![ABP Premium](https://cdn.abplive.com/imagebank/Premium-ad-Icon.png)
Money Tricks-- ਮਹਿਲਾ ਨੇ ਲੱਭ ਲਿਆ ਘਰ ਬੈਠੇ ਪੈਸੇ ਕਮਾਉਣ ਦਾ ਅਜਿਹਾ ਫਾਰਮੂਲਾ, ਛੱਡ ਦਿੱਤੀ ਨੌਕਰੀ
ਕੋਰੋਨਾ ਮਹਾਂਮਾਰੀ ਨੇ ਵਿਸ਼ਵ ਦੀ ਵੱਡੀ ਆਬਾਦੀ ਨੂੰ ਬੇਰੁਜ਼ਗਾਰੀ ਵੱਲ ਧੱਕ ਦਿੱਤਾ ਹੈ। ਪਿਛਲੇ ਇਕ-ਦੋ ਸਾਲਾਂ ਵਿਚ ਕਈ ਵੱਡੀਆਂ ਕੰਪਨੀਆਂ ਨੇ ਮੁਲਾਜ਼ਮਾਂ ਦੀ ਗਿਣਤੀ ਅੱਧੀ ਕਰ ਦਿੱਤੀ ਹੈ, ਜਾਂ ਫਿਰ ਤਨਖਾਹਾਂ ਵਿਚ ਵੱਡਾ ਕੱਟ ਲਾ ਦਿੱਤਾ ਹੈ।
![Money Tricks-- ਮਹਿਲਾ ਨੇ ਲੱਭ ਲਿਆ ਘਰ ਬੈਠੇ ਪੈਸੇ ਕਮਾਉਣ ਦਾ ਅਜਿਹਾ ਫਾਰਮੂਲਾ, ਛੱਡ ਦਿੱਤੀ ਨੌਕਰੀ Money Tricks The woman found such a formula to earn money at home left her job Money Tricks-- ਮਹਿਲਾ ਨੇ ਲੱਭ ਲਿਆ ਘਰ ਬੈਠੇ ਪੈਸੇ ਕਮਾਉਣ ਦਾ ਅਜਿਹਾ ਫਾਰਮੂਲਾ, ਛੱਡ ਦਿੱਤੀ ਨੌਕਰੀ](https://feeds.abplive.com/onecms/images/uploaded-images/2024/04/14/c40a1cdf71149aecc01e62057e1a665c1713085693886995_original.jpg?impolicy=abp_cdn&imwidth=1200&height=675)
Money Tricks-ਕੋਰੋਨਾ ਮਹਾਂਮਾਰੀ ਨੇ ਵਿਸ਼ਵ ਦੀ ਵੱਡੀ ਆਬਾਦੀ ਨੂੰ ਬੇਰੁਜ਼ਗਾਰੀ ਵੱਲ ਧੱਕ ਦਿੱਤਾ ਹੈ। ਪਿਛਲੇ ਇਕ-ਦੋ ਸਾਲਾਂ ਵਿਚ ਕਈ ਵੱਡੀਆਂ ਕੰਪਨੀਆਂ ਨੇ ਮੁਲਾਜ਼ਮਾਂ ਦੀ ਗਿਣਤੀ ਅੱਧੀ ਕਰ ਦਿੱਤੀ ਹੈ, ਜਾਂ ਫਿਰ ਤਨਖਾਹਾਂ ਵਿਚ ਵੱਡਾ ਕੱਟ ਲਾ ਦਿੱਤਾ ਹੈ।
ਅਜਿਹੇ ਵਿਚ ਲੋਕ ਘਰ ਚਲਾਉਣ ਲਈ ਦੋ-ਦੋ ਨੌਕਰੀਆਂ ਕਰਨ ਨੂੰ ਮਜ਼ਬੂਰ ਹਨ। ਕੁਝ ਲੋਕਾਂ ਨੂੰ ਸਾਈਡ ਬਿਜ਼ਨਸ ਜਾਂ ਨਿਵੇਸ਼ ਰਾਹੀਂ ਆਪਣੀ ਆਮਦਨ ਵਧਾਉਣੀ ਪੈ ਰਹੀ ਹੈ। ਅਜਿਹੇ ਵਿਚ ਜੇਕਰ ਕੋਈ ਇਕਦਮ ਆਪਣੀ ਨੌਕਰੀ ਛੱਡ ਦਿੰਦਾ ਹੈ ਤਾਂ ਇਹ ਬਹੁਤ ਅਜੀਬ ਲੱਗੇਗਾ। ਹਾਲਾਂਕਿ, ਇੱਕ ਔਰਤ ਨੇ ਅਜਿਹਾ ਹੀ ਕੀਤਾ ਹੈ।
ਔਰਤ ਨੇ ਇਸ ਲਈ ਨੌਕਰੀ ਛੱਡ ਦਿੱਤੀ ਕਿਉਂਕਿ ਉਸ ਨੇ ਘਰ ਬੈਠੇ ਪੈਸੇ ਕਮਾਉਣ ਦਾ ਫਾਰਮੂਲਾ ਲੱਭ ਲਿਆ ਸੀ। ਉਹ ਸਿਰਫ 2 ਘੰਟੇ ਕੰਮ ਕਰਕੇ ਲੱਖਾਂ ਰੁਪਏ ਕਮਾ ਰਹੀ ਹੈ। ਅਸੀਂ ਇਸ ਨੂੰ ਇਕ ਫਾਰਮੂਲਾ ਕਹਿ ਰਹੇ ਹਾਂ ਕਿਉਂਕਿ ਔਰਤ ਨੇ ਇਕ-ਦੋ ਵਾਰ ਕੋਸ਼ਿਸ਼ ਕੀਤੀ ਅਤੇ ਜਿਵੇਂ ਹੀ ਉਸ ਨੂੰ ਪਤਾ ਲੱਗਾ ਕਿ ਉਸ ਨੂੰ ਘੱਟ ਕੰਮ ਕਰਕੇ ਚੰਗਾ ਪੈਸਾ ਮਿਲ ਰਿਹਾ ਹੈ ਤਾਂ ਉਸ ਨੇ ਨੌਕਰੀ ਛੱਡ ਦਿੱਤੀ।
ਸਾਊਥ ਵੈਸਟ ਨਿਊਜ਼ ਸਰਵਿਸ ਦੀ ਰਿਪੋਰਟ ਮੁਤਾਬਕ 37 ਸਾਲਾ ਰੇਬੇਕਾ ਮੈਕਬੇਨ ਇੰਗਲੈਂਡ ਦੇ ਪ੍ਰੇਸਟਰ ਦੀ ਰਹਿਣ ਵਾਲੀ ਹੈ। ਉਸ ਨੇ ਮਾਂ ਬਣਨ ਤੋਂ ਬਾਅਦ ਜਣੇਪਾ ਛੁੱਟੀ ਲੈ ਲਈ ਸੀ। ਇਸ ਸਮੇਂ ਦੌਰਾਨ 2016 ਵਿੱਚ ਉਸ ਨੇ ਇੱਕ ਮੁਕਾਬਲੇ ਵਿੱਚ ਬੱਚਿਆਂ ਦੇ ਪ੍ਰੋਡਕਟ ਅਤੇ ਕੱਪੜਿਆਂ ਨਾਲ ਭਰੀ ਇੱਕ ਟੋਕਰੀ ਜਿੱਤੀ। ਜਦੋਂ ਉਹ ਕੰਮ ‘ਤੇ ਵਾਪਸ ਆਈ ਤਾਂ ਉਸ ਨੂੰ ਅਹਿਸਾਸ ਹੋਇਆ ਕਿ ਉਹ ਆਪਣੇ ਬੱਚੇ ਦੀ ਦੇਖ-ਰੇਖ ‘ਤੇ 83 ਹਜ਼ਾਰ ਰੁਪਏ ਖਰਚ ਕਰ ਰਹੀ ਹੈ, ਇਸ ਤੋਂ ਚੱਗਾ ਤਾਂ ਉਹ ਮੁਕਾਬਲਿਆਂ ‘ਚੋਂ ਇਨਾਮੀ ਰਾਸ਼ੀ ਜਿੱਤ ਸਕਦੀ ਸੀ।
ਫਿਰ ਰੇਬੇਕਾ ਨੇ ਆਪਣੀ ਨੌਕਰੀ ਛੱਡ ਦਿੱਤੀ ਅਤੇ ਵੱਧ ਤੋਂ ਵੱਧ ਮੁਕਾਬਲਿਆਂ ਵਿੱਚ ਹਿੱਸਾ ਲੈਣਾ ਸ਼ੁਰੂ ਕਰ ਦਿੱਤਾ। ਰੇਬੇਕਾ ਦਾ ਕਹਿਣਾ ਹੈ ਕਿ ਉਹ ਸਿਰਫ 2 ਘੰਟੇ ਪ੍ਰਤੀਯੋਗਤਾਵਾਂ ‘ਚ ਹਿੱਸਾ ਲੈਂਦੀ ਹੈ। ਲਗਭਗ 100 ਮੁਕਾਬਲਿਆਂ ਵਿੱਚ ਹਿੱਸਾ ਲੈਣ ਤੋਂ ਬਾਅਦ ਉਸ ਨੂੰ ਜੋ ਵੀ ਨਕਦ ਜਾਂ ਵਾਊਚਰ ਮਿਲਦੇ ਹਨ, ਉਹ ਜਾਂ ਤਾਂ ਉਹਨਾਂ ਦੀ ਵਰਤੋਂ ਕਰਦੀ ਹੈ ਜਾਂ ਵੇਚਦੀ ਹੈ।
ਇਸ ਪੈਸੇ ਨਾਲ ਉਹ ਆਪਣਾ ਘਰ ਚਲਾਉਂਦੀ ਹੈ। ਉਸ ਨੇ 7 ਸਾਲਾਂ ਵਿੱਚ ਲਗਭਗ 36 ਲੱਖ ਰੁਪਏ ਜਿੱਤੇ ਹਨ, ਜਦੋਂ ਕਿ ਹਾਲੀਡੇਅ, ਕੱਪੜੇ ਅਤੇ ਵਾਊਚਰ ਵੀ ਕਮਾਏ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)