Walking Benefits: ਸਿਰਫ 10 ਮਿੰਟ ਤੱਕ ਪੈਦਲ ਚੱਲਣ ਨਾਲ ਘੱਟਦਾ ਹੈ ਮੌਤ ਦਾ ਖ਼ਤਰਾ! ਡਾਕਟਰਾਂ ਨੇ ਦੱਸੇ ਹੈਰਾਨੀਜਨਕ ਲਾਭ
ਸਰੀਰ ਦਾ ਐਕਟਿਵ ਰਹਿਣਾ ਬਹੁਤ ਜ਼ਰੂਰੀ ਹੈ, ਕਿਉਂਕਿ ਇਹ ਤੁਹਾਨੂੰ ਸਿਹਤਮੰਦ ਰੱਖਣ ਦੇ ਨਾਲ-ਨਾਲ ਕਈ ਬਿਮਾਰੀਆਂ ਤੋਂ ਵੀ ਦੂਰ ਰੱਖਦਾ ਹੈ। ਅੱਜ ਦੇ ਦੌਰ ਵਿੱਚ ਕਈ ਲੋਕਾਂ ਕੋਲ ਐਕਸਰਸਾਈਜ਼ ਜਾਂ ਜਿੰਮ ਜਾਣ ਲਈ ਸਮਾਂ ਨਹੀਂ ਹੁੰਦਾ।
Walking Benefits: ਸਰੀਰ ਦਾ ਐਕਟਿਵ ਰਹਿਣਾ ਬਹੁਤ ਜ਼ਰੂਰੀ ਹੈ, ਕਿਉਂਕਿ ਇਹ ਤੁਹਾਨੂੰ ਸਿਹਤਮੰਦ ਰੱਖਣ ਦੇ ਨਾਲ-ਨਾਲ ਕਈ ਬਿਮਾਰੀਆਂ ਤੋਂ ਵੀ ਦੂਰ ਰੱਖਦਾ ਹੈ। ਅੱਜ ਦੇ ਦੌਰ ਵਿੱਚ ਕਈ ਲੋਕਾਂ ਕੋਲ ਐਕਸਰਸਾਈਜ਼ ਜਾਂ ਜਿੰਮ ਜਾਣ ਲਈ ਸਮਾਂ ਨਹੀਂ ਹੁੰਦਾ। ਇਸੇ ਨੂੰ ਧਿਆਨ ‘ਚ ਰੱਖਦਿਆਂ ਕਲੀਵਲੈਂਡ ਕਲਿਨਿਕ ਦੇ ਡਾਕਟਰ ਅਤੇ ਸਲਾਹਕਾਰ, ਮਾਰਕ ਹਾਈਮਨ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਸੁਝਾਅ ਸ਼ੇਅਰ ਕੀਤੇ ਹਨ। ਉਨ੍ਹਾਂ ਨੇ ਇੱਕ ਰਿਸਰਚ ਦਾ ਹਵਾਲਾ ਦਿੰਦਿਆਂ ਦੱਸਿਆ ਕਿ ਰੋਜ਼ਾਨਾ ਸਿਰਫ 10 ਮਿੰਟ ਤਕ ਪੈਦਲ ਚਲਣ ਨਾਲ ਮੌਤ ਦਾ ਖ਼ਤਰਾ ਘੱਟ ਸਕਦਾ ਹੈ ਅਤੇ ਉਮਰ ਵੀ ਵਧ ਸਕਦੀ ਹੈ।
ਕੀ ਕਹਿੰਦੀ ਹੈ ਰਿਸਰਚ?
ਡਾਕਟਰ ਨੇ ਰਿਸਰਚ ਦੇ ਕੁਝ ਮੁੱਖ ਬਿੰਦੂ ਸਾਂਝੇ ਕਰਦੇ ਹੋਏ ਦੱਸਿਆ ਕਿ "The Lancet" ਵਿੱਚ ਪ੍ਰਕਾਸ਼ਤ ਇੱਕ ਅਧਿਐਨ ਵਿੱਚ 7 ਸਾਲਾਂ ਦੌਰਾਨ 47,000 ਲੋਕਾਂ ‘ਤੇ ਗਹਿਰੀ ਜਾਂਚ ਕੀਤੀ ਗਈ।
- 60 ਸਾਲ ਜਾਂ ਉਸ ਤੋਂ ਵੱਧ ਉਮਰ ਵਾਲੇ ਲੋਕਾਂ ‘ਚ ਰੋਜ਼ 6,000 ਤੋਂ 8,000 ਕਦਮ ਚਲਣ ਨਾਲ ਸਭ ਤੋਂ ਵਧੇਰੇ ਫਾਇਦਾ ਦੇਖਿਆ ਗਿਆ।
- 60 ਸਾਲ ਤੋਂ ਘੱਟ ਉਮਰ ਵਾਲੇ ਲੋਕਾਂ ‘ਚ 8,000 ਤੋਂ 10,000 ਕਦਮ ਚਲਣ ਨਾਲ ਸਭ ਤੋਂ ਵਧੀਆ ਨਤੀਜੇ ਮਿਲੇ।
- ਸਰੀਰ ਐਕਟਿਵ ਰਹਿਣ ਨਾਲ ਨਾ ਸਿਰਫ ਫਿੱਟਨੈੱਸ ਵਧਦੀ ਹੈ, ਸਗੋਂ ਕਈ ਬਿਮਾਰੀਆਂ ਤੋਂ ਵੀ ਬਚਾਅ ਹੁੰਦਾ ਹੈ।
ਪੈਦਲ ਚਲਣ ਦੇ ਫਾਇਦੇ
ਪੈਦਲ ਚਲਣ ਨਾਲ ਖੂਨ ਦਾ ਪ੍ਰਭਾਹ (Blood Flow) ਸਹੀ ਰਹਿੰਦਾ ਹੈ, ਜਿਸ ਕਾਰਨ ਖ਼ਰਾਬ ਕੋਲੇਸਟਰੋਲ (LDL) ਘੱਟ ਹੁੰਦਾ ਹੈ ਅਤੇ ਵਧੀਆ ਕੋਲੇਸਟਰੋਲ (HDL) ਵਧਦਾ ਹੈ।
ਇਸ ਕਰਕੇ ਤੁਹਾਡਾ ਦਿਲ ਲੰਮੇ ਸਮੇਂ ਤੱਕ ਸਿਹਤਮੰਦ ਰਹਿੰਦਾ ਹੈ।
ਨਿਯਮਿਤ ਤੌਰ ‘ਤੇ ਵਾਕਿੰਗ ਕਰਨ ਨਾਲ ਦਿਲ ਦੀ ਬਿਮਾਰੀ, ਹਾਈ ਬਲੱਡ ਪ੍ਰੈਸ਼ਰ ਅਤੇ ਸਟ੍ਰੋਕ ਦਾ ਖ਼ਤਰਾ ਘੱਟ ਹੁੰਦਾ ਹੈ।
ਰੋਜ਼ਾਨਾ ਘੱਟੋ-ਘੱਟ 10 ਮਿੰਟ ਪੈਦਲ ਚਲੋ, ਜੇਕਰ ਤੁਹਾਡੇ ਕੋਲ ਵਧੇਰੇ ਸਮਾਂ ਹੈ, ਤਾਂ 30 ਮਿੰਟ ਤੱਕ ਚਲਣਾ ਅਤੇ ਵੀ ਫਾਇਦੇਮੰਦ ਹੋ ਸਕਦਾ ਹੈ।
ਇਸ ਨਾਲ ਤੁਹਾਡਾ ਰੋਗ-ਪ੍ਰਤੀਰੋਧਕ ਤੰਤ੍ਰ (Immune System) ਵੀ ਮਜ਼ਬੂਤ ਹੁੰਦਾ ਹੈ।
ਡਾਈਬਟੀਜ਼ ਮਰੀਜ਼ਾਂ ਲਈ ਫਾਇਦੇ
ਜੇਕਰ ਤੁਸੀਂ ਸ਼ੂਗਰ (ਡਾਈਬਟੀਜ਼) ਦੇ ਮਰੀਜ਼ ਹੋ, ਤਾਂ ਵਾਕਿੰਗ ਕਰਨਾ ਤੁਹਾਡਾ ਬਲੱਡ ਸ਼ੂਗਰ ਕੰਟਰੋਲ ਕਰ ਸਕਦਾ ਹੈ।
ਖਾਣ ਪੀਣ ਤੋਂ ਬਾਅਦ ਕੁਝ ਸਮਾਂ ਟਹਿਲਣ ਨਾਲ ਸਰੀਰ ਵਿੱਚ ਇੰਸੁਲਿਨ ਦਾ ਲੈਵਲ ਸਹੀ ਰਹਿੰਦਾ ਹੈ।
ਇਹ ਬਲੱਡ ਸ਼ੂਗਰ ਨੂੰ ਕੰਟਰੋਲ ਵਿੱਚ ਰੱਖਣ ਦਾ ਇੱਕ ਬਹੁਤ ਵਧੀਆ ਤਰੀਕਾ ਮੰਨਿਆ ਜਾਂਦਾ ਹੈ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
