ਪੰਜਾਬੀਆਂ ਦਾ ਇਹ ਖਾਣਾ ਦੁਨੀਆ ਦੇ ਸਭ ਤੋਂ ਭੈੜਿਆਂ ਦੀ ਸੂਚੀ 'ਚ ਹੋਇਆ ਸ਼ਾਮਲ, ਹਰ ਕੋਈ ਰਹਿ ਗਿਆ ਹੈਰਾਨ !
ਇਹ ਸੂਚੀ ਜਨਵਰੀ 2025 ਵਿੱਚ ਜਾਰੀ ਕੀਤੀ ਗਈ ਸੀ, ਜਿਸ ਵਿੱਚ ਮਿਸੀ ਰੋਟੀ ਨੂੰ 100 ਸਭ ਤੋਂ ਮਾੜੇ ਦਰਜੇ ਵਾਲੇ ਪਕਵਾਨਾਂ ਵਿੱਚੋਂ 56ਵਾਂ ਸਥਾਨ ਦਿੱਤਾ ਗਿਆ ਸੀ। ਇਸ ਸੂਚੀ ਵਿੱਚ ਇਹ ਇੱਕੋ ਇੱਕ ਭਾਰਤੀ ਪਕਵਾਨ ਹੈ ਤੇ ਭਾਰਤ ਦੇ ਲੋਕ ਇਸ ਉੱਤੇ ਇੰਟਰਨੈੱਟ 'ਤੇ ਆਪਣਾ ਗੁੱਸਾ ਜ਼ਾਹਰ ਕਰ ਰਹੇ ਹਨ।
Missi Roti: ਇੱਕ ਰਵਾਇਤੀ ਭਾਰਤੀ ਭੋਜਨ ਪਦਾਰਥ ਜੋ ਸੁਆਦ ਅਤੇ ਪੋਸ਼ਣ ਨਾਲ ਭਰਪੂਰ ਹੈ, ਨੂੰ ਦੁਨੀਆ ਦੇ ਸਭ ਤੋਂ ਭੈੜੇ ਭੋਜਨਾਂ ਦੀ ਸੂਚੀ ਵਿੱਚ ਸ਼ਾਮਲ ਕੀਤਾ ਗਿਆ ਹੈ ਜਿਸ ਭਾਰਤੀ ਭੋਜਨ ਨੂੰ ਬੁਰਾ ਮੰਨਿਆ ਜਾ ਰਿਹਾ ਹੈ, ਉਹ ਭਾਰਤ ਦੇ ਕਈ ਹਿੱਸਿਆਂ ਵਿੱਚ ਬਹੁਤ ਸਾਰੇ ਲੋਕਾਂ ਨੂੰ ਪਸੰਦ ਹੈ।
ਦਰਅਸਲ, ਭਾਰਤ ਦੀ ਮਿਸੀ ਰੋਟੀ (missi roti) ਨੂੰ ਦੁਨੀਆ ਦੇ ਸਭ ਤੋਂ ਭੈੜੇ ਪਕਵਾਨਾਂ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਇਸ ਕਾਰਨ, ਇੰਟਰਨੈੱਟ 'ਤੇ ਇੱਕ ਵੱਡਾ ਵਰਗ ਵੀ ਨਾਰਾਜ਼ ਹੈ। ਮਿਸੀ ਰੋਟੀ, ਜੋ ਕਿ ਪੋਸ਼ਣ ਨਾਲ ਭਰਪੂਰ ਹੈ ਅਤੇ ਇੱਕ ਸੁਪਰਫੂਡ ਮੰਨਿਆ ਜਾਂਦਾ ਹੈ। ਇਸਨੂੰ Taste Atlas ਦੁਆਰਾ ਜਾਰੀ 'ਦੁਨੀਆ ਦੇ ਸਭ ਤੋਂ ਭੈੜੇ ਪਕਵਾਨਾਂ' ਦੀ ਸੂਚੀ ਵਿੱਚ ਸ਼ਾਮਲ ਕੀਤਾ ਗਿਆ ਹੈ।
ਇਹ ਸੂਚੀ ਜਨਵਰੀ 2025 ਵਿੱਚ ਜਾਰੀ ਕੀਤੀ ਗਈ ਸੀ, ਜਿਸ ਵਿੱਚ ਮਿਸੀ ਰੋਟੀ ਨੂੰ 100 ਸਭ ਤੋਂ ਮਾੜੇ ਦਰਜੇ ਵਾਲੇ ਪਕਵਾਨਾਂ ਵਿੱਚੋਂ 56ਵਾਂ ਸਥਾਨ ਦਿੱਤਾ ਗਿਆ ਸੀ। ਇਸ ਸੂਚੀ ਵਿੱਚ ਇਹ ਇੱਕੋ ਇੱਕ ਭਾਰਤੀ ਪਕਵਾਨ ਹੈ ਤੇ ਭਾਰਤ ਦੇ ਲੋਕ ਇਸ ਉੱਤੇ ਇੰਟਰਨੈੱਟ 'ਤੇ ਆਪਣਾ ਗੁੱਸਾ ਜ਼ਾਹਰ ਕਰ ਰਹੇ ਹਨ।
ਪੰਜਾਬ ਦੀ ਰਵਾਇਤੀ ਮਿਸੀ ਰੋਟੀ ਛੋਲਿਆਂ ਦੇ ਆਟੇ, ਮਸਾਲਿਆਂ ਤੇ ਸਬਜ਼ੀਆਂ ਨਾਲ ਤਿਆਰ ਕੀਤੀ ਜਾਂਦੀ ਹੈ। ਇਹ ਗਲੂਟਨ-ਮੁਕਤ ਹੈ। ਇਸਨੂੰ ਪੋਸ਼ਣ ਭਰਪੂਰ ਅਤੇ ਸਿਹਤਮੰਦ ਮੰਨਿਆ ਜਾਂਦਾ ਹੈ। Taste Atlas ਦੀ ਇਸ ਸੂਚੀ ਵਿੱਚ, ਮਿਸੀ ਰੋਟੀ ਨੂੰ ਜੈਲੀਡ ਈਲਜ਼, ਫਰੌਗ ਆਈ ਸਲਾਦ, ਡੇਵਿਲਡ ਕਿਡਨੀਜ਼ ਤੇ ਬਲੱਡ ਡੰਪਲਿੰਗ ਵਰਗੇ ਅਜੀਬ ਪਕਵਾਨਾਂ ਦੇ ਨਾਲ ਰੱਖਿਆ ਗਿਆ ਸੀ। ਸੋਸ਼ਲ ਮੀਡੀਆ 'ਤੇ ਇਸ 'ਤੇ ਤਿੱਖੀਆਂ ਪ੍ਰਤੀਕਿਰਿਆਵਾਂ ਆਈਆਂ।
ਰੈੱਡਿਟ 'ਤੇ ਇੱਕ ਪੋਸਟ ਵਿੱਚ ਕਿਹਾ ਗਿਆ ਹੈ ਕਿ ਮਿਸੀ ਰੋਟੀ ਨੂੰ ਦੁਨੀਆ ਦੇ ਸਭ ਤੋਂ ਭੈੜੇ ਪਕਵਾਨਾਂ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਅਸੀਂ ਇਸਦਾ ਵਿਰੋਧ ਕਰਾਂਗੇ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ ਕਿ ਅਜਿਹਾ ਲੱਗਦਾ ਹੈ ਕਿ ਉਨ੍ਹਾਂ ਨੇ ਇੱਕ ਭਾਰਤੀ ਪਕਵਾਨ ਨੂੰ ਸਿਰਫ਼ ਇਹ ਸਾਬਤ ਕਰਨ ਲਈ ਸ਼ਾਮਲ ਕੀਤਾ ਹੈ ਕਿ ਹਰ ਭਾਰਤੀ ਪਕਵਾਨ ਇੱਕ ਮਾਸਟਰਪੀਸ ਨਹੀਂ ਹੁੰਦਾ।
ਸੋਸ਼ਲ ਮੀਡੀਆ 'ਤੇ ਲੋਕਾਂ ਨੇ ਟੇਸਟ ਐਟਲਸ ਦੀ ਚੋਣ 'ਤੇ ਸਵਾਲ ਉਠਾਏ। ਲੋਕਾਂ ਨੇ ਕਿਹਾ ਕਿ ਹਰ ਕਿਸੇ ਦਾ ਸਵਾਦ ਵੱਖਰਾ ਹੁੰਦਾ ਹੈ ਪਰ ਇਸ ਸੂਚੀ ਵਿੱਚ ਮਿਸੀ ਰੋਟੀ ਵਰਗੀ ਡਿਸ਼ ਨੂੰ ਸ਼ਾਮਲ ਕਰਨਾ ਗਲਤ ਹੈ। ਜੇ ਉਨ੍ਹਾਂ ਨੇ ਕੁਝ ਰੱਖਣਾ ਹੀ ਸੀ ਤਾਂ ਉਨ੍ਹਾਂ ਨੂੰ ਬੈਂਗਣ ਜਾਂ ਕਰੇਲੇ ਦੀ ਸਬਜ਼ੀ ਰੱਖਣੀ ਚਾਹੀਦੀ ਸੀ, ਮਿਸੀ ਰੋਟੀ ਕਿਉਂ?
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
