Pakistan Economy : ਆਰਥਿਕ ਸੰਕਟ 'ਚ ਘਿਰੇ ਪਾਕਿਸਤਾਨ ਨੂੰ ਸਾਊਦੀ ਅਰਬ ਨੇ ਦਿੱਤਾ ਸਹਾਰਾ, ਮਿਲੇਗੀ ਤਿੰਨ ਅਰਬ ਡਾਲਰ ਦੀ ਮਦਦ

Pakistani Economy: ਪਾਕਿਸਤਾਨ (Pakistan) ਨੂੰ ਜਲਦ ਹੀ ਸਾਊਦੀ ਅਰਬ ਤੋਂ ਵੱਡੀ ਆਰਥਿਕ ਮਦਦ ਮਿਲਣ ਵਾਲੀ ਹੈ। ਸਾਊਦੀ ਅਰਬ ਪਾਕਿਸਤਾਨ ਨੂੰ ਕਿੰਗਡਮ ਦੀ ਜਮ੍ਹਾ ਰਾਸ਼ੀ, 3 ਬਿਲੀਅਨ ਡਾਲਰ ਦੇ ਵਿਸਥਾਰ ਨੂੰ ਅੰਤਿਮ ਰੂਪ ਦੇ ਰਿਹਾ ਹੈ

ਸਾਊਦੀ ਅਰਬ ਦਾ ਪਾਕਿਸਤਾਨ ਨੂੰ ਸਹਾਰਾ

Pakistani Economy: ਪਾਕਿਸਤਾਨ (Pakistan) ਨੂੰ ਜਲਦ ਹੀ ਸਾਊਦੀ ਅਰਬ (Saudi Arabia ) ਤੋਂ ਵੱਡੀ ਆਰਥਿਕ ਮਦਦ ਮਿਲਣ ਵਾਲੀ ਹੈ। ਸਾਊਦੀ ਅਰਬ ਪਾਕਿਸਤਾਨ ਨੂੰ ਕਿੰਗਡਮ ਦੀ ਜਮ੍ਹਾ ਰਾਸ਼ੀ, 3 ਬਿਲੀਅਨ ਡਾਲਰ ਦੇ ਵਿਸਥਾਰ ਨੂੰ ਅੰਤਿਮ ਰੂਪ ਦੇ ਰਿਹਾ ਹੈ। ਸਾਊਦੀ ਦੇ ਵਿੱਤ ਮੰਤਰੀ ਮੁਹੰਮਦ ਅਲ-ਜਦਾਨ ਨੇ ਰਾਇਟਰਜ਼ ਨੂੰ ਇਹ ਜਾਣਕਾਰੀ ਦਿੱਤੀ ਹੈ। ਦਾਵੋਸ (Davos) 'ਚ ਵਿਸ਼ਵ ਆਰਥਿਕ ਫੋਰਮ (World Economic Forum) ਦੇ ਮੌਕੇ 'ਤੇ ਉਨ੍ਹਾਂ ਨੇ ਕਿਹਾ, ''ਅਸੀਂ ਫਿਲਹਾਲ ਪਾਕਿਸਤਾਨ ਨੂੰ 3 ਬਿਲੀਅਨ ਡਾਲਰ ਦੀ ਜਮ੍ਹਾ ਰਾਸ਼ੀ ਨੂੰ ਅੰਤਿਮ ਰੂਪ ਦੇ ਰਹੇ ਹਾਂ।''

ਦਸ ਦਈਏ ਕਿ ਪਿਛਲੇ ਸਾਲ, ਸਾਊਦੀ ਅਰਬ ਨੇ ਆਪਣੇ ਵਿਦੇਸ਼ੀ ਭੰਡਾਰ ਦਾ ਸਮਰਥਨ ਕਰਨ 'ਚ ਮਦਦ ਲਈ ਪਾਕਿਸਤਾਨ ਦੇ ਕੇਂਦਰੀ ਬੈਂਕ 'ਚ 3 ਬਿਲੀਅਨ ਡਾਲਰ ਜਮ੍ਹਾ ਕਰਵਾਏ । ਜਾਦਾਨ ਨੇ ਹੋਰ ਵੇਰਵੇ ਨਹੀਂ ਦਿੱਤੇ, ਪਰ 1 ਮਈ ਨੂੰ ਦੋਵਾਂ ਦੇਸ਼ਾਂ ਨੇ ਇੱਕ ਸੰਯੁਕਤ ਬਿਆਨ ਵਿੱਚ ਕਿਹਾ ਕਿ ਉਹ ਮਿਆਦ ਨੂੰ ਵਧਾ ਕੇ "ਜਾਂ ਹੋਰ ਵਿਕਲਪਾਂ ਨਾਲ" ਡਿਪਾਜ਼ਿਟ ਦਾ ਸਮਰਥਨ ਕਰਨ ਦੀ ਸੰਭਾਵਨਾ 'ਤੇ ਚਰਚਾ ਕਰਨਗੇ।

'ਪਾਕਿਸਤਾਨ ਇੱਕ ਮਹੱਤਵਪੂਰਨ ਸਹਿਯੋਗੀ'
ਜਾਦਾਨ ਨੇ ਕਿਹਾ ਕਿ ਪਾਕਿਸਤਾਨ ਇਕ ਮਹੱਤਵਪੂਰਨ ਸਹਿਯੋਗੀ ਹੈ ਅਤੇ ਕਿੰਗਡਮ ਦੱਖਣੀ ਏਸ਼ੀਆਈ ਦੇਸ਼ ਦੇ ਪਿੱਛੇ ਖੜ੍ਹਾ ਹੋਵੇਗਾ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਪਾਕਿਸਤਾਨ ਮਹਿੰਗਾਈ ਦੀ ਉੱਚੀ ਦਰ, ਘਟਦੇ ਵਿਦੇਸ਼ੀ ਮੁਦਰਾ ਭੰਡਾਰ, ਚਾਲੂ ਖਾਤੇ ਦੇ ਘਾਟੇ ਨੂੰ ਡੂੰਘਾ ਕਰਨ ਅਤੇ ਮੁਦਰਾ ਦੇ ਕਮਜ਼ੋਰ ਹੋਣ ਕਾਰਨ ਆਰਥਿਕ ਚੁਣੌਤੀਆਂ ਨਾਲ ਘਿਰਿਆ ਹੋਇਆ ਹੈ।

ਪਾਕਿ ਨੇ ਲਗਾਇਆ ਕਈ ਵਸਤੂਆਂ ਦੀ ਦਰਾਮਦ 'ਤੇ ਪਾਬੰਦੀਆਂ 
ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਪਾਕਿਸਤਾਨ ਸਰਕਾਰ ਨੇ ਐਮਰਜੈਂਸੀ ਆਰਥਿਕ ਯੋਜਨਾ ਦੇ ਤਹਿਤ ਸਾਰੀਆਂ ਗੈਰ-ਜ਼ਰੂਰੀ ਲਗਜ਼ਰੀ ਚੀਜ਼ਾਂ ਜਿਵੇਂ ਕਿ ਕਾਰਾਂ, ਮੋਬਾਈਲ ਫੋਨ, ਘਰੇਲੂ ਉਪਕਰਣ ਅਤੇ ਹਥਿਆਰਾਂ ਦੇ ਆਯਾਤ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। ਇਸ ਫੈਸਲੇ ਦਾ ਐਲਾਨ ਕਰਦੇ ਹੋਏ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਸ਼ਾਹਬਾਜ਼ ਸ਼ਰੀਫ ਨੇ 19 ਮਈ ਨੂੰ ਟਵੀਟ ਕੀਤਾ ਸੀ ਕਿ ਇਸ ਕਦਮ ਨਾਲ ਦੇਸ਼ ਦੀ ਕੀਮਤੀ ਵਿਦੇਸ਼ੀ ਮੁਦਰਾ ਬਚੇਗਾ।
ਸ਼ਹਿਬਾਜ਼ ਸ਼ਰੀਫ (Shehbaaz Sharif) ਨੇ ਟਵੀਟ ਕੀਤਾ, "ਅਸੀਂ ਸੰਜਮ ਨਾਲ ਆਪਣੀ ਪੂਰੀ ਕੋਸ਼ਿਸ਼ ਕਰਾਂਗੇ। ਦੇਸ਼ ਦੇ ਆਰਥਿਕ ਤੌਰ 'ਤੇ ਮਜ਼ਬੂਤ ​​ਲੋਕਾਂ ਨੂੰ ਸਰਕਾਰ ਦੀ ਇਸ ਕੋਸ਼ਿਸ 'ਚ ਅੱਗੇ ਆਉਣਾ ਚਾਹੀਦਾ ਹੈ ਤਾਂ ਜੋ ਇਮਰਾਨ ਖਾਨ ਸਰਕਾਰ ਵੱਲੋਂ ਵਾਂਝੇ ਲੋਕਾਂ 'ਤੇ ਇਮਰਾਨ ਖਾਨ ਸਰਕਾਰ ਵੱਲੋਂ ਪਾਇਆ ਗਿਆ ਇਹ ਬੋਝ ਉਤਾਰਿਆ ਜਾ ਸਕੇ।" ਸ਼ਾਹਬਾਜ਼ ਸ਼ਰੀਫ ਨੇ ਕਿਹਾ ਕਿ ਪਾਕਿਸਤਾਨ ਪੂਰੀ ਦ੍ਰਿੜਤਾ ਨਾਲ ਇਨ੍ਹਾਂ ਚੁਣੌਤੀਆਂ ਦਾ ਸਾਹਮਣਾ ਕਰੇਗਾ।