Suicide ਕਰਨ ਤੋਂ ਪਹਿਲਾਂ ਕਿਵੇਂ ਦੀਆਂ ਹਰਕਤਾਂ ਕਰਦਾ ਵਿਅਕਤੀ? ਇਦਾਂ ਕਰੋ ਪਛਾਣ
ਇੱਕ ਰਿਪੋਰਟ ਕਹਿੰਦੀ ਹੈ ਕਿ ਲਗਭਗ 90% ਖੁਦਕੁਸ਼ੀਆਂ ਦੇ ਮਾਮਲੇ Mental Health, ਡਿਸਆਰਡਰ ਜਾਂ ਦਿਮਾਗੀ ਸਮੱਸਿਆਵਾਂ ਕਰਕੇ ਹੁੰਦੇ ਹਨ। ਖੁਦਕੁਸ਼ੀ ਤੋਂ ਪਹਿਲਾਂ, ਵਿਅਕਤੀ ਦੇ ਕੰਮ ਅਤੇ ਵਿਵਹਾਰ ਸਭ ਬਦਲ ਜਾਂਦੇ ਹਨ। ਉਹ ਇਸ ਬਾਰੇ ਲੰਬੇ ਸਮੇਂ ਤੱਕ ਸੋਚਦਾ ਰਹਿੰਦਾ ਹੈ।
Warning Signs of Suicide : ਭਾਰਤ ਸਮੇਤ ਪੂਰੀ ਦੁਨੀਆ ਵਿੱਚ ਖੁਦਕੁਸ਼ੀ ਦੇ ਮਾਮਲੇ ਵੱਧ ਰਹੇ ਹਨ। ਹਰ ਸਾਲ ਵੱਡੀ ਗਿਣਤੀ ਵਿੱਚ ਲੋਕ ਖੁਦਕੁਸ਼ੀ ਕਰਦੇ ਹਨ। ਵਿਸ਼ਵ ਸਿਹਤ ਸੰਗਠਨ (WHO) ਦੇ ਅਨੁਸਾਰ, 15 ਤੋਂ 19 ਸਾਲ ਦੀ ਉਮਰ ਦੇ ਬੱਚਿਆਂ ਦੀ ਮੌਤ ਦਾ ਤੀਜਾ ਕਾਰਨ ਖੁਦਕੁਸ਼ੀ ਹੈ।
WHO ਦੇ ਅੰਕੜੇ ਬਹੁਤ ਹੈਰਾਨ ਕਰਨ ਵਾਲੇ ਹਨ। ਇਸ ਅਨੁਸਾਰ, ਹਰ ਸਾਲ ਦੁਨੀਆ ਵਿੱਚ ਲਗਭਗ 7.20 ਲੱਖ ਲੋਕ ਆਪਣੀਆਂ ਜਾਨਾਂ ਗੁਆ ਦਿੰਦੇ ਹਨ। ਭਾਰਤ ਵਿੱਚ ਇਹ ਅੰਕੜਾ 1.75 ਲੱਖ ਤੱਕ ਹੈ। ਇਸ ਅਨੁਸਾਰ, ਵਿਸ਼ਵ ਪੱਧਰ 'ਤੇ ਹਰ 40 ਸਕਿੰਟਾਂ ਵਿੱਚ ਕੋਈ ਨਾ ਕੋਈ ਖੁਦਕੁਸ਼ੀ ਕਰਦਾ ਹੈ। ਅਜਿਹੀ ਸਥਿਤੀ ਵਿੱਚ ਸਵਾਲ ਖੜ੍ਹਾ ਹੁੰਦਾ ਹੈ ਕਿ ਲੋਕ ਖੁਦਕੁਸ਼ੀ ਕਿਉਂ ਕਰ ਰਹੇ ਹਨ ਅਤੇ ਇਸ ਤੋਂ ਪਹਿਲਾਂ ਉਹ ਕਿਵੇਂ ਦਾ ਵਿਵਹਾਰ ਕਰਦੇ ਹਨ? ਉਨ੍ਹਾਂ ਦੀ ਪਛਾਣ ਕੀਤੀ ਜਾ ਸਕਦੀ ਹੈ ਅਤੇ ਉਨ੍ਹਾਂ ਨੂੰ ਅਜਿਹਾ ਕਰਨ ਤੋਂ ਰੋਕਿਆ ਜਾ ਸਕਦਾ ਹੈ। ਆਓ ਜਾਣਦੇ ਹਾਂ...
ਖੁਦਕੁਸ਼ੀ (Suicide) ਕਿਉਂ ਕਰਦੇ ਲੋਕ?
ਨੈਸ਼ਨਲ ਲਾਇਬ੍ਰੇਰੀ ਆਫ਼ ਮੈਡੀਸਨ ਵਿੱਚ ਪ੍ਰਕਾਸ਼ਿਤ ਇੱਕ ਰਿਪੋਰਟ ਕਹਿੰਦੀ ਹੈ ਕਿ ਲਗਭਗ 90% ਖੁਦਕੁਸ਼ੀ ਦੇ ਮਾਮਲੇ ਮਾਨਸਿਕ ਸਿਹਤ, ਡਿਸਆਰਡਰ ਜਾਂ ਮਾਨਸਿਕ ਸਮੱਸਿਆਵਾਂ ਕਰਕੇ ਹੁੰਦੇ ਹਨ। ਮਾਹਿਰਾਂ ਦਾ ਇਹ ਵੀ ਮੰਨਣਾ ਹੈ ਕਿ ਕੋਈ ਵੀ ਅਚਾਨਕ ਉੱਠ ਕੇ ਮਰਨ ਦਾ ਫੈਸਲਾ ਨਹੀਂ ਕਰ ਲੈਂਦਾ। ਇਸ ਦੇ ਪਿੱਛੇ, ਲੰਬੇ ਸਮੇਂ ਤੱਕ ਦਿਮਾਗ ਵਿੱਚ ਕੁਝ ਨਾ ਕੁਝ ਚੱਲਦਾ ਰਹਿੰਦਾ ਹੈ। ਜੇਕਰ ਉਨ੍ਹਾਂ ਦੇ ਵਿਵਹਾਰ ਵੱਲ ਧਿਆਨ ਦਿੱਤਾ ਜਾਵੇ, ਤਾਂ ਉਨ੍ਹਾਂ ਨੂੰ ਅਜਿਹਾ ਕਦਮ ਚੁੱਕਣ ਤੋਂ ਰੋਕਿਆ ਜਾ ਸਕਦਾ ਹੈ।
ਨੌਜਵਾਨਾਂ ਵਿੱਚ ਕਿਉਂ ਵੱਧ ਰਹੇ ਖੁਦਕੁਸ਼ੀ (Suicide) ਦੇ ਮਾਮਲੇ?
ਜਰਨਲ ਆਫ਼ ਚਾਈਲਡ ਐਂਡ ਅਡੋਲਸੈਂਟ ਸਾਈਕਿਆਟ੍ਰਿਕ ਨਰਸਿੰਗ ਵਿੱਚ ਪ੍ਰਕਾਸ਼ਿਤ ਇੱਕ ਵਿਸ਼ਲੇਸ਼ਣ ਵਿੱਚ ਕਿਸ਼ੋਰਾਂ ਵਿੱਚ ਖੁਦਕੁਸ਼ੀ ਦੇ ਕਾਰਨਾਂ ਅਤੇ ਬਦਲਦੇ ਵਿਵਹਾਰ ਦੀ ਜਾਂਚ ਕਰਨ ਲਈ 66 ਵੱਖਰੇ ਅਧਿਐਨ ਸ਼ਾਮਲ ਸਨ। ਇਸ ਅਨੁਸਾਰ, ਉਨ੍ਹਾਂ ਵਿੱਚ ਖੁਦਕੁਸ਼ੀ ਨੂੰ ਵਧਾਉਣ ਦੇ ਅੰਦਰੂਨੀ ਕਾਰਨ ਸਮਾਰਟਫੋਨ, ਚੰਗੀ ਤਰ੍ਹਾਂ ਪੋਸ਼ਣ ਨਾ ਮਿਲਣਾ, ਮਾਹਵਾਰੀ ਵਿੱਚ ਸਮੱਸਿਆਵਾਂ, ਮਾੜੀ ਜੀਵਨ ਸ਼ੈਲੀ, ਮਾੜੀ ਨੀਂਦ ਦਾ ਪੈਟਰਨ ਅਤੇ ਕਿਸੇ ਵੀ ਮੁਸ਼ਕਲ ਦਾ ਸਾਹਮਣਾ ਨਾ ਕਰ ਸਕਣਾ ਹਨ। ਬਾਹਰੀ ਕਾਰਨਾਂ ਵਿੱਚ ਮਾਪਿਆਂ ਦੀਆਂ ਪੁਰਾਣੀਆਂ ਮਾਨਸਿਕ ਸਥਿਤੀਆਂ, ਪਰਿਵਾਰ ਵਿੱਚ ਗੱਲਬਾਤ ਨਾ ਹੋਣਾ ਜਾਂ ਸਮਾਜਿਕ ਪੱਧਰ 'ਤੇ ਸਮੱਸਿਆਵਾਂ ਸ਼ਾਮਲ ਹਨ।
ਸੁਸਾਈਡ (Suicide) ਕਰਨ ਤੋਂ ਪਹਿਲਾਂ ਕਿਵੇਂ ਦੀਆਂ ਹਰਕਤਾਂ ਕਰਦੇ ਲੋਕ?
1. ਘਰ-ਪਰਿਵਾਰ ਤੋਂ ਦੂਰ ਰਹਿਣਾ
2. ਰਾਤ ਨੂੰ ਘੱਟ ਸੌਣਾ ਜਾਂ ਸਵੇਰੇ ਜ਼ਿਆਦਾ ਸੌਣਾ
3. ਚਿੜਚਿੜਾਪਨ ਹੋਣਾ
4. ਬਹੁਤ ਜ਼ਿਆਦਾ ਭੁੱਖ ਲੱਗਣਾ ਜਾਂ ਘੱਟ ਭੁੱਖ ਲੱਗਣਾ
5. ਕਿਸੇ ਚੀਜ਼ ਬਾਰੇ ਜ਼ਿਆਦਾ ਸੋਚਦੇ ਰਹਿਣਾ
6. ਸੈਕਸ ਇੱਛਾ ਵਿੱਚ ਕਮੀਂ ਹੋਣਾ
7. ਬਹੁਤ ਨਿਰਾਸ਼ ਜਾਂ ਬੇਵੱਸ ਹੋਣਾ
8. ਸ਼ਰਮ ਜਾਂ ਅਪਰਾਧ ਦੀਆਂ ਭਾਵਨਾਵਾਂ
9. ਆਪਣੀ ਬਿਮਾਰੀ ਬਾਰੇ ਵਾਰ-ਵਾਰ ਗੱਲ ਕਰਕੇ ਪਰੇਸ਼ਾਨ ਹੋਣਾ
10. ਪਰਿਵਾਰ ਜਾਂ ਦੋਸਤਾਂ ਲਈ ਬੋਝ ਵਾਂਗ ਮਹਿਸੂਸ ਕਰਨਾ
11. ਆਪਣੇ ਮਨਪਸੰਦ ਕੰਮਾਂ 'ਤੇ ਧਿਆਨ ਕੇਂਦਰਿਤ ਨਾ ਕਰ ਸਕਣਾ
12. ਖੁਦਕੁਸ਼ੀ ਬਾਰੇ ਵਾਰ-ਵਾਰ ਗੱਲ ਕਰਨਾ
13. ਗੱਲ ਕਰਦੇ ਸਮੇਂ ਅਚਾਨਕ ਚੁੱਪ ਹੋ ਜਾਣਾ
14. ਸ਼ਰਾਬ ਜਾਂ ਨਸ਼ੀਲੇ ਪਦਾਰਥਾਂ ਦੀ ਲਤ ਵਿੱਚ ਅਚਾਨਕ ਵਾਧਾ ਹੋਣਾ
15. ਜ਼ਿਆਦਾਤਰ ਸਮਾਂ ਇਕੱਲੇ ਬਿਤਾਉਣਾ
Disclaimer: ਖ਼ਬਰ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਰ ਨਾਲ ਸਲਾਹ-ਮਸ਼ਵਰਾ ਕਰਨਾ ਚਾਹੀਦਾ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
