ਏਅਰਪੋਰਟ ‘ਤੇ 2 ਜਹਾਜ਼ਾਂ ਦੀ ਟੱਕਰ, 3 ਲੋਕਾਂ ਦੀ ਮੌਤ; ਹਾਦਸੇ ਦਾ ਵੀਡੀਓ ਆਇਆ ਸਾਹਮਣੇ
ਅਮਰੀਕਾ ਵਿੱਚ ਇੱਕ ਵਾਰ ਫਿਰ 2 ਜਹਾਜ਼ ਆਪਸ ਵਿੱਚ ਟਕਰਾ ਗਏ ਹਨ। ਟੱਕਰ ਦੇ ਨਾਲ ਹੀ ਦੋਵੇਂ ਜਹਾਜ਼ਾਂ ਵਿੱਚ ਅੱਗ ਲੱਗ ਗਈ ਅਤੇ ਉਹ ਜ਼ਮੀਨ ‘ਤੇ ਆ ਡਿੱਗੇ। ਇੱਕ ਜਹਾਜ਼ ਪੂਰੀ ਤਰ੍ਹਾਂ ਸੜ ਕੇ ਰਾਖ ਹੋ ਗਿਆ ਜਦਕਿ ਦੂਜਾ ਜਹਾਜ਼....
ਅਮਰੀਕਾ ਵਿੱਚ ਇੱਕ ਵਾਰ ਫਿਰ 2 ਜਹਾਜ਼ ਆਪਸ ਵਿੱਚ ਟਕਰਾ ਗਏ ਹਨ। ਟੱਕਰ ਦੇ ਨਾਲ ਹੀ ਦੋਵੇਂ ਜਹਾਜ਼ਾਂ ਵਿੱਚ ਅੱਗ ਲੱਗ ਗਈ ਅਤੇ ਉਹ ਜ਼ਮੀਨ ‘ਤੇ ਆ ਡਿੱਗੇ। ਇੱਕ ਜਹਾਜ਼ ਪੂਰੀ ਤਰ੍ਹਾਂ ਸੜ ਕੇ ਰਾਖ ਹੋ ਗਿਆ ਜਦਕਿ ਦੂਜਾ ਜਹਾਜ਼ ਨੁਕਸਾਨਗ੍ਰਸਤ ਹੋਇਆ ਹੈ। ਇਹ ਹਾਦਸਾ ਕੋਲੋਰਾਡੋ ਦੇ ਫੋਰਟ ਮੋਰਗਨ ਮਿਊਨਿਸਿਪਲ ਏਅਰਪੋਰਟ ਦੇ ਰਨਵੇ ‘ਤੇ ਵਾਪਰਿਆ। ਮੋਰਗਨ ਕਾਊਂਟੀ ਸ਼ੈਰਿਫ ਦਫ਼ਤਰ ਨੇ ਇਸ ਜਹਾਜ਼ ਹਾਦਸੇ ਦੀ ਪੁਸ਼ਟੀ ਕੀਤੀ ਹੈ।
ਅਮਰੀਕਾ ਦੇ ਫੋਰਟ ਮੋਰਗਨ ਮਿਊਨਿਸਿਪਲ ਏਅਰਪੋਰਟ ‘ਤੇ ਐਤਵਾਰ ਸਵੇਰੇ ਦੋ ਛੋਟੇ ਜਹਾਜ਼ ਹਵਾ ਵਿੱਚ ਆਪਸ ਵਿੱਚ ਟਕਰਾ ਗਏ, ਜਿਸ ਵਿੱਚ ਤਿੰਨ ਲੋਕਾਂ ਦੀ ਮੌਤ ਹੋ ਗਈ। ਇਹ ਹਾਦਸਾ ਸਵੇਰੇ ਲਗਭਗ 10:40 ਵਜੇ ਵਾਪਰਿਆ।
ਕਿਹੜੇ ਜਹਾਜ਼ ਸ਼ਾਮਲ ਸਨ?
ਇੱਕ ਜਹਾਜ਼ Cessna 172 ਸੀ, ਜੋ ਚਾਰ ਸੀਟਾਂ ਵਾਲਾ ਹਲਕਾ ਜਹਾਜ਼ ਹੈ ਅਤੇ ਆਮ ਤੌਰ ‘ਤੇ ਟ੍ਰੇਨਿੰਗ ਅਤੇ ਨਿੱਜੀ ਉਪਯੋਗ ਲਈ ਵਰਤਿਆ ਜਾਂਦਾ ਹੈ। ਦੂਜਾ ਜਹਾਜ਼ Extra Flugzeugbau EA300 ਸੀ, ਜੋ ਆਮ ਤੌਰ ‘ਤੇ ਐਰੋਬੈਟਿਕ (ਹਵਾਈ ਕਰਤੱਬ) ਉਡਾਣਾਂ ਲਈ ਵਰਤਿਆ ਜਾਂਦਾ ਹੈ। ਦੋਵੇਂ ਜਹਾਜ਼ ਉਸ ਸਮੇਂ ਲੈਂਡ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ, ਜਦੋਂ ਇਹ ਟੱਕਰ ਹੋ ਗਈ।
ਸਥਾਨਕ ਪ੍ਰਸ਼ਾਸਨ ਨੇ ਕੀ ਕਿਹਾ?
ਮੋਰਗਨ ਕਾਊਂਟੀ ਸ਼ੈਰਿਫ ਦਫ਼ਤਰ ਨੇ ਦੱਸਿਆ ਕਿ ਟੱਕਰ ਤੋਂ ਬਾਅਦ ਇੱਕ ਜਹਾਜ਼ ਵਿੱਚ ਅੱਗ ਲੱਗ ਗਈ, ਜਿਸ ਕਾਰਨ ਉਹ ਪੂਰੀ ਤਰ੍ਹਾਂ ਸੜ ਗਿਆ ਜਦਕਿ ਦੂਜਾ ਜਹਾਜ਼ ਬੁਰੀ ਤਰ੍ਹਾਂ ਨੁਕਸਾਨਗ੍ਰਸਤ ਹੋ ਗਿਆ। ਸੰਘੀ ਉਡਾਣ ਪ੍ਰਸ਼ਾਸਨ (FAA) ਦੇ ਅਨੁਸਾਰ, ਦੋਵੇਂ ਜਹਾਜ਼ਾਂ ਵਿੱਚ ਦੋ-ਦੋ ਲੋਕ ਸਵਾਰ ਸਨ। ਇਸ ਤਰ੍ਹਾਂ ਹਾਦਸੇ ਦੇ ਸਮੇਂ ਕੁੱਲ ਚਾਰ ਲੋਕ ਜਹਾਜ਼ਾਂ ਵਿੱਚ ਸਨ, ਜਿਨ੍ਹਾਂ ਵਿੱਚੋਂ ਤਿੰਨ ਦੀ ਮੌਤ ਹੋ ਗਈ। ਚੌਥੇ ਵਿਅਕਤੀ ਦੀ ਹਾਲਤ ਬਾਰੇ ਹਜੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ।
ਹਵਾ ਵਿੱਚ ਧੂੰਏਂ ਦਾ ਗੁਬਾਰ
FAA ਟਾਵਰ ਦੇ ਕੈਮਰੇ ਵਿੱਚ ਹਾਦਸੇ ਤੋਂ ਤੁਰੰਤ ਬਾਅਦ ਧੂੰਏਂ ਦਾ ਗੁਬਾਰ ਰਿਕਾਰਡ ਹੋਇਆ, ਜੋ ਦੂਰੋਂ ਵੀ ਸਾਫ਼ ਨਜ਼ਰ ਆ ਰਿਹਾ ਸੀ। ਇਸ ਨਾਲ ਘਟਨਾ ਦੀ ਭਿਆਨਕਤਾ ਦਾ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ।
FAA ਅਤੇ ਰਾਸ਼ਟਰੀ ਆਵਾਜਾਈ ਸੁਰੱਖਿਆ ਬੋਰਡ (NTSB) ਇਸ ਹਾਦਸੇ ਦੀ ਜਾਂਚ ਕਰਨਗੇ। NTSB ਮੁੱਖ ਏਜੰਸੀ ਹੋਵੇਗੀ ਜੋ ਪੂਰੇ ਹਾਦਸੇ ਦੀ ਜ਼ਿੰਮੇਵਾਰੀ ਨਾਲ ਜਾਂਚ ਕਰੇਗੀ ਅਤੇ ਵਿਸਤ੍ਰਿਤ ਰਿਪੋਰਟ ਤਿਆਰ ਕਰੇਗੀ। NTSB ਦੀ ਟੀਮ ਸੋਮਵਾਰ ਦੁਪਹਿਰ ਤੱਕ ਘਟਨਾਸਥਲ ‘ਤੇ ਪਹੁੰਚੇਗੀ, ਜਿਸ ਤੋਂ ਬਾਅਦ ਜਾਂਚ ਸ਼ੁਰੂ ਕੀਤੀ ਜਾਵੇਗੀ। ਟੀਮ ਘਟਨਾਸਥਲ ਦਾ ਮੂਆਇਨਾ ਕਰੇਗੀ, ਜਹਾਜ਼ਾਂ ਦੇ ਮਲਬੇ ਦੀ ਤਕਨੀਕੀ ਜਾਂਚ ਕਰੇਗੀ ਅਤੇ ਹਵਾ ਵਿੱਚ ਟੱਕਰ ਦੇ ਕਾਰਨਾਂ ਦੀ ਜਾਂਚ ਕਰੇਗੀ।
Weather cam captures PLANE CRASH at Colorado airport
— RT (@RT_com) August 31, 2025
Two light aircraft collided in mid-air near Fort Morgan Municipal Airport, casualties unknown
Smoke seen in series of still images caught by FAA weather cam pic.twitter.com/TrtNLzsA8z
Before You Go
Congress Protest 'ਇਹ ਗੰਦਾ ਪਾਣੀ ਪੀ ਕੇ ਦਿਖਾਉਣ' ਹਰਦਿਆਲ ਕੰਬੋਜ ਦਾ ਤਿੱਖਾ ਵਾਰ!
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
