ਕੀ ਪੀਰੀਅਡਸ ਆਉਣ ਤੋਂ ਬਾਅਦ ਪ੍ਰੈਗਨੈਂਟ ਹੋ ਸਕਦੀ ਮਹਿਲਾ? ਜਾਣ ਲਓ ਇਸ ਦਾ ਜਵਾਬ
Pregnant During Periods: ਕੀ ਕੋਈ ਔਰਤ ਮਾਹਵਾਰੀ ਆਉਣ ਤੋਂ ਬਾਅਦ ਵੀ ਗਰਭਵਤੀ ਹੋ ਸਕਦੀ ਹੈ? ਆਓ ਜਾਣਦੇ ਹਾਂ ਇਸ ਸਵਾਲ ਦੀ ਸਹੀ ਜਵਾਬ ਕੀ ਹੈ।
Pregnant During Periods: ''ਮੈਨੂੰ ਤਾਂ ਇਸ ਮਹੀਨੇ ਪੀਰੀਅਡਸ ਆ ਗਏ ਸੀ, ਮੈਂ ਕਿਵੇਂ ਪ੍ਰੈਗਨੈਂਟ ਹੋ ਸਕਦੀ ਹਾਂ'', ਇਹ ਸਵਾਲ ਬਹੁਤ ਸਾਰੀਆਂ ਔਰਤਾਂ ਦੇ ਮਨ ਵਿੱਚ ਉੱਠਦਾ ਹੈ ਜਦੋਂ ਉਹ ਗਰਭ ਅਵਸਥਾ ਦੇ ਲੱਛਣ ਮਹਿਸੂਸ ਕਰਦੀਆਂ ਹਨ, ਪਰ ਹਾਲ ਹੀ ਵਿੱਚ ਉਨ੍ਹਾਂ ਨੂੰ ਮਹਾਂਵਾਰੀ ਆਈ ਹੁੰਦੀ ਹੈ। ਕਈ ਵਾਰ ਔਰਤਾਂ ਇਹ ਸੋਚ ਕੇ ਸੁੱਖ ਦਾ ਸਾਹ ਲੈਂਦੀਆਂ ਹਨ ਕਿ ਉਨ੍ਹਾਂ ਨੂੰ ਪੀਰੀਅਡਸ ਆ ਗਏ, ਤਾਂ ਉਹ ਪ੍ਰੈਗਨੈਂਟ ਨਹੀਂ ਹਨ। ਪਰ ਕੀ ਅਸਲ ਵਿੱਚ ਇਦਾਂ ਹੀ ਹੈ।
ਜਦੋਂ ਕਿਸੇ ਔਰਤ ਨੂੰ ਮਾਹਵਾਰੀ ਆਉਂਦੀ ਹੈ, ਤਾਂ ਇਸਦਾ ਮਤਲਬ ਹੈ ਕਿ ਉਹ ਪ੍ਰੈਗਨੈਂਟ ਨਹੀਂ ਹੈ ਅਤੇ ਬੱਚੇਦਾਨੀ ਦੀ ਪਰਤ ਬਾਹਰ ਨਿਕਲ ਰਹੀ ਹੈ। ਪਰ ਕੁਝ ਮਾਮਲਿਆਂ ਵਿੱਚ, ਮਾਹਵਾਰੀ ਅਤੇ ਗਰਭ ਅਵਸਥਾ ਇੱਕੋ ਸਮੇਂ ਹੋ ਸਕਦੀ ਹੈ, ਜੋ ਔਰਤਾਂ ਨੂੰ ਉਲਝਣ ਵਿੱਚ ਪਾ ਸਕਦੀ ਹੈ।
ਇਮਪਲਾਂਟੇਸ਼ਨ ਬਲੀਡਿੰਗ
ਜਦੋਂ ਉਪਜਾਊ ਅੰਡੇ ਬੱਚੇਦਾਨੀ ਨਾਲ ਜੁੜਦਾ ਹੈ, ਤਾਂ ਹਲਕਾ ਖੂਨ ਨਿਕਲ ਸਕਦਾ ਹੈ। ਬਹੁਤ ਸਾਰੀਆਂ ਔਰਤਾਂ ਇਸਨੂੰ ਮਾਹਵਾਰੀ ਸਮਝ ਲੈਂਦੀਆਂ ਹਨ, ਪਰ ਇਹ ਗਰਭ ਅਵਸਥਾ ਦਾ ਪਹਿਲਾ ਸੰਕੇਤ ਹੈ।
ਹਾਰਮੋਨਲ ਅਸੰਤੁਲਨ
ਕੁਝ ਔਰਤਾਂ ਨੂੰ ਹਾਰਮੋਨਲ ਤਬਦੀਲੀਆਂ ਦੇ ਕਰਕੇ ਵੀ ਗਰਭ ਅਵਸਥਾ ਦੌਰਾਨ ਸਪਾਟਿੰਗ ਜਾਂ ਹਲਕੀ ਬਲੀਡਿੰਗ ਹੋ ਸਕਦੀ ਹੈ। ਇਸ ਨਾਲ ਇਹ ਭਰਮ ਪੈਦਾ ਹੋ ਸਕਦਾ ਹੈ ਕਿ ਉਨ੍ਹਾਂ ਨੂੰ ਮਾਹਵਾਰੀ ਆ ਰਹੀ ਹੈ।
ਓਵੂਲੇਸ਼ਨ ਜਲਦੀ ਜਾਂ ਦੇਰ ਨਾਲ ਹੋਣਾ
ਜੇਕਰ ਕਿਸੇ ਔਰਤ ਦਾ ਓਵੂਲੇਸ਼ਨ ਚੱਕਰ ਅਨਿਯਮਿਤ ਹੈ, ਤਾਂ ਇਹ ਸੰਭਾਵਨਾ ਹੈ ਕਿ ਉਹ ਆਪਣੇ ਉਪਜਾਊ ਦਿਨਾਂ ਦੌਰਾਨ ਸੈਕਸ ਕਰੇ ਅਤੇ ਪ੍ਰੈਗਨੈਂਟ ਹੋ ਜਾਵੇ ਅਤੇ ਫਿਰ ਵੀ ਕਈਆਂ ਨੂੰ ਬਲੀਡਿੰਗ ਹੁੰਦੀ ਹੈ।
ਜੇਕਰ ਤੁਹਾਨੂੰ ਮਾਹਵਾਰੀ ਆਉਣ ਦੇ ਬਾਵਜੂਦ ਗਰਭ ਅਵਸਥਾ ਦਾ ਸ਼ੱਕ ਹੈ ਤਾਂ ਕੀ ਹੋਵੇਗਾ?
ਜੇਕਰ ਤੁਹਾਨੂੰ ਮਾਹਵਾਰੀ ਤੋਂ ਬਾਅਦ ਵੀ ਥਕਾਵਟ, ਮਤਲੀ, ਛਾਤੀ ਵਿੱਚ ਬਦਲਾਅ ਜਾਂ ਮੂਡ ਸਵਿੰਗ ਵਰਗੇ ਲੱਛਣ ਮਹਿਸੂਸ ਹੁੰਦੇ ਹਨ, ਤਾਂ ਤੁਹਾਨੂੰ ਗਰਭ ਅਵਸਥਾ ਦੀ ਜਾਂਚ ਕਰਵਾਉਣੀ ਚਾਹੀਦੀ ਹੈ।
ਕਿਸੇ ਵੀ ਅਸਧਾਰਨ ਬਲੀਡਿੰਗ ਦੇ ਮਾਮਲੇ ਵਿੱਚ ਗਾਇਨੀਕੋਲੋਜਿਸਟ ਨਾਲ ਸਲਾਹ ਕਰਨਾ ਜ਼ਰੂਰੀ ਹੈ।
ਸਿਰਫ਼ ਬਲੀਡਿੰਗ ਨਾਲ ਹੀ ਇਹ ਪੱਕਾ ਨਹੀਂ ਕੀਤਾ ਜਾ ਸਕਦਾ ਕਿ ਤੁਸੀਂ ਗਰਭਵਤੀ ਨਹੀਂ ਹੋ।
ਮਾਹਵਾਰੀ ਅਤੇ ਗਰਭ ਅਵਸਥਾ ਵਿਚਕਾਰ ਸਬੰਧ ਓਨਾ ਸਿੱਧਾ ਨਹੀਂ ਹੈ ਜਿੰਨਾ ਇਹ ਲੱਗਦਾ ਹੈ। ਹਾਂ, ਮਾਹਵਾਰੀ ਆਮ ਤੌਰ 'ਤੇ ਇਹ ਦਰਸਾਉਂਦੀ ਹੈ ਕਿ ਤੁਸੀਂ ਗਰਭਵਤੀ ਨਹੀਂ ਹੋ, ਪਰ ਕੁਝ ਸਥਿਤੀਆਂ ਵਿੱਚ ਇਹ ਗੱਲ ਗਲਤ ਵੀ ਹੋ ਸਕਦੀ ਹੈ। ਇਸ ਲਈ ਜੇਕਰ ਤੁਹਾਨੂੰ ਕੋਈ ਸ਼ੱਕ ਹੈ, ਤਾਂ ਗਰਭ ਅਵਸਥਾ ਦੀ ਜਾਂਚ ਕਰਵਾਉਣਾ ਜਾਂ ਡਾਕਟਰ ਨਾਲ ਸਲਾਹ ਕਰਨਾ ਅਕਲਮੰਦੀ ਦੀ ਗੱਲ ਹੈ। ਆਪਣੇ ਸਰੀਰ ਦੀ ਗੱਲ ਸੁਣੋ, ਅਕਸਰ ਜਵਾਬ ਉਹ ਹੀ ਦਿੰਦਾ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
