ਤਿੰਨ ਲਾਲ ਡਾਇਰੀਆਂ 'ਚ Sonali Phogat ਦੀ ਮੌਤ ਦਾ ਰਾਜ਼! ਪੈਸੇ ਦੇ ਲੈਣ-ਦੇਣ ਦਾ ਜ਼ਿਕਰ

Sonali Phogat Murder Case: ਹਰਿਆਣਾ ਦੀ ਭਾਜਪਾ ਆਗੂ ਅਤੇ ਅਦਾਕਾਰਾ ਸੋਨਾਲੀ ਫੋਗਾਟ ਦੀ ਮੌਤ ਦੇ ਮਾਮਲੇ ਵਿੱਚ ਨਿੱਤ ਨਵੇਂ ਖੁਲਾਸੇ ਹੋ ਰਹੇ ਹਨ। ਸੂਤਰਾਂ ਮੁਤਾਬਕ ਸੋਨਾਲੀ ਫੋਗਾਟ ਦੇ ਘਰ ਤੋਂ ਮਿਲੀਆਂ ਤਿੰਨ ਰੈੱਡ ਡਾਇਰੀਆਂ ਤੋਂ ਅਦਾਕਾਰਾ ਦੀ ਮੌਤ ਦਾ ਰਾਜ਼ ਸਾਹਮਣੇ ਆ ਸਕਦਾ ਹੈ। ਇਨ੍ਹਾਂ ਡਾਇਰੀਆਂ 'ਚ ਸੋਨਾਲੀ ਦੇ ਪੀਏ ਸੁਧੀਰ ਸਾਂਗਵਾਨ ਰਾਹੀਂ ਦਿੱਤੇ ਗਏ ਪੈਸਿਆਂ ਦਾ ਲੇਖਾ ਜੋਖਾ ਹੈ, ਯਾਨੀ ਕਿ ਸੋਨਾਲੀ ਨੇ ਸੁਧੀਰ ਨੂੰ ਜੋ ਪੈਸੇ ਦਿੱਤੇ ਸੀ, ਸੁਧੀਰ ਅੱਗੇ ਕਿੱਥੇ -ਕਿੱਥੇ ਪੈਸੇ ਦਿੱਤੇ ਇਸ ਦਾ ਵੀ ਜ਼ਿਕਰ ਹੈ। ਇਨ੍ਹਾਂ ਡਾਇਰੀਆਂ ਵਿੱਚ ਹਰਿਆਣਾ ਸਮੇਤ ਹੋਰ ਸੂਬਿਆਂ ਵਿੱਚ ਨਿਵੇਸ਼ ਕੀਤੇ ਪੈਸੇ ਦਾ ਵੀ ਜ਼ਿਕਰ ਹੈ। ਸੋਨਾਲੀ ਫੋਗਾਟ ਦੀ ਨਿਯੁਕਤੀ ਵੀ ਡਾਇਰੀਆਂ ਵਿੱਚ ਲਿਖੀ ਹੋਈ ਹੈ। ਇਸ ਤੋਂ ਇਲਾਵਾ ਸੋਨਾਲੀ ਦੀ ਆਮਦਨ ਅਤੇ ਖਰਚ ਦਾ ਵੀ ਜ਼ਿਕਰ ਕੀਤਾ ਗਿਆ ਹੈ। ਡਾਇਰੀ ਵਿਚ ਕੁਝ ਸਿਆਸਤਦਾਨਾਂ ਦੇ ਨਾਂ ਅਤੇ ਨੰਬਰ ਵੀ ਲਿਖੇ ਹੋਏ ਹਨ। ਇਸ ਦੇ ਨਾਲ ਹੀ ਸੋਨਾਲੀ ਨਾਲ ਕੰਮ ਕਰਨ ਵਾਲੇ ਕੁਝ ਨੌਕਰਸ਼ਾਹਾਂ ਅਤੇ ਵਰਕਰਾਂ ਦੇ ਨਾਂ ਅਤੇ ਨੰਬਰ ਵੀ ਦਰਜ ਹਨ।