Capsicum For Weight Loss: ਇਨ੍ਹਾਂ ਤਿੰਨ ਤਰੀਕਿਆਂ ਨਾਲ ਖਾਓ ਸ਼ਿਮਲਾ ਮਿਰਚ, ਤੇਜ਼ੀ ਨਾਲ ਘੱਟ ਹੋਵੇਗਾ ਭਾਰ

ਮੰਨਿਆ, ਭਾਰ ਘਟਾਉਣਾ ਇੱਕ ਔਖਾ ਕੰਮ ਹੈ। ਪਰ ਜੇਕਰ ਤੁਸੀਂ ਆਪਣਾ ਖਾਣ-ਪੀਣ ਦਾ ਤਰੀਕਾ ਠੀਕ ਰੱਖਦੇ ਹੋ ਤਾਂ ਇਹ ਕੰਮ ਇੰਨਾ ਔਖਾ ਨਹੀਂ ਹੈ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇ, ਪਰ ਸ਼ਿਮਲਾ ਮਿਰਚ ਭਾਰ ਘਟਾਉਣ ਵਿਚ ਤੁਹਾਡੀ ਮਦਦ ਕਰ ਸਕਦੀ ਹੈ।

capsicum

ਜੇਕਰ ਤੁਸੀਂ ਆਪਣਾ ਭਾਰ ਘੱਟ ਕਰਨਾ ਚਾਹੁੰਦੇ ਹੋ ਤਾਂ ਅੱਜ ਤੋਂ ਹੀ ਆਪਣੀ ਡਾਈਟ 'ਚ ਸ਼ਿਮਲਾ ਮਿਰਚ ਨੂੰ ਸ਼ਾਮਲ ਕਰਨਾ ਸ਼ੁਰੂ ਕਰ ਦਿਓ। ਆਪਣੀ ਭੋਜਨ ਰੁਟੀਨ ਵਿੱਚ ਸ਼ਿਮਲਾ ਮਿਰਚ ਨੂੰ ਸ਼ਾਮਲ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਇਹ ਪਤਾ ਹੋਣਾ ਚਾਹੀਦਾ ਹੈ ਕਿ ਇਸ ਨੂੰ ਡਾਈਟ ਵਿੱਚ ਕਿਵੇਂ ਸ਼ਾਮਲ ਕਰਨਾ ਹੈ।

ਭੁੰਨ ਕੇ ਖਾਓ ਸ਼ਿਮਲਾ ਮਿਰਚ: ਸ਼ਿਮਲਾ ਮਿਰਚ ਨੂੰ ਭੁੰਨ ਕੇ ਖਾਣ ਨਾਲ ਭਾਰ ਤੇਜ਼ੀ ਨਾਲ ਘੱਟ ਹੋ ਸਕਦਾ ਹੈ। ਸ਼ਿਮਲਾ ਮਿਰਚ 'ਚ Capsaicinoids ਪਾਏ ਜਾਂਦੇ ਹਨ, ਜੋ ਮੈਟਾਬੋਲਿਜ਼ਮ ਨੂੰ ਬਿਹਤਰ ਬਣਾਉਣ ਅਤੇ ਖੂਨ ਸੰਚਾਰ ਨੂੰ ਵਧਾਉਣ 'ਚ ਮਦਦ ਕਰਦੇ ਹਨ।

ਸ਼ਿਮਲਾ ਮਿਰਚ ਦਾ ਸੂਪ : ਤੁਸੀਂ ਸੂਪ ਦੇ ਰੂਪ 'ਚ ਵੀ ਸ਼ਿਮਲਾ ਮਿਰਚ ਦਾ ਸੇਵਨ ਕਰ ਸਕਦੇ ਹੋ। ਸ਼ਿਮਲਾ ਮਿਰਚ ਦਾ ਸੂਪ ਤਿਆਰ ਕਰਨ ਲਈ, ਤੁਹਾਨੂੰ ਹਰੀਆਂ ਸਬਜ਼ੀਆਂ ਦੇ ਨਾਲ ਸ਼ਿਮਲਾ ਮਿਰਚ ਨੂੰ ਚੰਗੀ ਤਰ੍ਹਾਂ ਪਕਾਉਣਾ ਹੋਵੇਗਾ। ਫਿਰ ਇਸ ਦੇ ਉੱਪਰ ਧਨੀਆ ਪੱਤਾ ਅਤੇ ਲਸਣ ਪਾਓ। ਤੁਸੀਂ ਸਵਾਦ ਲਈ ਕਾਲਾ ਨਮਕ ਪਾ ਸਕਦੇ ਹੋ।

ਸ਼ਿਮਲਾ ਮਿਰਚ ਪ੍ਰੋਟੀਨ ਸ਼ੇਕ : ਸ਼ਿਮਲਾ ਮਿਰਚ ਦਾ ਪ੍ਰੋਟੀਨ ਸ਼ੇਕ ਵੀ ਬਣਾਇਆ ਜਾ ਸਕਦਾ ਹੈ। ਪ੍ਰੋਟੀਨ ਸ਼ੇਕ ਬਣਾਉਣ ਲਈ ਤੁਹਾਨੂੰ ਬਰੋਕਲੀ, ਸ਼ਿਮਲਾ ਮਿਰਚ ਅਤੇ ਪ੍ਰੋਟੀਨ ਪਾਊਡਰ ਲੈਣਾ ਹੋਵੇਗਾ। ਫਿਰ ਇਨ੍ਹਾਂ ਨੂੰ ਮਿਕਸਰ 'ਚ ਪੀਸ ਲਓ ਅਤੇ ਨਮਕ ਅਤੇ ਨਿੰਬੂ ਪਾ ਕੇ ਸ਼ੇਕ ਬਣਾ ਲਓ।

ਤੁਸੀਂ ਇਨ੍ਹਾਂ ਤਿੰਨ ਤਰੀਕਿਆਂ ਨਾਲ ਸ਼ਿਮਲਾ ਮਿਰਚ ਦਾ ਸੇਵਨ ਕਰ ਸਕਦੇ ਹੋ ਅਤੇ ਆਪਣੇ ਭਾਰ 'ਤੇ ਕਾਬੂ ਪਾ ਸਕਦੇ ਹੋ। ਆਪਣੀ ਰੁਟੀਨ ਵਿੱਚ ਸ਼ਿਮਲਾ ਮਿਰਚ ਨੂੰ ਸ਼ਾਮਲ ਕਰਨ ਤੋਂ ਇਲਾਵਾ, ਤੁਸੀਂ ਆਪਣੀ ਰੁਟੀਨ ਵਿੱਚ ਕਸਰਤ ਵੀ ਸ਼ਾਮਲ ਕਰ ਸਕਦੇ ਹੋ।