Dilip Kumar : ਦਿਲੀਪ ਕੁਮਾਰ ਨੇ ਸਾਇਰਾ ਨੂੰ ਬਾਰਿਸ਼ 'ਚ ਕੀਤਾ ਸੀ ਪ੍ਰਪੋਜ਼, 22 ਸਾਲਾਂ ਅਦਾਕਾਰਾ 44 ਸਾਲ ਸਟਾਰ ਦੇ ਆਖਰੀ ਸਾਹ ਤੱਕ ਰਹੀ ਨਾਲ

Saira Banu Post: ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਦਿਲੀਪ ਕੁਮਾਰ ਦੀ ਮੌਤ ਤੋਂ ਬਾਅਦ ਸਾਇਰਾ ਬਾਨੋ ਇਕੱਲੀ ਹੋ ਗਈ ਹੈ। ਉਨ੍ਹਾਂ ਨੇ ਹਾਲ ਹੀ 'ਚ ਦਿਲੀਪ ਕੁਮਾਰ ਦੀ ਬਰਸੀ 'ਤੇ ਸੋਸ਼ਲ ਮੀਡੀਆ 'ਤੇ ਆਪਣਾ ਡੈਬਿਊ ਕੀਤਾ ਹੈ।

Saira Banu Post

ਸਾਇਰਾ ਬਾਨੋ ਨੇ 7 ਜੁਲਾਈ ਨੂੰ ਹੀ ਆਪਣਾ ਇੰਸਟਾਗ੍ਰਾਮ ਅਕਾਊਂਟ ਬਣਾਇਆ ਹੈ। ਜਿਸ 'ਤੇ ਉਹ ਆਪਣੀਆਂ ਪੁਰਾਣੀਆਂ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ ਅਤੇ ਆਪਣੇ ਨਾਲ ਜੁੜੀਆਂ ਪੁਰਾਣੀਆਂ ਗੱਲਾਂ ਪ੍ਰਸ਼ੰਸਕਾਂ ਨੂੰ ਦੱਸਦੀ ਰਹਿੰਦੀ ਹੈ।

ਮਾਨਸੂਨ ਵਿੱਚ ਸਾਇਰਾ ਬਾਨੋ ਨੇ ਆਪਣੇ ਪੁਰਾਣੇ ਦਿਨ ਯਾਦ ਕੀਤੇ ਅਤੇ ਉਨ੍ਹਾਂ ਨੇ ਦਿਲੀਪ ਕੁਮਾਰ ਨਾਲ ਆਪਣੀਆਂ ਯਾਦਾਂ ਤਾਜ਼ਾ ਕੀਤੀਆਂ। ਸਾਇਰਾ ਬਾਨੋ ਨੇ ਦੱਸਿਆ ਕਿ ਕਿਵੇਂ ਉਨ੍ਹਾਂ ਨੂੰ ਦਿਲੀਪ ਕੁਮਾਰ ਨੂੰ ਪ੍ਰਪੋਜ਼ ਕੀਤਾ।

ਸਾਇਰਾ ਬਾਨੋ ਨੇ ਦਿਲੀਪ ਕੁਮਾਰ ਦੀਆਂ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ 'ਚ ਉਹ ਮੀਂਹ ਦਾ ਆਨੰਦ ਲੈਂਦੇ ਨਜ਼ਰ ਆ ਰਹੇ ਹਨ। ਫੋਟੋ ਸ਼ੇਅਰ ਕਰਦੇ ਹੋਏ ਸਾਇਰਾ ਬਾਨੋ ਨੇ ਬਾਰਿਸ਼ ਅਤੇ ਦਿਲੀਪ ਕੁਮਾਰ ਬਾਰੇ ਕਈ ਗੱਲਾਂ ਲਿਖੀਆਂ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਦੱਸਿਆ ਕਿ ਕਿਵੇਂ ਉਨ੍ਹਾਂ ਨੇ ਬਾਰਿਸ਼ 'ਚ ਸਾਇਰਾ ਬਾਨੋ ਨੂੰ ਪ੍ਰਪੋਜ਼ ਕੀਤਾ ਸੀ।

ਸਾਇਰਾ ਬਾਨੋ ਨੇ ਦੱਸਿਆ ਕਿ ਸਾਹਿਬ ਨੂੰ ਬਾਰਿਸ਼ ਬਹੁਤ ਪਸੰਦ ਸੀ ਅਤੇ ਜੇਕਰ ਉਹ ਮੀਟਿੰਗ ਲਈ ਬਾਹਰ ਜਾਂਦੇ ਸਨ ਅਤੇ ਮੀਂਹ ਪੈ ਜਾਂਦਾ ਸੀ ਤਾਂ ਉਹ ਖੁਸ਼ੀ ਨਾਲ ਮੈਨੂੰ ਤੁਰੰਤ ਫੋਨ ਕਰਦੇ ਸਨ ਅਤੇ ਕਹਿੰਦੇ ਸਨ - ਸਾਇਰਾ ਬਾਰਿਸ਼ ਹੋ ਰਹੀ ਹੈ।

ਕਈ ਸਾਲ ਪਹਿਲਾਂ ਅਸੀਂ ਦੋਵੇਂ ਰਾਤ ਨੂੰ ਜੁਹੂ ਬੀਚ 'ਤੇ ਸੈਰ ਕਰ ਰਹੇ ਸੀ ਕਿ ਅਚਾਨਕ ਬਾਰਿਸ਼ ਸ਼ੁਰੂ ਹੋ ਗਈ। ਮੈਨੂੰ ਗਿੱਲੇ ਹੋਣ ਤੋਂ ਬਚਾਉਣ ਲਈ, ਉਸਨੇ ਆਪਣੀ ਜੈਕਟ ਲਾਹ ਕੇ ਮੇਰੇ ਮੋਢੇ 'ਤੇ ਰੱਖ ਦਿੱਤੀ।

ਸਾਇਰਾ ਨੇ ਅੱਗੇ ਲਿਖਿਆ- ਇਹ ਇੱਕ ਜਾਦੂਈ ਰਾਤ ਸੀ। ਅਸੀਂ ਕਾਰ ਵਿੱਚ ਬੈਠੇ ਸੀ ਅਤੇ ਉਸਨੇ ਮੈਨੂੰ ਕਿਹਾ - ਕੀ ਤੁਸੀਂ ਮੇਰੇ ਨਾਲ ਵਿਆਹ ਕਰੋਗੇ?

ਸਾਇਰਾ ਬਾਨੋ ਅਤੇ ਦਿਲੀਪ ਕੁਮਾਰ ਦੀ ਲਵ ਸਟੋਰੀ ਕਿਸੇ ਫਿਲਮ ਤੋਂ ਘੱਟ ਨਹੀਂ ਹੈ। ਦੋਵਾਂ ਦਾ ਵਿਆਹ 1966 'ਚ ਹੋਇਆ ਸੀ। ਸਾਇਰਾ ਬਾਨੋ ਦਾ ਜਦੋਂ ਦਿਲੀਪ ਕੁਮਾਰ ਨਾਲ ਵਿਆਹ ਹੋਇਆ ਸੀ, ਉਸ ਸਮੇਂ ਉਹ 22 ਸਾਲ ਦੀ ਸੀ ਅਤੇ ਟ੍ਰੈਜਡੀ ਕਿੰਗ 44 ਸਾਲ ਦੇ ਸੀ। ਇਹ ਜੋੜਾ 54 ਸਾਲ ਇਕੱਠੇ ਰਹੇ। ਦਿਲੀਪ ਕੁਮਾਰ ਦੇ ਆਖਰੀ ਪਲਾਂ 'ਚ ਵੀ ਸਾਇਰਾ ਬਾਨੋ ਆਪਣੇ ਪਤੀ ਨਾਲ ਸੀ।