ਅੰਬ ਖਾਣ ਨਾਲ ਔਰਤ ਦੀ ਮੌਤ! ਜਾਣੋ ਕਿਸ ਕੈਮੀਕਲ ਨਾਲ ਪਕਾਇਆ ਜਾਂਦੈ, ਕੀ ਇਸ ਨੂੰ ਖਾਣ ਨਾਲ ਮੌਤ ਵੀ ਹੋ ਸਕਦੀ ਹੈ?

ਅੰਬਾਂ ਵਿੱਚ ਫਾਈਬਰ ਤੇ ਵਿਟਾਮਿਨ ਸਮੇਤ ਕਈ ਹੋਰ ਲਾਭਕਾਰੀ ਪੌਸ਼ਟਿਕ ਤੱਤ ਪਾਏ ਜਾਂਦੇ ਹਨ। ਸਪਲਾਈ ਵਧਾਉਣ ਲਈ ਅੱਜ-ਕੱਲ੍ਹ ਅੰਬਾਂ ਨੂੰ ਗੈਰ-ਕੁਦਰਤੀ ਤਰੀਕੇ ਨਾਲ ਪਕਾਇਆ ਜਾ ਰਿਹਾ ਹੈ। ਕੀ ਤੁਹਾਨੂੰ ਇਹ ਅੰਬ ਖਾਣੇ ਚਾਹੀਦੇ ਹਨ?

ਜਾਣੋ ਕਿਸ ਕੈਮੀਕਲ ਨਾਲ ਪਕਾਇਆ ਜਾਂਦੈ ਅੰਬ

Mango: ਇੰਦੌਰ 'ਚ ਅੰਬ ਖਾਣ ਨਾਲ ਔਰਤ ਦੀ ਮੌਤ ਹੋਣ ਦੀ ਖਬਰ ਸਾਹਮਣੇ ਆਈ ਹੈ। ਮਹਿਲਾ ਦੀ ਪੋਸਟ ਮਾਰਟਮ ਰਿਪੋਰਟ 'ਚ ਹੈਰਾਨ ਕਰਨ ਵਾਲੀ ਗੱਲ ਸਾਹਮਣੇ ਆਈ ਹੈ। ਫੋਰੈਂਸਿਕ ਵਾਲਿਆਂ ਨੂੰ ਅੰਬ ਵਿੱਚ ਸ਼ੱਕੀ ਜ਼ਹਿਰ ਦੇ ਅੰਸ਼ ਮਿਲੇ ਹਨ। ਹਾਲਾਂਕਿ ਇਸ ਦੀ ਜਾਂਚ ਅਜੇ ਜਾਰੀ ਹੈ ਪਰ ਅਜਿਹੇ 'ਚ ਮਨ 'ਚ ਸਵਾਲ ਉੱਠਦਾ ਹੈ ਕਿ ਕੀ ਅੰਬ ਖਾਣ ਨਾਲ ਸੱਚਮੁੱਚ ਕਿਸੇ ਦੀ ਜਾਨ ਜਾ ਸਕਦੀ ਹੈ? ਦਰਅਸਲ, ਅੱਜ ਕੱਲ੍ਹ ਅੰਬਾਂ ਨੂੰ ਪਕਾਉਣ ਲਈ ਇੱਕ ਕੈਮੀਕਲ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਆਓ ਜਾਣਦੇ ਹਾਂ ਇਸ ਬਾਰੇ ਕੁਝ ਵਿਸਥਾਰ ਨਾਲ।

ਕੈਮੀਕਲ ਨਾਲ ਪਕਾਇਆ ਜਾਂਦਾ ਹੈ ਅੰਬਾਂ ਨੂੰ 

ਅੰਬ 'ਚ ਫਾਈਬਰ, ਵਿਟਾਮਿਨ ਸੀ, ਵਿਟਾਮਿਨ ਏ ਅਤੇ ਹੋਰ ਪੋਸ਼ਕ ਤੱਤ ਪਾਏ ਜਾਂਦੇ ਹਨ, ਜੋ ਸਰੀਰ ਲਈ ਫਾਇਦੇਮੰਦ ਹੁੰਦੇ ਹਨ। ਅੰਬਾਂ ਦੀ ਸਪਲਾਈ ਵਧਾਉਣ ਅਤੇ ਇਸ ਦੀ ਤਾਜ਼ਗੀ ਨੂੰ ਲੰਬੇ ਸਮੇਂ ਤੱਕ ਬਰਕਰਾਰ ਰੱਖਣ ਲਈ ਇਨ੍ਹਾਂ ਨੂੰ ਗੈਰ-ਕੁਦਰਤੀ ਤਰੀਕੇ ਨਾਲ ਪਕਾਇਆ ਜਾਂਦਾ ਹੈ। ਇਸ ਦੇ ਲਈ ਜ਼ਹਿਰੀਲੇ ਰਸਾਇਣਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਜਿਸ ਨਾਲ ਕਈ ਮਾੜੇ ਪ੍ਰਭਾਵ ਹੋ ਸਕਦੇ ਹਨ। ਰਸਾਇਣਾਂ ਨਾਲ ਪਕਾਏ ਗਏ ਅੰਬ ਜ਼ਹਿਰੀਲੇ ਹੋ ਸਕਦੇ ਹਨ। ਫੂਡ ਸੇਫਟੀ ਐਂਡ ਸਟੈਂਡਰਡ ਅਥਾਰਟੀ ਆਫ ਇੰਡੀਆ (FSSAI) ਨੇ ਇਸ ਰਸਾਇਣ ਦੇ ਮਾੜੇ ਪ੍ਰਭਾਵਾਂ ਦੀ ਵਿਆਖਿਆ ਕੀਤੀ ਹੈ ਅਤੇ ਇਸ ਦੀ ਜਾਂਚ ਕਰਨ ਦੇ ਆਸਾਨ ਤਰੀਕੇ ਦੱਸੇ ਹਨ।

ਜ਼ਹਿਰੀਲੇ ਮਸਾਲਿਆਂ ਨਾਲ ਪਕਾਇਆ ਜਾਂਦਾ ਹੈ ਅੰਬਾਂ ਨੂੰ 

ਐਫਐਸਐਸਏਆਈ (FSSAI) ਅਨੁਸਾਰ ਅੰਬਾਂ ਨੂੰ ਨਕਲੀ ਢੰਗ ਨਾਲ ਪਕਾਉਣ ਲਈ ਕੈਲਸ਼ੀਅਮ ਕਾਰਬਾਈਡ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਕੈਲਸ਼ੀਅਮ ਕਾਰਬਾਈਡ ਨੂੰ 'ਮਸਾਲਾ' ਵੀ ਕਿਹਾ ਜਾਂਦਾ ਹੈ। ਅੰਬਾਂ ਤੋਂ ਇਲਾਵਾ ਕੇਲਾ, ਪਪੀਤਾ ਅਤੇ ਹੋਰ ਫਲਾਂ ਨੂੰ ਪਕਾਉਣ ਲਈ ਵੀ ਇਸ ਕੈਮੀਕਲ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਸ ਨਾਲ ਐਸੀਟਲੀਨ ਗੈਸ ਪੈਦਾ ਹੁੰਦੀ ਹੈ ਤੇ ਇਹ ਗੈਸ ਅੰਬਾਂ ਨੂੰ ਪਕਾਉਂਦੀ ਹੈ। ਫੂਡ ਸੇਫਟੀ ਐਂਡ ਸਟੈਂਡਰਡ ਅਥਾਰਟੀ ਆਫ ਇੰਡੀਆ (FSSAI) ਨੇ ਕੈਲਸ਼ੀਅਮ ਕਾਰਬਾਈਡ ਦੇ ਹੇਠਾਂ ਦਿੱਤੇ ਮਾੜੇ ਪ੍ਰਭਾਵਾਂ ਨੂੰ ਸੂਚੀਬੱਧ ਕੀਤਾ ਹੈ, ਜੋ ਅੰਬ ਪਕਾਉਣ ਵਿੱਚ ਵਰਤਿਆ ਜਾਣ ਵਾਲਾ ਇੱਕ ਖਤਰਨਾਕ ਰਸਾਇਣ ਹੈ:

1. ਉਲਟੀ ਆਉਣਾ
2. ਚਿੜਚਿੜਾਪਨ
3. ਬਹੁਤ ਜ਼ਿਆਦਾ ਪਿਆਸ
4. ਕਮਜ਼ੋਰੀ
5. ਵਰਟੀਗੋ
6. ਨਿਗਲਣ ਵਿੱਚ ਮੁਸ਼ਕਲ
7. ਅਲਸਰ ਤੇ ਚਮੜੀ ਦੀਆਂ ਹੋਰ ਸਮੱਸਿਆਵਾਂ

ਰਸਾਇਣਕ ਢੰਗ ਨਾਲ ਪੱਕੇ ਹੋਏ ਅੰਬਾਂ ਦੀ ਪਛਾਣ

ਰਸਾਇਣਾਂ ਨਾਲ ਪਕਾਏ ਜਾਣ 'ਤੇ ਅੰਬਾਂ ਦਾ ਰੰਗ, ਆਕਾਰ ਅਤੇ ਸਵਾਦ ਬਦਲ ਜਾਂਦਾ ਹੈ। ਇੱਕ ਨਜ਼ਰ ਵਿੱਚ, ਨਕਲੀ ਤੌਰ 'ਤੇ ਪੱਕੇ ਹੋਏ ਅੰਬ ਕੁਦਰਤੀ ਲੱਗਦੇ ਹਨ, ਪਰ ਉਨ੍ਹਾਂ ਵਿੱਚ ਪੌਸ਼ਟਿਕ ਤੱਤਾਂ ਦੀ ਕਮੀ ਹੋ ਸਕਦੀ ਹੈ ਤੇ ਇਸਦੇ ਮਾੜੇ ਪ੍ਰਭਾਵਾਂ ਦਾ ਵੀ ਸਾਹਮਣਾ ਕਰਨਾ ਪੈ ਸਕਦਾ ਹੈ। FSSAI ਕਹਿੰਦਾ ਹੈ ਕਿ ਤੁਹਾਨੂੰ ਕਾਲੇ ਧੱਬਿਆਂ ਵਾਲੇ ਅੰਬਾਂ ਤੋਂ ਬਚਣਾ ਚਾਹੀਦਾ ਹੈ, ਕਿਉਂਕਿ ਉਹਨਾਂ ਵਿੱਚ ਕੈਲਸ਼ੀਅਮ ਕਾਰਬਾਈਡ ਤੋਂ ਪੈਦਾ ਹੋਈ ਐਸੀਟਿਲੀਨ ਗੈਸ ਹੋ ਸਕਦੀ ਹੈ। ਤੁਹਾਨੂੰ ਕੋਈ ਵੀ ਫਲ ਖਾਣ ਤੋਂ ਪਹਿਲਾਂ ਉਸ ਨੂੰ ਚੰਗੀ ਤਰ੍ਹਾਂ ਧੋ ਲੈਣਾ ਚਾਹੀਦਾ ਹੈ। ਐੱਫਐੱਸਐੱਸਏਆਈ ਮੁਤਾਬਕ ਜਿਨ੍ਹਾਂ ਅੰਬਾਂ 'ਤੇ ਕਾਲੇ ਧੱਬੇ ਹਨ, ਉਨ੍ਹਾਂ ਨੂੰ ਰਸਾਇਣਾਂ ਨਾਲ ਪਕਾਇਆ ਗਿਆ ਹੋ ਸਕਦਾ ਹੈ।