 'ਚ ਗੜਬੜ ਕਰਨ ਦੇ ਬਦਲੇ ਗੈਰਕਾਨੂੰਨੀ ਤੌਰ 'ਤੇ ਪੈਸੇ ਵਸੂਲ ਰਹੇ ਸਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
