World Blood Donor Day: ਜੇ ਸਿਰਫ 1 ਪ੍ਰਤੀਸ਼ਤ ਭਾਰਤੀ ਕਰਨ ਖੂਨਦਾਨ ਤਾਂ ਬਚ ਸਕਦੀਆਂ 30 ਲੱਖ ਜਾਨਾਂ

ਖੂਨਦਾਨ ਨੂੰ ਜ਼ਿੰਦਗੀ ਦਾ ਸਭ ਤੋਂ ਵੱਡਾ ਦਾਨ ਕਿਹਾ ਗਿਆ ਹੈ। ਆਓ ਜਾਣਦੇ ਹਾਂ ਖੂਨ ਦਾਨ ਕਰਨਾ ਮਹੱਤਵਪੂਰਨ ਕਿਉਂ ਹੈ ਤੇ ਇਸ ਦੇ ਕੀ ਫ਼ਾਇਦੇ ਹਨ।

ਨਵੀਂ ਦਿੱਲੀ: ਖੂਨਦਾਨ ਨੂੰ ਜ਼ਿੰਦਗੀ ਦਾ ਸਭ ਤੋਂ ਵੱਡਾ ਦਾਨ ਕਿਹਾ ਗਿਆ ਹੈ। ਆਓ ਜਾਣਦੇ ਹਾਂ ਖੂਨ ਦਾਨ ਕਰਨਾ ਮਹੱਤਵਪੂਰਨ ਕਿਉਂ ਹੈ ਤੇ ਇਸ ਦੇ ਕੀ ਫ਼ਾਇਦੇ ਹਨ।

ਭਾਰਤ ‘ਚ ਹਰ ਸਾਲ 30 ਲੱਖ ਲੋਕ ਖੂਨ ਦੀ ਘਾਟ ਕਾਰਨ ਮਰਦੇ ਹਨ:

ਮੀਡੀਆ ਰਿਪੋਰਟਾਂ ਅਨੁਸਾਰ ਸਿਰਫ ਭਾਰਤ ਵਿੱਚ ਹਰ ਸਾਲ ਲਗਪਗ 30 ਲੱਖ ਲੋਕ ਖੂਨ ਦੀ ਘਾਟ ਕਾਰਨ ਮਰਦੇ ਹਨ। ਜਦਕਿ ਜੇ ਸਿਰਫ ਇੱਕ ਪ੍ਰਤੀਸ਼ਤ ਭਾਰਤੀ ਆਬਾਦੀ ਖੂਨਦਾਨ ਕਰਨਾ ਸ਼ੁਰੂ ਕਰੇ, ਤਾਂ ਇੱਕ ਵੀ ਮੌਤ ਭਾਰਤ ‘ਚ ਨਹੀਂ ਹੋਵੇਗੀ। ਹਾਲਾਂਕਿ ਅਬਾਦੀ ਦੇ ਮਾਮਲੇ ‘ਚ ਅਸੀਂ ਬਹੁਤ ਅੱਗੇ ਹਾਂ, ਪਰ ਖੂਨਦਾਨ ਦੇ ਮਾਮਲੇ ‘ਚ ਭਾਰਤ ਬਹੁਤ ਪਿੱਛੇ ਹੈ। ਇੱਥੋਂ ਤਕ ਕਿ ਸਾਡੇ ਗੁਆਂਢੀ ਦੇਸ਼ ਵੀ ਖੂਨਦਾਨ ਵਿੱਚ ਸਾਡੇ ਤੋਂ ਬਹੁਤ ਅੱਗੇ ਹਨ।

14 ਜੂਨ ਨੂੰ ਮਨਾਇਆ ਜਾਂਦਾ ਹੈ ਵਿਸ਼ਵ ਖੂਨਦਾਨ ਦਿਵਸ: ਵਿਸ਼ਵ ਖੂਨਦਾਨ ਦਿਵਸ ਦੀ ਸ਼ੁਰੂਆਤ 2004 ਵਿੱਚ ਸਿਰਫ ਵਿਸ਼ਵ ਵਿਆਪੀ ਖੂਨ ਦੀ ਕਮੀ ਨਾਲ ਹੋਣ ਵਾਲੀਆਂ ਮੌਤਾਂ ਨੂੰ ਰੋਕਣ ਲਈ ਕੀਤੀ ਗਈ ਸੀ। ਇਸ ਦਾ ਉਦੇਸ਼ ਲੋਕਾਂ ਨੂੰ ਖੂਨਦਾਨ ਬਾਰੇ ਜਾਗਰੂਕ ਕਰਨਾ ਹੈ। ਉਸੇ ਦਿਨ ਪ੍ਰਸਿੱਧ ਵਿਗਿਆਨੀ ਕਾਰਲ ਲੈਂਡਸਟਾਈਨਰ ਜਿਸ ਨੇ ਖੂਨ ਦੇ ਸਮੂਹਾਂ ਬਾਰੇ ਵਿਸ਼ਵ ਨੂੰ ਜਾਣਕਾਰੀ ਦਿੱਤੀ, ਦਾ ਜਨਮ ਵੀ ਹੋਇਆ ਸੀ।

ਖੂਨਦਾਨ ਕਰਨ ਦੇ ਲਾਭ:

ਖੂਨਦਾਨ ਕਰਕੇ ਅਸੀਂ ਨਾ ਸਿਰਫ ਕਿਸੇ ਦੀ ਜਾਨ ਬਚਾ ਸਕਦੇ ਹਾਂ, ਬਲਕਿ ਇਹ ਸਾਡੇ ਸਰੀਰ ਨੂੰ ਵੀ ਬਹੁਤ ਲਾਭ ਪਹੁੰਚਾਉਂਦਾ ਹੈ। ਖੂਨਦਾਨ ਕਰਨ ਨਾਲ ਸਰੀਰ ‘ਚ ਆਇਰਨ ਦੀ ਮਾਤਰਾ ਚੰਗੀ ਰਹਿੰਦੀ ਹੈ। ਖੂਨਦਾਨ ਕਰਨਾ ਦਿਲ ਲਈ ਲਾਭਕਾਰੀ ਮੰਨਿਆ ਜਾਂਦਾ ਹੈ। ਬਹੁਤ ਸਾਰੀਆਂ ਰਿਪੋਰਟਾਂ ਵਿੱਚ ਕਿਹਾ ਗਿਆ ਹੈ ਕਿ ਖੂਨ ਦਾਨ ਕਰਨ ਨਾਲ ਦਿਲ ਨਾਲ ਜੁੜੀਆਂ ਕਈ ਬਿਮਾਰੀਆਂ ਦੂਰ ਹੋ ਜਾਂਦੀਆਂ ਹਨ।

ਖੂਨ ਦਾਨ ਕਰਨ ਨਾਲ ਨਿਯਮਿਤ ਤੌਰ 'ਤੇ ਕੈਂਸਰ ਵਰਗੀ ਬਿਮਾਰੀ ਦਾ ਖ਼ਤਰਾ ਵੀ ਖਤਮ ਹੁੰਦਾ ਹੈ। ਖੂਨਦਾਨ ਕਰਕੇ ਤੁਸੀਂ ਆਪਣਾ ਭਾਰ ਵੀ ਘਟਾ ਸਕਦੇ ਹੋ। ਹਾਲਾਂਕਿ ਇਸ ਦਾ ਇਹ ਮਤਲਬ ਨਹੀਂ ਕਿ ਤੁਹਾਨੂੰ ਕਦੇ ਵੀ ਖੂਨਦਾਨ ਕਰਨਾ ਚਾਹੀਦਾ। ਇਹ ਤਿੰਨ ਮਹੀਨਿਆਂ ਵਿੱਚ ਸਿਰਫ ਇੱਕ ਵਾਰ ਕੀਤਾ ਜਾਣਾ ਚਾਹੀਦਾ ਹੈ। ਖੂਨਦਾਨ ਕਰਨਾ ਮਾਨਸਿਕ ਦਬਾਅ ਤੋਂ ਵੀ ਰਾਹਤ ਦਿੰਦਾ ਹੈ। ਇਹ ਇਮਿਊਨ ਸਿਸਟਮ ਨੂੰ ਵੀ ਮਜ਼ਬੂਤ ਬਣਾਉਂਦਾ ਹੈ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ