DA Hike: ਹੁਣ ਇਕ ਹੋਰ ਸੂਬਾ ਸਰਕਾਰ ਨੇ ਮਹਿੰਗਾਈ ਭੱਤਾ 17% ਤੋਂ 28% ਕੀਤਾ, 1 ਜੁਲਾਈ ਤੋਂ ਹੀ ਹੋਵੇਗਾ ਪ੍ਰਭਾਵੀ 

ਕੇਂਦਰ ਤੋਂ ਬਾਅਦ ਪਹਿਲਾਂ ਰਾਜਸਥਾਨ ਦੀ ਅਸ਼ੋਕ ਗਹਿਲੋਤ ਸਰਕਾਰ ਨੇ ਤੇ ਹੁਣ ਝਾਰਖੰਡ ਦੀ ਹੇਮੰਤ ਸੋਰੇਨ ਸਰਕਾਰ ਨੇ ਵੀ ਮੰਗਲਵਾਰ ਨੂੰ ਰਾਜ ਦੇ ਕਰਮਚਾਰੀਆਂ ਦਾ ਮਹਿੰਗਾਈ ਭੱਤਾ ਵਧਾਉਣ ਦਾ ਐਲਾਨ ਕੀਤਾ ਹੈ।

MONEY

ਕੇਂਦਰ ਵੱਲੋਂ ਮਹਿੰਗਾਈ ਭੱਤੇ ਵਧਾਉਣ ਦੀ ਤਾਜ਼ਾ ਘੋਸ਼ਣਾ ਤੋਂ ਬਾਅਦ ਹੁਣ ਕਈ ਰਾਜ ਸਰਕਾਰਾਂ ਨੇ ਆਪਣੇ ਕਰਮਚਾਰੀਆਂ ਅਤੇ ਪੈਨਸ਼ਨਰਾਂ ਦਾ ਡੀਏ ਵਧਾਉਣ ਦਾ ਫੈਸਲਾ ਵੀ ਕੀਤਾ ਹੈ। ਕੇਂਦਰ ਤੋਂ ਬਾਅਦ ਪਹਿਲਾਂ ਰਾਜਸਥਾਨ ਦੀ ਅਸ਼ੋਕ ਗਹਿਲੋਤ ਸਰਕਾਰ ਨੇ ਤੇ ਹੁਣ ਝਾਰਖੰਡ ਦੀ ਹੇਮੰਤ ਸੋਰੇਨ ਸਰਕਾਰ ਨੇ ਵੀ ਮੰਗਲਵਾਰ ਨੂੰ ਰਾਜ ਦੇ ਕਰਮਚਾਰੀਆਂ ਦਾ ਮਹਿੰਗਾਈ ਭੱਤਾ ਵਧਾਉਣ ਦਾ ਐਲਾਨ ਕੀਤਾ ਹੈ।

 

ਝਾਰਖੰਡ ਸਰਕਾਰ ਨੇ ਆਪਣੇ ਕਰਮਚਾਰੀਆਂ ਅਤੇ ਪੈਨਸ਼ਨਰਾਂ ਦਾ ਮਹਿੰਗਾਈ ਭੱਤਾ ਹੁਣ 17 ਪ੍ਰਤੀਸ਼ਤ ਤੋਂ ਵਧਾ ਕੇ 28 ਪ੍ਰਤੀਸ਼ਤ ਕਰ ਦਿੱਤਾ ਹੈ ਅਤੇ ਇਸ ਨੂੰ 1 ਜੁਲਾਈ 2021 ਤੋਂ ਲਾਗੂ ਮੰਨਿਆ ਜਾਵੇਗਾ।

 

 

ਲੰਬੇ ਇੰਤਜ਼ਾਰ ਤੋਂ ਬਾਅਦ ਹੁਣ ਕੇਂਦਰੀ ਕਰਮਚਾਰੀਆਂ ਨੂੰ 1 ਜੁਲਾਈ ਤੋਂ ਮੁੱਢਲੀ ਤਨਖਾਹ ਦਾ 28% ਮਹਿੰਗਾਈ ਭੱਤਾ (DA Hike) ਮਿਲੇਗਾ। ਕੇਂਦਰ ਸਰਕਾਰ ਨੇ ਇਸ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਸਦੇ ਨਾਲ ਹੀ ਕਰਮਚਾਰੀਆਂ ਦਾ HRA ਵੀ ਵਧਿਆ ਹੈ। ਯਾਨੀ ਸਤੰਬਰ ਦੀ ਕਰਮਚਾਰੀਆਂ ਦੀ ਤਨਖਾਹ ਹੁਣ ਡਬਲ ਗੱਫੇ ਨਾਲ ਆਵੇਗੀ।

 

DA ਦੇ ਨਾਲ HRA ਵੀ ਵਧਿਆ
ਵਧ ਰਹੇ ਮਹਿੰਗਾਈ ਭੱਤੇ ਦੇ ਨਾਲ, ਸਰਕਾਰ ਨੇ ਕੇਂਦਰੀ ਕਰਮਚਾਰੀਆਂ ਦੇ ਹਾਊਸ ਰੈਂਟ ਅਲਾਉਂਸ (HRA) ਵਧਾਉਣ ਦੇ ਆਦੇਸ਼ ਵੀ ਦਿੱਤੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਨਿਯਮਾਂ ਦੇ ਅਨੁਸਾਰ, ਐਚਆਰਏ ਵਿੱਚ ਵਾਧਾ ਕੀਤਾ ਗਿਆ ਹੈ ਕਿਉਂਕਿ ਮਹਿੰਗਾਈ ਭੱਤਾ 25% ਤੋਂ ਵੱਧ ਗਿਆ ਹੈ। ਇਸ ਲਈ ਕੇਂਦਰ ਸਰਕਾਰ ਨੇ ਮਕਾਨ ਕਿਰਾਇਆ ਭੱਤਾ ਵੀ ਵਧਾ ਕੇ 27% ਕਰ ਦਿੱਤਾ ਹੈ।

 

ਦਰਅਸਲ, ਖਰਚਾ ਵਿਭਾਗ ਨੇ 7 ਜੁਲਾਈ, 2017 ਨੂੰ ਇਕ ਆਦੇਸ਼ ਜਾਰੀ ਕੀਤਾ ਸੀ, ਜਿਸ ਵਿੱਚ ਕਿਹਾ ਗਿਆ ਸੀ ਕਿ ਮਹਿੰਗਾਈ ਭੱਤਾ 25% ਤੋਂ ਵੱਧ ਹੋ ਜਾਵੇਗਾ। ਇਸ ਲਈ ਹਾਊਸ HRA ਵਿੱਚ ਸੋਧ ਕੀਤੀ ਜਾਏਗੀ। 1 ਜੁਲਾਈ ਤੋਂ, ਮਹਿੰਗਾਈ ਭੱਤਾ 28% ਹੋ ਗਿਆ ਹੈ, ਇਸ ਲਈ HRA ਨੂੰ ਵੀ ਸੋਧਣਾ ਜ਼ਰੂਰੀ ਹੈ।

 

ਸ਼ਹਿਰਾਂ ਅਨੁਸਾਰ HRA ਵਧੇਗਾ

ਸਰਕਾਰ ਦੇ ਆਦੇਸ਼ ਅਨੁਸਾਰ HRA ਨੂੰ ਤਿੰਨ ਸ਼ਹਿਰਾਂ ਵਿੱਚ ਵੰਡਿਆ ਗਿਆ ਹੈ - X, Y ਤੇ Z ਹੈ।  ਰਿਵੀਜ਼ਨ ਤੋਂ ਬਾਅਦ, X ਸ਼੍ਰੇਣੀ ਸ਼ਹਿਰਾਂ ਲਈ HRA ਮੁੱਢਲੀ ਤਨਖਾਹ ਦਾ 27% ਹੋਵੇਗਾ, ਇਸੇ ਤਰ੍ਹਾਂ Y ਸ਼੍ਰੇਣੀ ਦੇ ਸ਼ਹਿਰਾਂ ਲਈ ਐਚ.ਆਰ.ਏ ਮੁੱਢਲੀ ਤਨਖਾਹ ਦਾ 18% ਹੋਵੇਗਾ, ਪਰ ਜ਼ੈੱਡ ਸ਼੍ਰੇਣੀ ਦੇ ਸ਼ਹਿਰਾਂ ਲਈ ਇਹ ਮੁੱਢਲੀ ਤਨਖਾਹ ਦਾ 9% ਹੋਵੇਗਾ।