ਸੁਨੀਲ ਜਾਖੜ ਦਾ ਕਿੱਧਰ ਇਸ਼ਾਰਾ? ਕਿਸ ਨੂੰ ਕਿਹਾ ਦੋ ਬਿੱਲੀਆਂ ਤੇ ਚਲਾਕ ਬਾਂਦਰ, ਸਿੰਘੂ/ਟਿਕਰੀ ਵਾਲੀ ਦੋਸਤੀ ਟੁੱਟਣ ਦਾ ਡਰ
ਚੰਡੀਗੜ੍ਹ ਦੇ ਮੁੱਦੇ 'ਤੇ ਪੰਜਾਬ-ਹਰਿਆਣਾ ਵਿਚਾਲੇ ਫਿਰ ਤੋਂ ਖਿੱਚੀ ਗਈ ਲਕੀਰ ਨੂੰ ਲੈ ਕੇ ਪੰਜਾਬ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਸੁਨੀਲ ਜਾਖੜ ਕਾਫੀ ਨਾਰਾਜ਼ ਹਨ।
ਰੌਬਟ ਦੀ ਰਿਪੋਰਟ
ਚੰਡੀਗੜ੍ਹ: ਚੰਡੀਗੜ੍ਹ ਦੇ ਮੁੱਦੇ 'ਤੇ ਪੰਜਾਬ-ਹਰਿਆਣਾ ਵਿਚਾਲੇ ਫਿਰ ਤੋਂ ਖਿੱਚੀ ਗਈ ਲਕੀਰ ਨੂੰ ਲੈ ਕੇ ਪੰਜਾਬ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਸੁਨੀਲ ਜਾਖੜ ਕਾਫੀ ਨਾਰਾਜ਼ ਹਨ। ਹਾਲਾਂਕਿ ਉਨ੍ਹਾਂ ਦੋਵਾਂ ਰਾਜਾਂ ਵਿਚਾਲੇ ਚੱਲ ਰਹੇ ਇਸ ਵਿਵਾਦ ਨੂੰ ਲੈ ਕੇ ਕੇਂਦਰ ਸਰਕਾਰ 'ਤੇ ਵੀ ਨਿਸ਼ਾਨਾ ਸਾਧਿਆ ਹੈ। ਸੋਮਵਾਰ ਨੂੰ ਉਨ੍ਹਾਂ ਨੇ ਆਪਣੇ ਟਵਿਟਰ ਹੈਂਡਲ 'ਤੇ ਪੁਰਾਣੀ ਕਹਾਣੀ 'ਚਲਾਕ ਬਾਂਦਰ ਤੇ ਦੋ ਬਿੱਲੀਆਂ' ਦਾ ਪੋਸਟਰ ਅਪਲੋਡ ਕੀਤਾ, ਜੋ ਸਕੂਲੀ ਬੱਚਿਆਂ ਨੂੰ ਪੜ੍ਹਾਇਆ ਜਾਂਦਾ ਹੈ।
ਉਨ੍ਹਾਂ ਲਿਖਿਆ ਸਿੰਘੂ/ਟਿਕਰੀ ਸਰਹੱਦ 'ਤੇ ਪੰਜਾਬ-ਹਰਿਆਣਾ ਦੇ ਲੋਕਾਂ ਵਿਚਕਾਰ ਡੂੰਘੀ ਦੋਸਤੀ ਤੇ ਭਾਈਚਾਰਾ ਚੰਡੀਗੜ੍ਹ ਦੇ ਗੁਆਚੇ ਮੁੱਦੇ 'ਤੇ ਵੱਧ ਰਹੇ ਗੁੱਸੇ ਤੇ ਕੁੜੱਤਣ ਦਾ ਪਹਿਲਾ ਸ਼ਿਕਾਰ ਹੋਵੇਗਾ। ਇਸ ਦਾ ਕਾਰਨ ਇਹ ਹੈ ਕਿ ਹਰਿਆਣਾ ਵੀ ਵਿਸ਼ੇਸ਼ ਸੈਸ਼ਨ ਕਰਨ ਜਾ ਰਿਹਾ ਹੈ ਤਾਂ ਜੋ ਪੰਜਾਬ ਨੂੰ ਢੁੱਕਵਾਂ ਜਵਾਬ ਦਿੱਤਾ ਜਾ ਸਕੇ।
ਕਿਸੇ ਦਾ ਨਾਂ ਲਏ ਬਿਨਾਂ ਜਾਖੜ ਨੇ ਲਿਖਿਆ- ਤੇ ਜੇਤੂ ਹੈ- ਅੱਗੇ ਉਨ੍ਹਾਂ ਨੇ ਕਹਾਣੀ 'ਚਲਾਕ ਬਾਂਦਰ ਤੇ ਦੋ ਬਿੱਲੀਆਂ' ਦਾ ਪੋਸਟਰ ਲਗਾਇਆ ਹੈ, ਜਿਸ ਵਿੱਚ ਦੋ ਬਿੱਲੀਆਂ ਰੋਟੀਆਂ ਲੈ ਕੇ ਬੈਠੀਆਂ ਹਨ ਤੇ ਇੱਕ ਬਾਂਦਰ ਦਰਖਤ ਦੀ ਟਾਹਣੀ ਨਾਲ ਝੂਲ ਰਿਹਾ ਹੈ ਤੇ ਮੁਸਕਰਾ ਰਿਹਾ ਹੈ। ਜਾਖੜ ਨੇ ਇਸ ਟਵੀਟ ਵਿੱਚ ਕਿਸੇ ਨੂੰ ਟੈਗ ਨਹੀਂ ਕੀਤਾ, ਪਰ ਇੱਕ ਕਹਾਣੀ ਦਾ ਪੋਸਟਰ ਲਾ ਕੇ ਇਹ ਜ਼ਰੂਰ ਸੰਕੇਤ ਦਿੱਤਾ ਹੈ ਕਿ ਦੋਵਾਂ ਸੂਬਿਆਂ ਦੀ ਲੜਾਈ ਤੋਂ ਤੀਜੀ ਧਿਰ ਖੁਸ਼ ਹੈ।
The camaraderie,the brotherhood between people of Pb/Hry, reinforced at Singhu/Tikri borders, will be the 1st casualty of rising tempers & acrimony over the 'lost cause’ of Chandigarh as Haryana too convenes a spl session,to give a 'befitting reply' to Punjab.
And winner is - pic.twitter.com/orlXspcAlZ
ਸੁਨੀਲ ਜਾਖੜ ਨੇ ਕਿਹਾ ਹੈ ਕਿ ਸੈਂਟਰਲ ਸਰਵਿਸ ਰੂਲ ਦੇ ਬਹਾਨੇ ਕੇਂਦਰ ਦੀ ਭਾਜਪਾ ਸਰਕਾਰ ਨੇ ਪੰਜਾਬ ਵਿੱਚ ਲੀਡਰਸ਼ਿਪ ਦੀ ਯੋਗਤਾ ਨੂੰ ਪਰਖਣ ਦੀ ਕੋਸ਼ਿਸ਼ ਕੀਤੀ ਹੈ, ਜਦਕਿ ਕੇਂਦਰ ਦਾ ਅਸਲ ਨਿਸ਼ਾਨਾ ਪੰਜਾਬ ਦਾ ਪਾਣੀ ਹੈ। ਉਨ੍ਹਾਂ ਕਿਹਾ ਕਿ ਚੰਡੀਗੜ੍ਹ ਦੇ ਬਹਾਨੇ ਕੇਂਦਰ ਪੰਜਾਬ ਦੇ ਪਾਣੀਆਂ 'ਤੇ ਨਜ਼ਰ ਰੱਖ ਰਿਹਾ ਹੈ, ਪਰ ਉਸ ਲਈ ਪੰਜਾਬ ਦੇ ਪਾਣੀਆਂ 'ਤੇ ਨਜ਼ਰ ਰੱਖਣਾ ਬਿਜਲੀ ਦੀਆਂ ਨੰਗੀਆਂ ਤਾਰਾਂ ਨੂੰ ਛੂਹਣ ਦੇ ਬਰਾਬਰ ਸਾਬਤ ਹੋਵੇਗਾ।
ਜਾਖੜ ਨੇ ਕਿਹਾ ਕਿ ਪਿਛਲੇ ਸਮੇਂ ਵਿੱਚ ਵੀ ਕੇਂਦਰ ਸਰਕਾਰ ਨੇ ਦੇਸ਼ ਤੇ ਖਾਸ ਕਰਕੇ ਪੰਜਾਬ ਦੇ ਕਿਸਾਨਾਂ ਨਾਲ ਧੱਕਾ ਕੀਤਾ ਹੈ। ਹੁਣ ਉਮੀਦ ਕੀਤੀ ਜਾਂਦੀ ਹੈ ਕਿ ਕੇਂਦਰ ਅਜਿਹਾ ਕੋਈ ਕਦਮ ਨਹੀਂ ਚੁੱਕੇਗਾ ਜਿਸ ਨਾਲ ਤਣਾਅ ਦਾ ਮਾਹੌਲ ਪੈਦਾ ਹੋਵੇ।
ਉਨ੍ਹਾਂ ਕਿਹਾ ਕਿ ਇੱਕ ਗੱਲ ਤਾਂ ਸਾਰਿਆਂ ਨੂੰ ਸਮਝ ਲੈਣੀ ਚਾਹੀਦੀ ਹੈ ਕਿ ਚੰਡੀਗੜ੍ਹ ਦੀ ਕਰਮਚਾਰੀ ਯੂਨੀਅਨ ਵਿੱਚੋਂ ਕਿਸੇ ਨੇ ਵੀ ਚੰਡੀਗੜ੍ਹ ਸਰਵਿਸ ਰੂਲ ਖ਼ਿਲਾਫ਼ ਆਵਾਜ਼ ਨਹੀਂ ਉਠਾਈ ਤੇ ਨਾ ਹੀ ਮੁਲਾਜ਼ਮਾਂ ਵੱਲੋਂ ਕੋਈ ਰੋਸ ਜਾਂ ਅਜਿਹੀ ਕੋਈ ਮੰਗ ਕੀਤੀ ਗਈ, ਫਿਰ ਵੀ ਅਮਿਤ ਸ਼ਾਹ ਨੇ ਆਪਣੇ ਦੌਰੇ ਦੌਰਾਨ ਇਸ ਸਬੰਧੀ ਵਿਸ਼ੇਸ਼ ਐਲਾਨ ਕੀਤਾ।
ਚੰਡੀਗੜ੍ਹ ਦੇ ਮੁਲਾਜ਼ਮਾਂ ਬਾਰੇ, ਸਾਜ਼ਿਸ਼ ਦਾ ਸੰਕੇਤ ਦੇ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਤੇ ਅਮਿਤ ਸ਼ਾਹ ਨੇ ਚੰਡੀਗੜ੍ਹ ਵਿੱਚ ਨਿੱਜੀਕਰਨ ਦਾ ਵਿਰੋਧ ਕਰ ਰਹੇ ਬਿਜਲੀ ਵਿਭਾਗ ਦੇ ਮੁਲਾਜ਼ਮਾਂ ਨੂੰ ਨਹੀਂ ਦੇਖਿਆ, ਜਿਨ੍ਹਾਂ ਨੇ ਚੰਡੀਗੜ੍ਹ ਦੀ ਬਿਜਲੀ ਵੀ ਠੱਪ ਕਰ ਦਿੱਤੀ। ਉਨ੍ਹਾਂ ਕਿਹਾ ਕਿ ਕੇਂਦਰ ਨੂੰ ਚੰਡੀਗੜ੍ਹ ਦੀ ਜ਼ਮੀਨ ਦੀ ਵਿਕਰੀ ਦਾ ਪੈਸਾ ਵੀ 60-40 ਦੇ ਅਨੁਪਾਤ ਵਿੱਚ ਪੰਜਾਬ ਨੂੰ ਦੇਣਾ ਚਾਹੀਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
