![ABP Premium](https://cdn.abplive.com/imagebank/Premium-ad-Icon.png)
5ਵੀਂ ਵਾਰ ਜੁੜਵਾਂ ਬੱਚੇ ਪੈਦਾ ਹੁੰਦੇ ਹੀ ਪਤੀ ਨੇ ਛੱਡਿਆ ਪਤਨੀ ਦਾ ਸਾਥ, ਕਿਹਾ - 'ਇਹ ਆਮ ਗੱਲ ਨਹੀਂ'
ਇੱਕ ਸ਼ਖ਼ਸ ਨੇ ਆਪਣੀ ਪਤਨੀ ਨੂੰ ਸਿਰਫ਼ ਇਸ ਲਈ ਛੱਡ ਦਿੱਤਾ, ਕਿਉਂਕਿ ਉਹ ਪੰਜਵੀਂ ਵਾਰ ਜੁੜਵਾਂ ਬੱਚਿਆਂ ਦੀ ਮਾਂ ਬਣੀ। ਪਤੀ ਦਾ ਕਹਿਣਾ ਹੈ ਕਿ ਲਗਾਤਾਰ ਪੰਜ ਵਾਰ ਜੁੜਵਾਂ ਬੱਚੇ ਪੈਦਾ ਹੋਣਾ 'ਅਸਾਧਾਰਨ' ਹੈ।
![5ਵੀਂ ਵਾਰ ਜੁੜਵਾਂ ਬੱਚੇ ਪੈਦਾ ਹੁੰਦੇ ਹੀ ਪਤੀ ਨੇ ਛੱਡਿਆ ਪਤਨੀ ਦਾ ਸਾਥ, ਕਿਹਾ - 'ਇਹ ਆਮ ਗੱਲ ਨਹੀਂ' As soon as the twins were born for the 5th time, the husband left his wife, said - 'This is not normal' 5ਵੀਂ ਵਾਰ ਜੁੜਵਾਂ ਬੱਚੇ ਪੈਦਾ ਹੁੰਦੇ ਹੀ ਪਤੀ ਨੇ ਛੱਡਿਆ ਪਤਨੀ ਦਾ ਸਾਥ, ਕਿਹਾ - 'ਇਹ ਆਮ ਗੱਲ ਨਹੀਂ'](https://feeds.abplive.com/onecms/images/uploaded-images/2022/07/21/f33489f75595dfd060e43bc511770d231658376534_original.jpg?impolicy=abp_cdn&imwidth=1200&height=675)
ਇੱਕ ਸ਼ਖ਼ਸ ਨੇ ਆਪਣੀ ਪਤਨੀ ਨੂੰ ਸਿਰਫ਼ ਇਸ ਲਈ ਛੱਡ ਦਿੱਤਾ, ਕਿਉਂਕਿ ਉਹ ਪੰਜਵੀਂ ਵਾਰ ਜੁੜਵਾਂ ਬੱਚਿਆਂ ਦੀ ਮਾਂ ਬਣੀ। ਪਤੀ ਦਾ ਕਹਿਣਾ ਹੈ ਕਿ ਲਗਾਤਾਰ ਪੰਜ ਵਾਰ ਜੁੜਵਾਂ ਬੱਚੇ ਪੈਦਾ ਹੋਣਾ 'ਅਸਾਧਾਰਨ' ਹੈ। ਮਹਿਲਾ ਹੁਣ ਤੱਕ 10 ਬੱਚਿਆਂ ਦੀ ਮਾਂ ਬਣ ਚੁੱਕੀ ਹੈ। ਇਹ ਮਾਮਲਾ ਅਫ਼ਰੀਕੀ ਦੇਸ਼ ਯੂਗਾਂਡਾ 'ਚ ਸਾਹਮਣੇ ਆਇਆ ਹੈ। ਇੱਥੇ ਨਲੋਂਗੋ ਗਲੋਰੀਆ ਨਾਂਅ ਦੀ ਔਰਤ ਨੂੰ ਉਸ ਦਾ ਪਤੀ ਸਲੈਂਗੋ ਛੱਡ ਕੇ ਚਲਿਆ ਗਿਆ। ਔਰਤ ਨੇ ਹਾਲ ਹੀ 'ਚ ਆਪਣੇ ਨੌਵੇਂ ਅਤੇ ਦਸਵੇਂ ਬੱਚੇ ਨੂੰ ਜਨਮ ਦਿੱਤਾ ਹੈ। ਪਤੀ ਘਰ ਛੱਡ ਕੇ ਕਿੱਥੇ ਗਿਆ, ਔਰਤ ਨੂੰ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ।
NTV Mwasuze Mutya ਨਾਲ ਗੱਲਬਾਤ ਕਰਦੇ ਹੋਏ ਗਲੋਰੀਆ ਨੇ ਕਿਹਾ, "ਜਦੋਂ ਮੈਂ ਜੁੜਵਾਂ ਬੱਚਿਆਂ ਨਾਲ ਤੀਜੀ ਵਾਰ ਗਰਭਵਤੀ ਹੋਈ ਤਾਂ ਮੇਰੇ ਪਤੀ ਨੇ ਕਿਹਾ ਸੀ ਕਿ ਇਹ ਉਸ ਲਈ ਬਹੁਤ ਜ਼ਿਆਦਾ ਹੈ, ਤੁਸੀਂ ਘਰ ਛੱਡ ਕੇ ਚਲੇ ਜਾਓ।" ਗਲੋਰੀਆ ਨੇ ਅੱਗੇ ਕਿਹਾ, "ਮੈਂ ਕੰਪਾਲਾ ਤੋਂ ਇੱਥੇ ਹਾਊਸ ਗਰਲ ਵਜੋਂ ਕੰਮ ਕਰਨ ਆਈ ਸੀ।" ਗਲੋਰੀਆ ਨੇ ਕਿਹਾ ਕਿ ਉਸ ਨੂੰ ਇਸ ਬਾਰੇ ਕੁਝ ਨਹੀਂ ਪਤਾ ਕਿ ਪਤੀ ਕਿੱਥੇ ਚਲਾ ਗਿਆ ਹੈ।
ਗਲੋਰੀਆ ਆਪਣੀ ਇਸ ਸਥਿਤੀ ਤੋਂ ਬਹੁਤ ਦੁਖੀ ਹੈ। ਉਸ ਨੇ ਕਿਹਾ ਕਿ ਹੁਣ ਉਸ ਨੇ ਸਭ ਕੁਝ ਰੱਬ 'ਤੇ ਛੱਡ ਦਿੱਤਾ ਹੈ। ਹਾਲਾਂਕਿ ਉਸ ਨੇ ਇਹ ਵੀ ਸਪੱਸ਼ਟ ਕੀਤਾ ਕਿ ਉਸ ਨੂੰ ਇਸ ਗੱਲ ਦਾ ਕੋਈ ਪਛਤਾਵਾ ਨਹੀਂ ਹੈ ਕਿ ਉਸ ਨੇ ਇੰਨੇ ਬੱਚਿਆਂ ਨੂੰ ਜਨਮ ਦਿੱਤਾ ਹੈ। ਗਲੋਰੀਆ ਨੇ ਦੱਸਿਆ ਕਿ ਉਹ ਚੰਗੀ ਤਰ੍ਹਾਂ ਜਾਣਦੀ ਹੈ ਕਿ ਬੱਚੇ ਆਪਣੇ ਪਿਤਾ ਨੂੰ ਪਸੰਦ ਨਹੀਂ ਕਰਦੇ। ਪਰ ਉਹ ਇਨ੍ਹਾਂ ਬੱਚਿਆਂ ਨੂੰ ਕਿਤੇ ਵੀ ਛੱਡ ਕੇ ਨਹੀਂ ਜਾ ਸਕਦੀ।
ਵੱਡੇ ਬੱਚਿਆਂ ਨੇ ਛੱਡਿਆ ਮਾਂ ਦਾ ਸਾਥ
ਗਲੋਰੀਆ ਨੇ ਦੱਸਿਆ ਕਿ ਉਸ ਦੇ ਵੱਡੇ ਬੱਚੇ ਉਸ ਨੂੰ ਛੱਡ ਗਏ ਹਨ, ਇਹ ਬੱਚੇ ਕਿੱਥੇ ਹਨ?, ਉਸ ਨੂੰ ਇਸ ਬਾਰੇ ਵੀ ਨਹੀਂ ਪਤਾ। ਇਸ ਦੇ ਨਾਲ ਹੀ ਹੁਣ ਮਕਾਨ ਮਾਲਕ ਵੱਲੋਂ ਗਲੋਰੀਆ ਨੂੰ ਵੀ ਘਰ ਖਾਲੀ ਕਰਨ ਲਈ ਕਿਹਾ ਗਿਆ ਹੈ। ਮਕਾਨ ਮਾਲਕ ਨੇ ਗਲੋਰੀਆ ਨੂੰ ਤੰਜ਼ ਭਰੇ ਅੰਦਾਜ 'ਚ ਕਿਹਾ ਕਿ ਉਹ ਉਸ ਨੂੰ ਅਤੇ ਉਸ ਦੇ ਸਮਾਨ ਨੂੰ ਨਹੀਂ ਰੱਖ ਸਕਦੇ। ਗਲੋਰੀਆ ਦੇ ਅੱਗੇ ਹੁਣ ਬੱਚਿਆਂ ਦੀ ਪਰਵਰਿਸ਼ ਨੂੰ ਲੈ ਕੇ ਸਮੱਸਿਆ ਖੜ੍ਹੀ ਹੋ ਗਈ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)