U19 Asia Cup 2024 Final: ਭਾਰਤ ਤੇ ਬੰਗਲਾਦੇਸ਼ ਵਿਚਾਲੇ ਹੋਏਗਾ ਏਸ਼ੀਆ ਕੱਪ ਦਾ ਫਾਈਨਲ, ਜਾਣੋ ਕਦੋਂ, ਕਿੱਥੇ ਤੇ ਕਿਵੇਂ ਦੇਖਿਆ ਜਾਵੇ ਮੈਚ ?
IND U19 vs BAN U19: ਭਾਰਤ ਨੇ ਪਾਕਿਸਤਾਨ ਨੂੰ ਹਰਾ ਕੇ ਸ਼੍ਰੀਲੰਕਾ ਅਤੇ ਬੰਗਲਾਦੇਸ਼ ਨੂੰ ਹਰਾ ਕੇ ਅੰਡਰ-19 ਏਸ਼ੀਆ ਕੱਪ 2024 ਦੇ ਫਾਈਨਲ ਵਿੱਚ ਆਪਣੀ ਜਗ੍ਹਾ ਪੱਕੀ ਕਰ ਲਈ ਹੈ। ਹੁਣ 8 ਦਸੰਬਰ ਨੂੰ ਦੋਵਾਂ ਟੀਮਾਂ ਵਿਚਾਲੇ ਖਿਤਾਬੀ ਮੁਕਾਬਲਾ ਖੇਡਿਆ ਜਾਵੇਗਾ।
U19 Asia Cup 2024 Final Where to Watch: ਅੰਡਰ-19 ਏਸ਼ੀਆ ਕੱਪ 2024 ਟੂਰਨਾਮੈਂਟ 29 ਨਵੰਬਰ ਨੂੰ ਸ਼ੁਰੂ ਹੋਇਆ। ਹੁਣ ਇਸ ਟੂਰਨਾਮੈਂਟ ਦਾ ਫਾਈਨਲ ਮੈਚ ਖੇਡਿਆ ਜਾਣਾ ਹੈ। ਭਾਰਤ ਅਤੇ ਬੰਗਲਾਦੇਸ਼ ਦੀਆਂ ਅੰਡਰ-19 ਟੀਮਾਂ ਏਸ਼ੀਆ ਕੱਪ 2024 ਦੇ ਫਾਈਨਲ ਵਿੱਚ ਐਤਵਾਰ 8 ਦਸੰਬਰ 2024 ਨੂੰ ਦੁਬਈ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ਵਿੱਚ ਆਹਮੋ-ਸਾਹਮਣੇ ਹੋਣਗੀਆਂ। ਦੋਵਾਂ ਟੀਮਾਂ ਨੇ ਸੈਮੀਫਾਈਨਲ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਖਿਤਾਬੀ ਮੁਕਾਬਲੇ 'ਚ ਆਪਣੀ ਜਗ੍ਹਾ ਪੱਕੀ ਕਰ ਲਈ।
ਭਾਰਤ-ਬੰਗਲਾਦੇਸ਼ ਸੈਮੀਫਾਈਨਲ ਮੈਚ
ਭਾਰਤੀ ਟੀਮ ਨੇ ਸੈਮੀਫਾਈਨਲ 'ਚ ਸ਼੍ਰੀਲੰਕਾ ਨੂੰ 10 ਵਿਕਟਾਂ ਨਾਲ ਹਰਾ ਕੇ ਆਪਣਾ ਦਮਦਾਰ ਦਾਅਵਾ ਪੇਸ਼ ਕੀਤਾ। 13 ਸਾਲ ਦੇ ਨੌਜਵਾਨ ਖਿਡਾਰੀ ਵੈਭਵ ਸੂਰਯਵੰਸ਼ੀ ਨੇ ਬੱਲੇ ਅਤੇ ਗੇਂਦ ਨਾਲ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਤੇ ਟੀਮ ਨੂੰ ਜਿੱਤ ਵੱਲ ਲੈ ਕੇ ਗਏ। ਉਸ ਨੇ ਸਿਰਫ਼ 21.4 ਓਵਰਾਂ ਵਿੱਚ 174 ਦੌੜਾਂ ਦੇ ਟੀਚੇ ਨੂੰ ਹਾਸਲ ਕਰਨ ਵਿੱਚ ਅਹਿਮ ਭੂਮਿਕਾ ਨਿਭਾਈ। ਇਸ ਜਿੱਤ ਨਾਲ ਭਾਰਤ ਨੇ ਰਿਕਾਰਡ ਨੌਵੀਂ ਵਾਰ ਅੰਡਰ-19 ਏਸ਼ੀਆ ਕੱਪ ਦੇ ਫਾਈਨਲ ਵਿੱਚ ਥਾਂ ਬਣਾਈ ਹੈ।
ਦੂਜੇ ਪਾਸੇ ਬੰਗਲਾਦੇਸ਼ ਨੇ ਸੈਮੀਫਾਈਨਲ 'ਚ ਪਾਕਿਸਤਾਨ ਨੂੰ 7 ਵਿਕਟਾਂ ਨਾਲ ਹਰਾ ਦਿੱਤਾ। ਟੀਮ ਦੇ ਕਪਤਾਨ ਮੁਹੰਮਦ ਅਜ਼ੀਜ਼ੁਲ ਹਕੀਮ ਤਮੀਮ ਨੇ ਸ਼ਾਨਦਾਰ ਪਾਰੀ ਖੇਡੀ ਤੇ ਟੀਮ ਨੂੰ ਫਾਈਨਲ ਤੱਕ ਪਹੁੰਚਾਇਆ। ਇਸ ਵਾਰ ਬੰਗਲਾਦੇਸ਼ ਦੀ ਟੀਮ ਇਤਿਹਾਸ ਰਚਣ ਦੇ ਇਰਾਦੇ ਨਾਲ ਫਾਈਨਲ ਮੈਚ ਵਿੱਚ ਉਤਰੇਗੀ।
ਮੁਕਾਬਲਾ ਕਦੋਂ ਤੇ ਕਿੱਥੇ ਹੋਵੇਗਾ?
ਅੰਡਰ-19 ਏਸ਼ੀਆ ਕੱਪ 2024 ਦਾ ਫਾਈਨਲ ਮੈਚ 8 ਦਸੰਬਰ 2024 ਨੂੰ ਭਾਰਤੀ ਸਮੇਂ ਅਨੁਸਾਰ ਸਵੇਰੇ 10:30 ਵਜੇ ਸ਼ੁਰੂ ਹੋਵੇਗਾ। ਭਾਰਤੀ ਪ੍ਰਸ਼ੰਸਕ ਸੋਨੀ ਸਪੋਰਟਸ ਨੈੱਟਵਰਕ 'ਤੇ ਇਸ ਮੈਚ ਦਾ ਲਾਈਵ ਟੈਲੀਕਾਸਟ ਦੇਖ ਸਕਦੇ ਹਨ। ਇਸ ਤੋਂ ਇਲਾਵਾ SonyLIV ਐਪ ਅਤੇ ਵੈੱਬਸਾਈਟ 'ਤੇ ਵੀ ਲਾਈਵ ਸਟ੍ਰੀਮਿੰਗ ਦਾ ਮਜ਼ਾ ਲਿਆ ਜਾ ਸਕਦਾ ਹੈ।
ਭਾਰਤੀ ਟੀਮ
ਮੁਹੰਮਦ ਅਮਨ (ਕਪਤਾਨ), ਆਯੂਸ਼ ਮਹਾਤਰੇ, ਵੈਭਵ ਸੂਰਿਆਵੰਸ਼ੀ, ਸੀ ਆਂਦਰੇ ਸਿਧਾਰਥ, ਕਿਰਨ ਚੋਰਮਲੇ (ਉਪ-ਕਪਤਾਨ), ਪ੍ਰਣਬ ਪੰਤ, ਹਰਵੰਸ਼ ਸਿੰਘ ਪੰਗਾਲੀਆ (ਵਿਕਟਕੀਪਰ), ਅਨੁਰਾਗ ਕਾਵੜੇ (ਵਿਕਟਕੀਪਰ), ਹਾਰਦਿਕ ਰਾਜ, ਮੁਹੰਮਦ ਇਨਾਨ, ਕੇਪੀ ਕਾਰਤੀਕੇਆ, ਸਮਰਥ ਨਾਗਰਾਜ, ਯੁੱਧਜੀਤ ਗੁਹਾ, ਚੇਤਨ ਸ਼ਰਮਾ, ਨਿਖਿਲ ਕੁਮਾਰ।
ਬੰਗਲਾਦੇਸ਼ ਦੀ ਟੀਮ
ਜਵਾਦ ਅਬਰਾਰ, ਕਲਾਮ ਸਿੱਦੀਕੀ ਅਲੀਨ, ਮੁਹੰਮਦ ਅਜ਼ੀਜ਼ੁਲ ਹਕੀਮ ਤਮੀਮ (ਕਪਤਾਨ), ਮੁਹੰਮਦ ਸ਼ਿਹਾਬ ਜੇਮਸ, ਮੁਹੰਮਦ ਰਿਜ਼ਾਨ ਹਸਨ, ਮੁਹੰਮਦ ਫਰੀਦ ਹਸਨ ਫੈਜ਼ਲ (WK), ਦੇਬਾਸ਼ੀਸ਼ ਸਰਕਾਰ ਦੇਬਾ, ਮੁਹੰਮਦ ਸਮੀਨ ਬਸੀਰ ਰਤੁਲ, ਮਾਰੂਫ ਮਿਰਧਾ, ਅਲ ਫਹਾਦ, ਇਕਬਾਲ ਹੁਸੈਨ ਇਮੋਨ, ਅਸ਼ਰਫ਼ਜ਼ਮਾਨ ਬੋਰਨੋ, ਮੁਹੰਮਦ ਰਿਫ਼ਤ ਬੇਗ, ਸਾਦ ਇਸਲਾਮ ਰਾਜ਼ੀਨ, ਮੁਹੰਮਦ ਰਫ਼ੀ ਉਜਮਾਨ ਰਫੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
