ਮੀਂਹ ਦੇ ਮੌਸਮ ਕਰਕੇ ਘਰ 'ਚ ਆਈ ਨਮੀ ਤੋਂ ਨਾ ਹੋਵੋ ਪ੍ਰੇਸ਼ਾਨ...ਅਪਣਾਓ ਇਨ੍ਹਾਂ ਤਰੀਕਿਆਂ ਨੂੰ

ਬਰਸਾਤ ਦੇ ਮੌਸਮ ਵਿੱਚ ਘਰ ਦੇ ਅੰਦਰ ਨਮੀ ਦੀ ਸਮੱਸਿਆ ਦੇਖਣ ਨੂੰ ਮਿਲਦੀ ਹੈ। ਜ਼ਿਆਦਾ ਬਰਸਾਤ ਕਾਰਨ ਕਮਰੇ ਦੀਆਂ ਕੰਧਾਂ ਅਤੇ ਫਰਸ਼ 'ਤੇ ਨਮੀ ਆ ਜਾਂਦੀ ਹੈ, ਜਿਸ ਕਾਰਨ ਸਾਰਾ ਮਾਹੌਲ ਚਿਪ-ਚਿਪਾਹਟ ਵਾਲਾ ਹੋ ਜਾਂਦਾ ਹੈ।

( Image Source : Freepik )

ਨਮੀ ਕਾਰਨ ਘਰ 'ਚ ਕਈ ਬੈਕਟੀਰੀਆ ਵੀ ਪੈਦਾ ਹੋ ਜਾਂਦੇ ਹਨ, ਜੋ ਸਿਹਤ ਲਈ ਖਤਰਨਾਕ ਹੁੰਦੇ ਹਨ। ਗਿੱਲਾ ਹੋਣਾ ਘਰ ਦੀ ਮਜ਼ਬੂਤੀ ਨੂੰ ਵੀ ਨੁਕਸਾਨ ਪਹੁੰਚਾਉਂਦਾ ਹੈ। ਇਸ ਸਮੇਂ ਭਾਰਤ ਦੇ ਵਿੱਚ ਵੀ ਖੂਬ ਮੀਂਹ ਪੈ ਰਹੇ ਹਨ। ਜਿਸ ਕਰਕੇ ਲੋਕਾਂ ਵੀ ਘਰ 'ਚ ਆਈ ਨਮੀ ਤੋਂ ਦੁੱਖੀ ਹਨ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਘਰੇਲੂ ਨੁਸਖਿਆਂ ਨੂੰ ਅਪਣਾ ਕੇ ਨਮੀ ਦੀ ਸਮੱਸਿਆ ਤੋਂ ਛੁਟਕਾਰਾ ਪਾਇਆ ਜਾ ਸਕਦਾ ਹੈ।

ਜੇਕਰ ਤੁਹਾਡੇ ਕਮਰੇ 'ਚ ਏਅਰ ਕੰਡੀਸ਼ਨਰ ਹੈ, ਤਾਂ ਤੁਸੀਂ ਇਸ ਰਾਹੀਂ ਕਮਰੇ ਦੀ ਨਮੀ ਨੂੰ ਆਸਾਨੀ ਨਾਲ ਹਟਾ ਸਕਦੇ ਹੋ। ਤੁਹਾਡਾ ਏਅਰ ਕੰਡੀਸ਼ਨਰ ਗਰਮ ਹਵਾ ਨੂੰ ਹਟਾ ਕੇ ਅਤੇ ਠੰਡੀ ਹਵਾ ਲਿਆ ਕੇ ਕਮਰੇ ਵਿਚਲੀ ਨਮੀ ਨੂੰ ਕੁਦਰਤੀ ਤੌਰ 'ਤੇ ਘਟਾ ਦੇਵੇਗਾ। AC ਦਾ ਡਰਾਈ ਮੋਡ ਨਮੀ ਤੋਂ ਛੁਟਕਾਰਾ ਪਾਉਣ ਵਿਚ ਵੀ ਮਦਦਗਾਰ ਸਾਬਤ ਹੋ ਸਕਦਾ ਹੈ। ਹਾਲਾਂਕਿ, ਵੱਧ ਤੋਂ ਵੱਧ ਹਵਾ ਦੇ ਪ੍ਰਵਾਹ ਲਈ, AC ਫਿਲਟਰ ਨੂੰ ਵਾਰ-ਵਾਰ ਬਦਲਦੇ ਰਹੋ।