Kapil Sharma: ਕਪਿਲ ਸ਼ਰਮਾ ਨੇ ਸਤਿੰਦਰ ਸਰਤਾਜ ਦੀ ਸ਼ਾਇਰੀ ਕੀਤੀ ਰੱਜ ਕੇ ਤਾਰੀਫ, ਪੋਸਟ ਸ਼ੇਅਰ ਕਰ ਕਹੀ ਇਹ ਗੱਲ
ਹਾਲ ਹੀ 'ਚ ਜਾਵੇਦ ਅਖਤਰ ਨੇ ਸਰਤਾਜ ਦੀ ਤਾਰੀਫ ਕੀਤੀ ਸੀ ਤੇ ਹੁਣ ਕਪਿਲ ਸ਼ਰਮਾ ਨੇ ਵੀ ਸੋਸ਼ਲ ਮੀਡੀਆ 'ਤੇ ਪੋਸਟ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਕਿਹਾ ਕਿ ਉਹ ਸਰਤਾਜ ਦੀ ਸ਼ਾਇਰੀ ਦੇ ਕਾਇਲ ਹੋ ਗਏ।
Kapil Sharma Praises Satinder Sartaaj For Shayarana Sartaaj: ਪੰਜਾਬੀ ਸਿੰਗਰ ਤੇ ਐਕਟਰ ਸਤਿੰਦਰ ਸਰਤਾਜ ਇੰਨੀਂ ਦਿਨੀਂ ਲਾਈਮਲਾਈਟ 'ਚ ਬਣੇ ਹੋਏ ਹਨ। ਸਰਤਾਜ ਹਾਲ ਹੀ 'ਚ ਅਦਾਕਾਰਾ ਨੀਰੂ ਬਾਜਵਾ ਦੇ ਨਾਲ ਫਿਲਮ 'ਕਲੀ ਜੋਟਾ' 'ਚ ਨਜ਼ਰ ਆਏ ਸੀ। ਫਿਲਮ 'ਚ ਸਰਤਾਜ ਦੇ ਗਾਣਿਆਂ ਦੇ ਨਾਲ ਨਾਲ ਉਨ੍ਹਾਂ ਦੀ ਐਕਟਿੰਗ ਦੀ ਵੀ ਖੂਬ ਤਾਰੀਫ ਹੋਈ। ਇਸ ਦੇ ਨਾਲ ਨਾਲ ਉਨ੍ਹਾਂ ਨੂੰ ਪੰਜਾਬ ਸਰਕਾਰ ਨੇ 'ਪੰਜਾਬ ਰਤਨ ਐਵਾਰਡ' ਨਾਲ ਵੀ ਸਨਮਾਨਤ ਕੀਤਾ ਸੀ।
ਹੁਣ ਸਰਤਾਜ ਫਿਰ ਤੋਂ ਸੁਰਖੀਆਂ 'ਚ ਆ ਗਏ ਹਨ। ਦਰਅਸਲ, ਸੂਫੀ ਗਾਇਕ ਨੇ ਹਾਲ ਹੀ 'ਚ ਆਪਣੀ ਐਲਬਮ 'ਸ਼ਾਇਰਾਨਾ ਸਰਤਾਜ' ਰਿਲੀਜ਼ ਕੀਤੀ ਹੈ। ਜਿਸ ਦੀਆਂ ਹੁਣ ਤੱਕ ਦੋ ਸ਼ਾਇਰੀਆਂ ਰਿਲੀਜ਼ ਹੋ ਚੁੱਕੀਆਂ ਹਨ। ਇਹ ਦੋਵੇਂ ਹੀ ਟਰੈਕਾਂ ਵਿੱਚ ਸਰਤਾਜ ਨੇ ਦੇਸ਼ ਭਰ 'ਚ ਲੋਕਾਂ ਦਾ ਦਿਲ ਜਿੱਤ ਲਿਆ ਹੈ। ਖੁਦ ਸੈਲੀਬ੍ਰਿਟੀ ਵੀ ਆਪਣੇ ਆਪ ਨੂੰ ਸਰਤਾਜ ਦੀ ਤਾਰੀਫ ਕਰਨ ਤੋਂ ਰੋਕ ਨਹੀਂ ਪਾ ਰਹੇ ਹਨ। ਹਾਲ ਹੀ 'ਚ ਜਾਵੇਦ ਅਖਤਰ ਨੇ ਸਰਤਾਜ ਦੀ ਤਾਰੀਫ ਕੀਤੀ ਸੀ ਤੇ ਹੁਣ ਕਪਿਲ ਸ਼ਰਮਾ ਨੇ ਵੀ ਸੋਸ਼ਲ ਮੀਡੀਆ 'ਤੇ ਪੋਸਟ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਕਿਹਾ ਕਿ ਉਹ ਸਰਤਾਜ ਦੀ ਸ਼ਾਇਰੀ ਦੇ ਕਾਇਲ ਹੋ ਗਏ।
View this post on Instagram
ਕਪਿਲ ਸ਼ਰਮਾ ਨੇ ਆਪਣੇ ਇੰਸਟਾਗ੍ਰਾਮ ਦੀ ਸਟੋਰੀ 'ਤੇ ਇੱਕ ਪੋਸਟ ਸ਼ੇਅਰ ਕੀਤੀ, ਜਿਸ ਵਿੱਚ ਉਨ੍ਹਾਂ ਕਿਹਾ, 'ਸਤਿੰਦਰ ਸਰਤਾਜ ਪਾਜੀ, ਤੁਹਾਡਾ ਬਹੁਤ ਸ਼ੁਕਰੀਆ ਇਹ ਖੂਬਸੂਰਤ ਉਰਦੂ ਕਵਿਤਾਵਾਂ 'ਤੇ ਐਲਬਮ ਬਣਾਉਣ ਲਈ। ਸੱਚਮੁੱਚ ਇਹ ਬਹੁਤ ਖੂਬਸੂਰਤ ਹੈ।' ਦੇਖੋ ਕਪਿਲ ਦੀ ਪੋਸਟ:
ਦੂਜੇ ਪਾਸੇ ਸਰਤਾਜ ਨੇ ਵੀ ਕਪਿਲ ਦੀ ਪੋਸਟ ਨੂੰ ਆਪਣੀ ਸਟੋਰੀ 'ਤੇ ਰੀਪੋਸਟ ਕਰਦਿਆਂ ਕਿਹਾ, 'ਤੁਹਾਡਾ ਬਹੁਤ ਧੰਨਵਾਦ ਕਪਿਲ ਸ਼ਰਮਾ। ਤੁਹਾਨੂੰ 'ਜ਼ਵਿਗਾਟੋ' ਲਈ ਬਹੁਤ ਸ਼ੁੱਭਕਾਮਨਾਵਾਂ। ਤੁਸੀਂ ਸਾਡੇ ਸਟਾਰ ਹੋ।'
ਦੱਸ ਦਈਏ ਕਿ ਸਰਤਾਜ ਨੇ ਆਪਣੀ ਐਲਬਮ 'ਸ਼ਾਇਰਾਨਾ ਸਰਤਾਜ' ਦੀ ਪਹਿਲੀ ਉਰਦੂ ਕਵਿਤਾ 9 ਮਾਰਚ ਨੂੰ ਰਿਲੀਜ਼ ਕੀਤੀ ਸੀ। ਉਹ ਹਰ ਹਫਤੇ ਇੱਕ ਕਵਿਤਾ ਰਿਲੀਜ਼ ਕਰ ਰਹੇ ਹਨ। ਇਸ ਐਲਬਮ 'ਚ ਕੁੱਲ 8 ਟਰੈਕ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
