ਇੰਗਲੈਂਡ ’ਚ ਨਹੀਂ ਲੱਭ ਰਹੇ ਕਾਮੇ, ਜੇਲ੍ਹਾਂ 'ਚੋਂ ਕੈਦੀਆਂ ਨੂੰ ਰਿਹਾਅ ਕਰ ਦਿੱਤੀ ਜਾ ਰਹੀ ਨੌਕਰੀ
ਦਰਅਸਲ, ਯੂਕੇ ਵਿੱਚ ਸੁਪਰ ਮਾਰਕੀਟ ਪਿਛਲੇ ਕੁਝ ਹਫਤਿਆਂ ਤੋਂ ਖਾਲੀ ਹਨ। ‘ਬ੍ਰੈਗਜ਼ਿਟ’ ਕਾਰਨ ਐਚਜੀਵੀ (HGV) ਡਰਾਈਵਰਾਂ, ਫ਼ਰੂਟ ਪਿਕਰਜ਼ ਤੇ ਫੈਕਟਰੀ ਕਰਮਚਾਰੀਆਂ ਦੀ ਸੰਖਿਆ ਵਿੱਚ ਭਾਰੀ ਗਿਰਾਵਟ ਆਈ ਹੈ।
ਲੰਦਨ: ਦੁਨੀਆ ਦੇ ਬਹੁਤ ਸਾਰੇ ਦੇਸ਼ ਹਨ ਜਿੱਥੇ ਰੁਜ਼ਗਾਰ ਦੀ ਘਾਟ (lack of employment) ਹੈ। ਲੋਕਾਂ ਨੂੰ ਕੰਮ ਨਹੀਂ ਮਿਲ ਰਿਹਾ ਪਰ ਬ੍ਰਿਟੇਨ ਵਿੱਚ ਕੋਰੋਨਾ ਤੇ ‘ਬ੍ਰੈਗਜ਼ਿਟ’ ਕਾਰਨ ਹੁਣ ਕੰਮ ਕਰਨ ਵਾਲੇ ਕਾਮੇ ਹੀ ਉਪਲਬਧ ਨਹੀਂ (No workers in UK) ਹੋ ਰਹੇ। ਹਾਲਾਤ ਇਹ ਬਣੇ ਹੋਏ ਹਨ ਕਿ ਬ੍ਰਿਟਿਸ਼ ਜੇਲ੍ਹਾਂ (British jails) ਵਿੱਚੋਂ ਕੈਦੀਆਂ ਨੂੰ ਰਿਹਾਅ ਕੀਤਾ ਜਾ ਰਿਹਾ ਹੈ ਤੇ ਕਰਮਚਾਰੀਆਂ ਵਜੋਂ ਭਰਤੀ (recruited as staff) ਕੀਤਾ ਜਾ ਰਿਹਾ ਹੈ।
ਦਰਅਸਲ, ਯੂਕੇ ਵਿੱਚ ਸੁਪਰ ਮਾਰਕੀਟ ਪਿਛਲੇ ਕੁਝ ਹਫਤਿਆਂ ਤੋਂ ਖਾਲੀ ਹਨ। ‘ਬ੍ਰੈਗਜ਼ਿਟ’ ਕਾਰਨ ਐਚਜੀਵੀ (HGV) ਡਰਾਈਵਰਾਂ, ਫ਼ਰੂਟ ਪਿਕਰਜ਼ ਤੇ ਫੈਕਟਰੀ ਕਰਮਚਾਰੀਆਂ ਦੀ ਸੰਖਿਆ ਵਿੱਚ ਭਾਰੀ ਗਿਰਾਵਟ ਆਈ ਹੈ। ਹੁਣ, ਇਸ ਸੰਕਟ ਨੂੰ ਦੂਰ ਕਰਨ ਲਈ, ਅਜਿਹੀਆਂ ਕਾਰੋਬਾਰੀ ਸੰਸਥਾਵਾਂ ਇੱਕ ਸਕੀਮ ਦੇ ਅਧੀਨ ਕੈਦੀਆਂ ਨੂੰ ਭਰਤੀ ਕਰ ਰਹੀਆਂ ਹਨ। ਇਸ ਯੋਜਨਾ ਅਧੀਨ ਕੈਦੀਆਂ ਨੂੰ ਕੰਮ ਲਈ ਇੱਕ ਦਿਨ ਵਾਸਤੇ ਛੱਡ ਦਿੱਤਾ ਜਾਂਦਾ ਹੈ।
ਰਿਪੋਰਟ ਅਨੁਸਾਰ, ਸਟਾਫ ਦੀ ਵੱਡੀ ਕਮੀ ਕਾਰਨ, ਇੱਥੋਂ ਦੀ ਇੱਕ ਜੇਲ੍ਹ ਪੂਰੀ ਤਰ੍ਹਾਂ ਕੈਦੀਆਂ ਤੋਂ ਖਾਲੀ ਹੋ ਗਈ ਹੈ। ਅਕਤੂਬਰ 2020 ਤੇ ਮਾਰਚ 2021 ਵਿੱਚ ਯੂਕੇ ਵਿੱਚ ਕੈਦੀਆਂ ਨੂੰ ਕੁੱਲ 58,752 ਦਿਨਾਂ ਦੀ ਕੰਮ ਸਬੰਧੀ ਰਿਹਾਈ ਦਿੱਤੀ ਗਈ ਸੀ। ਹੁਣ ਇਹ ਗਿਣਤੀ ਵਧਣ ਦੀ ਉਮੀਦ ਹੈ। ਇਸ ਅਨੁਸਾਰ, ਕੈਦੀ ਕੰਮ ਦੇ ਸਮੇਂ ਤੋਂ ਪਹਿਲਾਂ ਜੇਲ੍ਹ ਤੋਂ ਰਿਹਾਅ ਹੋ ਜਾਂਦੇ ਹਨ ਤੇ ਕੰਮ ਪੂਰਾ ਕਰਨ ਤੋਂ ਬਾਅਦ ਉਨ੍ਹਾਂ ਨੂੰ ਵਾਪਸ ਜੇਲ੍ਹ ਆਉਣਾ ਪੈਂਦਾ ਹੈ। ਉਨ੍ਹਾਂ ਨੂੰ ਇਸ ਕੰਮ ਲਈ ਭੁਗਤਾਨ ਵੀ ਕੀਤਾ ਜਾ ਰਿਹਾ ਹੈ।
ਹਾਲਾਂਕਿ, ਇਹ ਯਕੀਨੀ ਬਣਾਉਣਾ ਸੰਸਥਾ ਦੀ ਜ਼ਿੰਮੇਵਾਰੀ ਹੁੰਦੀ ਹੈ ਕਿ ਕੈਦੀ ਭੱਜ ਨਾ ਜਾਣ। ਯੂਕੇ ਰਿਟੇਲ ਕੰਸੋਰਸ਼ੀਅਮ ਦਾ ਕਹਿਣਾ ਹੈ ਕਿ ਲਗਪਗ 90,000 ਐਚਜੀਵੀ ਡਰਾਈਵਰਾਂ ਦੀ ਘਾਟ ਹੈ। ਇਸ ਨਾਲ ਸਪਲਾਈ ਲੜੀ 'ਤੇ ਬਹੁਤ ਜ਼ਿਆਦਾ ਦਬਾਅ ਪਾ ਰਿਹਾ ਹੈ। ਇਸੇ ਲਈ ਕੈਦੀਆਂ ਨੂੰ ਕੰਮ ਕਰਨ ਲਈ ਦਿੱਤੀ ਗਈ ਰਿਹਾਈ ਦੇ ਦਿਨਾਂ ਦੀ ਗਿਣਤੀ ਹੋਰ ਵੀ ਵਧ ਸਕਦੀ ਹੈ। ਇਸ ਦੇ ਨਾਲ ਹੀ, ਸਤੰਬਰ ਵਿੱਚ ਸਕੂਲ ਦੁਬਾਰਾ ਖੁੱਲ੍ਹਣ ਤੇ ਕਰਮਚਾਰੀਆਂ ਦੇ ਦੁਬਾਰਾ ਦਫਤਰ ਪਹੁੰਚਣ ਤੋਂ ਬਾਅਦ ਸਥਿਤੀ ਹੋਰ ਗੰਭੀਰ ਹੋ ਸਕਦੀ ਹੈ।
ਮੀਟ ਸਪਲਾਇਰਜ਼ ਦੀ ਐਸੋਸੀਏਸ਼ਨ ਦੇਸ਼ ਦੀਆਂ ਜੇਲ੍ਹ ਸੇਵਾਵਾਂ ਨੂੰ ਬੇਨਤੀ ਕਰਨ ਦੀ ਤਿਆਰੀ ਕਰ ਰਹੀ ਹੈ ਕਿ ਆਰਜ਼ੀ ਲਾਇਸੈਂਸਿੰਗ ਪ੍ਰੋਗਰਾਮ ਅਧੀਨ ਭੋਜਨ ਸਪਲਾਇਰਾਂ ਨੂੰ ਇਸ ਰਿਹਾਈ ਵਿੱਚ ਤਰਜੀਹ ਦਿੱਤੀ ਜਾਵੇ। ਇਹ ਮੀਟਿੰਗ ਇਸ ਹਫਤੇ ਹੋਣੀ ਹੈ। ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਕਰਮਚਾਰੀਆਂ ਦੀ ਮੰਗ ਇੰਨੀ ਜ਼ਿਆਦਾ ਹੈ ਕਿ ਇਹ ਇਕੱਲੇ ਕੈਦੀਆਂ ਦੁਆਰਾ ਪੂਰੀ ਨਹੀਂ ਕੀਤੀ ਜਾ ਸਕਦੀ।
ਇਹ ਵੀ ਪੜ੍ਹੋ: Mali's Controversy: ਨਵਜੋਤ ਸਿੱਧੂ ਦੇ ਸਲਾਹਕਾਰ ਕੰਟਰੋਲ ਤੋਂ ਬਾਹਰ! ਇੰਦਰਾ ਗਾਂਧੀ ਦਾ ਇਤਰਾਜ਼ਯੋਗ ਸਕੈੱਚ, ਕਸ਼ਮੀਰ ਨੂੰ ਦੱਸਿਆ ਵੱਖਰਾ ਦੇਸ਼
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
