Sugarcane Juice : ਗਰਮੀਆਂ ਵਿਚ ਗੰਨੇ ਦਾ ਰਸ ਪੀਣ ਲਈ ਕਿਹੜਾ ਹੈ ਸਭ ਤੋਂ ਸਹੀ ਸਮਾਂ? ਜਾਣੋ ਮਾਹਿਰਾਂ ਦੀ ਰਾਏ

Sugarcane Juice : ਗਰਮੀਆਂ ਦੇ ਮੌਸਮ ਵਿਚ ਬਾਹਰ ਧੁੱਪ ਵਿਚ ਨਿਕਲਣ ਉਤੇ ਗਲਾ ਸੁੱਕਦਾ ਹੈ, ਵਾਰ-ਵਾਰ ਪਿਆਸ ਲੱਗਦੀ ਹੈ। ਅਜਿਹੇ ਵਿਚ ਲੋਕਾਂ ਨੂੰ ਐਨਰਜੀ ਦੀ ਘਾਟ ਮਹਿਸੂਸ ਹੋਣ ਲੱਗਦੀ ਹੈ।

ਗੰਨੇ ਦੇ ਰਸ ਦੇ ਫਾਇਦੇ

ਗੰਨੇ ਦਾ ਰਸ ਕੈਲਸ਼ੀਅਮ, ਪੋਟਾਸ਼ੀਅਮ, ਆਇਰਨ, ਮੈਗਨੀਸ਼ੀਅਮ ਅਤੇ ਫਾਸਫੋਰਸ ਦਾ ਚੰਗਾ ਸਰੋਤ ਮੰਨਿਆ ਜਾਂਦਾ ਹੈ, ਇਸ ਲਈ ਗੰਨੇ ਦੇ ਰਸ ਨੂੰ ਗਰਮੀਆਂ ਦਾ ਸਭ ਤੋਂ ਵਧੀਆ ਰਸ ਵੀ ਮੰਨਿਆ ਜਾਂਦਾ ਹੈ। ਇਹ ਜੂਸ ਨਾ ਸਿਰਫ਼ ਤੁਹਾਡੀ ਪਿਆਸ ਬੁਝਾਉਂਦਾ ਹੈ ਬਲਕਿ ਊਰਜਾ ਬੂਸਟਰ ਦਾ ਕੰਮ ਵੀ ਕਰਦਾ ਹੈ। ਧਨਵੰਤਰੀ ਕਲੀਨਿਕ ਨੋਇਡਾ ਦੇ ਡਾਕਟਰ ਸੰਜੇ ਕੁਮਾਰ ਵਰਸ਼ਨੇ (ਇੰਟੈਗਰੇਟਿਡ ਡਾਕਟਰ) ਗੰਨੇ ਦੇ ਰਸ ਦੇ ਹੋਰ ਬਹੁਤ ਸਾਰੇ ਫਾਇਦਿਆਂ ਬਾਰੇ ਦੱਸਿਆ।

ਇਮਿਊਨਿਟੀ ਵਧਾਉਂਦਾ ਹੈ: ਗੰਨੇ ਦੇ ਰਸ ਵਿੱਚ ਐਂਟੀ-ਆਕਸੀਡੈਂਟ ਅਤੇ ਫੋਟੋਪ੍ਰੋਟੈਕਟਿਵ ਤੱਤ ਮੌਜੂਦ ਹੁੰਦੇ ਹਨ, ਜੋ ਸਰੀਰ ਦੀ ਰੋਗ ਪ੍ਰਤੀਰੋਧਕ ਸਮਰੱਥਾ ਨੂੰ ਵਧਾਉਣ ਵਿੱਚ ਮਦਦ ਕਰਦੇ ਹਨ। ਇਸ ਨਾਲ ਲੋਕ ਗਰਮੀਆਂ ‘ਚ ਹੋਣ ਵਾਲੇ ਵਾਇਰਲ ਇਨਫੈਕਸ਼ਨ ਵਰਗੀਆਂ ਬੀਮਾਰੀਆਂ ਤੋਂ ਦੂਰ ਰਹਿ ਸਕਦੇ ਹਨ।