IND vs SA ODI Series: ਭਾਰਤ ਦੇ ਖਿਲਾਫ ਸਭ ਤੋਂ ਵੱਧ ਸੈਂਕੜੇ ਲਗਾਉਣ ਵਾਲੇ ਚੋਟੀ ਦੇ-5 ਖਿਡਾਰੀਆਂ 'l Quinton de Kock
ਕੇਪਟਾਊਨ 'ਚ ਖੇਡੇ ਜਾ ਰਹੇ ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਤੀਜੇ ਵਨਡੇ 'ਚ ਕਵਿੰਟਨ ਡੀ ਕਾਕ ਨੇ ਸ਼ਾਨਦਾਰ ਸੈਂਕੜਾ ਲਗਾਇਆ। ਉਸ ਨੇ 130 ਗੇਂਦਾਂ 'ਤੇ 124 ਦੌੜਾਂ ਦੀ ਪਾਰੀ ਖੇਡੀ।
IND vs SA ODI Series: ਕੇਪਟਾਊਨ 'ਚ ਖੇਡੇ ਜਾ ਰਹੇ ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਤੀਜੇ ਵਨਡੇ 'ਚ ਕਵਿੰਟਨ ਡੀ ਕਾਕ ਨੇ ਸ਼ਾਨਦਾਰ ਸੈਂਕੜਾ ਲਗਾਇਆ। ਉਸ ਨੇ 130 ਗੇਂਦਾਂ 'ਤੇ 124 ਦੌੜਾਂ ਦੀ ਪਾਰੀ ਖੇਡੀ। ਭਾਰਤ ਖਿਲਾਫ ਇਹ ਉਸਦਾ ਛੇਵਾਂ ਸੈਂਕੜਾ ਹੈ। ਹੁਣ ਉਹ ਭਾਰਤ ਦੇ ਖਿਲਾਫ ਵਨਡੇ 'ਚ ਸਭ ਤੋਂ ਜ਼ਿਆਦਾ ਸੈਂਕੜੇ ਲਗਾਉਣ ਵਾਲੇ ਟਾਪ-5 ਬੱਲੇਬਾਜ਼ਾਂ ਦੀ ਸੂਚੀ 'ਚ ਸ਼ਾਮਲ ਹੋ ਗਿਆ ਹੈ। ਇਸ ਸੂਚੀ 'ਚ ਸ਼੍ਰੀਲੰਕਾ ਦੇ ਸਨਥ ਜੈਸੂਰੀਆ ਪਹਿਲੇ ਨੰਬਰ 'ਤੇ ਹਨ, ਜਿਨ੍ਹਾਂ ਨੇ ਭਾਰਤ ਖਿਲਾਫ 7 ਵਨਡੇ ਸੈਂਕੜੇ ਲਗਾਏ ਹਨ। ਇਹ ਹਨ ਚੋਟੀ ਦੇ 5 ਖਿਡਾਰੀ ਜਿਨ੍ਹਾਂ ਨੇ ਭਾਰਤ ਖਿਲਾਫ ਸਭ ਤੋਂ ਵੱਧ ਸੈਂਕੜੇ ਲਗਾਏ ਹਨ।
1. ਸਨਥ ਜੈਸੂਰੀਆ: ਸ਼੍ਰੀਲੰਕਾ ਦੇ ਵਿਸਫੋਟਕ ਬੱਲੇਬਾਜ਼ ਸਨਥ ਜੈਸੂਰੀਆ ਨੇ ਭਾਰਤ ਦੇ ਖਿਲਾਫ ਇੱਕ ਰੋਜ਼ਾ ਮੈਚਾਂ ਵਿੱਚ ਸਭ ਤੋਂ ਵੱਧ ਸੈਂਕੜੇ ਬਣਾਏ ਹਨ। ਉਨ੍ਹਾਂ ਨੇ ਭਾਰਤ ਖਿਲਾਫ 89 ਵਨਡੇ ਮੈਚਾਂ 'ਚ 7 ਸੈਂਕੜੇ ਲਗਾਏ ਹਨ। ਭਾਰਤ ਦੇ ਖਿਲਾਫ ਉਸ ਨੇ 36.33 ਦੀ ਔਸਤ ਨਾਲ 2899 ਦੌੜਾਂ ਬਣਾਈਆਂ ਹਨ।
2. ਕਵਿੰਟਨ ਡੀ ਕਾਕ: ਦੱਖਣੀ ਅਫ਼ਰੀਕਾ ਦੇ ਇਸ ਵਿਕਟਕੀਪਰ ਬੱਲੇਬਾਜ਼ ਦਾ ਬੱਲਾ ਭਾਰਤ ਖ਼ਿਲਾਫ਼ ਹਰ ਵਾਰ ਜ਼ਬਰਦਸਤ ਦੌੜਦਾ ਰਿਹਾ ਹੈ। ਕਵਿੰਟਨ ਨੇ ਭਾਰਤ ਖਿਲਾਫ ਸਿਰਫ 16 ਵਨਡੇ ਮੈਚਾਂ 'ਚ 6 ਸੈਂਕੜੇ ਲਗਾਏ ਹਨ। ਉਸ ਨੇ ਹੁਣ ਤੱਕ ਭਾਰਤ ਖਿਲਾਫ 63.31 ਦੀ ਔਸਤ ਨਾਲ 1013 ਦੌੜਾਂ ਬਣਾਈਆਂ ਹਨ।
3. ਰਿਕੀ ਪੋਂਟਿੰਗ: ਆਸਟ੍ਰੇਲੀਆ ਦੇ ਇਸ ਸਾਬਕਾ ਕਪਤਾਨ ਨੇ ਭਾਰਤ ਦੇ ਖਿਲਾਫ ਵੀ 6 ਸੈਂਕੜੇ ਲਗਾਏ ਹਨ। ਉਸ ਨੇ ਭਾਰਤ ਖਿਲਾਫ 59 ਵਨਡੇ ਮੈਚਾਂ 'ਚ 40 ਦੀ ਔਸਤ ਨਾਲ 2164 ਦੌੜਾਂ ਬਣਾਈਆਂ ਹਨ।
4. ਏਬੀ ਡਿਵਿਲੀਅਰਸ: ਹਾਲ ਹੀ ਵਿੱਚ, ਕ੍ਰਿਕਟ ਦੇ ਸਾਰੇ ਰੂਪਾਂ ਤੋਂ ਸੰਨਿਆਸ ਲੈਣ ਵਾਲੇ ਏਬੀ ਡੀਵਿਲੀਅਰਸ ਨੇ ਵੀ ਭਾਰਤ ਦੇ ਖਿਲਾਫ 6 ਸੈਂਕੜੇ ਲਗਾਏ ਹਨ। ਡਿਵਿਲੀਅਰਸ ਨੇ ਭਾਰਤ ਖਿਲਾਫ 32 ਮੈਚਾਂ 'ਚ 48.46 ਦੀ ਔਸਤ ਨਾਲ 1357 ਦੌੜਾਂ ਬਣਾਈਆਂ ਹਨ।
5. ਕੁਮਾਰ ਸੰਗਾਕਾਰਾ: ਸ਼੍ਰੀਲੰਕਾ ਦੇ ਇਸ ਸਾਬਕਾ ਕ੍ਰਿਕਟਰ ਨੇ ਭਾਰਤ ਖਿਲਾਫ ਵੀ 6 ਸੈਂਕੜੇ ਲਗਾਏ ਹਨ। ਉਸ ਨੇ ਭਾਰਤ ਖਿਲਾਫ 76 ਵਨਡੇ ਮੈਚਾਂ 'ਚ 39.70 ਦੀ ਔਸਤ ਨਾਲ 2700 ਦੌੜਾਂ ਬਣਾਈਆਂ ਹਨ।
ਇਹ ਵੀ ਪੜ੍ਹੋ: ਬਹੁਤੇ ਲੋਕ ਨਹੀਂ ਜਾਣਦੇ ਗੁੜ ਖਾਣ ਦੇ ਫਾਇਦੇ, ਸਿਹਤਮੰਦ ਦੇ ਨਾਲ ਹੀ ਖੂਬਸੂਰਤੀ ਵੀ ਵਧਾਉਂਦਾ
ਇਹ ਵੀ ਪੜ੍ਹੋ: ਸੰਤਰਾ, ਕੇਲਾ ਅਤੇ ਸੇਬ ਖਾਂਦੇ ਸਮੇਂ ਨਾ ਕਰੋ ਇਹ ਵੱਡੀ ਗਲਤੀ, ਜਾਣੋ ਇਨ੍ਹਾਂ ਨੂੰ ਖਾਣ ਦਾ ਸਹੀ ਤਰੀਕਾ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
