(Source: ECI/ABP News/ABP Majha)
Dark Chocolate: ਸਰਦੀਆਂ ਵਿੱਚ ਡਾਰਕ ਚਾਕਲੇਟ ਖਾਣ ਨਾਲ ਮਿਲਦੇ 5 ਗਜ਼ਬ ਦੇ ਸਿਹਤ ਲਾਭ
Health News:ਡਾਰਕ ਚਾਕਲੇਟ ਕਈ ਲੋਕਾਂ ਨੂੰ ਬਹੁਤ ਪਸੰਦ ਹੁੰਦੀ ਹੈ। ਇਹ ਚਾਕਲੇਟ ਕੋਕੋ ਬੀਨਜ਼ ਤੋਂ ਤਿਆਰ ਕੀਤੀ ਜਾਂਦੀ ਹੈ। ਡਾਰਕ ਚਾਕਲੇਟ ਵਿੱਚ ਕੋਕੋ ਸਾਲਿਡ ਦੀ ਮਾਤਰਾ ਮਿਲਕ ਚਾਕਲੇਟ ਨਾਲੋਂ ਜ਼ਿਆਦਾ ਹੁੰਦੀ ਹੈ।
Dark Chocolate benefits: ਡਾਰਕ ਚਾਕਲੇਟ ਕਈ ਲੋਕਾਂ ਨੂੰ ਬਹੁਤ ਪਸੰਦ ਹੁੰਦੀ ਹੈ। ਇਹ ਚਾਕਲੇਟ ਕੋਕੋ ਬੀਨਜ਼ ਤੋਂ ਤਿਆਰ ਕੀਤੀ ਜਾਂਦੀ ਹੈ। ਡਾਰਕ ਚਾਕਲੇਟ ਵਿੱਚ ਕੋਕੋ ਸਾਲਿਡ ਦੀ ਮਾਤਰਾ ਮਿਲਕ ਚਾਕਲੇਟ ਨਾਲੋਂ ਜ਼ਿਆਦਾ ਹੁੰਦੀ ਹੈ। ਆਮ ਚਾਕਲੇਟ ਦੇ ਮੁਕਾਬਲੇ ਡਾਰਕ ਚਾਕਲੇਟ ਨੂੰ ਸਿਹਤ ਲਈ ਜ਼ਿਆਦਾ ਫਾਇਦੇਮੰਦ (Dark chocolate is more beneficial for health) ਮੰਨਿਆ ਜਾਂਦਾ ਹੈ।
ਡਾਰਕ ਚਾਕਲੇਟ 'ਚ ਆਇਰਨ, ਕਾਪਰ, ਫਲੇਵੋਨੋਇਡ ਅਤੇ ਜ਼ਿੰਕ ਵਰਗੇ ਪੋਸ਼ਕ ਤੱਤ ਪਾਏ ਜਾਂਦੇ ਹਨ। ਸਰਦੀਆਂ ਵਿੱਚ ਡਾਰਕ ਚਾਕਲੇਟ ਖਾਣਾ ਸਿਹਤਮੰਦ ਮੰਨਿਆ ਜਾਂਦਾ ਹੈ। ਸਰਦੀਆਂ ਵਿੱਚ ਡਾਰਕ ਚਾਕਲੇਟ ਖਾਣ ਦੇ ਫਾਇਦਿਆਂ ਬਾਰੇ ਅੱਜ ਤੁਹਾਨੂੰ ਅਸੀਂ ਇਸ ਆਰਟੀਕਲ ਵਿੱਚ ਦੱਸਾਂਗੇ। ਆਓ ਜਾਣਦੇ ਹਾਂ ਹੋਲੀ ਫੈਮਿਲੀ ਹਸਪਤਾਲ, ਦਿੱਲੀ ਦੇ ਡਾਇਟੀਸ਼ੀਅਨ ਸਨਾਹ ਗਿੱਲ ਨੇ ਇਸ ਬਾਰੇ ਕੀ ਕਿਹਾ?
ਬਲੱਡ ਪ੍ਰੈਸ਼ਰ ਕੰਟਰੋਲ
ਡਾਰਕ ਚਾਕਲੇਟ 'ਚ ਗ੍ਰੀਨ ਟੀ ਨਾਲੋਂ ਜ਼ਿਆਦਾ ਐਂਟੀਆਕਸੀਡੈਂਟ ਹੁੰਦੇ ਹਨ। ਡਾਰਕ ਚਾਕਲੇਟ ਦਾ ਸੇਵਨ ਸੋਜ ਅਤੇ ਦਰਦ ਨੂੰ ਘੱਟ ਕਰਨ ਵਿਚ ਫਾਇਦੇਮੰਦ ਹੁੰਦਾ ਹੈ। ਤੁਸੀਂ ਜਿੰਨੇ ਜ਼ਿਆਦਾ ਐਂਟੀਆਕਸੀਡੈਂਟਸ ਦੀ ਵਰਤੋਂ ਕਰਦੇ ਹੋ, ਤੁਹਾਡੀ ਸਿਹਤ ਓਨੀ ਹੀ ਬਿਹਤਰ ਹੋਵੇਗੀ। ਐਂਟੀਆਕਸੀਡੈਂਟਸ ਦਾ ਸੇਵਨ ਮੌਸਮੀ ਤਣਾਅ ਨੂੰ ਘੱਟ ਕਰਨ ਵਿੱਚ ਵੀ ਮਦਦ ਕਰਦਾ ਹੈ। ਡਾਰਕ ਚਾਕਲੇਟ 'ਚ ਥੀਓਬਰੋਮਿਨ ਨਾਂ ਦਾ ਰਸਾਇਣ ਪਾਇਆ ਜਾਂਦਾ ਹੈ, ਜੋ ਬਲੱਡ ਪ੍ਰੈਸ਼ਰ ਨੂੰ ਕੰਟਰੋਲ ਕਰਦਾ ਹੈ।
ਸਰੀਰ ਨੂੰ ਗਰਮੀ ਮਿਲਦੀ
ਜੇਕਰ ਤੁਸੀਂ ਡਾਰਕ ਚਾਕਲੇਟ ਦਾ ਸੇਵਨ ਕਰਦੇ ਹੋ ਤਾਂ ਇਹ ਸਰੀਰ ਨੂੰ ਗਰਮ ਰੱਖਣ 'ਚ ਮਦਦ ਕਰੇਗਾ। ਡਾਰਕ ਚਾਕਲੇਟ ਦਾ ਵਾਰਮਿੰਗ ਪ੍ਰਭਾਵ ਹੁੰਦਾ ਹੈ। ਇਸ ਨੂੰ ਖਾ ਕੇ ਤੁਸੀਂ ਠੰਡ ਦੇ ਦਿਨਾਂ ਵਿਚ ਆਪਣੇ ਸਰੀਰ ਨੂੰ ਗਰਮ ਰੱਖ ਸਕਦੇ ਹੋ।
ਸਰਦੀ, ਖਾਂਸੀ ਤੇ ਜ਼ੁਕਾਮ ਤੋਂ ਰਾਹਤ
ਸਰਦੀ ਦੇ ਮੌਸਮ 'ਚ ਜ਼ੁਕਾਮ ਅਤੇ ਖਾਂਸੀ ਦੀ ਸਮੱਸਿਆ ਵੱਧ ਜਾਂਦੀ ਹੈ। ਇਸ ਨੂੰ ਘੱਟ ਕਰਨ ਲਈ ਡਾਰਕ ਚਾਕਲੇਟ ਦਾ ਸੇਵਨ ਕਰੋ। ਡਾਰਕ ਚਾਕਲੇਟ ਵਿੱਚ ਥੀਓਬਰੋਮਿਨ ਹੁੰਦਾ ਹੈ। ਇਸ ਤੱਤ ਦੀ ਮਦਦ ਨਾਲ ਸਾਹ ਪ੍ਰਣਾਲੀ ਨਾਲ ਜੁੜੀਆਂ ਸਮੱਸਿਆਵਾਂ ਨੂੰ ਦੂਰ ਕਰਨ 'ਚ ਮਦਦ ਮਿਲਦੀ ਹੈ। ਇਸ ਤੱਤ ਦੀ ਮਦਦ ਨਾਲ ਇਹ ਮੌਸਮੀ ਇਨਫੈਕਸ਼ਨ ਨੂੰ ਘੱਟ ਕਰਨ 'ਚ ਵੀ ਮਦਦ ਕਰਦਾ ਹੈ।
ਹੋਰ ਪੜ੍ਹੋ : ਕੀ ਲਗਾਤਾਰ ਤਾਂਬੇ ਦੇ ਭਾਂਡਿਆਂ ਦਾ ਪਾਣੀ ਪੀਣ ਨਾਲ ਹੋ ਸਕਦੈ ਜਿਗਰ ਨੂੰ ਨੁਕਸਾਨ? ਜਾਣੋ ਮਾਹਿਰਾਂ ਤੋਂ
ਜੋੜਾਂ ਦੇ ਦਰਦ ਤੋਂ ਰਾਹਤ
ਡਾਰਕ ਚਾਕਲੇਟ ਵਿੱਚ ਐਂਟੀ-ਇੰਫਲੇਮੇਟਰੀ ਗੁਣ ਹੁੰਦੇ ਹਨ। ਜੋੜਾਂ ਦੇ ਦਰਦ ਨੂੰ ਘੱਟ ਕਰਨ ਲਈ ਐਂਟੀ-ਇੰਫਲੇਮੇਟਰੀ ਗੁਣਾਂ ਵਾਲੇ ਭੋਜਨ ਫਾਇਦੇਮੰਦ ਹੁੰਦੇ ਹਨ।
ਖੂਨ ਸੰਚਾਰ ਵਿੱਚ ਸੁਧਾਰ
ਸਰਦੀਆਂ ਵਿੱਚ ਚਮੜੀ ਨੂੰ ਸਿਹਤਮੰਦ ਰੱਖਣ ਲਈ ਡਾਰਕ ਚਾਕਲੇਟ ਖਾਣਾ ਇੱਕ ਵਧੀਆ ਵਿਕਲਪ ਹੈ। ਸਰਦੀਆਂ ਵਿੱਚ ਡਾਰਕ ਚਾਕਲੇਟ ਖਾਣ ਨਾਲ ਚਮੜੀ ਦਾ ਖੂਨ ਸੰਚਾਰ ਵਿੱਚ ਸੁਧਾਰ ਹੁੰਦਾ ਹੈ। ਡਾਰਕ ਚਾਕਲੇਟ ਦਾ ਸੇਵਨ ਵੀ ਚਮੜੀ ਨੂੰ ਯੂਵੀ ਕਿਰਨਾਂ ਤੋਂ ਬਚਾਉਂਦਾ ਹੈ। ਡਾਰਕ ਚਾਕਲੇਟ ਖਾਣ ਨਾਲ ਵਧਦੀ ਉਮਰ ਦੇ ਪ੍ਰਭਾਵਾਂ ਨੂੰ ਵੀ ਘੱਟ ਕੀਤਾ ਜਾ ਸਕਦਾ ਹੈ।
Disclaimer: ਇਸ ਲੇਖ ਵਿਚ ਦੱਸੇ ਗਏ ਤਰੀਕਿਆਂ ਅਤੇ ਸੁਝਾਵਾਂ ਨੂੰ ਅਪਣਾਉਣ ਤੋਂ ਪਹਿਲਾਂ,ਕਿਸੇ ਡਾਕਟਰ ਜਾਂ ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲਓ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
