ਮਿੱਠੇ ਤਰਲ ਪਦਾਰਥਾਂ ਨਾਲ ਵੱਧਦਾ ਕੋਲੋਰੈਕਟਲ ਕੈਂਸਰ ਦਾ ਖ਼ਤਰਾ, ਅਧਿਐਨ 'ਚ ਹੋਇਆ ਹੈਰਾਨ ਕਰਨ ਵਾਲਾ ਖੁਲਾਸਾ

ਕੈਂਸਰ ਦੇ ਮਰੀਜ਼ਾਂ ਨੂੰ ਪੋਸ਼ਣ ਲਈ ਜੂਸ ਪੀਣ ਦੀ ਸਲਾਹ ਦਿੱਤੀ ਜਾਂਦੀ ਹੈ, ਪਰ ਅਮਰੀਕੀ ਖੋਜੀਆਂ ਦੇ ਅਨੁਸਾਰ ਮਿੱਠੇ ਪਦਾਰਥਾਂ ਨਾਲ ਕੋਲੋਰੈਕਟਲ ਕੈਂਸਰ ਤੇਜ਼ੀ ਨਾਲ ਵਧ ਸਕਦਾ ਹੈ। ਬਾਜ਼ਾਰ ਵਿੱਚ ਮਿਲਣ ਵਾਲੇ ਇਹ ਮਿੱਠੇ ਪਦਾਰਥ ਗਲੂਕੋਜ਼...

( Image Source : Freepik )

ਕੈਂਸਰ ਦੇ ਮਰੀਜ਼ਾਂ ਨੂੰ ਪੋਸ਼ਣ ਲਈ ਜੂਸ ਪੀਣ ਦੀ ਸਲਾਹ ਦਿੱਤੀ ਜਾਂਦੀ ਹੈ, ਪਰ ਅਮਰੀਕੀ ਖੋਜੀਆਂ ਦੇ ਅਨੁਸਾਰ ਮਿੱਠੇ ਪਦਾਰਥਾਂ ਨਾਲ ਕੋਲੋਰੈਕਟਲ ਕੈਂਸਰ ਤੇਜ਼ੀ ਨਾਲ ਵਧ ਸਕਦਾ ਹੈ। ਬਾਜ਼ਾਰ ਵਿੱਚ ਮਿਲਣ ਵਾਲੇ ਇਹ ਮਿੱਠੇ ਪਦਾਰਥ ਗਲੂਕੋਜ਼ ਅਤੇ ਫਰੁਕਟੋਜ਼ ਦੇ ਮਿਕਸ ਨਾਲ ਬਣੇ ਹੁੰਦੇ ਹਨ।

ਟੈਕਸਾਸ ਯੂਨੀਵਰਸਿਟੀ ਦੀ ਟੀਮ ਨੇ ਅਧਿਐਨ ਕੀਤਾ ਕਿ ਮਿੱਠੇ ਤਰਲ ਪਦਾਰਥ ਕੋਲੋਰੈਕਟਲ ਕੈਂਸਰ ’ਤੇ ਕਿਵੇਂ ਪ੍ਰਭਾਵ ਪਾ ਸਕਦੇ ਹਨ। ਸਹਾਇਕ ਪ੍ਰੋਫੈਸਰ ਜੀਹਯੇ ਯੁਨ ਨੇ ਕਿਹਾ ਕਿ ਰੋਜ਼ਾਨਾ ਖੁਰਾਕ ਸਿਰਫ ਕੈਂਸਰ ਦੇ ਖ਼ਤਰੇ ਨਾਲ ਨਜਿੱਠਣ ਲਈ ਨਹੀਂ, ਬਲਕਿ ਬਿਮਾਰੀ ਦੇ ਵਧਣ ਦੇ ਤਰੀਕੇ ਨੂੰ ਸਮਝਣ ਲਈ ਵੀ ਬਹੁਤ ਜ਼ਰੂਰੀ ਹੈ।

ਖੋਜੀਆਂ ਨੇ ਕੈਂਸਰ ਮਾਡਲ ਦੀ ਵਰਤੋਂ ਕਰ ਕੇ ਇਹ ਪਤਾ ਲਾਇਆ ਕਿ ਜ਼ਿਆਦਾਤਰ ਖੰਡ ਵਾਲੇ ਤਰਲ ਪਦਾਰਥਾਂ ਵਿੱਚ ਮਿਲਿਆ ਗਲੂਕੋਜ਼-ਫਰੁਕਟੋਜ਼ ਮਿਸ਼ਰਣ ਕੈਂਸਰ ਸੈੱਲਾਂ ਨੂੰ ਜ਼ਿਆਦਾ ਗਤੀਸ਼ੀਲ ਬਣਾ ਦਿੰਦਾ ਹੈ ਅਤੇ ਲਿਵਰ ਤੱਕ ਤੇਜ਼ੀ ਨਾਲ ਫੈਲਣ ਲਗਦਾ ਹੈ। ਸਿਰਫ ਗਲੂਕੋਜ਼ ਜਾਂ ਫਰੁਕਟੋਜ਼ ਦੇ ਪ੍ਰਭਾਵ ਇਸ ਹੱਦ ਤੱਕ ਨਹੀਂ ਪਹੁੰਚਦੇ।

ਇਸ ਮਿਸ਼ਰਣ ਨੇ ਐਂਜ਼ਾਈਮ ਸੋਰਬੀਟੋਲ ਡੀਹਾਈਡ੍ਰੋਜਨੇਜ਼ ਨੂੰ ਸਰਗਰਮ ਕਰ ਦਿੱਤਾ, ਜੋ ਗਲੂਕੋਜ਼ ਦੇ ਮੈਟਾਬੋਲਿਜ਼ਮ ਨੂੰ ਤੇਜ਼ ਕਰਦਾ ਹੈ ਅਤੇ ਕੋਲੈਸਟ੍ਰੋਲ ਦੇ ਰਾਹ ਨੂੰ ਸਰਗਰਮ ਕਰਕੇ ਮੈਟਾਸਟੇਸਿਸ ਨੂੰ ਵਧਾਉਂਦਾ ਹੈ। ਇਹ ਉਹੀ ਮਾਰਗ ਹੈ, ਜਿਸ ਨੂੰ ਦਿਲ-ਸਬੰਧੀ ਦਵਾਈਆਂ ਵੱਲੋਂ ਟਾਰਗੇਟ ਕੀਤਾ ਜਾਂਦਾ ਹੈ।

ਅਧਿਐਨ ਵਿੱਚ ਪਾਇਆ ਗਿਆ ਕਿ ਜੇ ਸੋਰਬੀਟੋਲ ਡੀਹਾਈਡ੍ਰੋਜਨੇਜ਼ ਨੂੰ ਰੋਕਿਆ ਜਾਵੇ ਤਾਂ ਮੈਟਾਸਟੇਸਿਸ ਹੌਲੀ ਹੋ ਜਾਂਦੀ ਹੈ, ਭਾਵੇਂ ਸ਼ੂਗਰ ਮਿਸ਼ਰਣ ਮੌਜੂਦ ਹੋਵੇ। ਇਹ ਨਤੀਜੇ “ਨੇਚਰ ਮੈਟਾਬੋਲਿਜ਼ਮ” ਜਰਨਲ ਵਿੱਚ ਪ੍ਰਕਾਸ਼ਿਤ ਕੀਤੇ ਗਏ ਹਨ ਅਤੇ ਦਿਖਾਉਂਦੇ ਹਨ ਕਿ ਸੋਰਬੀਟੋਲ ਡੀਹਾਈਡ੍ਰੋਜਨੇਜ਼ ਨੂੰ ਰੋਕਣਾ ਕੈਂਸਰ ਫੈਲਣ ਨੂੰ ਕੰਟਰੋਲ ਕਰਨ ਦਾ ਇੱਕ ਮੌਕਾ ਦੇ ਸਕਦਾ ਹੈ।

ਜ਼ਿਕਰਯੋਗ ਹੈ ਕਿ ਲੰਬੇ ਸਮੇਂ ਤੱਕ ਬਹੁਤ ਸਾਰੀ ਸ਼ੂਗਰ ਖਾਣਾ ਮੋਟਾਪੇ ਦੇ ਨਾਲ ਕੈਂਸਰ ਦੇ ਖ਼ਤਰੇ ਨੂੰ ਵਧਾ ਸਕਦਾ ਹੈ। ਯੁਨ ਦੀ ਲੈਬੋਰੇਟਰੀ ਦੇ ਪਿਛਲੇ ਅਧਿਐਨ ਵਿੱਚ ਇਹ ਵੀ ਪਾਇਆ ਗਿਆ ਕਿ ਮਿੱਠੇ ਤਰਲ ਪਦਾਰਥਾਂ ਦਾ ਸੇਵਨ ਕੋਲੋਰੈਕਟਲ ਕੈਂਸਰ ਦੇ ਸ਼ੁਰੂਆਤੀ ਪੜਾਅ ਵਿੱਚ ਟਿਊਮਰ ਦੇ ਵਾਧੇ ਨੂੰ ਤੇਜ਼ ਕਰ ਸਕਦਾ ਹੈ।