ਬੀਅਰ ਨਾਲ ਭਰਿਆ ਟਰੱਕ ਪਲਟਿਆ , ਹੈਲਮੇਟ ਪਹਿਨੇ ਬੋਤਲਾਂ ਚੁੱਕਦੇ ਨਜ਼ਰ ਆਏ ਲੋਕ

Andhra Pradesh Beer Video : ਆਂਧਰਾ ਪ੍ਰਦੇਸ਼ ਵਿੱਚ ਇੱਕ ਹਾਈਵੇਅ 'ਤੇ ਬੀਅਰ ਲੁੱਟਣ ਦੀ ਘਟਨਾ ਉਦੋਂ ਸਾਹਮਣੇ ਆਈ , ਜਦੋਂ ਬੀਅਰ ਨਾਲ ਭਰਿਆ ਇੱਕ ਟਰੱਕ ਪਲਟ ਗਿਆ। ਹਾਈਵੇ 'ਤੇ ਬੀਅਰ ਲੁੱਟਣ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ ਹੈ

beer Truck

Andhra Pradesh Beer Video : ਆਂਧਰਾ ਪ੍ਰਦੇਸ਼ ਵਿੱਚ ਇੱਕ ਹਾਈਵੇਅ 'ਤੇ ਬੀਅਰ ਲੁੱਟਣ ਦੀ ਘਟਨਾ ਉਦੋਂ ਸਾਹਮਣੇ ਆਈ , ਜਦੋਂ ਬੀਅਰ ਨਾਲ ਭਰਿਆ ਇੱਕ ਟਰੱਕ ਪਲਟ ਗਿਆ। ਹਾਈਵੇ 'ਤੇ ਬੀਅਰ ਲੁੱਟਣ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ ਹੈ। ਵੀਡੀਓ 'ਚ ਸਾਫ ਦੇਖਿਆ ਜਾ ਸਕਦਾ ਹੈ ਕਿ ਲੋਕ ਬੀਅਰ ਦੀਆਂ ਬੋਤਲਾਂ ਚੁੱਕਣ ਲੈਣ ਲਈ ਇਧਰ-ਉਧਰ ਭੱਜ ਰਹੇ ਹਨ।

ਇਹ ਮਾਮਲਾ ਆਂਧਰਾ ਪ੍ਰਦੇਸ਼ ਦੇ ਅਨਾਕਾਪੱਲੀ ਦਾ ਹੈ। ਦਰਅਸਲ ਮੰਗਲਵਾਰ (06 ਜੂਨ) ਨੂੰ ਬੀਅਰ ਦੇ 200 ਡੱਬੇ ਲੈ ਕੇ ਜਾ ਰਿਹਾ ਇੱਕ ਟਰੱਕ ਪਲਟ ਗਿਆ, ਜਿਸ ਦਾ ਸਾਰਾ ਸਮਾਨ ਸੜਕ 'ਤੇ ਖਿੱਲਰ ਗਿਆ। ਜਿਵੇਂ ਹੀ ਬੀਅਰ ਦੀਆਂ ਬੋਤਲਾਂ ਖਿਲਰਣ ਦੀ ਖ਼ਬਰ ਆਲੇ-ਦੁਆਲੇ ਦੇ ਲੋਕਾਂ ਦੇ ਕੰਨਾਂ ਤੱਕ ਪਹੁੰਚੀ ਤਾਂ ਉਹ ਬੀਅਰ ਦੀਆਂ ਬੋਤਲਾਂ ਲੈਣ ਲਈ ਭੱਜੇ।

ਬੀਅਰ ਲੁੱਟਣ ਵਿੱਚ ਬੱਚੇ ਵੀ ਸ਼ਾਮਲ  

ਬੀਅਰ ਲੁੱਟਣ ਦੀ ਵਾਇਰਲ ਹੋਈ ਵੀਡੀਓ 'ਚ ਸਾਫ ਦੇਖਿਆ ਜਾ ਸਕਦਾ ਹੈ ਕਿ ਬੀਅਰ ਲੁੱਟਣ ਵਾਲਿਆਂ 'ਚ ਬੱਚੇ, ਨੌਜਵਾਨ ਤੋਂ ਲੈ ਕੇ ਬਜ਼ੁਰਗ ਤੱਕ ਸ਼ਾਮਲ ਹਨ। ਜੋ ਆਪਣੇ ਹੱਥਾਂ 'ਚ ਜਿੰਨੀਆਂ ਬੋਤਲਾਂ ਚੁੱਕ ਸਕਿਆ , ਚੁੱਕ ਲਈਆਂ। ਇੰਨਾ ਹੀ ਨਹੀਂ ਲੋਕ ਬੋਤਲ ਚੁੱਕ ਕੇ ਭੱਜਦੇ ਵੀ ਨਜ਼ਰ ਆ ਰਹੇ ਹਨ।

 

VIDEO | A vehicle carrying 200 cartons of beer overturned in Andhra Pradesh's Anakapalli on Tuesday, following which people rushed to grab the beer bottles. pic.twitter.com/nIYHQCF9U8

— Press Trust of India (@PTI_News) June 6, 2023

 ਬੀਅਰ ਲੁੱਟਣ ਵਾਲਿਆਂ ਨੂੰ ਇਸ਼ਾਰਾ ਕਰਦੇ ਦੇਖੇ ਗਏ ਲੋਕ 

ਭਾਵੇਂ ਟਰੱਕ ਦੇ ਪਲਟਣ ਕਾਰਨ ਹਾਈਵੇਅ ’ਤੇ ਹਲਕਾ ਟ੍ਰੈਫਿਕ ਹੋ ਗਿਆ ਪਰ ਵਾਹਨ ਧੀਮੀ ਰਫ਼ਤਾਰ ’ਤੇ ਚੱਲਦੇ ਨਜ਼ਰ ਆ ਰਹੇ ਹਨ ਪਰ ਸੜਕ ਦੇ ਕਿਨਾਰੇ ਬੀਅਰ ਲੁੱਟਣ ਵਾਲਿਆਂ ਨੂੰ ਦੇਖਣ ਲਈ ਭੀੜ ਸੀ, ਉਨ੍ਹਾਂ ਵਿੱਚੋਂ ਕੁਝ ਲੋਕ ਬੀਅਰ ਦੀਆਂ ਵੱਡੀਆਂ ਬੋਤਲਾਂ ਵੱਲ ਇਸ਼ਾਰਾ ਕਰ ਰਹੇ ਹਨ ਅਤੇ ਉਨ੍ਹਾਂ ਨੂੰ ਚੁੱਕਣ ਲਈ ਕਹਿ ਰਹੇ ਹਨ।

 

 ਬਾਈਕ ਸਵਾਰ ਵੀ ਪਿੱਛੇ ਨਹੀਂ  

ਬਾਈਕ ਸਵਾਰ ਵੀ ਬੀਅਰ ਲੁੱਟਣ ਵਿਚ ਪਿੱਛੇ ਨਹੀਂ ਰਹੇ। ਵਾਇਰਲ ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਕੁਝ ਲੋਕ ਹੈਲਮੇਟ ਪਾ ਕੇ ਹਾਈਵੇਅ 'ਤੇ ਬਾਈਕ ਪਾਰਕ ਕਰਕੇ ਬੋਤਲਾਂ ਚੁੱਕ ਰਹੇ ਹਨ। ਵੀਡੀਓ 'ਚ ਖਾਸ ਗੱਲ ਇਹ ਹੈ ਕਿ ਲੋਕ ਇਸ ਬੀਅਰ ਦੀ ਬੋਤਲ ਨੂੰ ਚੁੱਕਣ ਦਾ ਕੰਮ ਬਹੁਤ ਤੇਜ਼ੀ ਨਾਲ ਕਰ ਰਹੇ ਹਨ।