Viral Video: ਟੌਪ ਦੇ YouTuber ਨੇ ਵੇਟਰੈਸ ਤੋਂ ਖੁਸ਼ ਹੋ ਕੇ ਗਿਫਟ ਕਰ ਦਿੱਤੀ ਨਵੀਂ ਕਾਰ, ਦੇਖੋ ਵੀਡੀਓ
Viral Video:ਜਿਵੇਂ ਕਿ ਸਭ ਜਾਣਦੇ ਹੀ ਨੇ ਕਿ ਰੈਸਟੋਰੈਂਟ ਵਿੱਚ ਕੰਮ ਕਰਨ ਵਾਲੇ ਵੇਟਰ ਅਤੇ ਵੇਟਰੈਸ ਬਹੁਤ ਮਿਹਨਤ ਕਰਦੇ ਹਨ, ਇਸ ਲਈ ਕਈ ਵਾਰ ਲੋਕ ਖੁਸ਼ੀ ਨਾਲ ਉਨ੍ਹਾਂ ਨੂੰ ਟਿਪ ਦਿੰਦੇ ਹਨ।
Viral Video: ਸੋਸ਼ਲ ਮੀਡੀਆ ਉੱਤੇ ਕਈ ਵਾਰ ਅਜਿਹੇ ਵੀਡੀਓਜ਼ ਵਾਇਰਲ ਹੁੰਦੇ ਨੇ ਜਿਨ੍ਹਾਂ ਨੂੰ ਦੇਖਕੇ ਕਈ ਵਾਰ ਖੁਸ਼ੀ ਅਤੇ ਕਈ ਵਾਰ ਹੈਰਾਨੀ ਹੁੰਦੀ ਹੈ। ਸੋਸ਼ਲ ਮੀਡੀਆ ਉੱਤੇ ਇੱਕ ਯੂਟਿਊਬਰ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਨੇ ਕੁਝ ਅਜਿਹਾ ਕੀਤਾ ਹੈ ਜਿਸ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਹੋ ਰਿਹਾ ਹੈ। ਜਿਵੇਂ ਕਿ ਸਭ ਜਾਣਦੇ ਹੀ ਨੇ ਕਿ ਰੈਸਟੋਰੈਂਟ ਵਿੱਚ ਕੰਮ ਕਰਨ ਵਾਲੇ ਵੇਟਰ ਅਤੇ ਵੇਟਰੈਸ ਬਹੁਤ ਮਿਹਨਤ ਕਰਦੇ ਹਨ, ਇਸ ਲਈ ਕਈ ਵਾਰ ਲੋਕ ਖੁਸ਼ੀ ਨਾਲ ਉਨ੍ਹਾਂ ਨੂੰ ਟਿਪ ਦਿੰਦੇ ਹਨ। ਹਾਲਾਂਕਿ ਕਈ ਵਾਰ ਰੈਸਟੋਰੈਂਟ ਮਾਲਕ ਟਿਪ ਦੇਣ ਤੋਂ ਇਨਕਾਰ ਕਰ ਦਿੰਦੇ ਹਨ ਪਰ ਲੋਕ ਉਨ੍ਹਾਂ ਦੀ ਮਿਹਨਤ ਤੋਂ ਪ੍ਰਭਾਵਿਤ ਹੋ ਕੇ ਅਜਿਹਾ ਕਰਦੇ ਹਨ।
ਕੁਝ ਲੋਕ ਤਾਂ ਆਪਣਾ ਪੈਸਾ ਅਤੇ ਰੁਤਬਾ ਦਿਖਾਉਣ ਲਈ ਟਿਪ ਦਿੰਦੇ ਹਨ। ਜੇਕਰ ਕੋਈ ਗ੍ਰਾਹਕ 50-100 ਰੁਪਏ ਦੀ ਟਿਪ ਦੇਵੇ ਤਾਂ ਵੇਟਰ ਦਾ ਦਿਨ ਬਣ ਜਾਂਦਾ ਹੈ ਪਰ ਕੀ ਤੁਸੀਂ ਕਦੇ ਕਿਸੇ ਨੂੰ ਟਿਪ 'ਚ ਕੀਮਤੀ ਕਾਰ ਤੋਹਫ਼ਾ ਵਿੱਚ ਦੇ ਦਿੱਤੀ ਹੋਵੇ? ਜੀ ਹਾਂ ਤੁਸੀਂ ਸਹੀ ਪੜ੍ਹ ਰਹੇ ਹੋ ਹਾਲ ਹੀ 'ਚ ਇੱਕ ਯੂਟਿਊਬਰ ਨੇ ਕਾਰ ਨੂੰ ਟਿਪ ਦੇ ਤੌਰ 'ਤੇ ਅਜਿਹਾ ਹੀ ਕੀਤਾ ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ।
ਜਿੰਮੀ ਡੋਨਾਲਡਸਨ ਨਾਂ ਦਾ ਵਿਅਕਤੀ ਯੂਟਿਊਬ 'ਤੇ ਸਭ ਤੋਂ ਜ਼ਿਆਦਾ ਫਾਲੋ ਕੀਤਾ ਜਾਣ ਵਾਲਾ ਵਿਅਕਤੀ ਹੈ, ਜਿਸ ਦਾ ਯੂਟਿਊਬ 'ਤੇ ਨਾਂ 'ਮਿਸਟਰ ਬੀਸਟ' ਹੈ। ਉਸ ਦੇ ਕਰੀਬ 14 ਕਰੋੜ ਗਾਹਕ ਹਨ। ਮਿਸਟਰ ਬੀਸਟ ਅਕਸਰ ਵਿਲੱਖਣ ਤਜ਼ਰਬਿਆਂ ਨਾਲ ਸਬੰਧਤ ਵੀਡੀਓ ਬਣਾਉਂਦਾ ਹੈ। ਹਾਲ ਹੀ 'ਚ ਉਸ ਨੇ ਆਪਣੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਇੱਕ ਵੀਡੀਓ ਪੋਸਟ ਕੀਤੀ ਹੈ, ਜਿਸ 'ਚ ਉਹ ਇੱਕ ਵੇਟਰੈੱਸ ਨੂੰ ਖਾਸ ਤੋਹਫਾ ਦਿੰਦਾ ਹੋਇਆ ਨਜ਼ਰ ਆ ਰਿਹਾ ਹੈ। ਇਹ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਖੂਬ ਵਾਇਰਲ ਹੋ ਰਿਹਾ ਹੈ।
ਟਿਪ ਵਿੱਚ ਦੇ ਦਿੱਤੀ ਨਵੀਂ ਕਾਰ
ਮਸ਼ਹੂਰ ਯੂਟਿਊਬਰ ਨੇ ਇੱਕ ਵੇਟਰੈਸ ਨੂੰ ਟਿਪ ਵਜੋਂ ਇੱਕ ਕਾਰ ਤੋਹਫੇ ਵਜੋਂ ਦਿੱਤੀ ਹੈ। ਵੀਡੀਓ ਵਿੱਚ ਉਹ ਇੱਕ ਰੈਸਟੋਰੈਂਟ ਵਿੱਚ ਬੈਠਾ ਹੈ ਅਤੇ ਅਚਾਨਕ ਵੇਟਰੈਸ ਤੋਂ ਪੁੱਛਦਾ ਹੈ ਕਿ ਉਸਨੂੰ ਸਭ ਤੋਂ ਵੱਧ ਟਿਪ ਕਿੰਨੀ ਮਿਲੀ ਹੈ।
ਉਸ ਨੇ ਦੱਸਿਆ ਕਿ ਉਸ ਨੂੰ ਸਭ ਤੋਂ ਵੱਧ 50 ਡਾਲਰ ਦੀ ਟਿਪ ਮਿਲੀ ਹੈ। ਇਹ ਸੁਣ ਕੇ, ਉਹ ਪੁੱਛਦਾ ਹੈ ਕਿ ਕੀ ਕਦੇ ਕਿਸੇ ਨੇ ਕਾਰ ਨੂੰ ਟਿਪ ਕੀਤਾ ਹੈ? ਇਹ ਸੁਣਕੇ ਵੇਟਰੈਸ ਦੇ ਹੋਸ਼ ਉੱਡ ਜਾਂਦਾ ਹੈ। ਕਾਰ ਦੀ ਚਾਬੀ ਦੇਖ ਕੇ ਉਹ ਕਹਿੰਦੀ ਹੈ ਕਿ ਇਹ ਤਾਂ ਬੱਸ ਚਾਬੀ ਹੈ। ਇਸ ਲਈ ਜਿੰਮੀ ਉਸ ਨੂੰ ਆਪਣੇ ਨਾਲ ਬਾਹਰ ਲੈ ਜਾਂਦਾ ਹੈ ਅਤੇ ਉਸ ਨੂੰ ਕਾਰ ਦਿਖਾਉਂਦਾ ਹੈ ਜੋ ਉਸ ਨੂੰ ਗਿਫਟ ਵਿੱਚ ਮਿਲਦੀ ਹੈ। ਕਾਰ ਨੂੰ ਦੇਖ ਕੇ ਲੜਕੀ ਬਹੁਤ ਭਾਵੁਕ ਹੋ ਜਾਂਦੀ ਹੈ ਤੇ ਉਸ ਨੂੰ ਯਕੀਨ ਨਹੀਂ ਹੁੰਦਾ ਹੈ ਕਿ ਸੁੱਚਮੁੱਚ ਕਿਸੇ ਨੇ ਤੋਹਫੇ ਵਿੱਚ ਨਵੀਂ ਕਾਰ ਦਿੱਤੀ ਹੈ। ਉਹ ਕਹਿੰਦੀ ਹੈ ਕਿ ਉਸ ਨੂੰ ਕਾਰ ਚਲਾਉਣੀ ਨਹੀਂ ਆਉਂਦੀ ਅਤੇ ਇਹ ਉਸ ਲਈ ਬਹੁਤ ਵੱਡੀ ਟਿਪ ਹੈ।
ਦਿਲ ਜਿੱਤਣ ਵਾਲੀ ਇਸ ਵੀਡੀਓ ਨੂੰ ਲੋਕ ਕਾਫੀ ਪਸੰਦ ਕਰ ਰਹੇ ਹਨ। ਇਸ ਨੂੰ 1 ਕਰੋੜ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ ਜਦਕਿ ਕਈ ਲੋਕਾਂ ਨੇ ਕਮੈਂਟ ਕਰਕੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਇੱਕ ਨੇ ਕਿਹਾ ਕਿ ਇਹ ਵਿਅਕਤੀ ਮਨੁੱਖਤਾ ਵਿੱਚ ਵਿਸ਼ਵਾਸ ਬਹਾਲ ਕਰ ਰਿਹਾ ਹੈ। ਜਦੋਂ ਕਿ ਇੱਕ ਨੇ ਕਿਹਾ ਕਿ ਇਹ ਵਿਅਕਤੀ ਬਹੁਤ ਮਿਹਨਤ ਕਰਦਾ ਹੈ, ਇਸ ਲਈ ਉਸਦੀ ਤਾਰੀਫ਼ ਹੋਣੀ ਚਾਹੀਦੀ ਹੈ। ਇਸ ਵੀਡੀਓ ਉੱਤੇ ਲੋਕ ਖੂਬ ਪਿਆਰ ਲੁੱਟਾ ਰਹੇ ਹਨ।
View this post on Instagram
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
