ਵਰਲਡ ਟ੍ਰੇਡ ਸੈਂਟਰ ਮੈਮੋਰੀਅਲ ਦੇ ਕੋਲ ਮਿਲੇ 300 ਮ੍ਰਿਤ ਪੰਛੀ, ਮੌਤ ਦਾ ਕਾਰਨ ਹੈਰਾਨ ਕਰਨ ਵਾਲਾ
9/11 ਦੇ ਹਮਲਿਆਂ ਤੋਂ ਬਾਅਦ ਵਰਲਡ ਟਰੇਡ ਸੈਂਟਰ ਦੀਆਂ ਇਮਾਰਤਾਂ ਦੇ ਨੇੜੇ ਬਣੇ ਸਮਾਰਕ ਕੋਲ 300 ਤੋਂ ਵੱਧ ਸੌਂਗ -ਪੰਛੀਆਂ ਦੀਆਂ ਲਾਸ਼ਾਂ ਮਿਲੀਆਂ ਹਨ। ਇਨ੍ਹਾਂ ਪੰਛੀਆਂ ਦੀ ਮੌਤ ਦਾ ਕਾਰਨ ਜਾਣ ਕੇ ਤੁਸੀਂ ਵੀ ਦੁਖੀ ਹੋ ਜਾਓਗੇ।
ਅਮਰੀਕਾ ਦੇ ਨਿਊਯਾਰਕ ਸ਼ਹਿਰ ਵਿੱਚ ਵਰਲਡ ਟ੍ਰੇਡ ਸੈਂਟਰ ਦੀ ਇਮਾਰਤ ਦੇ ਕੋਲ ਸੈਂਕੜੇ ਮਰੇ ਹੋਏ ਸੌਂਗ-ਪੰਛੀ ਮਿਲੇ ਹਨ। ਇਨ੍ਹਾਂ ਗੀਤ -ਪੰਛੀਆਂ ਦੀਆਂ ਲਾਸ਼ਾਂ ਵਰਲਡ ਟ੍ਰੇਡ ਸੈਂਟਰ ਦੀਆਂ ਇਮਾਰਤਾਂ ਦੇ ਨਜ਼ਦੀਕ ਬਣੇ ਸਮਾਰਕ ਦੇ ਨੇੜੇ ਮਿਲੀਆਂ ਹਨ ਜੋ 9/11 ਦੇ ਹਮਲਿਆਂ ਤੋਂ ਬਾਅਦ ਡਿੱਗੀਆਂ ਸੀ। ਯਾਦਗਾਰ ਦੇ ਨੇੜੇ ਦੀ ਥਾਂ ਇਨ੍ਹਾਂ ਸੌਂਗ-ਪੰਛੀਆਂ ਦੀਆਂ ਲਾਸ਼ਾਂ ਨਾਲ ਭਰੀ ਹੋਈ ਸੀ। ਇਨ੍ਹਾਂ ਦੀ ਮੌਤ ਦਾ ਕਾਰਨ ਆਲੇ ਦੁਆਲੇ ਦੇ ਗਗਨਚੁੰਬੀ ਇਮਾਰਤਾਂ ਨਾਲ ਟਕਰਾਉਣਾ ਹੋਈ ਹੈ। ਜਿਨ੍ਹਾਂ ਇਮਾਰਤਾਂ ਨਾਲ ਟਕਰਾਉਣ ਕਰਕੇ ਇਨ੍ਹਾਂ ਸਾਰੇ ਮਾਸੂਮ ਪੰਛੀਆਂ ਦੀ ਮੌਤ ਹੋਈ ਹੈ ਉਨ੍ਹਾਂ ਸਾਰਿਆਂ ਦੀਆਂ ਖਿੜਕੀਆਂ ਸ਼ੀਸ਼ੇ ਦੀਆਂ ਸੀ। ਪੰਛੀ ਵਿਗਿਆਨੀ ਇੰਨੀ ਵੱਡੀ ਗਿਣਤੀ ਵਿੱਚ ਸੌਂਗ-ਪੰਛੀਆਂ ਦੀ ਮੌਤ ਕਰਕੇ ਬਹੁਤ ਪਰੇਸ਼ਾਨ ਅਤੇ ਚਿੰਤਤ ਹਨ।
ਵੱਡੀਆਂ ਇਮਾਰਤਾਂ ਨਾਲ ਟਕਰਾਉਣ ਤੋਂ ਬਾਅਦ ਪੰਛੀਆਂ ਨੇ ਆਪਣੀ ਜਾਨ ਗੁਆਈ
ਨਿਊਯਾਰਕ ਦੇ ਮੈਨਹਟਨ ਇਲਾਕੇ ਵਿੱਚ, ਵੱਡੀਆਂ ਇਮਾਰਤਾਂ ਨਾਲ ਟਕਰਾਉਣ ਤੋਂ ਬਾਅਦ ਪੰਛੀਆਂ ਦੇ ਮਾਰੇ ਜਾਣ ਦੀਆਂ ਖ਼ਬਰਾਂ ਅਕਸਰ ਆਉਂਦੀਆਂ ਰਹਿੰਦੀਆਂ ਹਨ. ਪਰ ਇਸ ਹਫਤੇ ਕੁਝ ਹੋਰ ਪੰਛੀਆਂ ਦੇ ਮਾਰੇ ਜਾਣ ਦੀ ਘਟਨਾ ਸਾਹਮਣੇ ਆਈ ਹੈ, ਜੋ ਕਿ ਚਿੰਤਾ ਦਾ ਵਿਸ਼ਾ ਬਣੀ ਹੋਈ ਹੈ।
Some of the 226 dead birds I picked up this morning while window collision monitoring for @NYCAudubon. 205 from @3NYWTC and @4WTC alone. Many others swept up, inaccessible, or too mangled to collect. 30 injured to @wildbirdfund. If you’re in NYC today, be careful where you step. pic.twitter.com/RTjm82NIpy
— Melissa Breyer (@MelissaBreyer) September 14, 2021
ਨਿਊਯਾਰਕ ਓਡੂਬੌਨ ਦੀ ਕਰਮਚਾਰੀ ਮੇਲੀਆ ਬੇਅਰ ਨੇ ਟਵਿੱਟਰ 'ਤੇ ਯਾਦਗਾਰ ਦੇ ਨੇੜੇ ਮਰਨ ਵਾਲੇ ਇਨ੍ਹਾਂ ਪੰਛੀਆਂ ਦੀਆਂ ਲਾਸ਼ਾਂ ਦੀ ਤਸਵੀਰ ਪੋਸਟ ਕੀਤੀ। ਉਸ ਦੀ ਇਹ ਤਸਵੀਰ ਦੇਖ ਕੇ ਲੋਕਾਂ ਦੇ ਹੋਸ਼ ਉੱਡ ਗਏ। ਨਿਊਯਾਰਕ ਓਡੂਬੌਨ ਨੇ ਦੱਸਿਆ ਕਿ ਸੋਮਵਾਰ ਨੂੰ ਆਏ ਤੂਫਾਨ ਨੇ ਪੰਛੀਆਂ ਦੀ ਮੌਤ ਦੀ ਗਿਣਤੀ ਨੂੰ ਵਧਾ ਦਿੱਤਾ ਹੈ।
ਪੰਛੀ ਵਿਗਿਆਨੀ ਜਾਂਚ ਵਿੱਚ ਲੱਗੇ
ਕੈਟਿਨਿਨ ਪਾਰਕਿਸ ਨੇ ਕਿਹਾ ਕਿ ਹੋ ਸਕਦਾ ਹੈ ਕਿ ਉੱਚੀਆਂ-ਉੱਚੀਆਂ ਇਮਾਰਤਾਂ ਤੋਂ ਅਸਮਾਨ ਦੇ ਪ੍ਰਤੀਬਿੰਬ ਅਤੇ ਰੌਸ਼ਨੀ ਦੇ ਧੋਖੇ ਕਾਰਨ ਪੰਛੀ ਉਨ੍ਹਾਂ ਨਾਲ ਟਕਰਾਏ। ਇਹ ਹਾਦਸਾ ਉਸ ਸਮੇਂ ਵੀ ਵਾਪਰਿਆ ਹੋ ਸਕਦਾ ਹੈ ਜਦੋਂ ਨਿਊਯਾਰਕ ਵਿੱਚ ਤੂਫਾਨ ਦਾ ਖਤਰਾ ਸੀ ਅਤੇ ਇਸ ਕ੍ਰਮ ਵਿੱਚ ਪੰਛੀ ਇਮਾਰਤਾਂ ਦੀਆਂ ਖਿੜਕੀਆਂ ਨਾਲ ਟਕਰਾ ਗਏ ਅਤੇ ਇੰਨੀ ਵੱਡੀ ਗਿਣਤੀ ਵਿੱਚ ਇਨ੍ਹਾਂ ਦੀ ਮੌਤ ਹੋ ਗਈ। ਵਰਤਮਾਨ ਵਿੱਚ, ਪੰਛੀ ਵਿਗਿਆਨੀ ਇਨ੍ਹਾਂ ਮੌਤਾਂ ਦੇ ਕਾਰਨ ਪਤਾ ਕਰਨ ਵਿੱਚ ਲੱਗੇ ਹੋਏ ਹਨ।
ਇਹ ਵੀ ਪੜ੍ਹੋ: Kabul Drone Attack: ਕਾਬੁਲ ਵਿੱਚ ਡਰੋਨ ਹਮਲਾ ਇੱਕ ਵੱਡੀ ਗਲਤੀ, ਮੈਂ 10 ਲੋਕਾਂ ਦੀ ਮੌਤ ਲਈ ਮੁਆਫੀ ਮੰਗਦਾ ਹਾਂ: ਅਮਰੀਕੀ ਕਮਾਂਡਰ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
