'ਕੁੱਛੜ ਕੁੜੀ- ਸ਼ਹਿਰ ਢਿੰਡੋਰਾ'...26 ਸਾਲਾਂ ਤੋਂ ਲਾਪਤਾ ਸੀ ਸ਼ਖਸ, ਗੁਆਂਢੀ ਦੇ ਘਰ ਇਸ ਹਾਲਤ 'ਚ ਮਿਲਿਆ
ਅਕਸਰ ਲੋਕ ਸਾਲਾਂ ਤੋਂ ਲਾਪਤਾ ਲੋਕਾਂ ਨੂੰ ਮਰੇ ਹੋਏ ਸਮਝ ਲੈਂਦੇ ਹਨ ਜਾਂ ਦੂਜੇ ਸ਼ਬਦਾਂ ਵਿਚ ਕਹੀਏ ਤਾਂ ਹੋਰ ਕੋਈ ਚਾਰਾ ਵੀ ਨਹੀਂ ਹੁੰਦਾ।
ਅਕਸਰ ਲੋਕ ਸਾਲਾਂ ਤੋਂ ਲਾਪਤਾ ਲੋਕਾਂ ਨੂੰ ਮਰੇ ਹੋਏ ਸਮਝ ਲੈਂਦੇ ਹਨ ਜਾਂ ਦੂਜੇ ਸ਼ਬਦਾਂ ਵਿਚ ਕਹੀਏ ਤਾਂ ਹੋਰ ਕੋਈ ਚਾਰਾ ਵੀ ਨਹੀਂ ਹੁੰਦਾ। ਪਰ ਜੇ ਕੋਈ 26 ਸਾਲਾਂ ਤੋਂ ਲਾਪਤਾ ਹੋਣ ਤੋਂ ਬਾਅਦ ਘਰ ਦੇ ਨੇੜੇ ਲੱਭਿਆ ਜਾਵੇ ਤਾਂ ਕੀ ਹੋਵੇਗਾ? ਇਹ ਉਹੀ ਗੱਲ ਹੈ ਜਿਵੇਂ ਕੁੱਛੜ ਕੁੜੀ ਸ਼ਹਿਰ ਚ ਢਿੰਡੋਰਾ. ਹਾਲ ਹੀ 'ਚ ਅਲਜੀਰੀਆ ਦੇ ਜੇਲਫਾ ਸ਼ਹਿਰ 'ਚ ਕੁਝ ਅਜਿਹਾ ਹੀ ਹੋਇਆ। ਇੱਥੇ 1998 ਵਿੱਚ ਲਾਪਤਾ ਹੋਇਆ ਇੱਕ ਵਿਅਕਤੀ ਗੁਆਂਢੀ ਦੇ ਘਰੋਂ ਮਿਲਿਆ।
ਓਮਰ ਬੀ ਵਜੋਂ ਪਛਾਣਿਆ ਗਿਆ ਵਿਅਕਤੀ 1998 ਵਿੱਚ ਅਲਜੀਰੀਆ ਦੀ ਘਰੇਲੂ ਜੰਗ ਦੌਰਾਨ 19 ਸਾਲ ਦੀ ਉਮਰ ਵਿੱਚ ਲਾਪਤਾ ਹੋ ਗਿਆ ਸੀ। ਦੇਸ਼ ਦੇ ਨਿਆਂ ਮੰਤਰਾਲੇ ਨੇ ਮੰਗਲਵਾਰ ਨੂੰ ਜਾਣਕਾਰੀ ਦਿੱਤੀ ਕਿ ਵਿਅਕਤੀ ਨੂੰ ਗੁਆਂਢੀ ਘਰ 'ਚ ਪਾਇਆ ਗਿਆ। 1998 ਵਿੱਚ, ਉਸ ਦੇ ਪਰਿਵਾਰ ਨੇ ਮੰਨ ਲਿਆ ਸੀ ਕਿ ਜਾਂ ਤਾਂ ਉਸਨੂੰ ਅਗਵਾ ਕੀਤਾ ਗਿਆ ਸੀ ਜਾਂ ਮਾਰ ਦਿੱਤਾ ਗਿਆ ਸੀ। ਪਰ ਹੁਣ ਮਿਲਣ ਤੋਂ ਬਾਅਦ ਉਮਰ 45 ਸਾਲ ਦੇ ਹੋ ਗਏ ਹਨ।
ਕਥਿਤ ਤੌਰ 'ਤੇ ਇਹ ਮਾਮਲਾ ਉਦੋਂ ਸਾਹਮਣੇ ਆਇਆ ਜਦੋਂ ਉਮਰ ਨੂੰ ਬੰਧਕ ਬਣਾਉਣ ਵਾਲੇ ਵਿਅਕਤੀ ਦੇ ਭਰਾ ਨੇ ਜਾਇਦਾਦ ਦੇ ਵਿਵਾਦ ਦੀ ਸ਼ਿਕਾਇਤ ਕੀਤੀ। ਇੱਥੇ ਉਮਰ ਉਸ ਘਰ ਵਿੱਚ ਤੂੜੀ ਦੇ ਢੇਰ ਵਿੱਚ ਬੈਠਾ ਮਿਲਿਆ।
ਜਿਵੇਂ ਹੀ ਉਮਰ ਦਾ ਪਤਾ ਲੱਗਾ ਤਾਂ ਉਸ ਦਾ 61 ਸਾਲਾ ਅਗਵਾਕਾਰ ਗੁਆਂਢੀ ਪੁਲਸ ਦੇ ਡਰੋਂ ਭੱਜ ਗਿਆ ਪਰ ਬਾਅਦ ਵਿਚ ਉਸ ਨੂੰ ਫੜ ਲਿਆ ਗਿਆ ਅਤੇ ਅਲਜੀਰੀਆ ਦੇ ਮੀਡੀਆ ਨੇ ਦੱਸਿਆ ਕਿ ਪੀੜਤਾ ਨੇ ਕਿਹਾ ਕਿ ਉਹ ਇੰਨੇ ਸਾਲਾਂ ਤੋਂ ਕਿਸੇ ਤੋਂ ਮਦਦ ਇਸ ਲਈ ਨਹੀਂ ਮੰਗ ਪਾਇਆ ਕਿਉਂਕਿ ਕਿਡਨੈਪਰ ਨੇ ਮੰਤਰਾਂ ਦੀ ਮਦਦ ਨਾਲ ਉਸ 'ਤੇ ਕੋਈ ਜਾਦੂ ਕੀਤਾ ਸੀ। ਮੰਤਰਾਲੇ ਨੇ ਕਿਹਾ ਕਿ ਮਾਮਲੇ ਦੀ ਜਾਂਚ ਅਜੇ ਵੀ ਜਾਰੀ ਹੈ ਅਤੇ ਪੀੜਤ ਦਾ ਇਲਾਜ ਅਤੇ ਮਨੋਵਿਗਿਆਨਕ ਦੇਖਭਾਲ ਕੀਤੀ ਜਾ ਰਹੀ ਹੈ।
ਅਜਿਹੇ ਮਾਮਲੇ ਪਹਿਲਾਂ ਵੀ ਸਾਹਮਣੇ ਆ ਚੁੱਕੇ ਹਨ। ਕੁਝ ਸਾਲ ਪਹਿਲਾਂ ਇੱਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਸੀ, ਜਿਸ ਵਿੱਚ ਸਾਲਾਂ ਤੋਂ ਲਾਪਤਾ ਇੱਕ ਵਿਅਕਤੀ ਆਪਣੇ ਹੀ ਘਰ ਦੇ ਬੇਸਮੈਂਟ ਵਿੱਚ ਰਹਿ ਰਿਹਾ ਸੀ ਅਤੇ ਕਿਸੇ ਨੂੰ ਪਤਾ ਵੀ ਨਹੀਂ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
