Parenting Tips : ਸਾਵਧਾਨ ! ਕੀ ਤੁਹਾਡਾ ਬੱਚਾ ਵੀ ਕਿਤੇ ਚਿੰਤਾ ਦਾ ਸ਼ਿਕਾਰ ਤਾਂ ਨਹੀਂ ? ਜਾਣੋ ਇਸਦੇ ਲੱਛਣ ਬਾਰੇ

ਅੱਜ ਕੱਲ੍ਹ ਬੱਚਿਆਂ ਵਿੱਚ ਵੀ ਤਣਾਅ ਅਤੇ ਚਿੰਤਾ ਦੇ ਮਾਮਲੇ ਵੱਧ ਰਹੇ ਹਨ। ਕਈ ਵਾਰ ਬੱਚਿਆਂ ਵੱਲ ਸਹੀ ਧਿਆਨ ਨਾ ਦੇਣ 'ਤੇ ਬੱਚੇ ਤਣਾਅ ਅਤੇ ਡਿਪ੍ਰੈਸ਼ਨ ਵਿਚ ਚਲੇ ਜਾਂਦੇ ਹਨ।

anxiety in kids

ਉਮਰ ਦੇ ਹਿਸਾਬ ਨਾਲ ਬੱਚਿਆਂ ਦੇ ਸੁਭਾਅ ਵਿੱਚ ਕਈ ਬਦਲਾਅ ਆਉਂਦੇ ਹਨ। ਕਈ ਵਾਰ ਬੱਚੇ ਪੜ੍ਹਾਈ ਜਾਂ ਕਿਸੇ ਹੋਰ ਕਾਰਨ ਇੰਨੇ ਜ਼ਿਆਦਾ ਤਣਾਅ ਵਿਚ ਰਹਿਣ ਲੱਗਦੇ ਹਨ ਕਿ ਹੌਲੀ-ਹੌਲੀ ਉਹ ਡਿਪ੍ਰੈਸ਼ਨ ਵਿਚ ਚਲੇ ਜਾਂਦੇ ਹਨ।

ਬੱਚਿਆਂ ਦੇ ਵਿਹਾਰ, ਸਿਹਤ ਅਤੇ ਪੜ੍ਹਾਈ 'ਤੇ ਬੁਰਾ ਅਸਰ ਪੈਂਦਾ ਹੈ। ਜਦੋਂ ਬੱਚਿਆਂ ਨੂੰ ਚਿੰਤਾ ਹੁੰਦੀ ਹੈ, ਤਾਂ ਉਨ੍ਹਾਂ ਦੇ ਵਿਵਹਾਰ ਅਤੇ ਸੁਭਾਅ ਵਿੱਚ ਬਹੁਤ ਤਬਦੀਲੀ ਆਉਂਦੀ ਹੈ।

ਬੱਚਿਆਂ 'ਚ ਚਿੰਤਾ ਦੇ ਲੱਛਣ - ਪੜ੍ਹਾਈ ਅਤੇ ਹੋਰ ਕੰਮਾਂ ਵਿੱਚ ਇਕਾਗਰਤਾ ਦੀ ਕਮੀ, ਨੀਂਦ ਨਾ ਆਉਣਾ, ਭੁੱਖ ਨਾ ਲੱਗਣਾ ਅਤੇ ਭਾਰ ਘਟਣਾ ਆਦਿ।

ਬੱਚਿਆਂ ਦਾ ਸੁਭਾਅ ਵੱਖ-ਵੱਖ ਹੁੰਦਾ ਹੈ ਪਰ ਜੋ ਬੱਚੇ ਕਮਜ਼ੋਰ ਹੁੰਦੇ ਹਨ ਅਤੇ ਤਣਾਅ ਨੂੰ ਸਹੀ ਢੰਗ ਨਾਲ ਨਹੀਂ ਸੰਭਾਲਦੇ, ਉਹ ਲੰਬੇ ਸਮੇਂ ਬਾਅਦ ਡਿਪ੍ਰੈਸ਼ਨ ਦਾ ਸ਼ਿਕਾਰ ਹੋ ਸਕਦੇ ਹਨ।

ਕਈ ਵਾਰ ਸਕੂਲ, ਪਰਿਵਾਰ ਜਾਂ ਦੋਸਤਾਂ ਵੱਲੋਂ ਬੱਚਿਆਂ ਨਾਲ ਬੁਰਾ ਵਿਵਹਾਰ ਕੀਤਾ ਜਾਂਦਾ ਹੈ, ਜਿਸ ਕਾਰਨ ਬੱਚੇ ਚਿੰਤਾ ਦਾ ਸ਼ਿਕਾਰ ਹੋ ਸਕਦੇ ਹਨ।

ਜੇਕਰ ਬੱਚਾ ਕਿਸੇ ਗੰਭੀਰ ਬੀਮਾਰੀ ਤੋਂ ਪ੍ਰੇਸ਼ਾਨ ਹੈ ਜਾਂ ਉਸ ਨਾਲ ਕੋਈ ਹਾਦਸਾ ਹੋ ਗਿਆ ਹੈ ਤਾਂ ਚਿੰਤਾ ਹੋ ਸਕਦੀ ਹੈ।

ਪਰਿਵਾਰ ਵਿੱਚ ਕਿਸੇ ਬਹੁਤ ਹੀ ਖਾਸ ਵਿਅਕਤੀ ਦੀ ਮੌਤ ਜਾਂ ਕਿਸੇ ਦੋਸਤ ਨਾਲ ਦੁਰਘਟਨਾ ਤੋਂ ਬਾਅਦ ਸਦਮਾ ਹੋ ਸਕਦਾ ਹੈ।

ਜੇਕਰ ਪਰਿਵਾਰ ਵਿੱਚ ਝਗੜੇ ਹੁੰਦੇ ਹਨ। ਘਰ ਦਾ ਮਾਹੌਲ ਠੀਕ ਨਾ ਰਹਿਣ 'ਤੇ ਵੀ ਬੱਚੇ ਚਿੰਤਾ ਦਾ ਸ਼ਿਕਾਰ ਹੋ ਸਕਦੇ ਹਨ।