ਪੁਤਿਨ ਨੇ ਟਰੰਪ ਨੂੰ ਦਿਖਾਇਆ ਅੰਗੂਠਾ! ਦੋਸਤ ਮੋਦੀ ਨੂੰ ਦਿੱਤਾ ਵੱਡਾ ਤੋਹਫ਼ਾ! ਤੇਲ ਖਰੀਦ 'ਤੇ ਹੋਰ ਵਧਾਈ ਛੋਟ
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀਆਂ ਧਮਕੀਆਂ ਅਤੇ ਟੈਰਿਫ਼ ਦੇ ਬਾਵਜੂਦ ਭਾਰਤ ਲਗਾਤਾਰ ਰੂਸ ਤੋਂ ਕੱਚਾ ਤੇਲ ਖਰੀਦ ਰਿਹਾ ਹੈ। ਇਸ ਦਰਮਿਆਨ ਰੂਸ ਨੇ ਭਾਰਤ ਨੂੰ ਤੇਲ ‘ਤੇ ਮਿਲਣ ਵਾਲੀ ਛੋਟ ਵਧਾ ਕੇ 3-4 ਡਾਲਰ ਪ੍ਰਤੀ ਬੈਰਲ ਕਰ..
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀਆਂ ਧਮਕੀਆਂ ਅਤੇ ਟੈਰਿਫ਼ ਦੇ ਬਾਵਜੂਦ ਭਾਰਤ ਲਗਾਤਾਰ ਰੂਸ ਤੋਂ ਕੱਚਾ ਤੇਲ ਖਰੀਦ ਰਿਹਾ ਹੈ। ਇਸ ਦਰਮਿਆਨ ਰੂਸ ਨੇ ਭਾਰਤ ਨੂੰ ਤੇਲ ‘ਤੇ ਮਿਲਣ ਵਾਲੀ ਛੋਟ ਵਧਾ ਕੇ 3-4 ਡਾਲਰ ਪ੍ਰਤੀ ਬੈਰਲ ਕਰ ਦਿੱਤੀ ਹੈ। ਪਿਛਲੇ ਹਫ਼ਤੇ ਇਹ ਛੋਟ 2.50 ਡਾਲਰ ਸੀ, ਜਦਕਿ ਜੁਲਾਈ ਵਿੱਚ ਇਹ ਸਿਰਫ਼ 1 ਡਾਲਰ ਪ੍ਰਤੀ ਬੈਰਲ ਸੀ। ਬਲੂਮਬਰਗ ਦੀ ਰਿਪੋਰਟ ਮੁਤਾਬਕ, ਇਹ ਨਵੀਆਂ ਦਰਾਂ ਸਤੰਬਰ ਅਤੇ ਅਕਤੂਬਰ ਵਿੱਚ ਭਾਰਤ ਨੂੰ ਭੇਜੇ ਜਾਣ ਵਾਲੇ ਤੇਲ ‘ਤੇ ਲਾਗੂ ਹੋਣਗੀਆਂ। ਇਹ ਕਦਮ ਉਸ ਵੇਲੇ ਚੁੱਕਿਆ ਗਿਆ ਹੈ ਜਦੋਂ ਅਮਰੀਕਾ ਨੇ ਰੂਸ ਤੋਂ ਤੇਲ ਖਰੀਦਣ ‘ਤੇ ਭਾਰਤ ‘ਤੇ 25 ਫ਼ੀਸਦੀ ਵਾਧੂ ਟੈਰਿਫ਼ ਲਾਇਆ ਸੀ, ਜੋ ਹੁਣ ਵੱਧ ਕੇ 50 ਫ਼ੀਸਦੀ ਹੋ ਗਿਆ ਹੈ।
ਅਮਰੀਕਾ ਦਾ ਇਲਜ਼ਾਮ ਅਤੇ ਚਿੰਤਾ
ਟਰੰਪ ਦੇ ਸਲਾਹਕਾਰ ਪੀਟਰ ਨਵਾਰੋ ਨੇ ਕਿਹਾ ਕਿ ਭਾਰਤ ਰੂਸ ਤੋਂ ਸਸਤਾ ਤੇਲ ਖਰੀਦ ਕੇ ਉਸਨੂੰ ਯੂਰਪ ਅਤੇ ਅਫ਼ਰੀਕਾ ਨੂੰ ਰੀਫ਼ਾਈਨ ਕਰਕੇ ਪ੍ਰੀਮਿਯਮ ਕੀਮਤ ‘ਤੇ ਵੇਚਦਾ ਹੈ, ਜਿਸ ਨਾਲ ਰੂਸ ਨੂੰ ਯੁੱਧ ਵਿੱਚ ਵਿੱਤੀ ਮਦਦ ਮਿਲਦੀ ਹੈ। ਨਵਾਰੋ ਦਾ ਕਹਿਣਾ ਹੈ ਕਿ ਟਰੰਪ ਦੇ ਯੂਕ੍ਰੇਨ ‘ਤੇ ਹਮਲਾ ਕਰਨ ਤੋਂ ਪਹਿਲਾਂ ਭਾਰਤ ਰੂਸ ਤੋਂ ਬਹੁਤ ਘੱਟ ਤੇਲ ਖਰੀਦਦਾ ਸੀ।
ਭਾਰਤ ਦੀ ਰੂਸ ਨਾਲ ਸਾਂਝੇਦਾਰੀ
ਭਾਰਤ ਦੁਨੀਆ ਦਾ ਤੀਜਾ ਸਭ ਤੋਂ ਵੱਡਾ ਤੇਲ ਖਰੀਦਦਾਰ ਹੈ।
ਸਾਲ 2022 ਤੋਂ ਭਾਰਤ ਨੇ ਰੂਸ ਤੋਂ ਤੇਲ ਖਰੀਦ ਵਿੱਚ ਤੇਜ਼ੀ ਲਿਆਈ, ਜਿਸਨੂੰ ਸਿਰਫ਼ 1% ਤੋਂ ਵਧਾ ਕੇ 40% ਕਰ ਦਿੱਤਾ ਗਿਆ।
2024-25 ਵਿੱਚ ਭਾਰਤ ਨੇ ਆਪਣੇ ਕੁੱਲ 5.4 ਮਿਲੀਅਨ ਬੈਰਲ ਪ੍ਰਤੀ ਦਿਨ ਦੇ ਤੇਲ ਆਯਾਤ ‘ਚੋਂ 36% ਰੂਸ ਤੋਂ ਖਰੀਦਿਆ, ਜੋ ਕਿ ਇਰਾਕ, ਸਾਊਦੀ ਅਰਬ, ਯੂਏਈ ਅਤੇ ਅਮਰੀਕਾ ਤੋਂ ਆਉਣ ਵਾਲੇ ਤੇਲ ਨਾਲੋਂ ਕਾਫ਼ੀ ਵੱਧ ਹੈ।
ਇਸ ਸਮੇਂ ਰੂਸ ਭਾਰਤ ਦਾ ਸਭ ਤੋਂ ਵੱਡਾ ਤੇਲ ਸਪਲਾਇਰ ਬਣ ਚੁੱਕਾ ਹੈ।
ਭਾਰਤ ਦਾ ਰੁਖ ਅਤੇ ਤਰਕ
ਭਾਰਤ ਨੇ ਕਿਹਾ ਹੈ ਕਿ ਰੂਸ ਨਾਲ ਊਰਜਾ ਵਪਾਰ ਪੂਰੀ ਤਰ੍ਹਾਂ ਕਾਨੂੰਨੀ ਹੈ ਅਤੇ ਕੋਈ ਵੀ ਅੰਤਰਰਾਸ਼ਟਰੀ ਪਾਬੰਦੀ ਕੱਚੇ ਤੇਲ ਦੀ ਖਰੀਦ ‘ਤੇ ਰੋਕ ਨਹੀਂ ਲਗਾਉਂਦੀ। ਭਾਰਤ ਨੇ ਅਮਰੀਕਾ ਦੇ ਇਕਤਰਫ਼ਾ ਟੈਰਿਫ਼ ਨੂੰ ਵਪਾਰਕ ਤ੍ਰਾਸਦੀ ਕਰਾਰ ਦਿੱਤਾ। ਭਾਰਤ ਨੇ ਇਹ ਵੀ ਕਿਹਾ ਕਿ ਉਹ ਰੂਸ ਤੋਂ ਵੱਡੀ ਮਾਤਰਾ ਵਿੱਚ ਤੇਲ ਅਤੇ ਸੈਨਿਕ ਸਾਜੋ-ਸਮਾਨ ਖਰੀਦਦਾ ਹੈ, ਜਦਕਿ ਅਮਰੀਕਾ ਤੋਂ ਬਹੁਤ ਘੱਟ। ਟਰੰਪ ਦੀਆਂ ਟੈਰਿਫ਼ ਧਮਕੀਆਂ ਅਤੇ ਅਮਰੀਕਾ ਦੇ ਇਲਜ਼ਾਮਾਂ ਦੇ ਵਿਚਕਾਰ ਭਾਰਤ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਉਹ ਆਪਣੀ ਊਰਜਾ ਸੁਰੱਖਿਆ ਅਤੇ ਰਣਨੀਤਿਕ ਹਿੱਤਾਂ ਲਈ ਰੂਸ ਨਾਲ ਸਹਿਯੋਗ ਜਾਰੀ ਰੱਖੇਗਾ। ਰੂਸ ਵੱਲੋਂ ਦਿੱਤੀ ਗਈ ਨਵੀਂ ਛੋਟ ਨਾਲ ਭਾਰਤੀ ਰਿਫ਼ਾਈਨਰੀਆਂ ਨੂੰ ਆਰਥਿਕ ਲਾਭ ਮਿਲੇਗਾ ਅਤੇ ਅਮਰੀਕੀ ਟੈਰਿਫ਼ ਦਾ ਅਸਰ ਘੱਟ ਹੋਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
