Nuclear War: ਇੱਕ ਪਲ 'ਚ ਲੱਖਾਂ-ਕਰੋੜਾਂ ਮੌਤਾਂ, ਕੁਦਰਤ ਦਾ ਸਾਰਾ ਸਿਸਟਮ ਹਿੱਲ ਜਾਵੇਗਾ, ਜਾਣੋ ਪਰਮਾਣੂ ਯੁੱਧ ਹੋਇਆ ਤਾਂ ਕੀ ਹੋਵੇਗਾ?
ਤੁਸੀਂ ਆਪਣੇ ਘਰ ਦੇ ਡਰਾਇੰਗ ਰੂਮ ਵਿੱਚ ਬੈਠੇ ਹੋ ਤੇ ਅਚਾਨਕ ਇੱਕ ਜ਼ੋਰਦਾਰ ਧਮਾਕਾ ਸੁਣਾਈ ਦਿੰਦਾ ਹੈ ਤੇ ਦੇਖਦਿਆਂ ਹੀ ਸਰੀਰ ਦੀ ਚਮੜੀ ਸੜ ਕੇ ਡਿੱਗਣ ਲੱਗ ਜਾਂਦੀ ਹੈ, ਚਾਰੇ ਪਾਸੇ ਧੂੰਆਂ ਹੀ ਭਰ ਜਾਂਦਾ ਹੈ... ਚੀਕਣ ਦਾ ਸਮਾਂ ਵੀ ਨਹੀਂ ਮਿਲਦਾ।
Nuclear War: ਤੁਸੀਂ ਆਪਣੇ ਘਰ ਦੇ ਡਰਾਇੰਗ ਰੂਮ ਵਿੱਚ ਬੈਠੇ ਹੋ ਤੇ ਅਚਾਨਕ ਇੱਕ ਜ਼ੋਰਦਾਰ ਧਮਾਕਾ ਸੁਣਾਈ ਦਿੰਦਾ ਹੈ ਤੇ ਦੇਖਦਿਆਂ ਹੀ ਸਰੀਰ ਦੀ ਚਮੜੀ ਸੜ ਕੇ ਡਿੱਗਣ ਲੱਗ ਜਾਂਦੀ ਹੈ, ਚਾਰੇ ਪਾਸੇ ਧੂੰਆਂ ਹੀ ਭਰ ਜਾਂਦਾ ਹੈ... ਚੀਕਣ ਦਾ ਸਮਾਂ ਵੀ ਨਹੀਂ ਮਿਲਦਾ। ਲੱਖਾਂ ਕਰੋੜਾਂ ਲੋਕ ਇੱਕ ਪਲ ਵਿੱਚ ਮੌਤ ਦੀ ਗੋਦ ਵਿੱਚ ਚਲੇ ਜਾਂਦੇ ਹਨ। ਖਾਣ ਲਈ ਰੋਟੀ ਨਹੀਂ ਹੈ...ਲੋਕ ਆਪਣੀਆਂ ਅੱਖਾਂ ਸਾਹਮਣੇ ਮਰ ਰਹੇ ਹਨ ਤੇ ਉਨ੍ਹਾਂ ਨੂੰ ਬਚਾਉਣ ਦਾ ਕੋਈ ਸਾਧਨ ਨਹੀਂ ਹੈ।
ਸ਼ਬਦਾਂ ਵਿੱਚ ਬਿਆਨ ਕੀਤਾ ਇਹ ਦ੍ਰਿਸ਼ ਜੇਕਰ ਦੁਨੀਆ ਵਿੱਚ ਪ੍ਰਮਾਣੂ ਯੁੱਧ ਛਿੜਦਾ ਹੈ ਤਾਂ ਹੋਰ ਵੀ ਭਿਆਨਕ ਹੋਵੇਗਾ। 77 ਸਾਲ ਪਹਿਲਾਂ ਜਦੋਂ ਜਾਪਾਨ ਦੇ ਦੋ ਸ਼ਹਿਰਾਂ 'ਤੇ ਪਰਮਾਣੂ ਬੰਬ ਡਿੱਗੇ ਸਨ ਤਾਂ ਪੂਰੀ ਦੁਨੀਆ ਨੇ ਮੌਤ ਦਾ ਨੰਗਾ ਨਾਚ ਦੇਖਿਆ ਸੀ। ਹਜ਼ਾਰਾਂ-ਲੱਖਾਂ ਲੋਕ ਦੁੱਖਾਂ-ਤਕਲੀਫ਼ਾਂ ਵਿੱਚ ਆਪਣੇ ਸਨੇਹੀਆਂ ਦੇ ਸਨਮੁੱਖ ਇਸ ਸੰਸਾਰ ਨੂੰ ਛੱਡ ਗਏ ਸਨ ਤੇ ਜੋ ਬਚ ਗਏ ਸਨ, ਉਨ੍ਹਾਂ ਨੂੰ ਅਜਿਹੀਆਂ ਬਿਮਾਰੀਆਂ ਨੇ ਘੇਰ ਲਿਆ ਸੀ ਕਿ ਮੌਤ ਨੂੰ ਜ਼ਿੰਦਗੀ ਨਾਲੋਂ ਪਿਆਰੀ ਲੱਗਦੀ ਸੀ।
ਰੂਸ ਤੇ ਯੂਕਰੇਨ ਵਿਚਾਲੇ ਚੱਲ ਰਹੇ ਯੁੱਧ ਦੇ ਵਿਚਕਾਰ, ਦੁਨੀਆ ਉਤੇ ਪ੍ਰਮਾਣੂ ਯੁੱਧ ਦਾ ਖਤਰੇ ਬਣਿਆ ਹੋਇਆ ਹੈ। ਲੜਾਈ ਲਗਭਗ ਆਪਣੇ ਅੰਤਮ ਪੜਾਅ 'ਤੇ ਹੈ ਪਰ ਖ਼ਤਰਿਆਂ ਨੂੰ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ ਹੈ। ਰੂਸੀ ਰਾਸ਼ਟਰਪਤੀ ਪੁਤਿਨ ਦੇ ਪ੍ਰਮਾਣੂ ਦਸਤੇ ਨੂੰ ਅਲਰਟ 'ਤੇ ਰੱਖਣ ਦੇ ਆਦੇਸ਼ ਨੇ ਲੋਕਾਂ ਦੇ ਦਿਲਾਂ ਦੀ ਧੜਕਣ ਵਧਾ ਦਿੱਤੀ ਹੈ। ਅਜਿਹੇ 'ਚ ਸਵਾਲ ਇਹ ਉੱਠ ਰਿਹਾ ਹੈ ਕਿ ਜੇਕਰ ਪ੍ਰਮਾਣੂ ਹਮਲਾ ਹੁੰਦਾ ਹੈ ਤਾਂ ਦੁਨੀਆ ਦੇ ਨਾਲ-ਨਾਲ ਵਾਤਾਵਰਣ 'ਤੇ ਕੀ ਪ੍ਰਭਾਵ ਪਵੇਗਾ?
ਮਾਹਿਰਾਂ ਦਾ ਕਹਿਣਾ ਹੈ ਕਿ ਜੇਕਰ 'ਸੀਮਤ' ਪ੍ਰਮਾਣੂ ਯੁੱਧ ਹੁੰਦਾ ਤਾਂ ਵੀ ਕਰੋੜਾਂ ਲੋਕਾਂ ਦੀ ਮੌਤ ਹੋ ਜਾਵੇਗੀ। ਪਰਮਾਣੂ ਹਮਲੇ ਤੋਂ ਬਾਅਦ ਜੋ ਹਾਲਾਤ ਪੈਦਾ ਹੋਣਗੇ, ਜਿਵੇਂ ਕਿ ਵਾਤਾਵਰਣ ਵਿੱਚ ਤਬਦੀਲੀਆਂ ਅਤੇ ਬਿਮਾਰੀਆਂ, ਲੱਖਾਂ ਹੋਰ ਲੋਕਾਂ ਨੂੰ ਮਾਰ ਦੇਣਗੀਆਂ।
ਪ੍ਰਮਾਣੂ ਹਮਲੇ ਕਾਰਨ ਧਰਤੀ ਦੇ ਸਟਰੋਸਫੀਅਰ ਦਾ ਤਾਪਮਾਨ 30 ਡਿਗਰੀ ਸੈਲਸੀਅਸ ਵਧ ਜਾਵੇਗਾ ਕਿਉਂਕਿ ਚਾਰੇ ਪਾਸੇ ਧੂੰਆਂ ਫੈਲ ਜਾਵੇਗਾ ਅਤੇ ਸੂਰਜ ਦੀ ਰੌਸ਼ਨੀ ਨਹੀਂ ਫੈਲ ਸਕੇਗੀ।
ਗਰਮ ਸਟ੍ਰੋਸਫੀਅਰ ਕਾਰਨ, ਓਜ਼ੋਨ ਪਰਤ, ਜੋ ਰੇਡੀਏਸ਼ਨ ਦੀਆਂ ਕਿਰਨਾਂ ਤੋਂ ਧਰਤੀ ਦੀ ਰੱਖਿਆ ਕਰਦੀ ਹੈ, ਰਸਾਇਣਕ ਕਿਰਿਆ ਦੁਆਰਾ ਨਸ਼ਟ ਹੋ ਜਾਵੇਗੀ।
ਮੱਧ-ਅਕਸ਼ਾਂਸ਼ਾਂ ਦੇ ਉੱਪਰ, ਅਲਟਰਾਵਾਇਲਟ ਰੋਸ਼ਨੀ ਦੀ ਰੇਂਜ 30 ਪ੍ਰਤੀਸ਼ਤ ਤੋਂ 80 ਪ੍ਰਤੀਸ਼ਤ ਤੱਕ ਵਧ ਜਾਵੇਗੀ, ਜਿਸ ਨਾਲ ਲੋਕਾਂ ਦੇ ਜੀਵਨ, ਖੇਤੀਬਾੜੀ ਅਤੇ ਪਾਣੀ ਵਿੱਚ ਰਹਿਣ ਵਾਲੇ ਜਾਨਵਰਾਂ ਨੂੰ ਭਾਰੀ ਨੁਕਸਾਨ ਹੋਵੇਗਾ।
ਪਰਮਾਣੂ ਹਮਲੇ ਦਾ ਦਰਦ ਸਿਰਫ਼ ਲੋਕ ਹੀ ਨਹੀਂ ਕੁਦਰਤ ਵੀ ਝੱਲੇਗੀ। ਦੁਨੀਆ ਭਰ ਵਿੱਚ ਹੋਣ ਵਾਲੀ ਬਾਰਿਸ਼ ਵਿੱਚ ਤੇਜ਼ੀ ਨਾਲ ਗਿਰਾਵਟ ਆਵੇਗੀ ਤੇ ਮਾਨਸੂਨ ਦਾ ਪੈਟਰਨ ਵੀ ਵਿਗੜ ਜਾਵੇਗਾ। ਭਿਆਨਕ ਸੋਕਾ ਪੈ ਜਾਵੇਗਾ, ਜਿਸ ਕਾਰਨ ਫਸਲਾਂ ਨਹੀਂ ਉਗ ਸਕਣਗੀਆਂ ਤੇ ਕਰੋੜਾਂ ਤੇ ਅਰਬਾਂ ਲੋਕ ਭੁੱਖੇ ਮਰ ਜਾਣਗੇ।
ਜਦੋਂ ਹੀਰੋਸ਼ੀਮਾ 'ਤੇ ਪਰਮਾਣੂ ਬੰਬ ਸੁੱਟਿਆ ਗਿਆ ਤਾਂ ਕੀ ਹੋਇਆ?
ਰਿਪੋਰਟਾਂ ਮੁਤਾਬਕ ਜਦੋਂ ਹੀਰੋਸ਼ੀਮਾ 'ਤੇ ਪਰਮਾਣੂ ਬੰਬ ਡਿੱਗਿਆ ਤਾਂ ਇਸ ਦੀ 30 ਫੀਸਦੀ ਆਬਾਦੀ (70-80 ਹਜ਼ਾਰ ਲੋਕ) ਇਕ ਪਲ 'ਚ ਮਾਰੇ ਗਏ ਅਤੇ ਬਾਕੀ 70 ਹਜ਼ਾਰ ਜ਼ਖਮੀ ਹੋ ਗਏ। ਅੰਦਾਜ਼ਾ ਹੈ ਕਿ 20,000 ਜਾਪਾਨੀ ਫੌਜੀ ਵੀ ਮਾਰੇ ਗਏ ਸਨ। ਅਮਰੀਕੀ ਸਰਵੇਖਣ ਵਿੱਚ ਇਹ ਗੱਲ ਸਾਹਮਣੇ ਆਈ ਸੀ ਕਿ ਸ਼ਹਿਰ ਦਾ 4.7 ਵਰਗ ਮੀਲ ਦਾ ਖੇਤਰ ਬਰਬਾਦ ਹੋਇਆ ਸੀ। ਜਾਪਾਨੀ ਅਧਿਕਾਰੀਆਂ ਮੁਤਾਬਕ ਹੀਰੋਸ਼ੀਮਾ ਦੀਆਂ 69 ਫੀਸਦੀ ਇਮਾਰਤਾਂ ਤਬਾਹ ਹੋ ਗਈਆਂ। ਹੀਰੋਸ਼ੀਮਾ ਵਿੱਚ, 90 ਪ੍ਰਤੀਸ਼ਤ ਡਾਕਟਰ ਅਤੇ 93 ਪ੍ਰਤੀਸ਼ਤ ਨਰਸਾਂ ਮਾਰੇ ਗਏ ਜਾਂ ਜ਼ਖਮੀ ਹੋਏ।
ਉਸੇ ਸਮੇਂ, ਨਾਗਾਸਾਕੀ ਵਿੱਚ ਹੀਰੋਸ਼ੀਮਾ ਨਾਲੋਂ ਵਧੇਰੇ ਸ਼ਕਤੀਸ਼ਾਲੀ ਪਰਮਾਣੂ ਬੰਬ ਸੁੱਟਿਆ ਗਿਆ ਸੀ। ਪਰ ਪਹਾੜ ਹੋਣ ਕਾਰਨ ਨਾਗਾਸਾਕੀ ਵਿੱਚ ਰੇਡੀਏਸ਼ਨ ਸਿਰਫ਼ 6.7 ਕਿਲੋਮੀਟਰ ਤੱਕ ਫੈਲੀ ਸੀ। ਫਿਰ ਵੀ ਇਸ ਹਮਲੇ ਵਿੱਚ ਹਜ਼ਾਰਾਂ ਲੋਕ ਮਾਰੇ ਗਏ ਸਨ। ਕਿਹਾ ਜਾਂਦਾ ਹੈ ਕਿ ਜਾਪਾਨ ਦੇ ਦੋਵਾਂ ਸ਼ਹਿਰਾਂ ਦੇ ਪਰਮਾਣੂ ਹਮਲੇ ਵਿੱਚ 2 ਲੱਖ ਤੋਂ ਵੱਧ ਲੋਕਾਂ ਦੀ ਜਾਨ ਚਲੀ ਗਈ ਸੀ।
ਕਿਸ ਦੇਸ਼ ਕੋਲ ਕਿੰਨੇ ਪ੍ਰਮਾਣੂ ਹਥਿਆਰ
ਰੂਸ- 5977
ਅਮਰੀਕਾ -5428
ਚੀਨ-350
ਫਰਾਂਸ-290
ਯੂਕੇ-225
ਪਾਕਿਸਤਾਨ-165
ਭਾਰਤ-160
ਇਜ਼ਰਾਈਲ-90
ਉੱਤਰੀ ਕੋਰੀਆ-20
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
