ਦੇਸ਼ ਦੇ ਨਾਮੀ ਬੈਂਕ ਨੇ ਗਾਹਕਾਂ ਨੂੰ ਦਿੱਤਾ ਵੱਡਾ ਝਟਕਾ! ਸੇਵਿੰਗ ਅਕਾਊਂਟ 'ਚ ਮਿਨੀਮਮ ਬੈਲੈਂਸ ਦੀ ਸੀਮਾ 'ਚ 5 ਗੁਣਾ ਵਾਧਾ, ਲੋਕਾਂ 'ਚ ਮੱਚੀ ਹਾਹਾਕਾਰ
ਦੇਸ਼ ਦੇ ਮਸ਼ਹੂਰ ਪ੍ਰਾਈਵੇਟ ਬੈਂਕ ਨੇ ਲੋਕਾਂ ਨੂੰ ਵੱਡਾ ਝਟਕਾ ਦਿੱਤਾ ਹੈ। ਜੀ ਹਾਂ ਸੇਵਿੰਗ ਅਕਾਊਂਟ ਲਈ ਮੌਜੂਦਾ MAMB ਨੂੰ 10,000 ਰੁਪਏ ਤੋਂ ਵਧਾ ਕੇ ਸਿੱਧਾ 50,000 ਰੁਪਏ ਕਰ ਦਿੱਤਾ ਹੈ। ਜਿਸ ਤੋਂ ਬਾਅਦ ਲੋਕਾਂ 'ਚ ਹੜਕੰਪ ਮੱਚ ਗਿਆ..
ਪ੍ਰਾਈਵੇਟ ਸੈਕਟਰ ਦੇ ਬੈਂਕ ICICI ਬੈਂਕ ਨੇ ਆਪਣੇ ਗਾਹਕਾਂ ਨੂੰ ਵੱਡਾ ਧੱਕਾ ਦਿੱਤਾ ਹੈ। ਬੈਂਕ ਨੇ ਆਪਣੇ ਮਿਨੀਮਮ ਏਵਰੇਜ ਮੰਥਲੀ ਬੈਲੈਂਸ (MAMB) ਲਈ ਨਵਾਂ ਨਿਯਮ ਜਾਰੀ ਕੀਤਾ ਹੈ। ਬੈਂਕ ਨੇ 1 ਅਗਸਤ, 2025 ਜਾਂ ਉਸ ਤੋਂ ਬਾਅਦ ਖੋਲ੍ਹੇ ਜਾਣ ਵਾਲੇ ਸੇਵਿੰਗ ਅਕਾਊਂਟ ਲਈ ਮੌਜੂਦਾ MAMB ਨੂੰ 10,000 ਰੁਪਏ ਤੋਂ ਵਧਾ ਕੇ ਸਿੱਧਾ 50,000 ਰੁਪਏ ਕਰ ਦਿੱਤਾ ਹੈ।
ਇਹ ਨਿਯਮ ਸਿਰਫ਼ ਮੈਟਰੋ ਸਿਟੀਜ਼ ਅਤੇ ਸ਼ਹਿਰਾਂ ਲਈ ਲਾਗੂ ਹੈ। ਇਸਦਾ ਮਤਲਬ ਇਹ ਹੈ ਕਿ ਇੱਥੇ ਰਹਿਣ ਵਾਲੇ ਬੈਂਕ ਦੇ ਗਾਹਕਾਂ ਨੂੰ ਆਪਣੇ ਬੱਚਤ ਖਾਤੇ ਵਿੱਚ ਇੱਕ ਮਹੀਨੇ ਦੇ ਦੌਰਾਨ ਘੱਟੋ-ਘੱਟ 50,000 ਰੁਪਏ ਦਾ ਔਸਤ ਬੈਲੈਂਸ ਰੱਖਣਾ ਹੋਵੇਗਾ, ਜਦਕਿ ਪਹਿਲਾਂ ਸਿਰਫ਼ 10,000 ਰੁਪਏ ਰੱਖਣੀ ਲੋੜ ਸੀ। ਕੁੱਲ ਮਿਲਾ ਕੇ ਬੈਂਕ ਨੇ ਆਪਣੇ MAMB ਵਿੱਚ 5 ਗੁਣਾ ਵਾਧਾ ਕੀਤਾ ਹੈ। ਜਿਸ ਕਰਕੇ ਇਸ ਬੈਂਕ ਨਾਲ ਜੁੜੇ ਗਾਹਕਾਂ ਦੇ ਵਿੱਚ ਹੜਕੰਪ ਮੱਚ ਗਿਆ।
ਸ਼ਹਿਰਾਂ ਅਤੇ ਪਿੰਡਾਂ ਵਿੱਚ ਵੱਖ-ਵੱਖ ਨਿਯਮ
ਸੈਮੀ-ਅਰਬਨ ਸ਼ਾਖਾਵਾਂ ਵਿੱਚ ਹੁਣ ਗਾਹਕਾਂ ਨੂੰ ਇੱਕ ਮਹੀਨੇ ਦੇ ਦੌਰਾਨ 5,000 ਰੁਪਏ ਦੀ ਬਜਾਏ 25,000 ਰੁਪਏ ਦਾ ਘੱਟੋ-ਘੱਟ ਔਸਤ ਬੈਲੈਂਸ ਰੱਖਣਾ ਹੋਵੇਗਾ। ਜਦਕਿ ਪੇਂਡੂ ਸ਼ਾਖਾਵਾਂ ਵਿੱਚ ਘੱਟੋ-ਘੱਟ ਔਸਤ ਬੈਲੈਂਸ ਨੂੰ 5,000 ਤੋਂ ਵਧਾ ਕੇ 10,000 ਰੁਪਏ ਕੀਤਾ ਗਿਆ ਹੈ। ਮਤਲਬ ਇਹ ਹੈ ਕਿ ਸਿਰਫ਼ 2 ਗੁਣਾ ਵਾਧਾ ਕੀਤਾ ਗਿਆ ਹੈ।
ਬੈਂਕ ਦੇ ਇਹ ਅਪਡੇਟਡ ਟਰਮਸ ਅਤੇ ਸ਼ਰਤਾਂ ਪ੍ਰਭਾਵੀ ਤਾਰੀਖ ਤੋਂ ਸਿਰਫ਼ ਨਵੇਂ ਖੋਲ੍ਹੇ ਗਏ ਸੇਵਿੰਗ ਅਕਾਊਂਟਾਂ 'ਤੇ ਹੀ ਲਾਗੂ ਹੋਣਗੀਆਂ। ICICI ਬੈਂਕ ਦੇ ਉਹ ਗਾਹਕ ਜੋ 1 ਅਗਸਤ ਤੋਂ ਆਪਣੇ ਅਕਾਊਂਟ ਵਿੱਚ ਸੰਸ਼ੋਧਿਤ ਘੱਟੋ-ਘੱਟ ਰਕਮ ਨਹੀਂ ਰੱਖਣਗੇ, ਉਨ੍ਹਾਂ ਨੂੰ ਅਪਡੇਟ ਕੀਤੀ ਫੀਸ ਸੂਚੀ ਅਨੁਸਾਰ ਜੁਰਮਾਨੇ ਦਾ ਸਾਹਮਣਾ ਕਰਨਾ ਪਏਗਾ।
ਨਕਦ ਲੈਣ-ਦੇਣ ਦੇ ਸ਼ੁਲਕ ਵਿੱਚ ਵੀ ਤਬਦੀਲੀ
ਇਸਦੇ ਇਲਾਵਾ, ਬੈਂਕ ਨੇ ਨਕਦ ਲੈਣ-ਦੇਣ ਦੇ ਸ਼ੁਲਕ ਵਿੱਚ ਵੀ ਬਦਲਾਅ ਕੀਤਾ ਹੈ। ਹੁਣ ਗਾਹਕਾਂ ਨੂੰ ਸ਼ਾਖਾਵਾਂ ਅਤੇ ਕੈਸ਼ ਰੀਸਾਈਕਲਰ ਮਸ਼ੀਨਾਂ 'ਤੇ ਪ੍ਰਤੀ ਮਹੀਨਾ ਤਿੰਨ ਨਿਸ਼ੁਲਕ ਨਕਦ ਜਮ੍ਹਾਂ ਲੈਣ-ਦੇਣ ਦੀ ਸਹੂਲਤ ਮਿਲੇਗੀ। ਇਸ ਤੋਂ ਬਾਅਦ ਹਰ ਵਾਧੂ ਲੈਣ-ਦੇਣ 'ਤੇ 150 ਰੁਪਏ ਦਾ ਸ਼ੁਲਕ ਲੱਗੇਗਾ। ਹਰ ਮਹੀਨੇ ਤੁਸੀਂ ਇੱਕ ਵਾਰ ਵਿੱਚ 1 ਲੱਖ ਰੁਪਏ ਤੱਕ ਜਮ੍ਹਾਂ ਕਰ ਸਕੋਗੇ। ਇਸ ਤੋਂ ਬਾਅਦ ਪ੍ਰਤੀ 1,000 ਰੁਪਏ 'ਤੇ 3.5 ਫੀਸਦੀ ਜਾਂ 150 ਰੁਪਏ ਦਾ ਸ਼ੁਲਕ ਵਸੂਲਿਆ ਜਾਵੇਗਾ। ਤੀਜੀ ਪੱਖ ਕੈਸ਼ ਡਿਪਾਜ਼ਿਟ ਦੀ ਸੀਮਾ 25,000 ਰੁਪਏ ਤੱਕ ਨਿਰਧਾਰਿਤ ਕੀਤੀ ਗਈ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
