![ABP Premium](https://cdn.abplive.com/imagebank/Premium-ad-Icon.png)
ਸਰਦੀ ਅਤੇ ਗਰਮੀ 'ਚ ਲੋਕ ਹੋ ਰਹੇ ਕਨਫਿਊਜ਼, ਜਾਣੋ ਇਸ ਮੌਸਮ 'ਚ ਬਿਮਾਰੀਆਂ ਤੋਂ ਬਚਣ ਦਾ ਤਰੀਕਾ
ਜੇਕਰ ਤੁਸੀਂ ਵੀ ਬਦਲਦੇ ਹੋਏ ਮੌਸਮ ਵਿੱਚ ਪਰੇਸ਼ਾਨ ਹੋ ਰਹੇ ਹੋ, ਤਾਂ ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਬਦਲਦੇ ਹੋਏ ਮੌਸਮ ਕਰਕੇ (ਭਾਵ ਕਿ ਕਦੇ ਸਰਦੀ ਕਦੇ ਗਰਮੀ) ਸਾਡੇ ਸਰੀਰ ਨੂੰ ਕੀ ਨੁਕਸਾਨ ਹੁੰਦਾ ਹੈ ਅਤੇ ਇਸ ਨਾਲ ਕਿਹੜੀਆਂ ਬਿਮਾਰੀਆਂ ਹੋ ਸਕਦੀਆਂ ਹਨ।
![ਸਰਦੀ ਅਤੇ ਗਰਮੀ 'ਚ ਲੋਕ ਹੋ ਰਹੇ ਕਨਫਿਊਜ਼, ਜਾਣੋ ਇਸ ਮੌਸਮ 'ਚ ਬਿਮਾਰੀਆਂ ਤੋਂ ਬਚਣ ਦਾ ਤਰੀਕਾ People are getting confuse in winter and summer, know how to avoid diseases in this season ਸਰਦੀ ਅਤੇ ਗਰਮੀ 'ਚ ਲੋਕ ਹੋ ਰਹੇ ਕਨਫਿਊਜ਼, ਜਾਣੋ ਇਸ ਮੌਸਮ 'ਚ ਬਿਮਾਰੀਆਂ ਤੋਂ ਬਚਣ ਦਾ ਤਰੀਕਾ](https://feeds.abplive.com/onecms/images/uploaded-images/2023/02/12/88e48d349ed27f953c8fd4463888b9611676196138758647_original.png?impolicy=abp_cdn&imwidth=1200&height=675)
People confuse in season: ਮੌਸਮ ਤੇਜ਼ੀ ਨਾਲ ਬਦਲ ਰਿਹਾ ਹੈ, ਦਿਨ ਵੇਲੇ ਇੰਨੀ ਗਰਮੀ ਹੁੰਦੀ ਹੈ ਕਿ ਸਾਨੂੰ ਪੱਖਾ ਚਲਾਉਣਾ ਪੈਂਦਾ ਹੈ, ਅਸੀਂ ਕੋਲਡ ਡਰਿੰਕ ਪੀਂਦੇ ਹਾਂ, ਜਦੋਂ ਕਿ ਰਾਤ ਨੂੰ ਠੰਢ ਤੋਂ ਬਚਣ ਲਈ ਸਾਨੂੰ ਕੰਬਲ ਲੈਣਾ ਪੈਂਦਾ ਹੈ, ਸਵੇਰ ਵੇਲੇ ਸਾਨੂੰ ਸਮਝ ਨਹੀਂ ਆਉਂਦੀ ਕਿ ਅਸੀਂ ਕੀ ਕਰੀਏ? ਸਵੈਟਰ ਪਾਈਏ ਜਾਂ ਨਾ ਪਾਈਏ, ਇਹ ਮੌਸਮ ਤੁਹਾਡੇ ਲਈ ਜਿੰਨਾ ਉਲਝਣ ਵਾਲਾ ਹੈ, ਓੰਨਾ ਹੀ ਸਿਹਤ ਲਈ ਖਤਰਨਾਕ ਹੈ, ਅੱਜ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਇਸ ਬਦਲਦੇ ਮੌਸਮ ਵਿੱਚ ਸਾਡੇ ਸਰੀਰ ਨੂੰ ਕੀ ਨੁਕਸਾਨ ਹੁੰਦਾ ਹੈ ਅਤੇ ਇਸ ਨਾਲ ਕਿਹੜੀਆਂ ਬਿਮਾਰੀਆਂ ਹੋ ਸਕਦੀਆਂ ਹਨ।
1. ਮੌਸਮ ਬਦਲਣ ‘ਤੇ ਜ਼ਿਆਦਾ ਲੋਕ ਬਿਮਾਰ ਕਿਉਂ ਪੈਂਦੇ ਹਨ ?
ਇਸ ਦਾ ਜਵਾਬ ਇਹ ਹੈ ਕਿ ਜਦੋਂ ਮੌਸਮ ਬਦਲਦਾ ਹੈ ਤਾਂ ਸਰੀਰ ਦੇ ਤਾਪਮਾਨ 'ਚ ਬਦਲਾਅ ਹੁੰਦਾ ਹੈ, ਜਿਸ ਕਾਰਨ ਕਈ ਵਾਰ ਪਸੀਨਾ ਆਉਂਦਾ ਹੈ, ਯਾਨੀ ਕਿ ਜਿੰਨਾ ਪਸੀਨਾ ਨਿਕਲਦਾ ਹੈ, ਉਸ ਮੁਤਾਬਕ ਲੋਕ ਪਾਣੀ ਨਹੀਂ ਪੀਂਦੇ। ਇਸ ਕਾਰਨ ਸਰੀਰ 'ਚ ਪਾਣੀ ਦੀ ਕਮੀ ਹੋ ਜਾਂਦੀ ਹੈ, ਯਾਨੀ ਡੀਹਾਈਡ੍ਰੇਸ਼ਨ ਦੀ ਸਮੱਸਿਆ ਹੁੰਦੀ ਹੈ, ਤੁਸੀਂ ਕਮਜ਼ੋਰੀ ਮਹਿਸੂਸ ਕਰਦੇ ਹੋ ਅਤੇ ਬਿਮਾਰ ਹੋ ਜਾਂਦੇ ਹੋ। ਡੀਹਾਈਡਰੇਸ਼ਨ ਵੀ ਪਾਚਨ ਨਾਲ ਸਬੰਧੀ ਸਮੱਸਿਆਵਾਂ ਪੈਦਾ ਕਰਦੀ ਹੈ ਅਤੇ ਕਬਜ਼ ਦਾ ਕਾਰਨ ਬਣਦੀ ਹੈ।
ਇਹ ਵੀ ਪੜ੍ਹੋ:
2. ਇੱਕ-ਦੋ ਦਿਨਾਂ ਤੋਂ ਲੋਕਾਂ ਨੇ ਸਵੈਟਰ ਪਾਉਣੇ ਬੰਦ ਕਰ ਦਿੱਤੇ ਹਨ, ਕੀ ਇਹ ਆਦਤ ਤੁਹਾਨੂੰ ਬਿਮਾਰ ਕਰੇਗੀ?
ਇਸ ਦਾ ਜਵਾਬ ਇਹ ਹੈ ਕਿ ਹੁਣ ਤੱਕ ਤੁਸੀਂ ਠੰਢ ਤੋਂ ਬਚਣ ਲਈ ਲੇਅਰਾਂ (layers) ਵਿੱਚ ਕੱਪੜੇ ਪਾ ਰਹੇ ਸੀ ਅਤੇ ਆਪਣੇ ਆਪ ਨੂੰ ਸਿਰ ਤੋਂ ਪੈਰਾਂ ਤੱਕ ਢੱਕ ਰਹੇ ਸੀ। ਅਚਾਨਕ ਮੌਸਮ ਗਰਮ ਹੋ ਗਿਆ ਅਤੇ ਹੁਣ ਤੁਸੀਂ ਟੀ-ਸ਼ਰਟ ਅਤੇ ਸਲੀਵਲੈਸ ਪਾਉਣਾ ਸ਼ੁਰੂ ਕਰ ਦਿੱਤਾ, ਜਿਸ ਕਰਕੇ ਤੁਸੀਂ ਪੱਕਾ ਬਿਮਾਰ ਹੋ ਜਾਓਗੇ। ਇਸ ਲਈ ਜਦੋਂ ਸਰਦੀ ਜਾਂ ਗਰਮੀ ਦਾ ਮੌਸਮ ਚੱਲ ਰਿਹਾ ਹੋਵੇ ਤਾਂ ਸਿਰਫ ਉਹੀ ਕੱਪੜੇ ਪਾਓ ਜੋ ਸਰੀਰ ਨੂੰ ਚੰਗੀ ਤਰ੍ਹਾਂ ਢੱਕ ਸਕਣ, ਜਿਸ ਨਾਲ ਸਰੀਰ ਤਾਪਮਾਨ ਨੂੰ ਮਹਿਸੂਸ ਨਹੀਂ ਕਰ ਪਾਉਂਦਾ ਅਤੇ ਮੌਸਮ ਵਿੱਚ ਤਬਦੀਲੀ ਦਾ ਅਸਰ ਵੀ ਘੱਟ ਹੁੰਦਾ ਹੈ। ਅਕਸਰ ਲੋਕ ਜ਼ੁਕਾਮ ਅਤੇ ਖਾਂਸੀ ਹੋਣ ‘ਤੇ ਡਾਕਟਰ ਕੋਲ ਨਹੀਂ ਜਾਂਦੇ, ਉਹ ਘਰ ਵਿਚ ਹੀ ਇਸ ਦਾ ਇਲਾਜ ਕਰਦੇ ਹਨ, ਕਈ ਵਾਰ ਉਹ ਖੁਦ ਦਵਾਈ ਲੈਂਦੇ ਹਨ, ਇਹ ਕਿੰਨੀ ਖਤਰਨਾਕ ਹੋ ਸਕਦੀ ਹੈ।
ਹਾਲ ਹੀ 'ਚ ਕਫ ਸਿਰਪ ਵਾਲਾ ਪਹਿਲਾ ਮਾਮਲਾ ਸਾਹਮਣੇ ਆਇਆ ਸੀ, ਜਿਸ ਕਾਰਨ ਕਈ ਲੋਕਾਂ ਦੀ ਮੌਤ ਹੋ ਗਈ ਸੀ। ਇਨ੍ਹਾਂ ਲੋਕਾਂ ਨੇ ਬਿਨਾਂ ਡਾਕਟਰ ਦੀ ਸਲਾਹ ਲਏ ਖੰਘ ਦੀ ਦਵਾਈ ਪੀ ਲਈ ਸੀ। ਹਰ ਦਵਾਈ ਦਾ ਕੋਈ ਨਾ ਕੋਈ ਸਾਈਡ ਇਫੈਕਟ ਹੁੰਦਾ ਹੈ, ਡਾਕਟਰ ਹਿਸਾਬ ਲਾਉਂਦਾ ਹੈ ਅਤੇ ਫਿਰ ਮਰੀਜ਼ ਨੂੰ ਉਸ ਦੇ ਹਿਸਾਬ ਨਾਲ ਦਵਾਈ ਦਿੰਦਾ ਹੈ। ਇਸ ਹਾਲਤ ਵਿੱਚ, ਤੁਹਾਨੂੰ ਆਪਣੇ ਆਪ ਕੋਈ ਦਵਾਈ ਨਹੀਂ ਲੈਣੀ ਚਾਹੀਦੀ, ਤੁਹਾਨੂੰ ਨੇੜਲੇ ਸਰਕਾਰੀ ਕੇਂਦਰ ਜਾਂ ਡਾਕਟਰ ਦੀ ਸਲਾਹ ਤੋਂ ਹੀ ਦਵਾਈ ਲੈਣੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ: ਕੀ ਕੈਂਸਰ ਦਾ ਸੁੰਘਣ ਤੋਂ ਵੀ ਲੱਗ ਸਕਦਾ ਹੈ ਪਤਾ? ਜੇਕਰ ਨਜ਼ਰ ਆਉਂਦੇ ਇਹ 10 ਲੱਛਣ, ਤਾਂ ਖਤਰੇ 'ਚ ਹੋ ਤੁਸੀਂ
3. ਕਈ ਵਾਰ ਦਿਨ ਵਿੱਚ ਗਰਮੀ ਲੱਗਣ ਕਰਕੇ ਬੱਚਾ ਪੱਖਾ ਚਲਾਉਣ ਲਈ ਕਹਿੰਦਾ ਹੈ, ਕੀ ਇਹ ਉਸ ਦੇ ਲਈ ਸਹੀ ਰਹੇਗਾ?
ਇਸ ਦਾ ਜਵਾਬ ਇਹ ਹੈ ਕਿ ਬਾਹਰ ਦੀ ਗਰਮੀ ਤੋਂ ਘਰ ਆਉਂਦਿਆਂ ਹੀ ਪੱਖਾ ਨਾ ਚਲਾਓ। ਸਰੀਰ ਨੂੰ ਘਰ ਦੇ ਤਾਪਮਾਨ ਦੇ ਅਨੁਕੂਲ ਹੋਣ ਵਿੱਚ 10-15 ਮਿੰਟ ਲੱਗਦੇ ਹਨ। ਜੇਕਰ ਜਿੰਮ, ਸ਼ਾਪਿੰਗ ਮਾਲ ਵਿੱਚ ਏਸੀ ਹੈ ਤਾਂ ਉੱਥੋਂ ਬਾਹਰ ਆ ਕੇ ਸਿੱਧਾ ਠੰਡਾ ਪਾਣੀ ਨਾ ਪੀਓ। ਇਸ ਕਾਰਨ ਤੁਸੀਂ ਵਾਇਰਲ, ਖੰਘ ਅਤੇ ਜ਼ੁਕਾਮ ਦੀ ਲਪੇਟ 'ਚ ਆ ਸਕਦੇ ਹੋ। ਰਾਤ ਨੂੰ ਵੀ ਪੱਖਾ ਚਲਾਉਣ ਤੋਂ ਬਚੋ। ਮੋਟੇ ਕੰਬਲਾਂ ਜਾਂ ਰਜਾਈਆਂ ਦੀ ਬਜਾਏ ਬੱਚੇ ਨੂੰ ਦੋਹਰ ਜਾਂ ਜੈਪੁਰੀ ਰਜਾਈ ਨਾਲ ਢੱਕੋ ਤਾਂ ਜੋ ਉਹ ਆਰਾਮ ਨਾਲ ਸੌਂ ਸਕੇ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)