Periods Problem: Periods ਦੇ ਦੌਰਾਨ ਹੁੰਦੀ ਗੰਭੀਰ ਐਲਰਜੀ ਤਾਂ ਜਾਣ ਲਓ ਇਸ ਬਿਮਾਰੀ ਦੇ ਗੰਭੀਰ ਲੱਛਣ

ਲੰਡਨ ਦੀ ਰਹਿਣ ਵਾਲੀ 28 ਸਾਲਾ ਔਰਤ ਜਿਸ ਦਾ ਨਾਂ ਜਾਰਜੀਨਾ ਜੇਲੀ ਹੈ। ਉਨ੍ਹਾਂ ਨੇ ਹਾਲ ਹੀ 'ਚ ਆਪਣੀ ਸਿਹਤ ਨੂੰ ਲੈ ਕੇ ਇਕ ਇੰਸਟਾਗ੍ਰਾਮ ਪੋਸਟ ਸ਼ੇਅਰ ਕੀਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਮਾਹਵਾਰੀ ਦੌਰਾਨ ਗੰਭੀਰ ਐਲਰਜੀ ਹੋ ਜਾਂਦੀ ਹੈ।

Periods

ਹੁਣ ਸਵਾਲ ਖੜ੍ਹਾ ਹੁੰਦਾ ਹੈ ਕਿ ਗੰਭੀਰ ਐਲਰਜੀ ਕਿਸ ਕਾਰਨ ਕਰਕੇ ਹੁੰਦੀ ਹੈ? ਦਰਅਸਲ, ਪ੍ਰਜੇਸਟੇਰੋਨ ਦੇ ਵਧਣ ਕਰਕੇ ਗੰਭੀਰ ਐਲਰਜੀ ਹੁੰਦੀ ਹੈ। ਜੌਰਜੀਨਾ ਦੱਸਦੀ ਹੈ ਕਿ ਉਸ ਨੇ ਅਪ੍ਰੈਲ ਮਹੀਨੇ ਵਿੱਚ ਆਪਣੀ ਗਰਭ ਅਵਸਥਾ ਨੂੰ ਰੋਕਣ ਲਈ IUD ਦੀ ਵਰਤੋਂ ਕੀਤੀ ਸੀ। ਇਸ ਨੂੰ ਲਾਗੂ ਕਰਨ ਦੇ ਕੁਝ ਦਿਨਾਂ ਦੇ ਅੰਦਰ, ਉਸ ਨੇ ਆਪਣੇ ਸਰੀਰ 'ਤੇ ਲਾਲ ਧੱਫੜ, ਅੱਖਾਂ ਵਿੱਚ ਜਲਣ ਅਤੇ ਲਗਾਤਾਰ ਸਿਰ ਦਰਦ ਵਰਗੇ ਅਸਾਧਾਰਨ ਲੱਛਣਾਂ ਦਾ ਅਨੁਭਵ ਕਰਨਾ ਸ਼ੁਰੂ ਕਰ ਦਿੱਤਾ।

ਸ਼ੁਰੂਆਤ ਵਿੱਚ ਲੱਗਦਾ ਸੀ ਕਿ ਅਜਿਹਾ ਰੋਜ਼ ਦੇ ਲਾਈਫਸਟਾਈਲ ਕਰਕੇ ਹੋ ਰਿਹਾ ਹੈ। ਪਰ ਹੌਲੀ-ਹੌਲੀ ਮੇਰੀ ਸਿਹਤ ਵਿਗੜਨ ਲੱਗ ਪਈ। ਜਿਸ ਤੋਂ ਬਾਅਦ ਡਾਕਟਰ ਨੂੰ ਦਿਖਾਉਣਾ ਪਿਆ।

ਜੌਰਜੀਨਾ ਨੇ ਦੱਸਿਆ ਕਿ ਮੈਂ ਆਪਣੀਆਂ ਅੱਖਾਂ ਵਿੱਚ ਇੱਕ ਅਜੀਬ ਜਲਣ ਮਹਿਸੂਸ ਕੀਤੀ, ਨਾਲ ਹੀ ਮੇਰੇ ਚਿਹਰੇ ਤੋਂ ਪਸੀਨਾ ਆਉਣਾ ਸ਼ੁਰੂ ਹੋ ਗਿਆ ਅਤੇ ਮੇਰੇ ਗੱਲ੍ਹਾਂ ਅਤੇ ਚਿਹਰੇ 'ਤੇ ਧੱਫੜ ਦਿਖਾਈ ਦੇਣ ਲੱਗ ਪਏ। ਫਿਰ ਮੇਰੇ ਡਾਕਟਰ ਨੇ ਮੈਨੂੰ ਸੀਮਤ ਮਾਤਰਾ ਵਿੱਚ ਸਟੀਰੌਇਡ ਦੇਣੇ ਸ਼ੁਰੂ ਕਰ ਦਿੱਤੇ। ਜਿਸ ਕਾਰਨ ਕੁਝ ਸਮੇਂ ਲਈ ਖਾਰਸ਼ ਅਤੇ ਐਲਰਜੀ ਤਾਂ ਦੂਰ ਹੋ ਗਈ ਪਰ ਕੁਝ ਸਮੇਂ ਬਾਅਦ ਤੇਜ਼ ਖਾਰਸ਼ ਫਿਰ ਤੋਂ ਪਰੇਸ਼ਾਨ ਕਰਨ ਲੱਗ ਪਈ।

ਇਨ੍ਹਾਂ ਲੱਛਣਾਂ ਨੂੰ ਦੇਖਦੇ ਹੋਏ ਜੌਰਜੀਨਾ ਨੇ ਡਾਕਟਰ ਦੀ ਸਲਾਹ ਲਈ। ਐਮਆਰਆਈ ਸਕੈਨ ਵੀ ਕਰਵਾਇਆ। ਅਜਿਹੇ 'ਚ ਚੰਬਲ ਦੀ ਬਿਮਾਰੀ ਬਾਰੇ ਪਤਾ ਲੱਗਿਆ। ਪਰ ਜੌਰਜੀਆ ਨੂੰ ਅਜੇ ਵੀ ਵਿਸ਼ਵਾਸ ਨਹੀਂ ਹੋਇਆ ਕਿ ਇਹ ਚੰਬਲ ਦੇ ਲੱਛਣ ਸਨ।

ਜੌਰਜੀਆ ਨੇ ਦੱਸਿਆ ਕਿ ਜਦੋਂ ਵੀ ਪੀਰੀਅਡ ਆਉਂਦੇ ਹਨ ਤਾਂ ਇਹ ਸਮੱਸਿਆਵਾਂ ਤੇਜ਼ੀ ਨਾਲ ਵਧਣ ਲੱਗ ਜਾਂਦੀਆਂ ਹਨ। ਇਸ ਤੋਂ ਬਾਅਦ ਜੌਰਜੀਆ ਨੇ ਕਈ ਟੈਸਟ ਕਰਵਾਏ ਅਤੇ ਪ੍ਰੋਜੇਸਟ੍ਰੋਨ ਦਾ ਪੱਧਰ ਵਧਣ ਕਾਰਨ ਉਹ ਇਸ ਤੀਬਰ ਅਤੇ ਦੁਰਲੱਭ ਕਿਸਮ ਦੀ ਖੁਜਲੀ ਦਾ ਅਨੁਭਵ ਕਰ ਰਹੀ ਸੀ।