UPW-W vs DC-W Live : ਦਿੱਲੀ ਕੈਪੀਟਲਸ ਅਤੇ ਯੂਪੀ ਵਾਰੀਅਰਸ ਵਿਚਾਲੇ ਫਸਵਾਂ ਮੁਕਾਬਲਾ , ਯੂਪੀ ਟੀਮ ਪਹਿਲਾਂ ਕਰੇਗੀ ਬੱਲੇਬਾਜ਼ੀ

UPW-W vs DC-W Live : ਮਹਿਲਾ ਪ੍ਰੀਮੀਅਰ ਲੀਗ 2023 ਵਿੱਚ ਅੱਜ ਦਿੱਲੀ ਕੈਪੀਟਲਜ਼ ਅਤੇ ਯੂਪੀ ਵਾਰੀਅਰਜ਼ ਦੀਆਂ ਟੀਮਾਂ ਆਹਮੋ-ਸਾਹਮਣੇ ਹੋਣਗੀਆਂ। ਦੋਵਾਂ ਟੀਮਾਂ ਵਿਚਾਲੇ ਇਹ ਮੈਚ ਮੁੰਬਈ ਦੇ ਬ੍ਰੇਬੋਰਨ ਸਟੇਡੀਅਮ '

Background

UPW-W vs DC-W Live : ਮਹਿਲਾ ਪ੍ਰੀਮੀਅਰ ਲੀਗ ਦਾ 20ਵਾਂ ਮੈਚ ਦਿੱਲੀ ਕੈਪੀਟਲਸ ਅਤੇ ਯੂਪੀ ਵਾਰੀਅਰਜ਼ ਵਿਚਾਲੇ ਖੇਡਿਆ ਜਾ ਰਿਹਾ ਹੈ। ਦੋਵੇਂ ਟੀਮਾਂ ਮੁੰਬਈ ਦੇ ਬ੍ਰੇਬੋਰਨ ਸਟੇਡੀਅਮ 'ਚ ਆਹਮੋ-ਸਾਹਮਣੇ ਹਨ। ਦਿੱਲੀ ਦੀ ਕਪਤਾਨ ਮੇਗ ਲੈਨਿੰਗ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ। ਦਿੱਲੀ ਦੀਆਂ ਨਜ਼ਰਾਂ ਸਿੱਧੀਆਂ ਫਾਈਨਲ 'ਚ ਪਹੁੰਚਣ 'ਤੇ ਹਨ। 

 

ਮਹਿਲਾ ਪ੍ਰੀਮੀਅਰ ਲੀਗ ਦੇ ਆਖਰੀ ਲੀਗ ਮੈਚ ਵਿੱਚ ਦਿੱਲੀ ਕੈਪੀਟਲਜ਼ ਨੇ ਯੂਪੀ ਵਾਰੀਅਰਜ਼ ਖ਼ਿਲਾਫ਼ ਟਾਸ ਜਿੱਤਿਆ ਹੈ। ਕਪਤਾਨ ਮੇਗ ਲੈਨਿੰਗ ਨੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਉਸ ਨੇ ਪਲੇਇੰਗ-11 'ਚ ਕੋਈ ਬਦਲਾਅ ਨਹੀਂ ਕੀਤਾ। ਇਸ ਦੇ ਨਾਲ ਹੀ ਯੂਪੀ ਵਾਰੀਅਰਜ਼ ਦੀ ਕਪਤਾਨ ਐਲੀਸਾ ਹੀਲੀ ਨੇ ਤਿੰਨ ਬਦਲਾਅ ਕੀਤੇ ਹਨ। ਗ੍ਰੇਸ ਹੈਰਿਸ, ਰਾਜੇਸ਼ਵਰੀ ਗਾਇਕਵਾੜ ਅਤੇ ਦੇਵਿਕਾ ਵੈਦਿਆ ਨੂੰ ਆਰਾਮ ਦਿੱਤਾ ਗਿਆ ਹੈ। ਐੱਸ ਯਸ਼ਸ਼੍ਰੀ, ਸ਼ਬਨਮ ਇਸਮਾਈਲ ਅਤੇ ਸ਼ਵੇਤਾ ਸਹਿਰਾਵਤ ਨੂੰ ਮੌਕਾ ਮਿਲਿਆ ਹੈ।

 

WPL ਵਿੱਚ ਦਿੱਲੀ ਅਤੇ ਯੂਪੀ ਦੀਆਂ ਟੀਮਾਂ ਦੀ ਸ਼ੁਰੂਆਤ ਸ਼ਾਨਦਾਰ ਰਹੀ ਹੈ। ਕੱਲ੍ਹ ਦੇ ਮੈਚ ਵਿੱਚ ਦਿੱਲੀ ਦੀ ਟੀਮ ਨੇ ਮੁੰਬਈ ਇੰਡੀਅਨਜ਼ ਦੀ ਟੀਮ ਨੂੰ 9 ਵਿਕਟਾਂ ਨਾਲ ਹਰਾਇਆ ਸੀ। ਦੂਜੇ ਪਾਸੇ ਯੂਪੀ ਦੀ ਟੀਮ ਨੇ ਗੁਜਰਾਤ ਨੂੰ ਤਿੰਨ ਵਿਕਟਾਂ ਨਾਲ ਹਰਾਇਆ ਸੀ। ਅਜਿਹੇ 'ਚ ਦੋਵਾਂ ਦਾ ਮਨੋਬਲ ਕਾਫੀ ਉੱਚਾ ਹੈ। ਦੋਵਾਂ ਟੀਮਾਂ ਵਿਚਾਲੇ ਕਰੀਬੀ ਟੱਕਰ ਹੋ ਸਕਦੀ ਹੈ। ਯੂਪੀ ਦੇ ਮੁਕਾਬਲੇ ਦਿੱਲੀ ਦੀ ਟੀਮ ਦਾ ਪੱਲਾ ਭਾਰੂ ਨਜ਼ਰ ਆ ਰਿਹਾ ਹੈ।

 

ਦੋਵਾਂ ਟੀਮਾਂ ਦੇ ਸੰਭਾਵਿਤ ਪਲੇਇੰਗ ਇਲੈਵਨ:

ਦਿੱਲੀ ਕੈਪੀਟਲਜ਼ : ਮੇਗ ਲੈਨਿੰਗ (ਕਪਤਾਨ), ਸ਼ੈਫਾਲੀ ਵਰਮਾ, ਮਾਰਿਜਨ ਕਪ, ਜੇਮਿਮਾ ਰੌਡਰਿਗਜ਼, ਐਲਿਸ ਕੈਪਸ, ਜੇਸ ਜੋਨਾਸੇਨ, ਤਾਨਿਆ ਭਾਟੀਆ (ਵਿਕਟਕੀਪਰ), ਅਰੁੰਧਤੀ ਰੈਡੀ, ਸ਼ਿਖਾ ਪਾਂਡੇ, ਰਾਧਾ ਯਾਦਵ, ਤਾਰਾ ਨੌਰਿਸ।

ਯੂਪੀ ਵਾਰੀਅਰਜ਼ : ਐਲੀਸਾ ਹੀਲੀ (ਕਪਤਾਨ/ਵਿਕਟਕੀਪਰ), ਸ਼ਵੇਤਾ ਸਹਿਰਾਵਤ, ਕਿਰਨ ਨਵਗੀਰੇ, ਟਾਹਲੀਆ ਮੈਕਗ੍ਰਾ, ਦੀਪਤੀ ਸ਼ਰਮਾ, ਗ੍ਰੇਸ ਹੈਰਿਸ, ਸਿਮਰਨ ਸ਼ੇਖ, ਦੇਵਿਕਾ ਵੈਦਿਆ, ਸੋਫੀ ਏਕਲਸਟੋਨ, ​​ਅੰਜਲੀ ਸਰਵਾਨੀ, ਰਾਜੇਸ਼ਵਰੀ ਗਾਇਕਵਾੜ।

 

ਨੋਟ : ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।

22:07 PM (IST)  •  21 Mar 2023

UPW-W vs DC-W Live : ਦਿੱਲੀ ਨੂੰ ਵੱਡਾ ਝਟਕਾ

UPW-W vs DC-W Live :  ਸ਼ਬਨਮ ਇਸਮਾਈਲ ਨੇ ਦਿੱਲੀ ਕੈਪੀਟਲਸ ਨੂੰ ਵੱਡਾ ਝਟਕਾ ਦਿੱਤਾ ਹੈ। ਉਸ ਨੇ ਸੱਤਵੇਂ ਓਵਰ ਦੀ ਪਹਿਲੀ ਗੇਂਦ 'ਤੇ ਜੇਮਿਮਾ ਰੌਡਰਿਗਜ਼ ਨੂੰ ਆਊਟ ਕਰਨ ਤੋਂ ਬਾਅਦ ਚੌਥੀ ਗੇਂਦ 'ਤੇ ਦਿੱਲੀ ਦੀ ਕਪਤਾਨ ਮੇਗ ਲੈਨਿੰਗ ਨੂੰ ਪੈਵੇਲੀਅਨ ਭੇਜ ਦਿੱਤਾ। ਲੈਨਿੰਗ 23 ਗੇਂਦਾਂ 'ਤੇ 39 ਦੌੜਾਂ ਬਣਾ ਕੇ ਸਿਮਰਨ ਸ਼ੇਖ ਨੂੰ ਕੈਚ ਦੇ ਬੈਠੀ। ਉਸ ਨੇ ਆਪਣੀ ਪਾਰੀ ਵਿੱਚ ਪੰਜ ਚੌਕੇ ਤੇ ਦੋ ਛੱਕੇ ਲਾਏ। ਲੈਨਿੰਗ ਦੇ ਆਊਟ ਹੋਣ ਤੋਂ ਬਾਅਦ ਐਲਿਸ ਕੈਪਸੀ ਕ੍ਰੀਜ਼ 'ਤੇਆਈ। ਦੂਜੇ ਸਿਰੇ 'ਤੇ ਮਾਰੀਜਨ ਕੈਪਸ ਹਨ। ਦਿੱਲੀ ਨੇ ਸੱਤ ਓਵਰਾਂ ਵਿੱਚ ਤਿੰਨ ਵਿਕਟਾਂ ’ਤੇ 71 ਦੌੜਾਂ ਬਣਾ ਲਈਆਂ ਹਨ।
 

22:05 PM (IST)  •  21 Mar 2023

UPW-W vs DC-W Live : ਨਹੀਂ ਚੱਲਿਆ ਜੇਮਿਮਾ ਦਾ ਬੱਲਾ  

UPW-W vs DC-W Live : ਦਿੱਲੀ ਕੈਪੀਟਲਜ਼ ਦੀ ਸਟਾਰ ਖਿਡਾਰਨ ਜੇਮਿਮਾ ਰੌਡਰਿਗਜ਼ ਦਾ ਬੱਲਾ ਇਸ ਮੈਚ ਵਿੱਚ ਕੰਮ ਨਹੀਂ ਕਰ ਸਕਿਆ। ਉਹ ਤਿੰਨ ਗੇਂਦਾਂ ਵਿੱਚ ਤਿੰਨ ਦੌੜਾਂ ਬਣਾ ਕੇ ਆਊਟ ਹੋ ਗਈ। ਸ਼ਬਨਮ ਇਸਮਾਈਲ ਨੇ ਉਸ ਨੂੰ ਸੱਤਵੇਂ ਓਵਰ ਦੀ ਪਹਿਲੀ ਗੇਂਦ 'ਤੇ ਐੱਲ.ਬੀ.ਡਬਲਯੂ. ਕਰ ਦਿੱਤਾ। ਜੇਮਿਮਾ ਦੇ ਆਊਟ ਹੋਣ ਤੋਂ ਬਾਅਦ ਮਾਰਿਜਨ ਕੈਪ ਕ੍ਰੀਜ਼ 'ਤੇ ਉਤਰੀ ਹੈ।

21:37 PM (IST)  •  21 Mar 2023

UPW-W vs DC-W Live : ਦਿੱਲੀ ਨੇ ਚਾਰ ਓਵਰਾਂ ਵਿੱਚ 46 ਦੌੜਾਂ ਬਣਾਈਆਂ

UPW-W vs DC-W Live : ਯੂਪੀ ਵੱਲੋਂ ਮਿਲੇ 139 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਦਿੱਲੀ ਨੇ ਧਮਾਕੇਦਾਰ ਸ਼ੁਰੂਆਤ ਕੀਤੀ ਹੈ। ਉਸ ਨੇ ਚਾਰ ਓਵਰਾਂ ਵਿੱਚ ਬਿਨਾਂ ਕਿਸੇ ਨੁਕਸਾਨ ਦੇ 46 ਦੌੜਾਂ ਬਣਾਈਆਂ ਹਨ। ਕਪਤਾਨ ਮੇਗ ਲੈਨਿੰਗ 14 ਗੇਂਦਾਂ 'ਤੇ 29 ਅਤੇ ਸ਼ੈਫਾਲੀ ਵਰਮਾ 12 ਗੇਂਦਾਂ 'ਤੇ 12 ਦੌੜਾਂ ਬਣਾ ਕੇ ਖੇਡ ਰਹੀ ਹੈ।

21:10 PM (IST)  •  21 Mar 2023

UPW-W vs DC-W Live : ਦਿੱਲੀ ਨੂੰ ਚੁਣੌਤੀਪੂਰਨ ਟੀਚਾ ਮਿਲਿਆ

UPW-W vs DC-W Live : ਯੂਪੀ ਵਾਰੀਅਰਜ਼ ਨੇ ਦਿੱਲੀ ਕੈਪੀਟਲਜ਼ ਨੂੰ 139 ਦੌੜਾਂ ਦਾ ਚੁਣੌਤੀਪੂਰਨ ਟੀਚਾ ਦਿੱਤਾ। ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 20 ਓਵਰਾਂ 'ਚ ਛੇ ਵਿਕਟਾਂ 'ਤੇ 138 ਦੌੜਾਂ ਬਣਾਈਆਂ। ਯੂਪੀ ਲਈ ਟਾਹਲੀਆ ਮੈਕਗ੍ਰਾ ਨੇ ਤੂਫਾਨੀ ਪਾਰੀ ਖੇਡੀ। ਉਸ ਨੇ 32 ਗੇਂਦਾਂ 'ਤੇ ਅਜੇਤੂ 58 ਦੌੜਾਂ ਬਣਾ ਕੇ ਟੀਮ ਨੂੰ ਸਨਮਾਨਜਨਕ ਸਕੋਰ ਤੱਕ ਪਹੁੰਚਾਇਆ। ਮੈਕਗ੍ਰਾ ਨੇ ਆਪਣੀ ਪਾਰੀ ਵਿੱਚ ਅੱਠ ਚੌਕੇ ਅਤੇ ਦੋ ਛੱਕੇ ਜੜੇ। 

 

ਉਨ੍ਹਾਂ ਤੋਂ ਇਲਾਵਾ ਐਲੀਸਾ ਹੀਲੀ ਨੇ 36, ਸ਼ਵੇਤਾ ਸਹਿਰਾਵਤ ਨੇ 19 ਅਤੇ ਸਿਮਰਨ ਸ਼ੇਖ ਨੇ 11 ਦੌੜਾਂ ਬਣਾਈਆਂ। ਦੀਪਤੀ ਸ਼ਰਮਾ ਨੇ ਤਿੰਨ ਦੌੜਾਂ ਅਤੇ ਕਿਰਨ ਨਵਗੀਰੇ ਨੇ ਸਿਰਫ਼ ਦੋ ਦੌੜਾਂ ਬਣਾਈਆਂ। ਸੋਫੀ ਏਕਲਸਟੋਨ ਬਿਨਾਂ ਖਾਤਾ ਖੋਲ੍ਹੇ ਹੀ ਆਊਟ ਹੋ ਗਈ। ਅੰਜਲੀ ਸਰਵਾਨੀ ਤਿੰਨ ਦੌੜਾਂ ਬਣਾ ਕੇ ਅਜੇਤੂ ਰਹੀ। ਦਿੱਲੀ ਕੈਪੀਟਲਸ ਲਈ ਐਲਿਸ ਕੈਪਸੀ ਨੇ ਤਿੰਨ ਵਿਕਟਾਂ ਲਈਆਂ। ਦੋ ਰਾਧਾ ਲਈ ਅਤੇ ਇੱਕ ਜੇਸ ਜੋਨਾਸਨ ਲਈ।

21:09 PM (IST)  •  21 Mar 2023

UPW-W vs DC-W Live : ਯੂਪੀ ਨੂੰ ਚੌਥਾ ਝਟਕਾ ਲੱਗਾ

UPW-W vs DC-W Live :ਯੂਪੀ ਵਾਰੀਅਰਜ਼ ਨੇ 15 ਓਵਰਾਂ ਵਿੱਚ ਚਾਰ ਵਿਕਟਾਂ ’ਤੇ 92 ਦੌੜਾਂ ਬਣਾਈਆਂ ਹਨ। ਟਾਹਲੀਆ ਮੈਕਗ੍ਰਾ 17 ਗੇਂਦਾਂ 'ਤੇ 19 ਅਤੇ ਦੀਪਤੀ ਸ਼ਰਮਾ ਇਕ ਗੇਂਦ 'ਤੇ ਇਕ ਦੌੜਾਂ ਬਣਾ ਕੇ ਖੇਡ ਰਹੀ ਹੈ। ਯੂਪੀ ਨੂੰ ਚੌਥਾ ਝਟਕਾ ਕਿਰਨ ਨਵਗੀਰੇ ਦੇ ਰੂਪ ਵਿੱਚ ਲੱਗਾ। ਕਿਰਨ ਤਿੰਨ ਗੇਂਦਾਂ ਵਿੱਚ ਦੋ ਦੌੜਾਂ ਬਣਾ ਕੇ ਆਊਟ ਹੋ ਗਈ। ਉਸ ਨੂੰ ਤਾਨੀਆ ਭਾਟੀਆ ਨੇ ਜੇਸ ਜੋਨਾਸਨ ਦੀ ਗੇਂਦ 'ਤੇ ਸਟੰਪ ਕੀਤਾ।