Bhool Bhulaiyaa 2 : ਕਿਆਰਾ-ਕਾਰਤਿਕ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤਣ ਲਈ ਕਰ ਰਹੇ ਪੂਰੀ ਕੋਸ਼ਿਸ਼, ਦੇਖੋ ਉਨ੍ਹਾਂ ਦੀ ਧਮਾਕੇਦਾਰ ਕੈਮਿਸਟਰੀ

Bhool Bhulaiyaa 2

ਕਾਰਤਿਕ ਆਰੀਅਨ ਅਤੇ ਕਿਆਰਾ ਅਡਵਾਨੀ ਇਨ੍ਹੀਂ ਦਿਨੀਂ ਸੁਰਖੀਆਂ ਦਾ ਹਿੱਸਾ ਬਣੇ ਹੋਏ ਹਨ। ਜਲਦ ਹੀ ਦੋਵੇਂ ਫਿਲਮ 'ਭੂਲ ਭੁਲਾਇਆ 2' 'ਚ ਇਕੱਠੇ ਨਜ਼ਰ ਆਉਣ ਵਾਲੇ ਹਨ। ਇਸ ਫਿਲਮ ਦੇ ਪਹਿਲੇ ਭਾਗ ਤੋਂ ਹੀ ਪ੍ਰਸ਼ੰਸਕ ਇਸ ਦੇ ਸੀਕਵਲ ਦਾ ਇੰਤਜ਼ਾਰ ਕਰ ਰਹੇ ਸਨ। ਅਜਿਹੇ 'ਚ ਕਾਰਤਿਕ ਕਿਆਰਾ ਵੀ ਲੋਕਾਂ ਨੂੰ ਖੁਸ਼ ਕਰਨ ਲਈ ਫਿਲਮ 'ਤੇ ਸਖਤ ਮਿਹਨਤ ਕਰ ਰਹੇ ਹਨ।

ਕਿਆਰਾ ਅਡਵਾਨੀ ਅਤੇ ਕਾਰਤਿਕ ਆਰੀਅਨ ਹਰ ਸ਼ੋਅ ਅਤੇ ਇਵੈਂਟਸ 'ਚ ਲਗਾਤਾਰ ਸ਼ਿਰਕਤ ਕਰ ਰਹੇ ਹਨ, ਜਿੱਥੋਂ ਦੋਵਾਂ ਦੀਆਂ ਸਟਾਈਲਿਸ਼ ਲੁੱਕ 'ਚ ਤਸਵੀਰਾਂ ਸਾਹਮਣੇ ਆ ਰਹੀਆਂ ਹਨ।

ਹਾਲ ਹੀ 'ਚ ਇਨ੍ਹਾਂ ਦੋਹਾਂ ਕਲਾਕਾਰਾਂ ਨੇ ਖੁਦ ਆਪਣੀਆਂ ਸ਼ਾਨਦਾਰ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਜਿੱਥੇ ਕਾਰਤਿਕ ਨੇ ਲਾਈਟ ਬਲੂ ਕਲਰ ਦੀ ਪ੍ਰਿੰਟਿਡ ਸ਼ਰਟ, ਸਫੇਦ ਪੈਂਟ ਦੇ ਨਾਲ ਬ੍ਰਾਊਨ ਕਲਰ ਦਾ ਬਲੇਜ਼ਰ ਪਾਇਆ ਹੋਇਆ ਹੈ। ਦੂਜੇ ਪਾਸੇ ਕਿਆਰਾ ਪਿੰਕ ਕਲਰ ਦੀ ਫਲੋਰਲ ਸਾੜ੍ਹੀ 'ਚ ਬੇਹੱਦ ਖੂਬਸੂਰਤ ਲੱਗ ਰਹੀ ਹੈ।

ਕਿਆਰਾ ਨੇ ਇਸ ਸਾੜ੍ਹੀ ਦੇ ਨਾਲ ਇੱਕ ਨੂਡਲ ਸਟ੍ਰੈਪ ਗੁਲਾਬੀ ਕਢਾਈ ਵਾਲਾ ਬਰੈਲੇਟ ਪਾਇਆ ਹੋਇਆ ਹੈ, ਜਿਸ ਵਿੱਚ ਪਲੰਗਿੰਗ ਨੇਕਲਾਈਨ ਅਤੇ ਧਾਗੇ ਦੀ ਕਢਾਈ ਅਤੇ ਗਲਾਸ ਵਰਕ ਇਸ ਨੂੰ ਕਾਫ਼ੀ ਆਕਰਸ਼ਕ ਬਣਾ ਰਿਹਾ ਹੈ।

ਫਿਲਮ 'ਚ ਦੋਵਾਂ ਦੀ ਕੈਮਿਸਟਰੀ ਦੇਖਣ ਲਈ ਪ੍ਰਸ਼ੰਸਕ ਕਾਫੀ ਉਤਸ਼ਾਹਿਤ ਹਨ। ਅਨੀਸ ਬਜ਼ਮੀ ਦੁਆਰਾ ਨਿਰਦੇਸ਼ਿਤ ਇਹ ਫਿਲਮ 20 ਮਈ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਵਾਲੀ ਹੈ।

ਕਿਆਰਾ ਨੇ ਘੱਟੋ-ਘੱਟ ਮੇਕਅਪ ਅਤੇ ਈਅਰਰਿੰਗਸ ਨਾਲ ਆਪਣਾ ਲੁੱਕ ਪੂਰਾ ਕੀਤਾ ਹੈ। ਤਸਵੀਰ 'ਚ ਕਾਰਤਿਕ ਅਤੇ ਕਿਆਰਾ ਇਕੱਠੇ ਪੋਜ਼ ਦਿੰਦੇ ਹੋਏ ਕਾਫੀ ਚੰਗੇ ਲੱਗ ਰਹੇ ਹਨ।