Argentina Earthquake: ਜਪਾਨ ਤੋਂ ਬਾਅਦ ਅਰਜਨਟੀਨਾ 'ਚ ਕੰਬੀ ਧਰਤੀ, ਭੂਚਾਲ ਕਰਕੇ ਦਹਿਸ਼ਤ ਦਾ ਮਾਹੌਲ
Argentina Earthquake News: ਅਰਜਨਟੀਨਾ ਦੇ ਲਾ ਰਿਓਜਾ ਖੇਤਰ ਵਿੱਚ ਬੁੱਧਵਾਰ (3 ਜਨਵਰੀ) ਨੂੰ ਭੂਚਾਲ ਦੇ ਤੇਜ਼ ਝਟਕੇ ਮਹਿਸੂਸ ਕੀਤੇ ਗਏ। ਰਿਕਟਰ ਪੈਮਾਨੇ 'ਤੇ ਭੂਚਾਲ ਦੀ ਤੀਬਰਤਾ 5.6 ਸੀ।
Argentina Earthquake News: ਅਰਜਨਟੀਨਾ ਦੇ ਲਾ ਰਿਓਜਾ ਖੇਤਰ ਵਿੱਚ ਬੁੱਧਵਾਰ (3 ਜਨਵਰੀ) ਨੂੰ ਭੂਚਾਲ ਦੇ ਤੇਜ਼ ਝਟਕੇ ਮਹਿਸੂਸ ਕੀਤੇ ਗਏ। ਰਿਕਟਰ ਪੈਮਾਨੇ 'ਤੇ ਭੂਚਾਲ ਦੀ ਤੀਬਰਤਾ 5.6 ਸੀ।
ਜਾਪਾਨ ਤੋਂ ਬਾਅਦ ਬੁੱਧਵਾਰ (3 ਜਨਵਰੀ) ਨੂੰ ਅਰਜਨਟੀਨਾ 'ਚ ਭੂਚਾਲ ਦੇ ਤੇਜ਼ ਝਟਕੇ ਮਹਿਸੂਸ ਕੀਤੇ ਗਏ। ਨੈਸ਼ਨਲ ਸੈਂਟਰ ਫਾਰ ਸਿਸਮੋਲੋਜੀ ਮੁਤਾਬਕ ਰਿਕਟਰ ਪੈਮਾਨੇ 'ਤੇ ਭੂਚਾਲ ਦੀ ਤੀਬਰਤਾ 5.6 ਸੀ। ਅਧਿਕਾਰੀਆਂ ਨੇ ਅਜੇ ਤੱਕ ਕਿਸੇ ਨੁਕਸਾਨ ਦੀ ਸੂਚਨਾ ਨਹੀਂ ਦਿੱਤੀ ਹੈ। ਯੂਰਪੀ-ਭੂਮੱਧ ਭੂ-ਵਿਗਿਆਨ ਕੇਂਦਰ ਨੇ ਕਿਹਾ ਕਿ ਭੂਚਾਲ 127 ਕਿਲੋਮੀਟਰ (78.91 ਮੀਲ) ਦੀ ਡੂੰਘਾਈ 'ਤੇ ਆਇਆ। ਭੂਚਾਲ ਦਾ ਸਭ ਤੋਂ ਵੱਧ ਅਸਰ ਅਰਜਨਟੀਨਾ ਦੇ ਲਾ ਰਿਓਜਾ ਖੇਤਰ ਵਿੱਚ ਪਿਆ।
ਰਿਪੋਰਟ ਮੁਤਾਬਕ ਅਰਜਨਟੀਨਾ ਦੇ ਲਾ ਰਿਓਜਾ ਖੇਤਰ ਵਿੱਚ 3 ਜਨਵਰੀ 2024 ਨੂੰ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 5.04 ਵਜੇ (1:34 ਵਜੇ ਭਾਰਤੀ ਸਮੇਂ ਅਨੁਸਾਰ) ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਅਜਿਹੇ 'ਚ ਹਫੜਾ-ਦਫੜੀ ਮਚ ਗਈ। ਫਿਲਹਾਲ ਕਿਸੇ ਜਾਨੀ ਨੁਕਸਾਨ ਦੀ ਕੋਈ ਖਬਰ ਨਹੀਂ ਹੈ ਪਰ ਕੁਝ ਇਮਾਰਤਾਂ 'ਚ ਤਰੇੜਾਂ ਜ਼ਰੂਰ ਨਜ਼ਰ ਆਈਆਂ ਹਨ। ਸਵੇਰੇ ਭੂਚਾਲ ਦੇ ਝਟਕਿਆਂ ਤੋਂ ਬਾਅਦ ਹਲਚਲ ਮਚ ਗਈ ਕਿਉਂਕਿ ਜ਼ਿਆਦਾਤਰ ਲੋਕ ਸੁੱਤੇ ਪਏ ਸਨ।
ਇਹ ਵੀ ਪੜ੍ਹੋ: Japan Flight Fire Video: ਜਾਪਾਨ ‘ਚ ਲੈਂਡਿੰਗ ਕਰਨ ਵੇਲੇ ਜਹਾਜ਼ ‘ਚ ਲੱਗੀ ਅੱਗ, ਵੀਡੀਓ ਆਈ ਸਾਹਮਣੇ, 350 ਲੋਕ ਸਨ ਸਵਾਰ
ਭੂਚਾਲ ਕਾਰਨ ਜਾਪਾਨ ‘ਚ 48 ਲੋਕਾਂ ਦੀ ਮੌਤ
ਜ਼ਿਕਰਯੋਗ ਹੈ ਕਿ 1 ਜਨਵਰੀ ਨੂੰ ਜਾਪਾਨ ਦੇ ਇਸ਼ੀਕਾਵਾ 'ਚ 7.6 ਤੀਬਰਤਾ ਦਾ ਜ਼ਬਰਦਸਤ ਭੂਚਾਲ ਆਇਆ ਸੀ। ਜਾਪਾਨ ਟੂਡੇ ਮੁਤਾਬਕ ਹੁਣ ਤੱਕ 48 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ ਉੱਥੇ 140 ਛੋਟੇ ਭੂਚਾਲ ਦੇ ਝਟਕੇ ਵੀ ਮਹਿਸੂਸ ਕੀਤੇ ਗਏ ਹਨ। ਇਨ੍ਹਾਂ ਦੀ ਤੀਬਰਤਾ 3.4 ਤੋਂ 4.6 ਦੇ ਵਿਚਕਾਰ ਰਹੀ ਹੈ। ਅਜਿਹੇ 'ਚ ਸਥਾਨਕ ਲੋਕ ਅਜੇ ਵੀ ਕਾਫੀ ਡਰੇ ਹੋਏ ਹਨ। ਭੂਚਾਲ ਤੋਂ ਬਾਅਦ ਜਾਪਾਨ ਦੀਆਂ ਤਸਵੀਰਾਂ ਬਹੁਤ ਡਰਾਉਣੀਆਂ ਹਨ। ਭੂਚਾਲ ਦਾ ਇੱਕ ਵੀਡੀਓ ਵੀ ਹੋਇਆ ਵਾਇਰਲ, ਜਿਸ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਰਹਿ ਗਿਆ।
ਹਾਲੇ ਵੀ ਭੂਚਾਲ ਨੂੰ ਲੈ ਕੇ ਚੇਤਾਵਨੀ ਜਾਰੀ
ਇਸ ਦੇ ਨਾਲ ਹੀ ਭੂਚਾਲ ਕਾਰਨ ਇਸ਼ਿਕਾਵਾ 'ਚ ਕਈ ਥਾਵਾਂ 'ਤੇ ਅੱਗ ਲੱਗ ਗਈ। ਇਸ ਨਾਲ 200 ਇਮਾਰਤਾਂ ਪ੍ਰਭਾਵਿਤ ਹੋਈਆਂ ਹਨ। ਭੂਚਾਲ ਤੋਂ ਬਾਅਦ ਆਮ ਜਨਜੀਵਨ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਇਆ। ਬਿਜਲੀ ਦੇ ਖੰਭੇ ਡਿੱਗਣ ਕਾਰਨ 32,500 ਘਰਾਂ ਵਿੱਚ ਬਿਜਲੀ ਦੇ ਕੱਟ ਲੱਗ ਗਏ। ਇਸ ਦੇ ਨਾਲ ਹੀ ਇੱਥੇ ਭੂਚਾਲ ਨੂੰ ਲੈ ਕੇ ਚਿਤਾਵਨੀ ਜਾਰੀ ਕੀਤੀ ਗਈ ਹੈ। ਸੋਮਵਾਰ ਰਾਤ ਨੂੰ ਆਏ ਭੂਚਾਲ ਤੋਂ ਬਾਅਦ ਜਾਪਾਨ ਸਰਕਾਰ ਨੇ ਇੱਕ ਲੱਖ ਲੋਕਾਂ ਨੂੰ ਆਪਣੇ ਘਰ ਖਾਲੀ ਕਰਨ ਦੇ ਆਦੇਸ਼ ਦਿੱਤੇ ਹਨ। ਉਨ੍ਹਾਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਭੇਜ ਦਿੱਤਾ ਗਿਆ।
ਇਹ ਵੀ ਪੜ੍ਹੋ: Japan Plane Fire: ਜਾਪਾਨ ‘ਚ ਏਅਰਪੋਰਟ ‘ਤੇ ਵੱਡਾ ਹਾਦਸਾ, ਦੂਜੇ ਜਹਾਜ਼ ਨਾਲ ਟਕਰਾਉਣ ਕਰਕੇ ਲੱਗੀ ਅੱਗ, ਪੰਜ ਦੀ ਮੌਤ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
